جرح الخيانه

حياتي كلها جروح

حياتي كلها جروح

New member
إنضم
2010/04/04
المشاركات
14
السلام عليكم ورحمة الله وبراكاته
انا مشتركه جديده بقولكم قصتي واتمنى انكم تساعدوني
انا فتاة عمري 25 سنه متزوجه وعندي بنت تربيت وسط اسره محافظه كنت عايشه عند زوجة اب وما ادراك مازوجة الأب ذقت انواع المر منها ومن بناتها وعيالها المهم تقدم لي شخص ظروفه الماديه ضعيفه وبسكن عند اهله وسألنا عنه تمام تزوجت ولكن المفاجأه صارت بعد الزواج صار غير بيئتي تماما اول مااخذته كان يصلي وفجأه صار يصلي يوم وشهر واكتشفت ايضا انه مريض نفسيا وممسوس تحملت وصبرت حبيته دلعته حنيت عليه احترام تقدير مافيه شي الا سويته كل مايخطر ببالكم من حركات الحب والرومانسيه والهدايا بكل المناسبات وجميع حقوقه بعد فتره اكتشفت انه يخوني مع بنات كم مره واجهته ويتأسف ويحلف ايمان ويقسم انه ماعاد يكلم اخر مره حلف وقال حرام حرم اني ماعاد اكلم وطحت فيه امس يكلم وتهاوشت انا وياه وقلت وشلون تحرمني وترجع تكلم انا تعبت مدري وش اسوي رغم انتي احبه وقلت لكم مافيه شي ماسويته وامس تلفظ علي وقال ياحماره غصب احبك اانا من جد تعبانه اكتب لكم وربي وانا ابكي وش اسوي يارب وش الحل كان ودي اتطلق بس وين اروح ارجع عندزوجة ابوي وعذابها وحرماني من امي ومن كل شي حلو بالحياة تكفون ردوا علي وساعدوني وربي انا بحال مايعلمه الا رب العباد وصابره ومتحمله
والف شكر لكم
 
اسال الله الكريم رب العرش العظيم ان يفرج همك ويبدلك في غدك خير من يومك

اكثري من الاستغفار فان للاستغفار اسرار

عوفيت مما ابتليت
 
حبيبتي الله يهديه ابغى اقولك على حاجة بس ما ادري انتي بتصبري او لا سوي نفسك ولا هامك اضحكي سولفي تشيكي دلعيه اهتمي ببيتك واتركيه لاتنكدي عليه واذا كشفتيه مرة ثانية اسكتي وادعي الله بان يصرفه عن بنات الحرررررام بدون ما تناقشيه لان الباين ان النقاش ما ينفع معه ترى بكرة بيقول انك منكدة عليه حياته ويصير يفتعل المشاكل معاك علشان يطلع ويكلمها ..بس زي ماقلت اتركيه يسوي اللي يبي بس وانتي مراقبته وانتي ساكته والله مرده لك وعن تجربة هذا الكلام..... والله يسخره لك
 
اصبري حبيبتي مدام ان العذاب وراكي وراكي وتكوني ببيتك معززه ولا عند زوجه اب تهينك الله معاكي وفكرتيني بحالي الله يفك ضيقتك
 
شوفي حبيبتي مالك الاالصبر والدعاء والله الحريم يصبرن على رجالهن وهن يقدرن يزعلن وبيوت اهلهن مفتوحه وامهاتهن عندهن ورغم ذلك مايطلعن من بيوتهن ياحبيبتي والله حاسه فيك بس انتي حطي في بالك ان فيه حريم يكتشفن رجالهن بخيانه في وسط بيتها ومع الخادمات ويصبرن عشان عيالهن والا اللي تشوف زوجها طالع مع وحده والله لاتطلعين من بيتك واذا تبين تأدبينه ازعلي عليه وانتي في بيتك وغيري معاملتك معه شكل زوجك مايحب المرأه اللي تدلعه يحب المرأه اللي شخصيتها قويه وقللي اهتمامك فيه الرجال متى مادلعتيه قل حبه واهتمامه فيه خليه هو يدلعك وشوفي اكثر الرجال اذا حطته المرأه فوق راسها يصير مايشوفها لانه خلاص ضامنها في الجيبه بس لما يحس انها بأي وقت تروح وتنسى حبه يتمسك فيها وان شاء الله يسخره ربي لك ومايشوف غيرك والله يوفقك
 
الصبر ........................الدعاء .......................الاستغفار
مدام ماوراك الا زوجةابوك ارضي بقردك لا يجيك اقرد منه ,اشغلي نفسك ببيتك وادخلي دار تحفيظ .....................والحريم كلهن صابرات علي اشياء لاتتطاق علشان الوحده في بيتها ملكه ...............ارحمي ضعف بنتك انت ذقتي مراره زوجة الاب حافظي عليها وتحملي علشانها .
 
الله يفرج همك وييسر امرك يارب

كثري من الاستغفاااااااار ياقلبي والدعاااء

وصدقيني الصبر مفتاح الفرج
 
اكثري من الاستغفار والدعاء
واذا صحيتي في الليل حتى وانتي بسريرك قولي سبحان الله والحمدلله والله اكبر ولاالله الالله ولاحول ولاقوة الابالله
ثم ادعي بعدها بصلاح زوجك لربه ولك وان يصرف عنه بنات الحرام ويصرفه عن الحرام ولو صليتي ركعتين (لاتحدثي بها نفسك) واستغفرتي بعدها افضل
وهذا الدعاء وارد في السنه لمن استيقظ بالليل
ولو شفتي ان زوجك يكلم اعملي نفسك ماشفتي وهو يكون فاهم انك ماشفتي علشان يعمل حسابك دايما وبيمل من القلق انك تكشفيه مره ثانيه افضل من يكون عارف انك شايفته وما تتكلمي راح يتمادى زياده
الله يفرج همك ونار زوجك ولاجنة مرة ابوك << لاينتبه للنقطه هذي علشان لايستغلها**
 
الله يصبرك اسمعي حبيتي لاتكلمين زوجك ولاتناقشينه باي حاجه وسوي الي اقلك عليه قبل اي شي فوضي امرك لله ولاتطلبين الطلاق عشان بنات مايستهلون وليه تطلقين وتتركين زجك لهن هذا غلط بدل ماتعلجين المشكله تزيدينها اكثري من الاستغفار ليل نهار وصلي صلاة اليل واشتكي همك وحزنك لله هو وحده اعلم بحالك واكثري من الدعاء الدعاء الدعاء في السجود وصدقيني انتي لجئتي للواحد الاحد ولاراح يخيبك وخليك على مانتي عليه اتزيني واهتمي بروحك ولا كان شي صار اتمنى لك التوفيق وحياه سعيده
 
الله يعطيكم الف عافيه والله كلامكم ريحني رغم انه جاني امس الفجر وضربني قدام بنيتي وقمت ابكي بحرقه وربي وربي ان بنتي ام سنه تبوسني وتمسح دموعي بيدها الصغيره جعلها ماتنشل والله قمت ابكي لا شعوريا الصغيره حاسه بأمها ضميتها وصبرت مارديت عليه ولا بشي وهذا قهره زياده يبغى ينرفزني ومتحمله وصابره
دعواتكم لي
ودعواتي لكم
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل