واهلين بيك ياغاليه والله قبل مااعرف المنتدى هدا لم اكن اعرف بحجم وحقيقة الرجل الشمالي ومعناة النساء معه كنت احسب انى لوحدي وجدت تلت ارباع نساء العرب يحملن نفس همومي ههههه في البدايه خفت واكتئبت وحزنت ولمت حظي قلت يابنت ادا هدا اوله ينعاف تاليه علي قولة اخوتنا في الخليج يعنى انا لسه علي بر مخطوبه لكن هادين عاشرن وجربن الحياه معه فهن اخبر مني فيه بس مع تقتي في الله ونفسي من بعد وفي منطقية حلولكن وارائكن رجعت ابتسمت وحمدت ربي عليه دكرتيني بامي واختى وخالتي دايما يقوللي الحمدالله لقيتي من يروضك هدين دعواتنا عليك بانه ربي يطيحك براجل ماتعرفي النوم معاه ديمه واقفه علي رجل وحده من كتر عزايمه وكترة طلباته وكدلك علشان يقلص من طلعاتك ودخلاتك (ياليتهن دعلي احصل مليون دولار هاديك الحظه هههه لانه باب العرش مفتوح واستجاب ربي لدعواتهن )فعلا الرجل الشمالي يتحلى بكتير من الصفات الايجابيه الي تكاد تخلو من سواه فشماليا متلا تربى علي يد اقاربه الدين لاينجوبون عقيمين مع انه اهله موجودين وهو ساكن مع الي ربوه حتى لمى بنى بيت الزوجيه بناه بجنبهم كي لايقارقهم وعمل لكل منهم غرفه خاصه وجناح كامل لهم حتى بعد رفضهم السكون فيه لكيلايحدومن حريتى في بيتي وبار فيهم جدا دايما يسفرهم ويعالجهم في افضل البلدان ومحترمهم ويموت عليهم وها الي خلاه يكبر في عيني واصحابه هدوم نقطة ضعفه في الحياه احس احيانا اني اغير منهم لو مزاجه تغير ولبس قناع الكابه اعرف انه واحد من اصحابه عنده مشكله !!والي في جيبه مو له بدات معاهم يحرم نفسه ويعطيهم ! اقوله احيانا انت تبالغ في كرمك يقول مااعرف ارد احد قصدني استحي !هدا قليل من كتير يطول وصفه في المقابل زعله يقهرني ويطول ينرفزنى بجد في البدايه كنت اتحطم وانغلق على نفسي واموت روحي بكاء لدرجة انه كل اهلي يعرفو من وجهي ادا كنا مزاعلين لدرجة انه قعد سنه كامله في مره زعلان منى وكان السبب اني تجرات لاول مره بسبق الاصرار والترصد انى اتير غيرته علي وكانت النتيجه سنه هجر وحرمان !! وانا كنت في امس الحاجه له داك العام وفاة اخى !! واساني بس برساله مع انه اخى كان صديقه وجاء عزى اهلي وانا لا ..من داك الموقف وهالجهر قويت نفسي صرت ماانزل دمعه قدامه الامن باب الكيد والدهاء وماادور عليه هويدورني ومااترجاه واصالحه متل طريقته رب ضاره نافعه كنت محتاجه هالصفعه القويه منه لااكون قويه واتجرد من رومانسيتي المفرطه الحمدالله وربي يسعدنا وياهم ويكتبلنا الخير ..ضحى اماني مرورك من هنا اثلج صدري ومدني بشحنه من الايجابيه ربي يسعدك دائما وابدا
