السلام عليكم ورحمة الله وبركاتة
انا عندي مشكلة مأرقتني ارجوا منك يا ام منصور مساعدتي في اقرب وقت ممكن الله يسعدك
مشكلتي ..
انا عمري 20 سنة وعندي صديقة دراساتي عمرها 19 سنة نحن صحبات من 5 سنين وشوية والحمد لله عمروا ما حصل بيننا مشاكل ابدا واسرارها كلها عندي وما اتوقع ابدا انو ممكن اعيش بدونها وهيا كمان
المهم انا وهي سجلنا نفس القسم في الجامعة وقبل 3 شهور اتزوجت والان هي حامل المهم قبل زواجها كانت مسجلة في منتدى وكانت تعمل مترجمة انمي طبعا هيا تبع فريق لترجمة وكان هناك شخص تتعامل معاه في التنسيق ورفع الترجمة وما الى ذالك وبعد كدا اعطتوا الاميل حقها واخد ايميلها ليسهل التعامل بينهم طبعا كانت يوميا تكلموا بالماسنجر وكان الكلام بينهم جدا محترم كان دائما يناديها اختي فلانة
هوا عرف عنها كل شي وهي كذالك لدرجة انوا خلتوا يسجلها بالنت في الجامعة طبعا هيا بدات تحبوا بس ابدا ما اظهرتلوا
وبعد سنة اتخطبت وقالتلوا قالها الله يوفقك وانت بنت حلال وتستاهلي وزي كدا بعدين بدأ يلمحلها بأنه يرغب يتزوجها بطريقة غير مباشرة بعدين كتبت كتابها وخطيبها ما يهتم فيها كتير ما يدق عليها مثلا غير مرة في الاسبوع ما يظهرلها رومنسية كتير و ما كانت تحبوا وطبعا كانت تقول لداك اشخص الي تحسوا من خطيبها بعد كدا قلها انا ابغا اخطبك واتزوجك وكلم اهلوا وما وافقوا وقطعوه (هوا يدرس برى)لأنوا قلهم انها خاطبة طبعا هيا تحبو وتبغاه واعطتوا رقم امها ورقمها عشان يخطبها وكلمت امها في الموضوع امها جدا اتفاجأت وتعبت وقالتلها انها ما تحب خطيبها وكذا امها قالت هاتي رقمو اكلموا بس ما رد عليها وقال للصحبتي انوا ما يقدر يرد على امها الين ما يرضوا اهلو ويوافقوا وقلها كملي حياتك طبيعية مع خطيبك اذا كان ليا خير فيك ونصيب حأخذك واذا لا فخلاص طبعا ما حصل نصيب بينها وبينوا وسار بعدكدا يرسل صوروا (اول كان ما يرسل صوروا ابدا وكان يقول لأخوا صحبتي الصغير انوا ما يرسل لأحد صوروا لناس الي على النت)انقطعت العلاقة بس يسأل عنها في المنتدى ويسأل اختها واخوها وبعد كدا انتهت العلاقة
وخطيبها مهندس كمبيوتر فقبل ما تتزوج فرمتت كمبيوترها عشان ما يعرف شي عن ماضيها
طلع زوجها مرررررررررة غيووووور وقلها سيبي الترجمة انا انقهر لمن اشوف ردود الاعضاء الي يشكروكي تركت فريق الترجمة
وقريب كنت اتكلم معاها في الماسنجر وكنت فاتحة المنتدى فشفت هادا الشخص في المنتدى وقلتلها يا فلانة انا شايفة دا الشخص في المنتدى وكمان مافي غيري وغيرو في القسم الي انا داخلتوا قالتلي غريبة يدخل في دا الوقت وبعدين اذا جا زوجي اعطيك اشارة تنبية وبعدين دخلت بعضوية جديدة ما يعرفها زوجها لأن ما يبغاها تدخل لموقع وشافتوا ودخلت على ملفوا الشخصي وقلتلها عرفت عضويتك وسرت امزح معاهاوبعدين سألتها هل ما زال يكلم اخوانها ويسألهم عنها قالتلي لا قلتلها هل لي علاقة بوحدة نعرفها في المنتدى قالتلي بس سألها عني لمن كنت في شهر العسل
