حابة استشارتكم وكلي أمل ؟!؟!؟

[ما تميزني القاب]

اسعد الله اوقاتكم ، دائما متابعة للمنتدى العظيم بس لسوء الحظ ما بلاقي وقت اتواصل معاكم ...

إن شاء الله بالايام الجاي رح اتواصل وكلي محبه وإحترام في مشاركتكم في هذا المنتدى الهادف والرائع
بروعتكم ...
​

انا فتاة احببت شابا وهو كذلك المشكله كان كثييييير يصير بينا مشاكل منها انه كثييير بغار وشكاك بحجة انه بخاف علي كانت علاقتنا كثير حلوه بس مره بلشت اشوف غيرته وشكوكه كنت دائما انتبه عليه وافهمله بس ما احكيلوا اني فاهمه عليه كنت اضايق يتعامله معي بدون ثقة وانا عندي ثقة بنفسي واغلب اوقاتي اشغل تلفوني او اغلقه وما ارد عليه وكثيير هالاشي يصير مني بس ما بنكر اني كنت استفزه بدون قصد على تصرفاتي واي شي يصير معي احكيله اياه كنت شايفته صديق مو حبيب بس القصة انقلب علي وتغيير بتعامله معي بشكوكه وظنونه بحجة انه بخاف علي وانا اعانده واعمل أي شي ما بدو اياه مو شان شي بس ليعرف انه هاي شخصيتي ما بحب حد يفرض اوامره علي مين ما يكون غير اهلي ، بس علاقتنا ساءت بكثيييييير وكنا نبعد بس يواجهني بجرح وكنت اسكت واطنش وجواتي اكتم بس مرات اكثير كنت اضعف معاه واحتاجه وما بنكر ،،، ومرات اكثير اعطي لنفسي قرار اني اتركه وبالفعل يصيير واتركه والمبادره اغلبها كانت مني وانا طبعي عنيده بحب المزح والحياة هو عكسي انسان طيب حنون رومانسي وحساس كثيييييير بس غامض بعطي اوامر وما بناقش اذا اضايق مني بشي ما بحكي بحبس جواته وبردله اياه باي جرح ممكن شوي شوي بلشت افهمه واتعامل معاه واغير من نفسي بعد ما صرت اتابع مواضيعكم وافهم الحياة وطبيعة الشاب والبنات وليه هيك يصير بصراحة كثثيير تغير تعامله معي وما بنكر اني يمكن نص سبب تغيير من تعاملي معاه المشكله انه هو اول شاب بحياتي حبيته بصدق بس ما بقدر اعبر جواتي ما عندي جرأة والخجل بسيطر علي واذا كابرت بكابر كثير بطريقة ممكن اجرحه بكلام مني بدون قصد ....

مثل امبارح قلي اتفضلي اشربي قهوة قلتله بدي اياها حلوه مثلي فكرني بحكي عنه يعني بغازله بس لما قلتله قصدت عن حالي سكت يعني بالمختصر كنت قاصده عنه بس ما تجرات اقوله اياه وع سيرة القهوة انا بحبها ساده كنت دايما احسه بدو اياني احبها حلوه مثله بس هالاشي اذواق ما فيو يجبرني احبها حلوه لمجرد هو بحبها وبرغم هيك بلشت احبها حلوه ...

سؤالي : برايكم شو نمط شخصيته وكيف استراتيجية التعامل معاه بصراحه الفترة عقلي مشوش ومشاعري ما بقدر اغلب الاوقات اعبر عنها بحسها مبعثره ....

كل امل انكم تنصحوني لأني ما حابه اخسره وانا متاكده انه بحبني بس فاقده اسلوب التعامل ...

وتحيتي وكل الأحترام للجميع ...
​

 

[معلمتـ روضهـ]

اشلون هو حبيبك يعني خطيبك؟؟​

 

[sesebombom]

الواضح انه مافي رابط رسمي بينكم اختي ازا الرجل دخل بدوامت الشك والغيره راح تنقلب حياتك جحيم
الظاهر انك قرفتي الوضع ومستغنيه عنه
اما بالنسبه للمغازله كل رجل بحب انه المرأه تجامله وتضحك عليه يعني لو بشع لازم تحكيله انت ملك جمال نوع من المجامله
اما انك تغيري حياتك كلها حتى ترضيه فما انصحك تستمري معه

 

[ما تميزني القاب]

بشكركم على المبادره والمداخلات انا ما قصدت اغير من شخصيتي او حياتي هالاشي عارفته انا قاصده الطريقة للتعامل معاه كثييير بحس بخوف بخجل وما عندي الجرأة التعامل معاه والسبب بشكوكه وغيرته انا السبب فيها وغير اني بنت حلوه وهالاشي هو الدافع لغيرته وشكوكه بالمختصر المشاكل اثرت على الحب اللي جمعنا انا ما حابه اخسره ومتفقين ع الارتباط بس المشكله بالمشاكل وطريقة تعاملي معاه واقرب مثال اذا مره اتصلت عليه ببلشها بتوتر وبساله بجي ع بالك وليه ما بتتصلي علي بتسال عني ما حابه اكون ثقيلة دم باتصالي وهالكلمتين معلقات بلساني كل ما بحكي معاه مشان اطلع حالي من الحرج لما بتصل عليه وهالاشي بعد ما بلشت المشاكل تحل عنا شوي وبلش يرجع زي ما كان .​