جرحتني وجرحك قواااني ::حصريا على بلقيس

روائية ممتازة واسلوب راااائع بانتظارك سمو
 
وينك ياسمو والله بااسال عنك ماهو عن الروايه لن طولتي وانشاء الله تكوني بخير لك شهر ياسمووووووو الله يسمهنا عنك كل علم طيبودمتي لمحبتك في الله صبوحه 20:icon30:08​
 
وينك ياسموووو وينك ياقلبووووووو انشاء الله تكوني بخير
:blush-anim-cl::shiny::icon30:

تااخرتي علينا والله نسئل عنك ماهو علشان الروايه والله نسئل لانك اخت وعزيزه وغاليه

وانشاء الله تكوني بصحه وعافيه يارب والله حتي اخواتي يسلمو عليكي والله يسمعنا عنك كل علم حلوووووو
 
غاليتي سمو الوجد...

تأخرتي كثيييييرا...

لذلكـ سألغي التثبيت رغم روعة القصه...

وسأغلقها لانكـ شهر ونصف لم تضيفي اي اضافه...

كثرت الردود تشتت الاجـــزاء...

عند عودتكـ ورغبتكـ في اكمالها...

فقط راسليني وسأقوم بفتحها لكـ...

اتمنى ان تكوني بصحه وعافيه...

وان تعودي لنا بأسرع وقت...
 
عزيزااااااااااااااااااااتي البلقيسيات


السلام عليكم ورحمة الله وبركاته

في البداية انتم وحشتووووووووووني جدا وربي
وانا متأسفة اني علقتكم معاي وماكملت الرواية
لاني جاتني ظروووووووووووف كثيرة وماتفرغت لها
اكيد نسيتوا الاحداث مثلللللللي :31:
راح انزل لكم الجزء اللي بعده يصير يبقى كم جزء وتنتهي الرواية
وسلاااااااااااااااااااامتكم
 
الجزء الثامن ​



ناظر فيها مستغرب .. منصدم ..
آآخر شئ يتوقع إن ريم تطلب هالطلب يعرفها .. ماتحب الشر لآحد ..
تساءل ممكن شدة الغيرة أو قوة حبها لي .. أعماها عن الصواب ...
تقولي .. اطلق سمر ؟!!!
مستحيل ...
ورنت الكلمة هذي في سمع ريم
مستحيل
مستحيل
مستحيل
وتردد صداها في اذنها .. حست بغشاوة ..
اختفى كل شئ جميل ..
يعني يحبها .. وما يقدر يستغني عنها ...
قالت .. وهي مصدومة ... ليه مستحيل ؟!!
ودموعها على خدها ..
عشانك تحبني تطلقها .. والسبب اللي جبرك تزوجها زال مو صح ؟؟
اخر شئ اتوقع انك تطلبين هذا الطلب ؟؟
تبيني اطلق اللي تصير بنت عمي قبل لاتكون زوجتي ..
تبيني اغضب أمي .. وازعل عمي .. ليه .. عشان حرمتي طلبتي اطلقها ؟!!
برايك هذا صحيح . ..فكري بعقلك .. لاتخلين عاطفتك تغلبك .. مثل مانتي لك الحق هي بعد لها ..
زادت صدمتها .. خاب أملها .. معقوله .. هذا خالد .. وين اللي أول مو راضي بالزواج هذا .. صار العكس هو متمسك فيها ..!​

ما تمالكت أعصابها .. بس أنا تعبت .. ما قدر استحمل ..خلاص وصلت معي ..شوف شو صار بعد ماتزوجتها صرت احيانا تطنشني وتبيت عندها ..
مااستحمل نظرات الشفقة والتشفي من الناس ..
مااظن ان في طاقة وصبر اكثر من كذا .. عارف والا لا .. انا انسانة مو جمااااااااد .. بشر ...من لحم ودم ..عارف والا ناسي .. وتهدج صوتها .. عارف والا اذكرك ؟؟؟
حرام عليك .. أنت ظلمتني .. ظلمتني ياخالد ..
لو حملك كان قبل زواجي كان مايتم .. لكن خلااااص كل شئ انتهى وخاصة .. أن سمر بعد حامل ..
الصدمة ألجمتها ..
سكتت وكأنها فقدت القدرة على الكلام ..
ضاع كل شئ بتقوله ..
صارت ملامحها باهته .
بعد دقايق استوعبت ..حامل ..
؟!!!!!!!!!!!
رد علليها ..يعني ..الحمدالله ربي عوضني بصير ابو في سنة وحدة ..
جرحتها الكلمة ..
يعني حملت في شهرين وانا سنين عشان احمل ..
آآآآخ يالقهر ..آآآآه
انسدت في وجهها الدنيا
خلالااااص ماعاد في ذرة أمل أن خالد يترك سمر .. صار في رابط قوي يربطهم ..
بعد الصمت اللي امتد لدقائق ..
قال لها وهو رافع حاجب .. مستغرب .. لها الدرجة الخبر قلقك .. لدرجة ماتباركين لي ؟!!!
طالعت فيه بنظرة تحمل كل .. الأسى .. والحزن .. واليأس .. وفي خاطرها تقول .. أنا وين وأنت وين ؟
مهما وصل عندها درجة الحزن .درجة الغيظ منه .. تتمنى الخير له .. والله يفرحه يفرحها بالطبع .. لو كان يطعنها ...
أعلى مراتب الحب .. أنك ترضى باللي يسعد حبيبك ويفرحه ..!
كابرت على جرحها اللي ينزف .. على قلبها اللي يتقطع ,,ولا احد حاس فيها ..
قالت .. مبروك الله يبلغك شوفتهم وتفرح فيهم ​




أم خالد ... يوم درت بالخبر .. ماوسعتها الدنيا ..
سوت حفلة بهذي المناسبة .. وعزمت فيها الكل ..
وتخيلوا شعور ريم اللي حتى كلمة مبروك ماقالتها لها ..
كأن اللي في حشاها مو حفيدها .. من بدري وهي مو متقبلة وجوده ..​















لكنها رغم القهر اللي في قلبها فضلت انها تطنش احسن وتعيش مرتاحة يعني وشفيها لو فرحت ام خالد بحملها وان شاء الله زعلت يعني بيضفي عليها شئ ؟؟
اصلا من متى ام خالد كانت تهتم في امرها او تكن لها الحب ؟؟
على الرغم ان ريم دايم تضغط على نفسها عشان خالد وعشان المرة هذي بمكانة امها ..
ضحكت بينها وبين نفسها بسخرية .. هذي نتيجة احترامي لعمتي ؟؟!!
هذي نتيجة تقديري لها ؟؟؟!!!
لكن من يوم ورايح أشيل القناع اللي لابسته وارويها حقيقتي وما اسكت ان غلطت في حقي ؟ ابدا ...
نزلت دموعها وجلست تبكي بهستريا أي حق اللي ممكن مااسكت عليه ؟؟
خاااالد اللي راح من يدي ؟؟؟؟؟
مكانتي اللي كانت في قلبه استحلتها سمر ؟؟؟؟؟؟
اجل شوو بقا لي من حق ياااااااااربي
زاد بكيها وانفعالها ........
يااااااااااااااااااااااارب ان ترحمني وتجبررررررر كسري يااااااارب يااااااااااارب .....
نامت وخدها كله دموع ..
وقلبها كله قهررررررررررر
صحيت من نومها على حركة في بطنها كأنها رفسة ..
استرخت وجلست تتحسس بطنها بيدها بكل رقة ويحنان ..
ولما تكررت الرفسة مرة ثانية في جهة ثانية .. ابتسمت كانت الدنيا ما تسعها من الفرح ...
يااااااااه قد ايش انتظرت هالللحظة ... ياقلبي .. ياولدي ... ياحبيبي متى اكحل عيني بشوفتك .. نزلت دموعها اللي صارت رفيقتها الفترة الأخيرة .. لكن هالمرة تختلف نوع الدموع كانت فرحة وسعادة ... شئ ماتقدر تعبر عنه ... في هاللحظة الي كانت ودها تصارخ بأعلى صوت من الشوق واللهفة لجنينها .. دخل عليها خالد .. وتفاجئ من شكلها لدرجة شك في عقلها انها ممكن يكون صابها شئ .. وتعجب من المنظر ..
طبعا هي كانت غارقة في عالمها ماحست فيه يوم فتح الباب ولا انتبهت لوقفته يتأملها ..
قرب منها انتبهت له .. ابتسمت له بلا شعور ... نست في اللحظة هذي كل اللي صار ... احساس الأمومة طغى على كل احساس ..
تفاجئ بسم الله وش صار عليها ..
رد الابتسامة بالمثل ... لكن كانت الابتسامة .. استغراب .. وعجب وسخرية
اللهم سكنهم مساكنهم وش فيك توزعين ابتسامات وأنتي لحالك .. الا اذا في ناس تشوفينهم وانا ماشوفهم ..
ردت عليه بكل ثقة وهي تضحك : فعلا في ناس أشوفهم وما تشوفهم .. حست ببوادر حركة خفيفة .. مسكت يد خالد بسرعة ... وحطتها على بطنها في نفس المكان اللي قاعدة تحس انه يرفس فيه .. وهي تطالع فيه بفرحة وتنتظر ردة فعله ..
خالد أول ما لمست يده بطنها حس بحركة خفيفة .. طالع فيها بيتأكد انه صح هذا ولده قاعد يتحرك .. ابتسمت له وهي تهز راسها .. وكأنها ترد على تساؤله ... انه هذا ولدك أخيرا دبت الحياة فيه ....
خالد ماقدر يتحمل ... زاد شوقه لولده اللي كم سنة ينتظره ... نزلت دمعة من عيونه وهو يضحك ... حس الدنيا ما تشيله من الفرحة ....
مسك بكف ريم ,, والابتسامة شاقة حلقه .. أخيرا اللحظة اللي انتظرناها جات .. تذكرين يوم كنتي تقولين لي قبل سنتين ... نفسي أجرب شعور الأمهات يوم جنينهم يتحرك في بطنهم ...
ردت عليه وهي مبسوطة .. الحمد الله ذلك فضل الله يؤتيه من يشاء ...
خالد حن للأيام اللي كانوا فيها بعض ,, للأيام اللي كانوا فيها أسعد زوجين .. اشتاق لابتسامتها العذبة وضحكها ومناقراتها معاه .. حس بحنين جاااااااارف ........
ماقدر يتمالك نفسه ... ضم ريم بكل قوة وحب ومسح على شعرها .. بالمقابل .. ريم حست بشوق مماثل لشوقه وطرا على بالها نفس تفكيره .... مرة ثانية أعلنت دموعها النزول .. وصارت تنزل على خدودها بكل أريحية ...
......
بعد الموقف المشحون وبعد ما هدت ريم ..
قال خالد بكل حمااااااااااااااس .. يلا ياريومة بالمناسبة أنا عازمك في أحلى مطعم بسرعة البسي عباتك ..
ضحكت ريم .... يلا الحين البس .. قامت بسرعه حست انها خفيفة وان جسمها رجع له نشاطه اللي قبل ..
سرحت .. قالت ( يا لله لهذي لدرجة الهم يثقل القلب والجسم .. )
بوقت قياسي .. تجهزت ولبست عباتها ..
وأعلنت في نفسها .. إنها اليوم ما راح تخرب الليلة الحلوة بالغيرة والمشاكل .. وراح تبعد كل اللي يكدرها عن بالها .. ويكفيها زعل وبكااااااا لمتى بتظل على الحاله هذي ؟؟؟؟ جاها خاطر سريع أو ممكن نقول وسوسة من الشيطان .. أنتي ياما تقولين كذا وترجعين لحالتك الأولى وأردى ,, نفضت ها لخاطر عن راسها ,, وكملت طريقها ....
خالد ... كان بجد يحب ريم وشعوره نحوها قوي ,,أكثر من سمر .. لكن ريم تفتح له باب يهرب منها بسبب غيرتها ومشاكلها اللي كثرت بعد حملها .....
سمر بسبب وحامها الشديد اللي انصب في مصلحة ريم كرهت بيتها وخالد وصارت ما تطيقه ولا تطيق ريحته ... وعلى أقل شئ تشمه ترجع ( الله يكرمكم ) عشان كذا قرر انه الأحسن لسمر ترتاح في بيت أهلها بدل العذاب اللي عايشته ومعيشة خالد فيه ...
لكن على الرغم من الحاله اللي هي فيها ما تركته في حاله تترصد له طول الوقت وتشوف هو وينه ويجن جنونها لا عرفت انه عند ريم .. مما تعبته وضيقت خلقه .. وحس فعلا ... انه بأزمة مع ها الثنتين ... وأغلب الأحيان يمسك أعصابه ويراعي مشاعرها وحالتها النفسية لأنها ماكانت قبل كذا بهالحالة ..
فكر انه يهج إلى أخر مكان في الدنيا ما فيه أحد .. يرتاح من صدعة الراس ومن كل اللي يضايقه .. لكن ليس كل ما يتمناه المرء يدركه ...
كانت الجلسة في المطعم حيل رومانسية وحميمية افتقدتها ريم اخر عهدها فيها قبل لا يتزوج خالد تكدرت يوم تذكرت سيرة زواجه
طنشت الموضوع وفي قلبها كلام كثير ودها تقوله لخالد اللي هو كان في ذا الوقت منشغل بجواله
لاحظت ان ملامحه تغيرت عرفت انها سمر
قالت في نفسها ياربي وشو الحالة ذي
انقهرت في نفسها وقالت هين ان ماخليتك اليوم ما تقدرين توصلين له
قام خالد بعد ماختاروا العشا وراح يودي قائمة الطلبات وترك جواله على الطاولة
بسرعه اخذته ريم وقرت اخر رسالة
(( ها خلللودي عمري وحشتني ابيك تمرني اليوم لاني ابرد البيت واخيرااااا ))
ماتت ريم من الغيظ والقهر قالت الله لايردك له
فتحت الرسائل المرسلة لقته مرسل
وانا بعد وحشتيييني يادبة مدري يمكن بعد ساعة امرك ))
تجمع الدم في وجهها لدرجة انها ودها تكفخهم الاثنين وتفرغ اللي في قلبها
كتبت (( اليوم انا مبسسسوط لا تعكرين علينا رجااااااء )
وتم الارسال حست بفرح ونشوة انتصااااار تستاهل محد قالها تعدا علي
بسرعة مسحت الرسالة وسوت نفسها متشاغلة بجوالها ​

