جيتكم مطلقه الله يعوضني خير مما سبق

[nibraas]

لا حول و لا قوة الابالله
قولي اللهم أجرني في مصيبتي واخلف لي خيرا منها.

 

[فلوووور]

قصتك أحزنتني كثيييرا الله يصبر قلبك ويعينك على ماابتلاك ويرد لك زوجك ردا جميلا..
نصيييحه لك حبيبتي لو فكرتي ترجعين له لاترجعين الا بشقه برى بيتهم وفهميييه
إنك تحبين أمه وبتبرين فيها وإنك بتزورينها كثير وهو لايقصر عليها يروح لها يوميا
ولكن مو على حسااابك وحساااب حياتك استغفر الله مو طبيعيه هالأم أحسن تنااام معكم كل يوووم..
الزمي الاستغفار وعليييك بسهااام الليل فإنها لاتخطئ والله ييسر لك ويكتب لك اللي
فيه الخير ولاتنسين تطمنينا علييييك..

 

[سيمـا]

شوفي صراحه انا من رايي واللي اشوفه ان زوجك يحبك كثير بدليل انه متحسف وتري ع فكرة شخصيته مرررة سهله واحمدي ربك انه كذا تقدرين تساسينه صدقيني الرجال مثل الطفل جيبيه بالكلام الحلو وانفخي راسه انت رجال وكلمتك تمشي ع الكل صدقيني اي انسان يلقي تشجيع يتغير لكن انتي بالعكس قاعدة تعايريه بامه وهذا غلللللط شوفي مافي انسان كامل والعيب من امه مو منه ولو فرضنا دخلت عليكم وانتي مسويه له حفله خليه درس تعلمي منه انك ماتعلميه وتكوني تقفلي باب غرفتكم وصدقيني مع الايام بتعرفين كيف تتعاملين معه ومع امه بس انتي لا تستعجلي هونيها وتهون وحلو انك مارديتي عليه كذا موقفك يكون قوي هو يتعلم منه انك مو بسهولة بترضين يعني رايي انك تعلميه درس ماترجعين ع طول ولاتردين عليه وهو بيظل يلاحقك بس انتبهي لا تخلصي العدة وانتي عند اهلك شوفي هذي قاعدة احفظيها الرجال ايا كان مايحب احد ينقص من رجولته ولايحي الحرمه ترفع صوتها عليه وانتي صراحه تسويين هذا الغلطين لو مارفعتي صوتك عليه وقلتيله حبيبي اهدا نتفاهم كذا تمتصين الغضب ولاتنسين الشيطان حريص يفرق بينكم عشان تستمر الحياة اذا هو معصب انتي خليك قمة البرود والهدوء هذا شي علمي طبقيه وان شاءالله بتعيشين معه حياة حلوة بس انتي لا تستعجلي فكري بهدوء عشان ماتتحسفين بعدين انك استعجلتيواتمني انك تردين علي اذا قريتي كلامي

 

[جمااانه~~]

الله يعينك ويردكم حق بعض حاولي تحافظين عليه مهما كان زوجك كافحي علشانه دامك تحبينه والله يسهل امرك

 

[خافيه غلاها]

ياحياتي عليكي
حسبي الله عليها هالعجوز
اففف بس ماعمري انقهرت من احد قدها .... ليش مزوجه ولدها طييييييييب ؟؟؟

عرووسه عيشي حيااااااااااااااااااااااتك وطنشيهم حسبي الله عليهم .. و الله ماعليهم حسافه
استغفري كثير

 

[رندا كووول]

حبيبتي انا ماعرف قصتك بس حاسه امه ع نياتها ..يعني تدخل غرفة ولدها عادي..ماتعرف للخصوصيات..وانتي قفلي الباب ليش مفتوح..وحاولي تكسبينها ف صفك..واللي مافيه خير ف امه مافيه خير لأحد..لاتفرطي ف زوجك ..وهدي نفسك.استخيري الله قبل لاتردي ع رسالته..ولاتخلي امه هي شغلك الشاغل..هذي نصيحه مني .لاتهدي بيتك عشان شئ تافه..

 

[خافيه غلاها]

رندا مررررررررررررررررررررررا مي علىى نياتها امه
ابداااااااااااااااااااااااااااااااااااااااااااااااااااااا
شوفي مواضيعها

 

[ياربي انصرني]

الله يختار لك الخيره الطيبه

من رأيي انك تردين عليه وتسمعين لوجهة نظره

واملي شروطك عليه اذا كان عندك شروط

ووثقيها في اوراق وشهود

ماتدرين يمكن هالطلقه راجع حساباته وشاف انه غلطان

وبعد ماتسمعين له صلي صلاة الاستخاره وقرري

لكن لايكون قرارك متسرع من خلال الموقف اللي حصل بينكم

يكون عقلاني وياليت تستشرين مستشار اسري يساعدك في اتخاذ قرارك

الطلاق صعب في البدايه ولكن ماتضمنين نفسك مع الايام يمكن تاخذين معدد اومطلق او ارمل

للاسف هذي نظرة المجتمع للمطلقه 000 نادر ماتاخذ شاب لم يسبق له الزواج

استخيري واستشيري من لهم الخبره في مثل هالامور00واستعيني بالله في لزوم قيام الليل والدعاااااء ان يختار لك الخيره الطيبه المباركه000

 

[مـــاربيل]

