جوزي عنيد ومايعتذر ابدا..

[آه من هـــواك]

السلام عليكم..
ماني عارفة من فين ابدا؟
بس والله تعبت من عناد جوزي .. تخيلو ابدا مايعتذر مع العلم انو يعرف انو غلطان بس ماأدري هو يكابر ولا مايعرف كيف يعتذر؟
له يومين زعلان ولا حتى يكلمني بس حطي الأكل جيبي اعملي يعني رسمي وانا والله مازعلته..
ولمن سألته ليش زعلان قالي ماأبغى دوش..
قلتله بعرف بس مني انا .. قالي والله هو منك ولا من غيرك المهم ابغى اروق وماأبغى حتى اسئلة..
.. واتقفل الموضوع..
جا أمس قالي ياللا تخرجي معايا طبعا لأني زعلانة وبموت من القهررر قلتله لا بذاكر عندي اختبار..
طنشني وخرج..
واهو له على هادا الحال كم يوم لا يسألني ولا يكلمني بس حاجات بسيطة..
انا خايفة ماني عارفة كيف اتعامل معاه دايما ازعل وارجع اكلمه واقول يابنت معليش كبري راسك..
بس هادي المره ماني قادرة لأني جالسة اتذكر غلطاته معايا واقول خلاص اعمله حد..
لأني والله العظيم تعبت من اسلوبه وبروده..
الله يسعدكم ردواعليا ولا تبخلو بخبرتكم..

 

[همس 1408]

حبيبتي انتي غلطانه المفروض يوم ماقالك نخرج كان خرجتي معاه امكن كان بيقولك اشفيه زعلان المهم ماعلينا الحين انتي حاولي ماتقولي له اشفيك زعلان ابد كل اللي عليكي الحين انك تكلمي عادي واذا طلبك شي قوليله <ابشر-حاضر-تامر امر >من هذا الكلام الحلو عشان يحس انك معاه وانك مهتمه فيه
ومن ناحية الاعتذار ترى الاغلبيه من الرجال مايحبو يعتدرو لان هذا الشي بيحسو انو ينقص من رجولتهم وانتي المفروض تكوني عارفه زوجك فحطي في بالك انو لو زعلتي ماراح يعتذر بكذا وفرتي على نفسك التعب النفسي اللي بتحسي فيه كل مررره يعني باختصار عودي نفسك

 

[آه من هـــواك]

تسلمي ياقلبي عالتفاعل..
بس والله من امس انا بموت بس ابكي ..
لأني عارفه ومتأكدة ماحيعتذر..
تدري انا مو مشكله عندي الاعتذار بعينه بس كنت ابغى منه نتفاهم نتناقش..
وصدقيني لو اني اعرف اني بخروجي معاه بيتعدل شي يعني نتفاهم نتكلم بالموضوع كان مارفضت اخرج معاه..
بس يغلط ومايبغى افتح اي موضوع..
وفي مره حصل زعل بيننا وبعدها طلب نخرج سوا وفعلا خرجنا ولمن رقت فتحت معاه الموضوع قالي خلاص قفلي زعلني اكتر..
عشان كدا انا مصره ماأكلمه بس ماأبغى كمان يطوووووول الزعل..

 

[همس 1408]

الله يسلمك حبيبتي بالعكس احنا زي الاخوات واذا الاخت ماساعدت اختها تساعد مين
المهم ترى زوجك من النوعيه المزاجي يوم يكون فايق ورايق ومافي احلى منه ومراات يكون طفشان ويضارب اللي حوله هذا الحل معه انك يوم تشوفيه رايق كلمي بكل احتراام وتقوليله حبيبي انا ابغاك لما تزعل سواء مني او من اي احد تجي وتقوللي وانشاء الله يفيدك هاالشي وليش ياقلبي تبكي البكى مايفيدك بالعكس يتعب نفسيتك وتصيري تكرهيه وحاولي ماتفتحي مواضيع سابقه ابد اذا نمتي قومي وانتي ناسيه الموضوع واتكلمي معاه عااادي وانشاء الله تكوني فاهمه عليا والله يهدي سركم انشاء الله>>دعوة الوالد الله يخليها لي يارب

 

[احلى سمايل]

هذا مزاجي الله يعينك عليه هذا طبع مايتغير ( هد جبل ولاتهد طبع )
ماعليك إلا تتحملي طبعه وتحاولي لما يكون مقفل ماتحتكي كثير معاه بالكلام حتى يروق
النماذج مثل زوجك كثير رجالا ونساء الله يشفيهم ويعين اللي حولهم
مالهم حل غير الصبر والعتاب الخفيف وقت مايكونوا رايقين يمكن يتعدلوا مع الوقت