جزاها الله خيرا من تساعدني

[شوق الامارات]

بسم الله الرحمن الرحيم
انا جديده عالمنتدى وبصراحه المنتدى روعه واللي فبه طبعا احلى واحلى:icon31:
يا بنات انا متزوجه من 7سنوات وعندي ثلاث اطفال الله يحفظهم ويطول بعمرهم ويهديهم يارب
مشكلتي هي زوجي فرغم حبي الكبير لزوجي وحبه لي اللي متاكده منه بس زوجي خاااااااااااااين :sadwalk: :icon1366:
من تزوجنا لليوم وهو ما غير طبعه تليفونه كله ارقام بنات
تعبت كثيييييييييير وفي النهايه تركته وتوكلت عالله وقلت يا فلانه اذا ما خاف من ربه كيف راح اراعيج
والله قلبي اعورني حيييل بس ما احب اكلمه فها الموظوع لاني ملييييت
على فكره انا ما افتش مبايله نهائيا ولا احب افتشه كنت افتشه قبل بس الحين من 3سنوات ما احاول امسه مووول
راح تقولون كيف شكيتي فيه:dunno:
لانه دايم مبايله فالسياره واذا عنده وانا معاه لازم سايلنت وذاا كان عام وهذا نادرا فمستحيل ارد عالمكالمات اللي تجيه وحتى المسجات مايشوفها ولو سالته اقولي بعدين ويغير الموضوع بسرعه وكل وقته برع مع الربع ودي اغير من طبعه واخليه احس بالمسؤوليه ويترك هالخرابيط بس كيييف ؟؟؟
والله من كثر حبي ليه ادعيله دوم بالهدايه وربي يصلح باله ...........الله يخليكم افيدوني كيف اتعامل معاه

:c017:

 

[شوق الامارات]

بنات ليش الله يهديكم ماتردون والله ظايج بالي حيل

 

[تاج الوقار]

عارفة الهادي الله يعني وش في يدينا أنا زيك أعاني مع زوجي من ناحية الخروج الدائم من المنزل وشكي فيه في بعض الأمور بس ما وصلت معاه لنتيجة كل النقاشات تنقلب ضدي في النهاية ريحت راسي وصرت كل ما أحس بضيقة استغفر الله واستغفر يوميا ألف مرة وبعدها أحس براحة عجيبة وأدعي له في قيام الليل بالهداية والتقوى والصلاح وناوية أدخل دورات الاستاذة ناعمة واشترك بالاستشارات صدقيني وكلي أمرك لخالق البشر وهو القادر والكفيل بتغييرهم هذا اللي أقدر أفيدك والله يفرج عني وعنك​

 

[ام البنية]

مب شرط اذا كان كله برة انه خاين اخذي الارقام اللي في موبايلة واتصلي عليها من اي مكان سوبر ماركت او المركز الصحي حتى تقطعين الشك باليقين واذا كان الرقم لبنت واجهي زوجك بكل ثقة بالرقم اللي عندك وشوفي بعدين ايش ردة فعلة والله يكتبلك اللي فيه الخير ان شا ء الله​

​

 

[اناسيم]

الله يهديه لكم ان شاء الله

حاولي انك تلقين حل لمشكلتك بعقل وهدوء انتي عندك عيال فلا تتهورين بخراب بيتك

واحسن من يساعدك الدكتورة ناعمة الله يحميها من كل شر ويكثر من امثالها

ومشاء الله انتي من الامارات يعني مو صعبة انك تروحين لها

وعليك بالدعاء والله يسهل امرك ويطمنك

 

[nono]

جزاك الله خير على صبرج
بس مو معناته انج تسكتين عن الموضوع مكتوفت الايدين
لا بس راويه بنغزاتج له بالكلام انج امشيه على كيفج
هاتيله قصة واحد يغازل وعنده زوجه ما مقصره وياه وعيال وما يستحي على ويهه وأونه هذا زوج صديقتك وقوليله أبغي استشارتك شو اتسوي صديقتي
**
**
حاولي انج تهملينه اشوي واهتمي بأي شيء آخر والله ينغاض ولا تبينين حبج اشوي خفي
وأتمنى لك التوفيق

 

[aldana]

لا حول ولا قوة إلا بالله العلي العظيم .......... يا بنات إلى متى بتعيشون بهالسلبيه هذي ؟

الحقيقه ... مجتمعنا يعاني من جهل باالحقوق ويمكن بعد بالواجبات ...