بس وانتهت المحادثة وبعدها نسيت تمسح المحادثة وشافها زوجها واخدها ووداها بيت اهلها وفهم الحكاية اني انا معرفتها عليه واني انا بنت مني كويسة وسبني سبة عمري احد في حياتي ما سبني هيا في حياتي وراحوا وحوروا له الموضوع وقالولوا انه هادا كان خطيبها طبعا هوا يبغى موت من القهر مو متحمل والمسأله كانت قريبة من الطلاق وكان يقول لأمها اذا رجعتها صحبتها هادي لا تجيها ولا ترحلها طبعا امها تحاول تحسن صورتي قداموا بعد كم مرة من الكلام معاه ما سار يجيب سيرتي خلاص وانا خايفة يقطعني من صحبتي ويشوهلي سمعتي لأنوا هوا ما زال ينغبر في الموضوع مو مقتنع تمام وما يبغاها تدخل الكمبيوتر في البيت
الان هوا حيرجعها خلاص وماما تقلي الا تقولي لأبوك عشان يكون عارف ما يوصلوا الكلام من برى وينصدم او يدق عليه الرجال ويقلوا وانا بصراحة ما ابغا اقول لبابا لأني اذا قلتلي اولا حيهزأني ويزعل عليا واحسوا حيراقبني في النت وانا ما اتحمل انوا احد يشك فيا خاصة بابا وماما ما ادري ايش اعمل الموضوع مرررة صعب وانا اقول لماما خلاص البنت رجعت لزوجها ما اتوقع يسير كدا وماما تقلي بكيفك بس انا شايفة انو ابوك لازم يعرف
مع العلم اني الحمد لله بنت محافظة وحافظة القران وكنت دايما انصح صحبتي على الدش الين ما تركتوا وخرجتوا من بيت اهلها لأنها هيا الي دخلتوا وخليتها تترك الاغاني وكنت دائما انصحها تترك داك الولد الي نتعرفت علية واحاول احببها بخطيبها واقنعها بيه ووقفت معاها وقفات جامدة وامها من فصله عن ابوها وابوها ابدا مهوا كفؤ ولو عرف انها مثلا اطلقت من زوجها يتشمت فيها
وصحبتي هادي متعلقة فيا جدا وتقول لأمها اطلق ولا انفصل عن اعز صحباتي وهيا ما رجعتلوا الى لأنها حامل
مع العلم انو يحبها وعمروا ما اساها على كلامها
اسفة على الكلام الكتير والتفاصيل بس انا كنت ابغا اوضحلك المشكلة مزبوووط انا عندي مشكلة مأرقتني ارجوا منك يا ام منصور مساعدتي في اقرب وقت ممكن الله يسعدك
مشكلتي ..
انا عمري 20 سنة وعندي صديقة دراساتي عمرها 19 سنة نحن صحبات من 5 سنين وشوية والحمد لله عمروا ما حصل بيننا مشاكل ابدا واسرارها كلها عندي وما اتوقع ابدا انو ممكن اعيش بدونها وهيا كمان
المهم انا وهي سجلنا نفس القسم في الجامعة وقبل 3 شهور اتزوجت والان هي حامل المهم قبل زواجها كانت مسجلة في منتدى وكانت تعمل مترجمة انمي طبعا هيا تبع فريق لترجمة وكان هناك شخص تتعامل معاه في التنسيق ورفع الترجمة وما الى ذالك وبعد كدا اعطتوا الاميل حقها واخد ايميلها ليسهل التعامل بينهم طبعا كانت يوميا تكلموا بالماسنجر وكان الكلام بينهم جدا محترم كان دائما يناديها اختي فلانة
هوا عرف عنها كل شي وهي كذالك لدرجة انوا خلتوا يسجلها بالنت في الجامعة طبعا هيا بدات تحبوا بس ابدا ما اظهرتلوا
وبعد سنة اتخطبت وقالتلوا قالها الله يوفقك وانت بنت حلال وتستاهلي وزي كدا بعدين بدأ يلمحلها بأنه يرغب يتزوجها بطريقة غير مباشرة بعدين كتبت كتابها وخطيبها ما يهتم فيها كتير ما يدق عليها مثلا غير مرة في الاسبوع ما يظهرلها رومنسية كتير و ما كانت تحبوا وطبعا كانت تقول لداك اشخص الي تحسوا من خطيبها بعد كدا قلها انا ابغا اخطبك واتزوجك وكلم اهلوا وما وافقوا وقطعوه (هوا يدرس برى)لأنوا قلهم انها خاطبة طبعا هيا تحبو وتبغاه واعطتوا رقم امها ورقمها عشان يخطبها وكلمت امها في الموضوع امها جدا اتفاجأت وتعبت وقالتلها انها