ولما جا خالد وجلس تمالكت أعصابها وقالت بهدوء مصطنع
حبيبي ممكن تقفل الجوال ؟
طالع فيها وهو رافع حاجب مستغرب وليه تبيني أقفله
ابتسمت ابتسامة تذوووب الصخر .. لأني مابي شي يشغلنا عن بعض اليوم
غمز لها وقال ها ولا يهمك هذا الجوال وقفلناه وشو تبين بعد تدلللي ياام وليد
ارتاحت نسبيا وحست بالانبساط في داخلها
سلامتك ياعيون ام وليد مابي منك شي غير اني مانحرم من هالطلة فديتك
خالد انهبل من كلامها وباس يدها
دايم تغلبيني في الحكي الزين
وصل المسج لسمر اللي انقهرت وانفعلت بقوة
ودقت على جواله كانت ناوية تعطيه تهزيئة محترمة لقته مغلق وزااااااد قهرها
عضت على شفايفها لدرجة انجرحت وسال منها دم بسيط
ايييه لحست مخه هالريم ماصدقت انه تركها والحين رجع لها
وقامت تضرب نفسها وقالت كله مني عطيته مجاااال لها ااااااخ بس
حست سمر وبدهاء الأنثى أن ريم لها يد في المسج لان قبلها خالد كان راسلها انه بيمرها وأسلوبه يختلف عن الاسلوب الدفش اللي في المسج الحالي
جات في بالها فكرة وابتسمت لها
والله راح احرق ليلتهم عليهم !!!! ​

