جوال زوجي دمر نفسيتي

د

دودو الجميله

New member
إنضم
2010/11/06
المشاركات
15
تكفووووووووون ابغى نصايحكم ماادري وش اسوي
انا متزوجه من 3سنين ونص عندي بنوته عمري 23وعمر زوجي 28
من فترة اربع شهور زوجي صار حريص على جواله بشكل ملفت دائما يحوله على موجود وصامت ويقلبه على وجهه
واذا راح مكان ورجع القاه ماسح السجل
المهم من اسبوعين سافرت لاهلي جلست عندهم اسبوع ولما رجعت لقيته بزياده حريص صار اذا احنا قاعدين نشوف تلفزيون مثلا وبيدخل الحمام اعزكم الله يقفل جواله بس لين يطلع من الحمام ويفتحه

واذا طلع برا البيت يقفل جواله قبل يرجع ولو صار انه جا وماقفله يكون ماسح السجل

قبل امس كنا بنطلع مع بعض برا البيت وشافني مشغوله ببنتي البسها واجهز قام دخل الحمام وماقفل جواله انا ماصدقت اخذت الجوال ومع مسكتي للجوال جا رسالة وسائط فتحتها لقيت صورة سفره عليها اكل ومرتتتبه عليها كبسه واشياء مااذكرها ومكتوب تحتها
..اكيد انك اشتقت لهيك اشياء وانا كمان اشتقت بس بالعافيه على قلبك وقلبي..

طبعا مسحتها فورا وطلع من الحمام وانا متوتره وارجف قالي وش تقلبين فجوالي قلت قاعده ارسل رساله لاختي اسالها عن شي لان جوالي مافيه رصيد

اللي يقهر ان الرساله مبهمه مافي دليل انها بنت والا كان مسكتها دليل بس عارفه لوقلت له عنها كان قال واحد م الشباب لان مافي دليل
بس انا متاكده انها بنت من الاسلوب ابدا مو اسلوب رجال وقهر ماامداني اخذ الرقم واسجله بسرعه طلع بس فيه ناس قالو لي احط جهاز تصنت بالسياره بس انا خايفه يكشفني


وابغى باي طريقه اكشف الحقيقه بسرعه ومو عارفه كيف تكفوووووووون دلوني انصحوني اكيد كلكم حاسين فيني


علما باني بعد زواجي ب7 شهور اكتشفت خيانة زوجي لانه ماكان يحرص عالجوال ماكان يدري اني افتش وكنت اواجهه ويجلي يبكي ويقول توبه ووالله احبك ومااخليك تروحين لاهلك

وكنت ارجع وبعدها انقطعت والحين رجعت شفت عليه هالاشياء
 
نصيحه مني لا تواجهيه ذكريه بالله دائما وادعي الله له بالهدايه واطلبي منه العون ولا تنسي سهام الليل فانها لا تخطئ كان الله بعونك والله يهدي زوجك وجميع المسلمين اللهم آمين وان شاء الله الاخوات ماراح يقصرو معك بنصايحهم
 
الله يعينك بس لاتخربي بيتك بيدك حاولي تفهميه انك شاكه فيه والله يهديه ويصلحه لك ويجعله مايشوف أحد غيرك
 
احسن شي انك تمسكين دليل قاااااااطع عليه بعدين تواجهينه ومعاك دليل...لان كذا موقفك ضعيف!! والله يعينك ويبعده عن بنات الحرام اللي صاااروو زي الوباااااااااااء
 
فدييييييييتكم والله مشكورين ع النصايح اخاف اسكت ويتمادى ويحبها اذا كان على علاقه الله يكشف سره لي