يا عزيزتي هذي حياتك وهذا زوجك .... ومن حقك تدافعين عنهم بكل جوارحك ....

الزوجه السلبيه والضعيفه أكيد بينهضم حقها ...وهي الي معرضه للمشاكل مستقبلاً ...


عزيزتي ... النفس الطويل حلو في التعامل مع الزوج .... ولكن النوم في العسل ممكن ينيمك بالوحل بعد فتره ..

لا تسدين أذانك وتغمضي عيونك ..وتقهرين نفسك وتحطمين حياتك .... إدا خانك زوجك أو حتى شكيتي بالخيانه ... ابحثي عن الدليل أهم شي الدليل ..

وبعدها المواجه تكون بكل ما أعطاكي الله من قوة ... فالرجل قوي ... ولا يفوق إلا بقوة أكبر منه .

ولازم تكون المواجهه ..فيها تهديد ... وتعقيد ... وراس ناشف مستحيل يرضى ولا يقبل بالخيانه ...

خلك قويه وصارمه ... ولا ترضين بسهوله .... بيتحول إلى كائن ضعيف وهش قدامك ...ويصير يبحث عن رضاكي لأنه شاعر بغلطه ...

وقتها اشرطي عليه أي شرط حتى ترضين وخلي شرطك صعب التحقيق ... اضغطي عليه عشان ما يعيدها ويحسب لك ألف حساب قبل لا يفكر بالاستهنه بمشاعرك الثمينه ...

ونصيحتي لك بعد ما ترضين إياااااك ثم إياااااك تعيدين تذكر الموقف أمامه أو تشكين في تصرفاته علني ...بل بالعكس أعطيه الثقه وانسي الموضوع .

وبالتوفيق

 

[نسائيات]

مرحبا بك غاليتي في المنتدا
اختي الكريمه تقولين من يوم تزوجتي وزوجك يغازل وله علاقات
يعني زوجك مريض بمرض تعدد العلاقات
ومهما سويتي و مهما فتشتي في مبايله ورحتي وسبيتي البنات اللي في التلفون ما راح يغير هذا شيء من زوجك
نصيحتي لا تسعين لتغير زوجك بل اسعي لتغير نفسك
انت قادره فقط على تغير شخصيتك لا على تغير شخصية زوجك
ان استطيعتي ان تهتمي بنفسك فقط وبتغير نفسك ستلاحظين التغير على طبعا زوجك
فقط حاولي
لان الاهتمام بزوج مدمن على اقامة العلاقات و البحث من ورائه و تفتيش تلفوناته و .......................الخ يجيب الهم للزوجه ومع الوقت يصير عندها تبلد في المشاعر واحباط ماله نهايه
و ذكرتيني بقصة وحده تزوجت مدمن علاقات وكانت تشتغل زوجها كان ذا علاقات متعدده ويوم كانت تصارحه يقول خلاص ويرجع ومع الوقت صار عادي عنده تعرف ولا ما تعرف وهي طبعا تحاول وتفتش تلفوناته و الارقام و تتصل على هذي وتتصل على ذيك
المهم في يوم قال لها سبب خيانتي عملك
راحت على طول وفنشت من الدوام
وقعدت تراقبه بس الريال ما رد عن ادمانه للعلاقات بل العكس صار مثل قبل واكثر
وبدل ما تكون هي مسيطره على الموقف صار زوجها وبدون ما تحس مسيطر على جميع افعالها وصارت هي بقايا انثى من الهم والغم وبعد لو اهتمت بنفسها وباولوياتها في الحياة كان صار عندها شيء تهتم فيه غير زوجها لكن هي اهتمت بزوجها فخسرت كل شيء

فاهتمي بنفسك وبتغير نفسك قبل ان تهتمي بزوجك
هناك بعد العيد دورة العمر الجديد بامكانك المشاركه فيها

 

[قلب حر]

صحييييييييييييح كلام حكاوينا ...اختي الغالية دللييييييييييييييي نفسك بما تحبين وركزي على التمتع بنعم الله سترين حياتك مختلفة ..........
وفقك الله

 

[&زهور الياسمين&]

كان الله في عونك غاليتي وهدالك زوجك إن شاء الله

 

[شوق الامارات]

اشكر جميع البنات اللي اهتموا فرسالتي واقول لكم جزاكم الله الف خير
وشكر خاص للاخت حكاوينا فعلا انا احتاج اهتم بنفسي واغيرها
بس ياليت تعلموني اشلون اشارك فالدورات ولاتنسوني من دعاويكم