قدرت ريم تشغل خالد عن الجووال وبعدما تعشوا رجعوا البيت
كانت خايفة انه يفتح الجوال ويروح لها
لكنها استخدمت معه عنصر المفاجأة
امممم خلودي في عندي مفاجاااة وايد حلوة انتظرني بس
بسرعه اخذت شاااور وطلعت من دولابها قميص ساتان ابيض في غاية النعومة طووووويل ومفتوح من الجنب من جهة الركبة إلى االقدم
وتركت شعرها ينسدل بنعومة اللى واصل الين تحت خصرها
وطلع شكلها في غاية الروعة والجمال خاصة ان الحمل زايدها حلى وامتلاء من النوع اللي يجذب خالد
خالد ذاااب لما شافها بها التغيير .. وشو هالجمال وش هالزين
استحت ريم من نظراته وقالت بدلع بس عاد لاتاكلني بعيونك
ضمها لصدره وقرص خدها الحين انتي ليه حارمتني من ذا كله وشعرك متى مداه يطول اذكره لنصف ظهرك
تحسفت ريم بينها وبين نفسها على اهمالها لنفسها في الشهور اللي راحت
يحق له يستغرب من شعري وانا دايم رافعته ومن شكلي المبهذل وافشيلتي
هههههههه اسفة خلودي مقصرة بحقك بس تدري الحمل وغثاه وش يسووووي
حط ايده على بطنها وكله عششان المنتظر يهووون
هههههههههه حسسستتني انه قائد لامه ولا زعيم كبير
اكيد زعيم لابوه وامه
ضحكوا مع بعض ووقفت الضحكة يوم سمعوا الجرس يدق ​






















 
كمليييييييييييييييييييييييييييييييييييييييي ييييييييييييييييياسمو الوجد والله قهر ايش اللي صار
 
بلييييز كملي اكيد هذي ام خالد وسوستلها السوسه سمر
بليييييييز لا تتأخرين..
شكل ريم بتتطلق وبتتزوج عادل..
بليييز لا تطلقينهم خلي سمر هي اللي تتطلق
مالها داعي داخله بحياة الرجال وهي عارفه انه يحب ريم..
 
اعجبتني القصة كثيييييييييييييييييير
كملي يا سمو
 
تسلمون اخواتي الله يعطيكم العافية



الجزء التاااسع

قالت ريم باستغراب غريبة مين جاي الحين في هاللليل الساعة 12 ؟!!!
خالد بكل ثقة اكيد الحارس المهوي يبي شي
فتح الباب لمح خيال امرأة على طول تراااااجع
سم بالله مين اللي في اخر الليل جاية يارب سترك
من دون مقدمات دخلت وفكت اللثمة وناظرت فيه بتحدي
شهههق سمرررررررررر
خير وشو اللي جايبك الحين في هالليل ؟
ضحكت بعذوبة هههههه جاية اشوف حبيبي اللي قال بيمر بعد ساعة ولا جا
قربت منه قالت ابي مفتاح البيت ضااااع وانا مضطرة اروح اهلي سافروا قلت اروح بيتي ازين
ومع ومين ان شاءالله جاية
مع السواق طبعا
طالع فيها بغضب لكن مهما صار مايبرر لك خروجك الحين يامحترمة ولحالك معاه وبالشكل ذاااا
قلت لك ابي امر بيتي ودقيت علي جوالك وحضرتك مقفله

اقولك دقي عليه خليه يضف وجهه
( وبدهاء ) لالا مايحتاج السواق تحت يوصلني انبسط مع ريموه مالو داعي تجي


عجيب والله خالد يخلي مرته تروح في اخر الليل مع السواق
كملت بتمشي داخل البيت
مسكها خير خير وين بتذلفين انثبري هنا البس واجيك

ريم شافت ان خالد طول وقربت الا تسمع صوت أنثوي ارتعبت
بسرعة راحت جهة الباب ونست روحها انها بقميص النوم
شافته ماسك يدها ويقولها الحين اجيك
انتبهوا لريم اللي كانت واقفة والصدمة ملجمتها
طالعت فيها سمر من فوق لتحت بتحدى وغرور
واغتاظت من شكلها ولبسها
ماااشااااااااااء الله قالبينها غراميات وحضرتي جاهزة انتظرك صدق ان هذي واشرت باصبعها باستحقار لاعبة في عقلك
ناظرتها ريم بنظرة استحقااار وسخرية
هذي اللي تقولين انها لاعبة في عقله هي زوجته وحبيبته الأولى وابتسمت بخبث
والحين ارتحتي جاية تتأكدين من الغراميااات ؟! صدق انك قليلة اصل وما عندك لا حيا ولا مستحى

خالد عصب بس كفاية
أنتي اسبقيني تحت
وحسابك معاي في البيت
وبسرر عه راح بدل لبسه
ولحقته ريم
وهي مقهههههورة
نعم نعم وين رايحين حضراتكم
ابوصلها البيت واجي
لااااااااا وليه هي ماانقلعت بروحها
مامعها مفتااااح
لا بالله وصدقتها ومشت عليك الكذبة
ماعمري شفت اوقح منها
حط اصباعه على فمها
وقال بهدوء لا تنسين اللي تشتمين فيها بنت عمي وزوجتي
واللي سوته شو معناه مااااتقوووول ؟!!!!
اققول ريم فكيني قلت لك اقلعها في البيت واجيك
وبعصبية قالت روح توووووووووووكل
اقترب منها وقرص خدها ياااااازينك وانتي معصبة
انقهرت بزيادة أحر ماعندي ابرد ماعندك
يلا ااااااا انا مااااشي
ريم جلست تتحسب على سمر
وكانت مصدومة ان توصل الجراءة فيها بها المواصيل
واللي قهرها اكثر ان سمر محلوووة وكان آخر عهدها فيها قبل سنوات وكمان جاية على سنقة عشرة
ززفرت اكيد ناوية لها نية هالماكرة
الله ياااخذهااااا يارب
...
..