وبعد ابغى نصايح تكفون
 
الله يعينج حبيبتي والله هالرجاجيل مامنهم امان
حاولي تلمحيله من بعيد لبعيد
وحسسيه انج ملاحظه التغير
او هاتيله قصه من مخج تشابه قصتج بس كانها لوحده من صديقاتج يعني انها مب عارفه تتصرف بمشكلتها ويعني انتي تبينه يعطيج راييه خليه يحسس شوي بعدين حبيبتي كل الرجاجيل يغازلون وصدقيني كله تسليه وهو لو ما يحبج كان غير معاملته لج يمكن ناقصه شي اقعدي معاه سوي بينج وبينه جلسة مصارحه شوفي هو شيبي لا تخلينه لبنات الحرام وبعدين اكيد هو خايف على مشاعرج والدليل انه يخاف يخلي جواله مفتوح لانه فيه رجاجيل يغازلون قدام زوجاتهم عيني عينك
ولو ما يحبج كان ماسوا هالشي من وراج
الله يهديه ان شا الله وصدقيني مهما سوا مرده لج انتي زوجته حبيبيته اشرف من هالزباله بمليون مره
واذا صدتي عليه شي واجهيه لا تسكتين خلي ادلتج معاج وازعلي عليه عشان يتعدل
وحطي فبالج كل الرجال جذيه يحبون يجربون كل شيئ فتره يغازلون وبعدين خلاص بس انتي حاولي تغيرين روتينكم لا تخلينه يقعد فاضي خليه يلتهي باي شي اقعدي معاه افتحي معاه مواضيع تخصكم يمكن سبحان الله بعدها يتعدل الحال والله يهديه
 
هلا اختي والله حاسه فيك لان انا بعد زواجي ب8شهور اكتشفت ان فيه رقم مرسل له رساله ومسجل الرقم باسم اخوه وانا شكيت لان مو رقم اخوه واعترف لي لما حلفته انها وحده مطلقه كان يعرفها قبل وحلف انه بيتركها وغير رقمه
وصدقته لاني اموت فيه بس بعدها صارت حياتي شك ع طول ومارتحت الا لما وكلت امري لله وحطيت في بالي لو بيكلم ويخون فيه مية طريقه بدون ماحد يكشفه واسهله لو بيخلي جوال بالسياره
بس نصيحه اختي تقربي منه بزياده احتويه بحنانك غيري روتينك ولاتجيبي طاري انك شاكه فيه بس لمحي له عن قصص اللي يخون زوجته انه بيخرب حياته ومايستفيد الا الحرام
وانصحك بالاستغفار والدعاء
الله يبعد عن ازواجنا بنات وعيال الحرام ويهديهم
 