سبحان الله انا ماادري وموفاهمه مقصد هالنوعيه من الامهات
الي اعرفة ان الام تسعى لسعادة ولدها تمبسط لما تلاقيه سعيد تتامل تشوف عياله
مو تنكد عليه وتزيدة خسائر وهم على غم
انتي ياحياتي اذا متاكدة انك اديتي واجبك الي بيسالك عنه رب العبااااااد خلااااص فخااار يكسر بعضة لايهمك كلامه ولا كلام الناس ولا احد
واسمعيني حبيبتي انا مابي انكد عليك بس مهما قلتي ماراح ابكي علية صدقيني راح تبكي انا حااااسه فيك لاني مريت بحاله مشابهه لحالتك واطلقت ظلم !!!!والظلم شين
ومتى مابغيتي تفضفضي انا حااااضرة اختك ماربيل​

 

[فتاة ابوظبي]

والله صدمني عنوانك حبيبتي وانا كنت متابعه اخبارك حتى فكرت فيج
من فتره ليش انقطعتي عن المنتدى والله انه انسان ما يستاهلج ولد امه
الله يعوضج بالي احسن منه موفقه حبيبتي

 

[زوجي قرة عيني]

والله ياعروسة انا من بداية يومياتك قلت ليك ليش تتشائمين باسمك وقلت ليك خليه عروسة سعيدة تذكرتي ههههههههه

ودي اضحك اشوي
حببتي والله كسرتي خاطري بطلاقك بس اعطيه فرصة شهرين فترة غير كافية اتمنى تفهمي نقاط ضعفه جيدا لكي تكون في صالحك

 

[لحن الفراق]

الله يعوضك برجال احسن منه


وكلام الناس ماعليك منه ابد​

 

[سنكرس]

الله يسهّل أمورك ويكتب لك اللي فيه الخير
ولا تستعجلين يابنتي ترى الطلاق مو سهل...
فكري زين :يعني لو تطلقتي الغالب ماراح يخطبك إلاّ رجل متزوج وبيكون عندك ضرّة
وبتعانين من مشاكل الضراير والغيرة وكيد النساء ساعتها أخاف تندمين وتقولين (ليتني صبرت على نار أم زوجي الأول أهون من نار الضرّة ) لأن الضرّة مرّة ياحبيبتي !
ولو حب زوجك يرجعك استخيري وفكري زين
وعلى قولة أمي(الله يرحمها) البنت مو كل يوم لها رجل !
ومن كلامك أحس زوجك طيب كثير ويحبّك بس مشكلته أمّه مسيطرة عليه ومعودته على تنفيذ كلامها بدون تفكير ولانقاش ....
أكثري من الدعاء والاستغفار واسألي الله أن يختار لك الخيرة المباركة ويرضيك بها .

 

[الجده الصغيره]

والله اني كنت افكر فيك وش صااار عليك.........يالغلااااااااا لايضيق صدرك ولاتنغثين ربايا الحريم ماوراهم الا كذا وأشد..احمدي ربك والله ان الطلاق من مثل هالاشكال نعمه.........تحسبين بيتغير؟...يتحسن فتره ويرجع كما كااااااااااان....ان كنتي بترجعين ثقي ان امه ماراح تستسلم ولو هجدت ظاهرا ماراح تهجد باطنا.......لذا لابد تكونين قوية شخصيه وواثقه من نفسك وتوقفين كل عند حده...........رجوعك له مقرون بقوة شخصيتك...موفقه حبيبةجدتك.....​

 

[اسيرة فكري]

ام زوجك كلمي خطابه بس مو انتى خلي احد بعيد يدل خطابه عليها وخليها تتزوج وافتكي منها الله يهديها واضح انها مو صاحيه

 

[Do0o0De]

حسبي الله على امه جانها هي السبب

 

[احلى فجوري]

الله يعينك ويفرج همك ويارب يرزقني ورزقك احسن منهم رجال بلا شخصيه حسبي الله ونعم الوكيل

 

[الناصحه الامينه]

غيري لقبك
وتاكدى انك طوول منتي تحملينه
فستكونين كما اخترتي لنفسك

لقبك يعكس قناعتك وقناعتك
عنصر جذب مهم لكل ماترينه ليتجسد حقيقة في حياتك
غيرررري لقبك
ان اردتى الفلاح

 

[نســـرين]

شوفي ياقلبي الطلاق مو نهاية المطاااف
والحمدالله انك ما عندك اولاد يربطونك بالعيشه معاه
وكلام الناس ارميه ورى ظهرك لان الناس بتتكلم فترة وبتسكت
بس نصيحه لاتجيبين سيرة زوجك عند احد خليك ارقى من انك تعيدين الماضي
اهم شي بالموضوع انك ماتكونين ثقيله على اهلك واذا كانوا متفهمين موضوع جلستك هذا بحد ذاته يكفي
وكملي دراستك ابرك لك تقول الدكتورة فوزيه الدريع اثنين ما يخونونك صحتك وشهادتك
موفقه حبااااااااااابه​

 

[- Dodi -]

ياويييييلك مني ويلالالالاه لو ترجعين له .. هالمره قلت برد بدري لان المرات اللي راحت اجهز رد وينقفل الموضوع ومن القهر اروح احط حرتي في موضوع ثاني

نرجع بمحور حديثتنا

عيشي حيااتك يختي ولا يعل قلبك رجاال محد يستاهل اطلعي بعثه وادرسي واذا تبين اي مساعده في سالفه البعثه تراني ادري برا بي مو بريطانيا
وربي راح يكتب لك ولد الحلال بس لا تستعجلي
الله يوفقك يااارب​