جهاز ال بي جي وينكم عنه ياحريم

[اكسجينة]

صراحة قرأت عنه كثير واستشرت متخصصات فيه كثير وان شاء الله اجربة المعجزة اللي بتعيد للانثى قوامها بلا عمليات ولا رياضة كل ماهنالك مساج ينشط الدورة الدموية والجهاز اللمفاوي هكذا قيل لي وهكذا قرأت ان شاء الله في اقرب فرصة راح اجربه مهما كلفني الى متى ونحن نحلم بالرشاقة والجسم المنحوت ابحثوا عنة وتعرفوا علية ​

 

[omjoda]

انتظر تجربتك يا اختى وافيدينا جزاك الله خيرا

 

[(أم إلياس)]

انا حاليا اسنخدمه 3 مرات بالأسبوع مكثف صار لي 5 جلسات واليوم السادسه بتكون وفعلا حاسه بفرق خصوصا بخصري وفخودي ملابسي صارو واسعين علي شوي

بس بشروط تتبعين ريجيم او بالأحرى اكل صحي لأنه ادا تاكلين عادي مافي فايده اتسوينه والشي الثاني الدكتوره قالت لي يوميا امشي نص ساعه على الأقل واكثر من الماي قبل وبعد الجلسه

انا بنزل موضوع كامل عنه لما اخلص الجلسات هي 12 جلسه

ووزني مااحسه تغير وايد بس كيلوين يعني تقريبا كل اسبوع كيلو

واي استفسار حاضره

 

[نسمة امل]

والله ما اعرفة

 

[اكسجينة]

انا رحت للدكتورة اللي مركز صبحي بالروضة وسعر الكورس 2200 ماهمتني الفلوس بس اخاف من الاضرار على انه مامنه اي اضرار بعدين قالت فيه ابر الميزو راح تعطيني اياها فخفت مادري اخت ام الياس عند اي مركز وبكم قالت لك وهل ذكرت لك شيء عن الابر

 

[قلب فضه]

هلا اختي

بصراحه من زمان خاطري اسووويه وكثير مرررررة نفع وياهم

وبعد سعره مو غالي انا سالت عنه الجلسه ب100 ريال يعني الكورس 1200 لانو 12 جلسه

بصراحه حمستين استخدمه

بس لو تقيسي محيط بطنك قبل الجلسه وتقيسي بعدها وتقولين لنا كم ينزل بعد الجلسه
ولاتخافين مامنه ضرر بالعكس مفيد وبعد الميزوثيربي عبارة عن مادة بروتينيه سمعت كذا دكتور يتكلم عنها ويمدحها

ننتظر تجربتك وياليت تنزلين اول بالول وتحنا متابعينك

 

[(أم إلياس)]

انا رحت للدكتورة اللي مركز صبحي بالروضة وسعر الكورس 2200 ماهمتني الفلوس بس اخاف من الاضرار على انه مامنه اي اضرار بعدين قالت فيه ابر الميزو راح تعطيني اياها فخفت مادري اخت ام الياس عند اي مركز وبكم قالت لك وهل ذكرت لك شيء عن الابر

انا اسوي عند مركز رويان عيادة الدكتوره ناريمان رشاد لطفي بالبحرين منطقة البديع
ومايعطوني ابر ميزو انا قلت لها بس جهاز ال بي جي مكثف اروح يوم وترك 3 ايام بالأسبوع واستخدم اجهزه وايد مادري شنو اساميهم جهاز على البطن والفخوذ يطلع موجات واحس بإبر اتطززني هاللون واتعب وايد منه هالجهاز مدته 20 دقيقه والجهاز الثاني بنفس الوقت اسمع صوت يزن في راسي مادري ليش لين قابلت الدكتوره بسألها عن هالأشياء لأني ماكنت ادري عنها

وجهاز طبعا اللي يشبه المكنسه يألم بس استحمل شسوي يمررونه على جسمي وتضغط علي شوي انذبح طول هالوقت عشان الرشاقه يهون

ولاحظت فرق بجسمي ثيابي وسعت بعرف كم نقصت بعد اسبوعين بيقيسون علي وبخبركم ان شاء الله

وانا ماشيه على ريجيم من عند الدكتوره وامشي 6 ايامم بالأسبوع الجمعه عاطيه نفسي اجازه وتمارين خفيفه للبطن والفخذين

وبالنسبه لسعرها غالي شوي 30 دينار للجلسه و40 للجسم كامل انا ماخذه 30 بدون اليدين لأن مو وايد مترهله او سمينه

وعندهم جهاز احدث منه انا باخذه بعد مااخلص من هالجلسات بس غاليه وايد 50 للجلسه الجسم كامل وطبعا 12 جلسه

بس شغلهم وايد نظيف وعجبني

واي استفسار حاضرين

 

[قلب فضه]

انا اسوي عند مركز رويان عيادة الدكتوره ناريمان رشاد لطفي بالبحرين منطقة البديع
ومايعطوني ابر ميزو انا قلت لها بس جهاز ال بي جي مكثف اروح يوم وترك 3 ايام بالأسبوع واستخدم اجهزه وايد مادري شنو اساميهم جهاز على البطن والفخوذ يطلع موجات واحس بإبر اتطززني هاللون واتعب وايد منه هالجهاز مدته 20 دقيقه والجهاز الثاني بنفس الوقت اسمع صوت يزن في راسي مادري ليش لين قابلت الدكتوره بسألها عن هالأشياء لأني ماكنت ادري عنها

وجهاز طبعا اللي يشبه المكنسه يألم بس استحمل شسوي يمررونه على جسمي وتضغط علي شوي انذبح طول هالوقت عشان الرشاقه يهون

ولاحظت فرق بجسمي ثيابي وسعت بعرف كم نقصت بعد اسبوعين بيقيسون علي وبخبركم ان شاء الله

وانا ماشيه على ريجيم من عند الدكتوره وامشي 6 ايامم بالأسبوع الجمعه عاطيه نفسي اجازه وتمارين خفيفه للبطن والفخذين

وبالنسبه لسعرها غالي شوي 30 دينار للجلسه و40 للجسم كامل انا ماخذه 30 بدون اليدين لأن مو وايد مترهله او سمينه

وعندهم جهاز احدث منه انا باخذه بعد مااخلص من هالجلسات بس غاليه وايد 50 للجلسه الجسم كامل وطبعا 12 جلسه

بس شغلهم وايد نظيف وعجبني

واي استفسار حاضرين

ياليت تخبرينا عن النتائج اول باااااااول

وبالتوفيق حبيبتي

 

[ام يارا 62]

حبيتي مساء الخير للكل اناتوني كنت ادور في النت عن هذا الموضع وانا اقلب لقيت خبر شدني من وحده من الاخوات الله يجزاها الجنه فنقلت لك هالموضوع على طووووووووووووول دعواتك يمكن يكون اوفر لك

السلام عليكم ورحمة الله
ارحب فيكم ..واقول لكم ابشروا بالفرج ..

اكتشافي سميته اكتشاف نوره..واللي تنقله تكتب اكتشاف نوره وتدعي لي وعيالي
انا جربت ال بي جي وعجبني ولكن مواعيد ومشاوير واسعار غاليه

..وحنا نبي نستمر عليه وصعب هالحال
والفكره هذي نفس ال بي جي تماما بحكم اني جربتها
تعرفون ادوات الحجامه اللي تنباع ب 15 ريال!..كانت عندي ..فكرت ليش ما اسويها مثل ال بي جي ..اللي اكل فلوسنا!!لانه كله شفط في شفط وتمرير على الجسم ..
طبعا تجيبين الادوات وهذي صورتها

تدهنين اماكن السيلوليت بالفازلين ..وتحطين كأس من كؤس الحجامه على المكان وتشفطين بالجهاز واذا خرب الجهاز اشفطي بفمك شفطتين تقريبا ..والكأس تلقائي ينغلق وما ينسم..
..
يالله ذي تطبيق على رجل بنيتي

هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 1632x1224 و بحجم 124KB.

وهذي صورة يد ولدي اثناء الشفط < علشان ماتصير عوره

والله رهيب تفاجأت منه...وبعد ما تنتهين تسحبين البلاستيك الحمراء. وينسم..
بعد كذا تلاحظين ان المكان انشفط ..مشيه ومرريه على مسافه 30 في 30 سم..طبعا انتي تتحكمين في قوة الشفط اللي تتحملينها..واذا حسيتي ان المكان تدلك زين انتقلي لمكان آخر .,وممكن على الكتوف للي كتوفها كبيره ..او اعلى الظهر تحت الرقبه ..اي مكان كبير عندك
.وحتى منطقة الارداف تقدرين تسوين عليها عشان تصير دائريه.<<<مع الوقت ان شاءالله
والكؤوس احجام تناسب جميع المناطق
اتمنى ان فكرتي تعم فائدتها للجميع ..واتمنى الدعاء لي ولعيالي بالعافيه والسعاده في الدارين
وعادي انقلوه لاي منتدى لكي يستفيد منه الجميع ويدعون لي بعد ..
تراني ما اقدر ارد لان مسموح لي 3 مشاركات فقط..بكره ارد ان شاءالله
اي استفسار تامرون امر ...

 

[اكسجينة]

صباحكم خير /
معليش عالتأخير بس حبيت يمضي علي كم جلسه عشان ابشركم اليوم عندي موعد مع الجلسة الثالثة الى الان مالاحظت شي وصدقوني راح ابلغكم بالنتيجة اذا لاحظت شي

 

[همسة ليال]

الله يبلغك مرادك

 

[عذووووبه]

موفقه

 

[شاطئ العطاء]

للأسف انا اخذت لي 12 جلسة LPG
وما استفدت منها ابدا الا بالعكس سببت لي ترهلات بالأفخاذ

 

[الوجه الطفولي]

ليه ياشاطيء مانفع يمكن مامشيتي صح مع الطبيبه
اوماخففتي الاكل ومامشيتي رجولك نص ساعه
ننتظر التجاررررررب​

 

[lovely-1]

موفقة يارب

أنا سويت 12 جلسة فيه تغير في المقاسات كم سم وتختلف من منطقة لمنطقة من حيت التقبل والتغير

أتوقع الجهاز بيفيد للي ماعندهم زيادة كبيرة بالوزن وأستخدمت معاه أجهزة ثانية بنفس الوقت اسمه جي فايف

واروشا بس فيه جهاز جديد اسمه زيرونا يقول الاستشاري أنه أحسن من ال بي جي أنا ماجربته ولالقيت أحد يفيدني عنه

 

[نجمه الخليج123]

صديقتي صلحته اول رجيمها وبعدها نحفت من اتابع رجيم من النت ومشي بالممشي

وعن نفسي ماعجبني بصراحـة احس مافيه احلى من الرياضه وتخفيف الاكـل

 

[اكسجينة]

مرحبا / عزيزاتي انا اسوي رياضة واخفف اكل مع ال بي جي طبعا لازم من المشي وشرب الماء انا غامرت بصراحة بناء على بنات النت وكلامهم عنه والنتائج المذهلة اللي لاحظوها وعلى الله استخرت الله وتوكلت علية وان شاء الله يتحقق مااريد وماخاب من استخار بس اكتشفت انه لابد من الرياضة مهما حصل ومهما تطورت اجهزة التخسيس بس انا قلت ابي شي يعطيني دفعة للأمام ويحمسني ويساعدني على النحافة والله يسهل طبعا راح اتابع معاكم النتائج كل مالاحظت شي ودعواتكم ​

 

[اكسجينة]

مرحبا / احد معي النتائج مذهلة
اكمل والا لاحياة لمن تنادي

 

[$$ أم سلطان $$]

هلا اختي العزيزه
عساج عالقوة
كملي اختي انا بعد اريد اسوي الجلسات وببدا من الاسبوع القادم ان شاء الله
دمتي بود

 

[اكسجينة]

صراحة انا مبسوطة واشجع كل وحدة صح مؤلم شوي بس نتائجة تظهر بسرعة انا بس اعاني من الكرش والله كريم مع الرياضة اكيد بيكون لها اثر مع ال بي جي