هنادي للأسف قدر ( الاسد ) انه يسيطر على مشاعرها ويستحوذ على تفكيرها
وصارت كل يوم تحاكيه بالمسن وتاخذ بالساعات معاه
تدنى مستواها التعليمي بعد ماكانت من اوائل المتفوقات
كانت تتخيله رجل أحلامها وانه هو اللي ينتشلها لحياة اسعد وافضل
رسمت كل شي في بالها تخيلت حتى أطفالها المستقبليييين واساميهم
غاااااصت بوهم
اسمه الحب
قدر يستغفلها بكلامه الكثير عن نفسه
انه راقي ويقدر المرأة ومن طبقة عالية وانه وسيييم لدرجة البنات ميتات عليه !!
يعني باختصااااار رسم لها صورة مثالية
وهي مسكينة صدقت على طوول
وتعلقت فيه
مثلها مثل كل البنات اللي تنجرف وراء عاطفتها وتنسااااااق لها من دون تفكير
لا بالدين ولا بالعادات ولا بالقيم !!!!!!!
طبعا هو للآن ماصارت علاقتهم بالجوال لانها رفضت
وكم مرة يلح عليها انه بيموت ويسمع صوتها اللي يتخيله قمة في العذوبة مثلها !
كان في شي يردعها ويخوفها
ومرااااات كثير كانت توشك تخضع وتعطيه الرقم
بس تقوووول لالالا
لو سامي يشوف الرقم بجوووالي غير يقطعني وينتفني
خلينا مسن افضل
بعد مارجعت من الجامعة بسرعه فتحت الاب
شيكت على المسن مالقته موجود
انقهرررررت
فتحت المنتدى
شافت ردوده مع العضوات زايدة حبيتين
طايح تغزل فيهم
اكلتها الغيرررة
وقالت تشوف لو ماعملت فيك مثل اللي عملت فيااا
فتحت مموضوع لعضوووو وردت عليه بأسلوب شووووي جرئ
وأعطته من المدح اللي خلااااا العضوووو ياخذ مقلب بنفسه
وكل هذا بزعمها انها تقهررررررره
وقفلت الجهاز
نادتها امها
يلا هنووودة تعالي الغدا جاااااااااهز
قاااااااامت بتكاااااسل وهي تثاؤب
بدلت لبس الجامعة بيجاما نعومة
سرحت شعرها القصير
وعلى السفرة
ساااامي يقول لامه
الا وشو اخبار ريم لها فترة مالها حس ؟
ردت امه وهي تغرف له من الصحن
ريم ماعليها بخير الحمال مثقلها شوووووي
ضحك سامي وبانت غمازته في خده الايمن
ياعيني هذا حملها الاول وشلون لو رصتهم وراء بعض
ههههههههه يارب يجعل نشوف عيالها حوالينها وتشكي لي من شقاوتهم
هنادي تاكل بهدوء
يناظرها سامي بتمعن
خير وش الهدوء اللي نازل عليك
ها ( ارتبكت ) لالا و لا شي بس تعبانة شوي
اختك نازل عليها الهدوء والعقل منذو مبطي
انحرجت
ايه يمة ماتدرين تراني بلغت سن الرششد
غص سامي بلقمته كح كح كحكح
بسم الله عليك خذ اشرب الموية
رشف من الموية هههههههه الله يقطع سوالفك يابنت ماتجوزين عنها !!

بعد شوووي قال سامي كانه تذكر شي
ايه يمة على فكرة ترااا اليوم انا مساااافر لمدة اسبوعين
تنهدت امه بخوف
ياويلي منك انت بتذبحني
وليه السفر
ضروريات الشغل يالغالية
اااخ لو اني غالية مثل ماتقول كان طعتني والا انا لمتى وانا اترجاك الرجال اللي بعمرك الحين عيالهم طولهم
ابتسم خالد اللي تشوفينه يااايمة ومايصير خاطرك الا طيب
فرحت امه وهنااااادي
الله يوفقك ياوليدي ويسخر لك بنت الحلاااااال اللي تسعدك
هنادي نقززت وااااااو مااصدق اخيرا بتتزوج وناااااسة
ضربت يدها على صدرها وبكل ثقة شووووفوا انا اللي اختار البنت وماعليكم
ضحكوااااا امها وسااااامي
رد عليها ساااااامي باستهزاء
ولايكون انتي اللي بتتزوجين وين رحت انا
ايييه انت بس حدد المواصفات وانا اللي اختار لك
ضربت امها كفوفها ببعض ناظرت فيها وهي تضحك
خلف الله على سامي لو انك بتختارين له البنية لنعنبو ابليسك وين رحت انا وريم ؟!!!
حكت راسها يوووووه يمة عااااااد انتي ليه دايم تحطميني ومدت بزوها مثل الاطفال اهئ اهئ اروح انام اصرف
شوووف ياوليدي البنات كثااار مير انت اشر من تبي وانا في خاطري وحدة
يمه مااختار بعدك انا تارك الموضوع عليك
طيب وشو رايك ببنت جارنا ابو علي ؟
أي وحدة فيهم خبري انه خمس بسم الله ماشاءالله
وش فيك نسيت الكبيرة وثنتين بعدها تزوجوا والرابعة مملكة باقي الاخيررررة
والله ابو علي رجال كفو نتشرف بمناسبته بس مادري عن البنت
يييوه ياولدي وربي تعق الطير من السماااااا يازينها متعلمة وذربة ها وشو قلت ؟
امرك يمة سوي اللي تبينه
الله يسعدك يااااولدي ويجعلني اشووووووف عيالك يارب