ما تحب خطيبها وكذا امها قالت هاتي رقمو اكلموا بس ما رد عليها وقال للصحبتي انوا ما يقدر يرد على امها الين ما يرضوا اهلو ويوافقوا وقلها كملي حياتك طبيعية مع خطيبك اذا كان ليا خير فيك ونصيب حأخذك واذا لا فخلاص طبعا ما حصل نصيب بينها وبينوا وسار بعدكدا يرسل صوروا (اول كان ما يرسل صوروا ابدا وكان يقول لأخوا صحبتي الصغير انوا ما يرسل لأحد صوروا لناس الي على النت)انقطعت العلاقة بس يسأل عنها في المنتدى ويسأل اختها واخوها وبعد كدا انتهت العلاقة
وخطيبها مهندس كمبيوتر فقبل ما تتزوج فرمتت كمبيوترها عشان ما يعرف شي عن ماضيها
طلع زوجها مرررررررررة غيووووور وقلها سيبي الترجمة انا انقهر لمن اشوف ردود الاعضاء الي يشكروكي تركت فريق الترجمة
وقريب كنت اتكلم معاها في الماسنجر وكنت فاتحة المنتدى فشفت هادا الشخص في المنتدى وقلتلها يا فلانة انا شايفة دا الشخص في المنتدى وكمان مافي غيري وغيرو في القسم الي انا داخلتوا قالتلي غريبة يدخل في دا الوقت وبعدين اذا جا زوجي اعطيك اشارة تنبية وبعدين دخلت بعضوية جديدة ما يعرفها زوجها لأن ما يبغاها تدخل لموقع وشافتوا ودخلت على ملفوا الشخصي وقلتلها عرفت عضويتك وسرت امزح معاهاوبعدين سألتها هل ما زال يكلم اخوانها ويسألهم عنها قالتلي لا قلتلها هل لي علاقة بوحدة نعرفها في المنتدى قالتلي بس سألها عني لمن كنت في شهر العسل
بس وانتهت المحادثة وبعدها نسيت تمسح المحادثة وشافها زوجها واخدها ووداها بيت اهلها وفهم الحكاية اني انا معرفتها عليه واني انا بنت مني كويسة وسبني سبة عمري احد في حياتي ما سبني هيا في حياتي وراحوا وحوروا له الموضوع وقالولوا انه هادا كان خطيبها طبعا هوا يبغى موت من القهر مو متحمل والمسأله كانت قريبة من الطلاق وكان يقول لأمها اذا رجعتها صحبتها هادي لا تجيها ولا ترحلها طبعا امها تحاول تحسن صورتي قداموا بعد كم مرة من الكلام معاه ما سار يجيب سيرتي خلاص وانا خايفة يقطعني من صحبتي ويشوهلي سمعتي لأنوا هوا ما زال ينغبر في الموضوع مو مقتنع تمام وما يبغاها تدخل الكمبيوتر في البيت
الان هوا حيرجعها خلاص وماما تقلي الا تقولي لأبوك عشان يكون عارف ما يوصلوا الكلام من برى وينصدم او يدق عليه الرجال ويقلوا وانا بصراحة ما ابغا اقول لبابا لأني اذا قلتلي اولا حيهزأني ويزعل عليا واحسوا حيراقبني في النت وانا ما اتحمل انوا احد يشك فيا خاصة بابا وماما ما ادري ايش اعمل الموضوع مرررة صعب وانا اقول لماما خلاص البنت رجعت لزوجها ما اتوقع يسير كدا وماما تقلي بكيفك بس انا شايفة انو ابوك لازم يعرف
مع العلم اني الحمد لله بنت محافظة وحافظة القران وكنت دايما انصح صحبتي على الدش الين ما تركتوا وخرجتوا من بيت اهلها لأنها هيا الي دخلتوا وخليتها تترك الاغاني وكنت دائما انصحها تترك داك الولد الي نتعرفت علية واحاول احببها بخطيبها واقنعها بيه ووقفت معاها وقفات جامدة وامها من فصله عن ابوها وابوها ابدا مهوا كفؤ ولو عرف انها مثلا اطلقت من زوجها يتشمت فيها
وصحبتي هادي متعلقة فيا جدا وتقول لأمها اطلق ولا انفصل عن اعز صحباتي وهيا ما رجعتلوا الى لأنها حامل
مع العلم انو يحبها وعمروا ما اساها على كلامها
وشكرا..
