جواله يبعده عني واهو جنبي

[ورد الياس]

السلام عليكم ورحمه الله وبركاته
اخباركم شمسوين
بدخل في الموضوع على طول
زوجي يجيني الاربعاء والخميس
وربع الوقت
معاي والباقي يطلع يتشغل منا ومناك واذا طلع معاي يحسبها
علي انه طلعني
واذا جلس معاي كله ماسك هالجوال وينزل برامج لي جهازه اهو يحب هالشي بس انا لي حق بعد
وبعدها يتعب وينام
ولايقعد كفايه معاي صار لنا سنه وشوي متزوجين وعندنا طفل ولا تغير حاله تكفون الي مجربه والي عندها خبره تفيدني

 

[ورد الياس]

تكفون لاتهملون الموضوع انا محتاجه للرد

 

[ابعد من الخيال]

عادي حبيبتي كل الرجال كذا ينشغلون ولايفضون يسولوفون الا شوي

انتي حاولي تلفتين انتباهه لك وعاد اذا انشغل انتي

دوري شي تتسلين فيه ماشاء الله عندك بيبي انشغلي فيه

والله العيال يملون عليك الدنيا وربي يوفقك للخير

 

[Lost Rose]

صدقيني لاتخلينه كل همك والله لتتعبين اهم شي نفسك وطفلك ترى الرجال اذا شاف الحرمه تلاحقه والله ليمل
سبحان الله ترى من طبيعه الحرمه انها تبغاه يجلس يكلمها ويسولف معاها ويقول لها كلام حلو بس الرجال يعتبرونها اشياء مالها داعي وكماليه وتلاقينهم وقت الاحم احم سوالف وضحك وتنكيت مافيه زيه ......
انت اشغلي نفسك عنه وقللي كلامك معاه عشان يشتاق لسوالفك ويحس انك صرت بعيده عنه شوي
والله العظيم اني جربت هالطريقه وفادت كثير معاه صار يسألني ليش ساكته
ربي يرزقك السعاده وراحه البال يااختي