شوفي حبيبتي من جد لاتخربي بيتك بنفسك اوكي

ولا اقولك اسكتي على هالوضع

خططي ورتبي لجلسه هاديه ورايقه ونومي بنتك

اذ كان برا البيت ارسليلو رساله اشتقتلك متى حتجي

المهم خليكي انسانه تانيه البسي وتزبطي

واباي معاه نقاش هادي وانتبهي من العناد لان العناد مايجيب نتيجه

وقوليلو واساليه اذ فيه شي مو عاجبو فيكي او انتي مقصره معاه فشي

ومن ذا الاسئله اذ سالك ليش كيذا قوليلو احسك صرت بعيد

عني ومااحس بشوقك ومن ذا الكلام بس انتبهي

لايعرف انك شاكه لان لو عرف بياخذ احتياطو بزياده

وانتظري لين تمسكي عليه شي قوي وواجهيه

واذ طلع فيكي عيوب قوليلي انك سالتيه اذ انتي مقصره

وع حسب اجابتو بيكون ردك له

بس بدون صراخ ورفعة صوت والزمي الهدوء

لان الرجال ماينفع معاهم الا المسايسه

ولاتنسي قول اللهم سخرلي زوجي وسخرني له

وعليك بالاستغفار والدعاء من الاستغفار والدعاء

والله ييسرلك ولجميع المسلمات

اتمنى افدتك
 
انتوا باقي صغار وحد بنتك صغيره تقدري تحتويه اكتر

بخرجات وطلعات ولبس دلع وجلسات شاعريه ورومنسيه

واشغليه بحبك بحنانك يمكن انشغلتي عنه ببنتك

بس زي ماقلتلك اجلسي واساليه اذ انتي مقصره معاه

عشان لاتكوني غلطانه وباذن الله انها ازمه وتعدي

بس متل ماقالوا الاخوات جيبي لو قصتك على انها لوحده

من صديقاتك وقولي ياالله لوانت تسوي كيذا انا بنجن

لو انت تطلع مسوي شي من وراي الله لايسامحك

انا اللي احبك وقلبك مع غيري

هذا كلو جيبيها عن طريق مزحه برزحه

والله يقرب قلوبكم لبعض والله يكون فعونك
 
آآآآه قهررررر دوريلك حيله تكشفينه فيها لاتصيرين غبيه طلعي شريحه من وراه وتصلي على الرقم اللي بجواله وروحي بيت اهلك واقوليله كشفت خياناتك والله لووو تموووت
ـ مارجعلك وبيجيك ندمان بس لاترضين بسهوووله
 
احسن حل انك يووم انتي تسووي نفسك حزينه

ولا لك خلق ابد .. طبعا بجي هو وبيقولك

وش فيك زعلانه ولا لك خلق .. قولي له انا عندي

صاحبه كاسره خاطري مرره وتقوول ان شاكه في زوجها يكلم بنت

وهي تبيني اساعدهاا وش اسوي لها .. يعني تبي نصيحه مني

عاد انا قلت لها شوفي زوجك شنو ناقصه يمكن ناقصه حنان

او ناقصه حب او ناقصه حاجه معينه انتي شوفي بنفسك زوجك ليه

يسووي كذا مايسووي كذا الا عشاان فيك حاجه.. طبعا انتي راح تسولفي عن نفسك

شوفي شنو يقولك زوجك او وشوو يرد عليك .. قولي له عاد انا ابي نصيحتك شنوو

ارد عليها البنت لان حييل كاسره خاطري وانا ودي اساعدهاا شنو تسووي مع زوجها

لان اول مره تقولي وتجي تصارحني عن زوجها .. حاولي قد ماتقدري تشوفي

زوجك شنو فييه شنو ناقصه ..

والله يوفقك يالغلا ويسعدك في حياتك ..

​
 
لااااااااااااااااتواجهينه ابدا لانك انت الخسرانه حتى لو بكى واعتذر ووو استشاري اسري يقول لو انكشف الرجل امام زوجته وواجهته حتى وان اعتذر لن يحذر منها كما في المرات السابقه بل وربما يلجأ الى حيل اقوى من هذه ولن يهتم اذا انكشف امامها
ولكن اعيدي حساباتك يبدو ان زوجك روووووومنسي جدا لان الرجل يلجا لهذه الطرق اذا فقد شي من زوجته قد لاتراها مهمه ولكنها تعني للرجل الكثير والكثير
املئي بيتك حياة اجعلي الابتسامه هي شعارك الجديد والشكر والدعاء له مع كل فعل يعمله لك وان احضر من البقالة تفاحه
انتبهي ان اجعل النظافة الشخصية عنوانك ثم يأتي العطر بعدها لاااااااااااااتقولي من زين ريحته المهم انت لتحافظي على مملكتك
كوني حنونه دلوعه (شوي شوي مو تفاجئينه )احظنيه بين فترة واخرى حكحكي فروة راسه اذا كان بجوارك وقولي يااااااارب يخليلي هالراس
وهناك طرق كثيييره لتستميلي قلبه وعقله ولكن اصبري فلن تأتي النتايج بسرعه قدتطول الى السنه ولكن اياك ثم اياك ان تملي من هذا الاسلوب بل تطبعي به واجعليه من طبيعتك وتمنى لك حياة زوجيه سعيده
وعلى فكره ترى هالنوعيه من الرجال يسهل استمالت قلبه ....
دعواتك ان الله يسخر لي زوجي ويشفي اختي
 
ونسيت اقولك شفتي السفره اللي شفتيها في الجوال هذا شي مرررررره كويس اكتشفتي كبف استطاعت ان تستميل قلبه فالسفره والاكل الجيد والمتنوع هي طريقه قويه للدخول الى قلب الرجل فلاتجعلي الكبسه هي الصاحب لمعدته بل نوعي بين الاكل الهندي والشرقي
 
فديييييييييييتكم والله ع النصايح

مدمنه خلطات مشكلتي مااقدر اخذ رقم الحيوانه لانه دايم يمسح سجله وهذا اللي قااااااااهرني
 
غريب امركن يامتزوجات واللي بعد مشاركات

في وحده من المتزوجات حطت موضوع
تقول زوجي يتجسس على تلفوني ويفتح تلفوني ورسااايل
وبعدها البنات قاموا يدعون لها ويقولون لاتخلينه يتجسس على تلفونك
ومايصير,,,يتجسس على تلفونك
والله يعينك على هالزوج,.,,,,,,,,,,,,,,,,,,,,,,,,

وما اشوف هالعضوات ينصحون هذه الاخت
انه لاتفتح التلفون ولاتتجس عليه,,,,,


اختي ليه هالتجسس
حتى السجل تتأكدين منه انه ماسحه او لا
ورسايله تفتحينهاااا

انتي تبحثين عن خراب بيتج

من تجسس

من بحث عن مالايعنيه لاقا مالايرضيه,,,,,,,,,,,,,,,,


التجسس شي مرفوض سواء من زوج او زوجه,,,,,,,,,,,,,


دام عايشه مع زوجج على خير وبين عيالج

شو تبين عشان تخربين بيتج,,,


طيب واذا اكتشفتي خيانه لزوجج شو بتسوين


اختي بدل ماتبحثين عن زوجج يخونج او لا


ابحثي عن مايقرب زوجج لج ويجعله قريب منج
وابحثي عن الشيء الذي يحبب زوجج فيج
وقومي بواجباتج وطالبي من زوجج ان يعطيج حقوقج


فقط

ولكن دون تجسس​
 
شوفي حبيبتي لاتفاتحينه حالياً

اول شي اهتمي بنفسك من جميع النواحي شكلك اسلوبك

تعاملك معاه خليك دلوعه بزياده ارسليله رسايل حب ودلع خليك معاه ع طول

و استمري تراقبي جواله وإذا لقيتي دليل انصحك تواجهينه عشان ترتاحين

بس خليك هاديه وصدقيني ياقلبي كل الرجال للاسف كذا لابد من الخيانه

ماادري ليش مهما بلغ حبه لزوجته ...قلبي معاك

واكثري من الدعاء والاستغفار والله يصرفه عن الحرام
 
حياتي تبين نصيحتي وانا امجربه هل موضوع

اول شي التقرب الى الله ودعاء له بلهدايه وانه يقربة منج ويبعد بنات بليس عنه

ويعمي اعيونه وقلبة وكل جوارحة عن بنات الدنيا وكثري من الاستغفار والله انه يشرح الصدر

وثاني شي لا تهدمين بيتج بيدج خلج انثى ذكية الرجل يموت على الحرمة الذكية ولي تتفلسف

وايد سوي عمرج فاهمة حتى لو ماكنتي فاهمة ..

ولاتخلين وحدة مثل هاي بنت شوارع تهدم بيتج وتشتت عايلتج وبنتج

ريلج وفلوسه انتي وبنتج اوله فيه لاتحاولين تعطينة مجال يتنفس

خلي ماعندة طاقة نشفيه اذا مافهمتي عليه الخاص فالج طيب تامرين امر انتي
 
اسئلية لية بيقفل جوالة اذا مافية شي يخلية عندك وليش يصمتة واذا ما جاوب قولي لة لية ما انت واثق من نفسك وش مخبي علي حسسية انك شاكة لا تتركينة وتسكتين اما جهاز التصنت لاتحطينة والله بتندمين يمكن يكشفك
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل