جهازي يطفي من حالة ماالحل

[يمانيه]

السلام عليكن ورحمة الله وبركاته

خواتي ارجوا منكن المساعده ضرووووووووووووري

وهو ان جهازي صار يطفا فجأه من غير اي مقدمات

وطفا علي اكثر من مره

ما ادري شنو الحل :dunno:؟؟؟

ووين الخلل ؟؟

وشنو المطلوب مني ؟؟

والله اخاف يخترب الجهاز :no:

شاااااااااااااسوي :icon1366:

(((علماً جهازي والله الحمد صار له 3 سنوات وياي ولا مره سويت له فرمته
ومره وحده نظفت مروحته
ونوعه لاب توب اتش بي )))

والسموحه

 

[salma_ahmed]

جنى عزيزتي ..





مشاكل فنيه أو قطع غيار ..

أولا .. إذا في مشكلة بطارية أو نقطة توصيل الكهرباء باللابتوب (الباور بورت) .. اللي هي البلج في ظهر اللاب توب (تهتز من العنف وسحب الواير منها ) ..

شلي البطارية .. وخلي الواير مال الكهربا واصل .. وشغليه .. إذا عادي يعني البطارية إنحرقت من كثر ما تشحنيها .. وإذا بعدها فيه نفس مشكلة .. يعني البورد أو الباور بورت فيه مشكلة .. وهاي مشكلة شوي عويصة ومكلفة .. بالأصح يغشون فيها ويدفعونج عليها بلاوي .. وهي مسألة فنية بسيطة نوعا ما ..


ثانيا .. لاحظي هل في صوت قبل ما يموت .. فهاي يا عزيزتي المروحة ... والجهاز يسخن زيادة عن اللزوم فيموت قبل ما ينحرق ..


والشي الأخير .. هل إنتي تحركينه وبعدها يطفي .. والا لا .. هاي أكيد مشكلة بورد أو بور بورت ..






مشاكل برمجة أو ويندوز
هل في شاشة زرقا تطلع أو أي شي قبل ما يطفي .. وبعدها يسوي إعادة تشغيل بروحه .. أو في برنامج معين تشغلينه وبعدها الجهاز يسوي كراش (يغني ينتحر) معناه الموضوع سهل وايد وبس يبالج تفرمتين المحترم وكان الله يحب المحسنين ..





أنا أسفة .. يوم شفت الملكة حاطه إعلان عن مطلوب إشراف من متخصصة في المجال .. قلت غريبة .. شو السالفة .. بالعادة المواضيع هنيه عادية وما تحتاج تخصص .. فقلت خلني أشوف .. والله مب طمعا في الإشراف .. وأنا أحلف.. لأني إكتشفت إنه مسئولية ووجع راس ..



أنا أسفة ما نفعتكن بتخصصي .. الله يهديني ..


بس إذا حد عنده مشكلة يا هلا ومرحبا بالأسئلة على الخاص والعام ..

ورجاء .. ما حد يسألني على الهاكنج أو التلصص على الأجهزة .. هذا اللي يكرهني في إظهار مجال عملي ..

والسموحة مرة ثانية ..​

 

[شموخ عـزي]

عيوني ودية لمحل الاجهزة اكيد فية علة كبيرة لو سبتية على حالة راح يحترق من كثر مايطفي