بادئ الموضوع تاريخ البدء
  • المشاهدات 580
  • الردود 6

Ameerat El Ward

New member
إنضم
2 يناير 2007
المشاركات
85
مستوى التفاعل
0
النقاط
0

السلام عليكم ورحمة الله وبركاته .............

حبيت اشاركم هالموضوع حول جولتي في القرية العالمية ... للإفادة والاستفادة .. :icon30:

يعني انا راح اقول لكن وين سرت وشو الاشياء المميزة لي انصحكم بها ....... ولي زار القرية بعد يخبرنا لو شاف او خذ شي مميز وما يتفوت ...


البحرين ,,, اكثر شي عجبني محل بيبع لك خلطات الاجار والمكدوس والجبن ... فعلا شهية ولذيذة .. بالاضافة الى خلطات البزار والدغوس واشياء معروفة عند اهل البحرين .:msn-wink: ... وبالنسبة للحلويات ما شفت ذاك الشي المميز لانه تصلني اشياء اجمل من البحرين من الاصدقاء ... في محل بعد خلطات وعطور بس ما شفته ذاك الزود

قطر ... عجبني محل للصابون الطبيعي واللوشن المعطر .. انصحكم تجربون صابون لوجين ولوشن صاحبة السمو ... كانو الافضل :clap:

السعودية .. في محل تمور لذيذ جدا ,, وبالذات التمر السكري ... وطبعا في الكثير من محلات دهن العود والبخور والمخلطات العربية ... وسمعت من صديقاتي انه في محل بيبع بسكويت لذيذ بس انا ما شفته اكيد من الزحمة :no:

الكويت ... في بقصم لذيذ عنهم حباته صغيرونه يم يم ... وفي محل اسمه فروحة لملابس الاطفال فساتينه كيوووت ( في منه فرع في بوظبي حسب ما خبرتني لي تبيع فيه )
وفي محل اسمه مس كويت للملابس عنده بدلات حلوة بس هالله هالله في المقاصص .. البدلة الكاملة بين 300 و 400 درهم .. طبعا انتي وشطارتك..:shiny:


بقية الدول العربية ...

سوريا ... اكيد ما يفوتكم ملابس الاطفال الداخلية القطنية لان النوعيات السورية ممتازة وانا دوم اخذها لاطفالي ... ولا تنسون المكدوس واللبن وزيت الزيتون والزعتر ... وبالنسبة للجلابيات ما رحت صوبها لاني جاني تشبع منها فما شريت ... والجواتي والشنط ما شفت شي عجبني ...:exclamationpoint:

لبنان ... في محل للاكسسوارات بس ما سألت عن الاسعار لانه زحمة وشفته بس من بعيد .. ان شاء الله المرة الياية بمر عليه ...:questionmark:

* * * * * * * * * * * * * * * * * * * * * * * * * * * *

طبعا بديناها جولتنا بشاي حليب كرك و سمبوسة .. اخ لو اعرف بس كيف الهنود يسونها .. سمبوسة الهنود غييير :icon1366:

وبعدها بساعتين طيرت عقلي ريحة الوايفل والكريب .. وما خليت في خاطري ... وطلبت لي وايفل ولزوجي كريب مع نوتيلا .. يمي يمي :icon26:

واخيرا مرينا على منطقة المطاعم .. جلسنا بجانب البحيرة الصناعية وطلبنا العشا واول ما جلسنا بدأ عرض النوافير والالعاب النارية ... :in_love:

دخلنا بعد مترو دبي .. وشفنا الهنود يحليلهم يتصورون فيه ....

* * * * * * * * * * * * * * * * * * * * * * * * * * * *

نصيحة ببلاش .. اوصيكم بالحذاء المريح .. وخلي بالكم لان الجو بارد ... :showoff:


* * * * * * * * * * * * * * * * * * * * * * * * * * * *

والحين دوركم منو راح القرية وشوا عجبكم فيها . ؟؟؟؟؟؟؟؟؟؟؟؟؟؟؟؟؟
في انتظار ردودكم ... :bye1:
 

nono

New member
إنضم
10 أكتوبر 2006
المشاركات
528
مستوى التفاعل
0
النقاط
0
الإقامة
أبوظبي .. دارك
مرحبا خواتي.....
أنا عمري ما رحتها...زوجي ما يحب الزحمة

 

Ameerat El Ward

New member
إنضم
2 يناير 2007
المشاركات
85
مستوى التفاعل
0
النقاط
0
درة الاكوان .. شكرا على المشاركة ,, وياريت تشرفينا في الامارات ...ودولة قطر بدأت تهتم بالسياحة خلال السنوات الاخيرة .. واكيد راح تلاقون مثل هالمشاريع عندكم في يوما ما ....



Nono ومنو يحب الزحمة يا اختي ..... القرية تفتح عزيزتي الساعة 4 وانا من بوظبي .. وقررت مع زوجي نروحها خلال الاسبوع بعد الدوام ع طول .... حتى كنا عند مكان بيع التذاكر الساعة 3 ونص ... ههههههه ... يعني دخلنا اول الناس ....

انا كل سنة اسير القرية في الويك اند والزحمة لا تطاق لا ترومين تمشين ولا ترومين تشترين شي اصلا ................ لكن هالمرة لاني رحت خلال الاسبوع ومن وقت كانت القرى فاضية .. والله خذت راحتي بصراحة .... تمشينا على راحتنا لين الساعة تقريبا 8 وبهدها مثل ما خبرتكم رحنا عن المطاعم وبدأت عروض الالعاب النارية الساعة 8 بالضبط ...
 

om.ahmad

New member
إنضم
1 أكتوبر 2006
المشاركات
2,260
مستوى التفاعل
0
النقاط
0
:c018:
أنا سرت القريه
:blushing:
هههههه..
وأسحب كروشتيه..
رحتلها مرتين.. بس كله تمشي بس.. أممممممم حدرت القرية السعوديه.. والكويتيه.. والتركيه..أممممممم خذيت من عندهم بوضه...حلوه.. بالمستكه.. أممممم ورحت بعد القريه الأيرانيه.. خذيت من عندهم عصير الرمان..ما درت واايد في القرى الثانيه.. كان واايد زحمه.. بس الحمد الله أستانست..
 

العذوبة

New member
إنضم
12 يوليو 2006
المشاركات
1,408
مستوى التفاعل
0
النقاط
0
انا للاسف مالحقت علي القريه هالسنه الا باخر يومين

وهاليومين صراحه ماخلينا شي انا وخواتي نفس المكنسه الكهربائيه كل ماندش قريه نشفط الي فيها

بس اكثر القريات الي عجبتني سوريا وسنغافورا ........سنغافوره جدا روعه فيها معظم اكسسوارات حج البيت وبسعر حلو جدا
امممممممممممم اظن بالقريه السعوديه في محل عبايات حلو واسعاره جدا حلوه

وقرية قطر حلوه يعد

تقريبا هذالي الي قدرت الحق عليهم والباقي ,,,,,,,,آآآآآآآآآآآآآآآآآآه ياقلبي ماجدرت اكمل لان الوقت خلص وقامو يطلعوون الناس من القريه وان شالله السنه الجايه الحق عليها من اولها

ويعطيكم العافيه
 

كلمة المدير

جميع المواضيع والمشاركات المكتوبة تعبّر عن وجهة نظر صاحبها ,, ولا تعبّر بأي شكل من الاشكال عن وجهة نظر إدارة المنتدى .

عن منتديات نسوة

نسوة أكبر تجمع نسائي في العالم العربي لكل ما يخص عالم حواء والحمل والولادة والزواج والثقافة الجنسية والسعادة الزوجية وطرق الجماع وقصص وحكايات رومانسية وتسريحات وكياج لكي أن

تابعنا على المواقع الاجتماعية


إتصل بنا

 

أعلى