حابة اسجل في قاموس قلبي عبارات رومانسية ... فهل من مجيب؟.

[عذابه وعشقي]

السلام عليكم ورحمة الله وبركاته ،،،

اول طلب لي وكلي ثقي في تفاعلن يالغاليات .

حبيباتي ...
... حابة ادلع زوجي بسحر الكلمة ،، ودي احبب زوجي فيني :icon26: ،، دوم يعايرني اني ما اعرف اتكلم ،،، ويقولي اتعلمي من امي:shutup: ،،، غناتي اعتبريني ولدج ودلليني ،:in_love: ،، وحسسيني بحبج لي ،،،

حابة اتعلم مفردات رومانسية وعبارات عاطفية :icon26: تقولها الزوجة لزوجها في جميع الاوقات والاحوال،،،ودي اتقن فن الحوار ،،،

اريد عبارات فقط وعبارات ،،، فهل من مجيبة وجزاها الله عني وعن كل وحدة بتقرا الموضوع ووحدة بتستفيد الف خير:bigsmile: ..[/CENTER​

​

​

]​

 

[some1]

ان شاءالله تجدين طلبك عند اصحاب الخبرة حبيبتي

 

[ملكة الشوق]

كوني ذكية وسوي مثل ما قالج أتعلمي من أمي )!! ..
يعني انتي لو عندج ولد شو بتنادينه حبيبي صح وألا لا ؟!
دايما ناديه بالاسماء اللي يحبها او اللي انتي تحبينها
مثل: حبيبي - حياتي - عمري - غناتي - بعد قلبي - عيوني
وبالنسبة للوقت اللي بتقولين فيها الكلمات مثل تبين تكلمينه في موضوع او تسألينه عن شي مثلا :قولي حبيبي وين بتوديني اليوم ؟ او حياتي تعالي نتابع فليم حلو في التلفزيون بهالطريقة
فالبداية لانج مب متعودة بتحسين نفسج كأنج تمثلين .. ومع الوقت بتطلع الكلمات بروحه
لان لسانج بياخذ عليها ..
وحاولي عالاقل في اليوم تبعثين لو مسج واحد .. ياه تكتبين شعر او تعبرين عن شي بداخلج
مثل حبيبي تصدق يوم تطلع عني احس بالوحدة واحس اني مشتاقتلك كأني مب شايفتتنك من زمااان)
أو لو حتى تكتبين كلميتين او ثلاث مثل حياتي مالها معنى بدونك ) او حتى (أحبك)أو(انته روحي)
لا تحرمين زوجج من هالشي البسيط .. صديقيني الرياييل يبالهم دقه عشان يدورون بديل
وإذا حابة اي مساعدة ثانية او اي شي نحنا في الخدمة .. أبعثيلي عالخاص وفالج طيب

 

[عذابه وعشقي]

اختي some1 شكرا على المرور الغالية .
------

اختي ملكة الشوق : شكرا شكرا شكرا ،، فعلا احسج افدتيني.. جزاك الله الف خير ،،، ان شاء الله اطبق نصائحج ،،،،

 

[قلب حر]

حبيبتي ..بكل بساطة دقي له تحية وقولي اهلا سيدي ..اهلا حضرة الضابط ........(امزح )
اتوقع اللي يخليك تتكلمين بدون ماتفكرين ..انك تتأملين فيه كثيييييييييير ..وتذكرين نفسك بإيجابياته ..وكيف لو ما كان هو زوجك _من غير شر_
بصراحة رائع _ماشاء الله _ ان زوجك يطلب منك ويقول اللي يحتاجه ..البعض يذهب للبحث عن البديل ..
اذا حسيت ان زوجك مميز ويحبك ومايدور غيرك راح تنطقين بأحلى العبارات ..وراح تطلع من القلب
ترى الازواج المخلصين نادرين بالهزمن ..
فحافظي على زوجك
الله يوفقكم ويسعدكم

 

[عذابه وعشقي]

حبيبتي قلب حر :: : الله يقطع بليسج والله فطستيني من الضحك.

ترى ريلي ( ضااااااااااااااابط




الساعـــــــــــــة ) ههههههههه

وبالنسبة لكلامج /// مشكورة الغالية على النصيحة ،،،

وعلى فكرة ريلي مثل بعض الرياييل يحب يدور برا ،،،، ما هي غريبة !!!!!!!!!!!! الله يهديي لي وما يخليه يشوف ن نساء الدنيا غيري ( آميييييييييييييييييييييييين )
يالله الله المستعان ( مشكلة الريال ما يملى عينه غير التراب )

 

[همس طفلة]

الله يسخرك لزوجك

ويخلي لسانك كله كلام زي عسل

 

[الورده الشرقيه]

موضوع قديم
يمنع رفع المواضيع القديمه
يغلق​