خالد طول الطريق وهو يعاتب سمر على اللي سوته
وهي ساكته وكأن سكوتها وراه مصيبة
لما دخلوا البيت قامت تترنح بمشيها وتتمايل وعملت نفسها كأنها بتطيح ,
فصخت عباتها
وانبهر من لبسهاااا
الله الله وش الكشخة وش هالزين
كانت لابسة فستان اسود للركبة وشعرها قاصته مدرج وجاي عليها نايس
مسكها ثبتها وصلها لين السرير

خير عسى ماشر وشفيك ؟!!
مدري احس بصدااااااااع وقلبي يعورني
بسم الله عليك حبيبتي
وشوي طلعت لها كم دمعة وبكل دلال
ليه حسستني اني ثقيلة وانك ماتبيني وفرحت ريموه في اهئ اهئ هذا جزاي اني ولهانة على شوفتك
كسرت خاطره افا افا افا ماعاش من يزعلك ياغلاي بس انتي خرجتني من طوووري وحركتك مالها داااعي
يلا روح لها مداها على جمر تتنظرك (وبتعمد )
مو انتوا مبسوطين وانا خربت عليكم ليلتكم
افاااا وشو الكلام ذاااااا شلووون اروح وانتي بذا الحالة ويفكر في نفسه مداها ريم واصلة حدها بس مو مشكلة ترضى بسهووولة !
شافت ان قصدها ماوصله
مسكت جوالها ورته الرسالة
خلووووود تدري اني استغربت منك في المسج ذااا
(( اليوم انا مبسسسوط لا تعكرين علينا رجااااااء )

وشاف الكلام واستغرب في نفسه وقعد يسترجع ذاكرته
قالها وش ها المسج مارسلته لك ؟!
لااااا واللي ظاهر ذا شو؟!!!
ماااادري غريبة
امممم يعني اذا انت مااكتبته مين كتبه ؟!!
تذكر يوم ريم تقوله في المطعم قفل الجوال
وتغيرت ملامح وجهه قال في نفسه كل هذا يجي منك ياريم ؟!!!!
وكذا تأكدت إن ريم أرسلت الرساااالة
قرب منها وقال ماعلينااااااا في ذا كله
والحين قولي لي شو اخبارك ؟


وحست ب انتصااااار وزهو وقالت ها ريموااا وش بتسوين سحبت البسساااااط من تحتك !!!
ريم يأست من جيته
وكرااامتها ماسمحت لها تدق عليه
قالت بنرفزة بكيفه في ستين داهية !!!
الصبح راح خالد لريم ولقاها نايمة وهو شايل في خاطره عليها
حست بوجوده وقامت
صدت عنه وقالت بسخرية
هو انت جيت ؟
لو جلست أكثر بعد عند الست سمر
ناظرها بحدة
وصلت منك ترسلين لها مسج من جوووووالي هذا اللي ماتوقعته ؟!!!!!!!!
صدق إن كيدكن عظيم
ايه ايه
اقلب السالفة علي الحين
وكبرها
لاتنسى انها كانت ليلتي وهي اللي فرضت نفسها وانا ماسويت الا لاني ابي اصرفها عننا لانك متسااااااهل لاخر درجة
الله اللله الحين انا متسااااااهل
اصلا مايحق لك انك تاخذين جوالي وترسلين لها
وليه مايحق مو انت زوجي وكلنا واحد والا غيرتك النسرة
اقوووول لاتجيبين طاريها بلسااااانك لاتشوفين شي ماشفتيه كله الا انك تستغفليني بها الاسلووووب
اها الحين انا استغفلك وانا الغلطانة ووحضرتها جاية اخر الليل بحجة مفتاحها ضايع وقدرت انها تضحك عليك
عصب عليها انا ماحد يضحك علي فاهمة والا لا واحترمي نفسك لو سمحتي
ياسلام الحين احترم نفسي هااااا ياحسااااااااافة عليك ياخالد والله ياحسااااااافة
اقول انطمي وابلعي لسااااانك مابي اسمع صوتك
ريم مصدومة ومجروحة عمرها ماكلمها بالاسلوب ذا !!!
قالت وقهر الدنيا كله متجمع في صدرها
ياااااااخسااااارة تضحياتي وتنازلي عشاااااانك انت ماتستاااااهل !!!
اعماه الغضب وبث الشيطان سمومه
مادرت الا بالكف اللي على خدها
 
تككككككككفيـــــــــــــــــــــــــــــــــــــــــــــــــــــــــــــــــــــــــــــــــــــن كممممملي الروايه مااااره متحمسه أقوى شي
 
الجزء العاشر


انا ما اخطيت في حقك ولكن الكـلام عتـاب ..اعاتب واحسب بهرجي الا مني حكيت حسابواذا انت من العتب تزعل علينا وابتصك الباب ...ولا ودى على الفرقا وقلبي داخلـي مرتـاب
واشوف ان الهوى فرقا مواليف وعناد احباب ...وقلبي لو عشق يخلص ولو طالت عليه رقابعشقنا والهوى حسرة،مشينا ولاأمـل كـذاب ...عرفت الحب من عمري صغير بالغرام وشابصحيح انى نويت ابعد ولكن الهـوى غـلاب ...تحريتك شروق الشمس وشفتك للشروق غياببقى لي بالهوى نظرة وتغريبة ودمـع اهـداب ...واناجي باقي حروفي وبألف للفـراق كتـابواذا مرتني الذكرى وجرحي بالحشا ما طـاب ...وانا عيب علي اشكي من الدنيا بدون اسبـاب


خالد بعد اللي عمله ماله وجه يطالع في ريم
خرج من بيته وهو يعض أصااااااابع الندم
معقوولة يدي انمدت عليها
لااااا مو مصدق
جعل يدي للكسر
قبض كفه وضرب الدركسوووون وكانه يعاقب يده اللي انمدت عليها

حس بقهر وبحسرة تاكله وصورة ريم المجروحة ماتفارقه
وهي تناظره بصدمة ودموعها تسيل على خدهااااااا
آآآآه ياااااااربي انا وش سوووووويت كان يسوق بأقصى سرعه
مو حااااااس بنفسه
حاس بالضيااااع بالشتاااااات
مايدري وين يروح وشو اللي يسويه بالضبط
تنهد كله منك ياسمر من يوم مادخلتي حياتنا وحنا مو بخير

سمر قامت الصبح مالقت خالد
انقهرت وحقدت عليه من قلبها
يعني ماقدر يصبر عنها
حست بكره فضيع لهم
رن جوالها شافته عمتها ام خالد متصله
ردت بسرعه
هلا عمتي
هلا ياسمر وشلووووونك ؟
الحمدالله ياعمه
اقول يابنيتي خالد وينه ماااايرد على جواله
مادري اكيد انه عند اللي ماتتسمى
كان عندي البارح والصبح خرج تخيلي تاركني امس وهو شايفني تعبااانة شلت بخاطري عليه
سلامتك يايمة وش فيك ؟
امس حسيت بنوبة صداااااع وقلبي يالمني
عصبت وشلون يخرج ويخليك اللي مايستحي
انا ادري مايبي يزعلها
قراااااادة تقردهم انا اوريك فيه يابنيتي


ابتسمت بانتصار وقالت الحمدالله الشرارة اشتعلت وش يطفيها الحين!!

ريم لساا ما فاقت من الصدمة والذهول
انا يمد يده عليه
هذي اخرتها
وبدت تبكي قسيـت على نفسي كثير وذوقتها المر ودست على مشاعري عشان الغلا اللي في قلبي لك
وهذي اللي جنيته !!!
مسكت جوالها وهي ماتشوف الارقام تمام ودقت على امها
يمة تعالي لي خذيني من هنا مالي قعدة في بيتي
ارتاعت امها خير يابنتي وش صار عليك ؟!!!
ريم تبكي بصمت انتم تعالوا خذوني وانا اقلكم وش صااار
طيب يابنتي الحين ادق على السايق
اخذت لها كم قطعه من دولابها واغراضها الأساسية اللي ماتستغني عنها
مامر وقت طويل الا وامها جايتها
طول الطريق كانت تستعيد علاقتها مع خالد قبل وبعد
ومرت على مواقف كثيييرة حست بالاسف بالاسى
مسكت تفسها لا تبتدى بنوبة بكا جديدة
تحاملت لين وصلوا البيت
شافت امها خدها محمر وعيونها مورمة من البكا
مسكته بلطف وقالت لها بخوووف
اشفيك ياسمر وش اللي صار ؟!!
يمه خالدد وبدت تبكي ومو قادرة تتكلم من البكا يمة
خ خ الد اعطاني كف
بلعت ريقها بصعوبة حست بعطش وجفاف
عصبت امها ورفعت صوتها وخير ان شاء اللله ليه مد يده عليك جعل يده الكسسسسر
شهقت ريم لالا يمة تكفين لاتدعين عليه
نعم وكمان لاتدعين له ياعسى كل من يكسرك ينكسر
ماعااااش من يمد يده عليك وانا حيه
ليه وشو مسـوية اكيد ماعطاك الكف الا لشي كااايد
نزلت عيونها في الارض وبتنهد قالت : بتنصدمين يمة لو تدرين حسبي الله على اللي كان السبب


خالد يلف ويلف بالشوارع وهو من دون عقله وفي اخر شي مالقه نفسه الا قدام بيت بسام
صاحبه الوفي اللي لايمكن يبدله بكنوز العالم كلها !
تفاجأ بسام من خالد وهو منهار وشكله مبهذل
ماعمره شافه كذا

سأله بسااااام خير وش صااااار ياخالد اهلك بخير انت بخير قووووولي تكلم ؟!!
مااادري شقولك يابسام باختصاااار انا ضايع ضايع
الله لايجيب الضيااااع بسم الله عليك ياخوي وشفيك
مديت يدي على ريم واعطيتها كف بيدي هذي تخيل بيدي هذي وسالت دموعه
لاحول ولا وقوة الا بالله هدي نفسك ياخالد ماصار الا كل خير
وين الخير وانا كسرتها ... جرحتها
دقايق بس ياخالد الحين جااااي
دقايق وهو جاااي شايل صينية فيها كوب عصير ليمون
خذ اشرب عشان تهدأ اعصابك
مااالي نفس مشكور
حلفت عليك غير تشرب والا بزعل
غصب نفسه وشرب نصف الكوب
والحين قولي وش اللي صار بالضبط بينكم لدرجة انك تمد يدك عليها
بساااااام ماسك نفسه لايضحك
تفاجأ من السبب والحكي كله توقعه شي كبير !
الحين وراك معطي الحريم وجه ! , يعني هذا مو سبب قوي انك تضربها ياخي اللي يحط عقله بعقول الحريم واسمح لي عز الله مهو رجال هذولي ضراير واكيد بتشوف الهول منهم واللي يحد نفسه على مرتين بيتحمل كل اللي يجيه من وجع الراس
رد عليه خالد وهو منفعل الحين جاي اشكي لك وتقولي الهرج ذااااا
ياااااخي من جد اتكلم الحين هانت عليك الريم اللي كنت تمشي وتقول لو الف العالم ماحصل مثلها... الريم اللي تمنيت حرمتي تجي ربع صفاتها وبكل سهولة تضربها عشان هرجة ماتسوى بسسسسام بس لاتزيدني في قلبي حرقة وقهر مايطفى
اسمح لي زوجتك الثانية غلطت يوم انها جاتكم في اخر الليل مهما كان ماتعطيها بال تقولها روحي من مكان ماجيتي هذي مو ليلتك
وشلون تبيني اخليها تروح لوحدها في انصاص الليل
ياخي مهو ذنبك مثل ماجت ترجع والا في حرمة عاقل تسوي سواتها وبعدين انت وشفيك ماتعدل بينهم ياخي خاف ربك فيهم الا العدل !
خالد التزم الصمت لانه حس بغلطته ومايدري شو يقول وشو يبرر
ولاتفتكر ان ريم بتسكت على اللي سويته لها وتحمل مايجيك والله لو اختي جاتني وقالت ان زوجها سوا بها سواتك اني لسود وجهه واحرمه منها
وهذا اللي حارقني عارف انها ماتسكت ولا راح تعديها بسهولة وانا من دونها ماعيش
غريب امرك تخنقها وتقول ماعيش من دونها !!!!
ياخالد الرجال هو اللي مايمد يده على مره .. المرة ضعيفة مثل القارورة ابسط شي يكسرها
ياخي نرفزتني خرجتني عن طوري واش السوووواة الحين والله مو عارف ساسي من راسي
بسرعه روح راضيها وتعذر لها قبل لاتكبر السالفة
رايك صحييح هذا الحل الوحيد!!!!!!
رجع خالد لبيته وقلبه يدق طبول
وهو يجهز كلام بيقوله لها وعسى تقبل عذره
تفاجا الهدوء اللي طاغي على البيت
شاف الانوار مطفيه
ناداها ماردت
دورها في كل الغرف ومالقاها
انقهر
راح لجواله اللي نساه لقى امه مكسرته بالاتصالات
خاف عليها
دق وردت عليه واستلمته تهزيئات
انت وين غاطس من اليوم ؟
انا في البيت
الحين شلللون تروح وتترك سمر وهي تعبانة ايه ماتنلام نستك حتى واجباتك
تركها خالد تقول اللي في قلبها كله خلاص يمة خلصتي الموضوع تراك فهمتيه غلط وراح افهمك كل شي وهي سمر لحقت تعطيك التفاصيل !!

يلا مرني الحين اشششوف
زفر ياااربي وش يفكني من امي الحين ؟!

ريم خبرت امها بكل اللي صاااار
وزعلت مرة صحيح انتي استفزتيه بالكلام القوي
لكن مايبرر له سواته ابدا
والحية ذي باين انها لها يد في الموضوع
ريم بعد ماهديت وصارت احسسن

مستحيل يايمة اللي سواه
في شي في الموضوع غلط
انا ماراح اسامحه ابدا على اللي صار عمري مانهنت وانضربت ويجي هو يعمل بي كذاااا
عز الله يابنتي ان درى سامي ماراح يسكت له
الحين اكلمه النذل واغسل شراعه
لايمة تكفين لاتكلمينه مابي ادخل حد في السالفة الموضوع انا بحله بنفسي
يعني وش بتسوين انا مارضى ولا وراح يسمح لي ضميري اخليه كذا
يمة تكفين والله يرحم والديك لاتكلمينه الحين عارفة انه ندمان على اللي سواه واللي بسويه انا يكفي في نفس اللحظة ريم حست ببطنها تعورها حطت يدها على بطنها وضح من تعابير وجهها الالم ارتعبت امها خير يابنتي وشفيك
مادري يمة احس بمغص
ارتاحي ارتاحي هذا من صدمتك اثرت على جنينك
بان الخوف على وجه ريم يمه اخاف يصير له شي
لالاتطمني مابه الا العافية انتي ارتاحي ويصير خير
رن جووال ريم عرفت انه خالد اعطته مغلق على طوووول



​
 
شكرا عزيزتي على الروايه المشوقه

بس حابه اسألك

انت منزله الروايه بمنتدى ثاني؟
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل