واثقة بنفسي
New member
- إنضم
- 2007/04/17
- المشاركات
- 413
السلام عليكم ورحمة الله وبركاته
اخواتي العزيزات نقلت لكم برنامج وحده من الاخوات للنفاس
وبالمقابل ودي اعرف برامجكم لاني بصراحه وانا اعترف بالخطأ عمري ما التزمت ببرامج النفاس وانفاسي يزيد عن 40 يوم
بس حابة هذي المره اني اتشجع معاكم والتزم
:cupidarrow:
برنامج الاخت المنقول من منتديات كويتية النسائية كما يلي:
:icon26::exclamationpoint::icon26::exclamationpoint::icon26::exclamationpoint::icon26::exclamationpoint::icon26::exclamationpoint::icon26:
<بالنسبه لبرنامج النفاس> انا معودتني الوالده الغاليه<الله يخليها لي> على برنامج ماشيه عليه كل نفاساتي
وكل الحريم السنعات ماشين عليه........<فاهمه قصدي..؟
أول شي< تجهيز قبل الولاده > تروحين لحرمه معروفه وموثوق فيها بعلاج الحريم وتاخذين من عندها <لهوم>و<مردود> وتاخذين من العطار شاي الأعشاب وهو عباره عن حلبه وكمون وينسون وحبه حلوه وحبة البركه ودارسين وبابونج وكميات قليله من الزنجبيل و<نونخه> و<فلفل الهوا>وتجمعينهم بعلبه
وتاخذين من عنده الغسول وهو نوعين ألأول بابونج ومره فقط والنوع الثاني هو ارطه وملح فارسي ومره
وتاخذين حق دوا القهوه مره ومحلب و القليل من<عنزروت>و <نونخه>وكمون وقرنفل بالكويت نقوله< مسمار>
وهم تاخذين من عنده حلبه وحبة البركه وماش اخضر حق الطبخ بس مع الأكل يعني
والبرنامج كاللآتي :
الساعه 6الصبح العصيده وهي عباره عن <1كوب طحين و1كوب دبس التمر والأفضل تمر منزوع النوى ينقع بكوب ماء ويضاف لها 4 اكواب ماء وقليل من الفلفل الأسود والكركم و<جرش أي ضربها بالهاون خفيف وليس طحنها >الحلبه واضافة حبة البركه وتحريك الخليط بالمخفاقه اليدويه على نار هدئه حتى يثقل قوام الخليط ويصبح كالمهلبيه ثم تقديمها بطبق ووضع السمن <الدهن العداني>بالكويتي والعصيده لها عدة طرق فالبعض لا يضع دبس التمر او منقوع التمر ويكتفي بتحمير السكر واضافته الى الطحين بعد تحميره هو ايضاعلى النار
ويمكن استبدال العصيده بالحسو وهي مشابه للعصيده مع بعض الأختلاف والحسو خبرة خواتنا الحضر ماعرف
طريقته واذا ما تحبين العصيده او الحسو ممكن خبز صاج ممسوح مع اضافة الدهن العداني بعدها كوب حليب دافي محلى بالعسل مع ملعقة لهوم
الساعه 9الصبح تتقهوين ولا تنسين دوا القهوه بالفنجان مع التمره المفروكه <بالرشاد> وحبة البركه بالسمن
الساعه 10تتريقين ريوقج العادي اللي تشتهينه
يعني بيض مسلوق او بالطريقه اللي تحبينها مع العسل او المربى والقيمر الجبنه قليلة الملح الخيار مع الطماط مع مراعاة عدم اكثار الطماط ولا تنسين الجرجير والبقدونس لفوائدهم
بعد ماتريحين بعد الريوق بساعه او اكثر يجي وقت شاي الأعشاب
الساعه 1 او بعدها الغدا الخيار مفتوح عندج المرقوق اوالقبوط اودجاجه محشيه بالخضارومحمره مع الخبز والخضار المسلوقه عالبخار او العيش المجبوس باضافةالحلبه وحبة البركه والماش الأخضر لجميع انواع الطبخات والأفضل التقليل من تناول العيش <الأرز>لأنه يسوي كرش واحنا موناقصين والأهم الأبتعاد عن الخضار اللزجه كالباميه والملوخيه والقرع والحامضه كالليمون والطماط ولا تنسين فوائد السلطات والخضار الورقيه والفواكه مع الأبتعاد عن الرقي والشمام اهم شي التنويع علشان ماتملين والأهم ما تجوعين مهما كان
الساعه 4 العصر كوب حليب دافي مضاف له حلبه مطحونه محلى بالعسل مع قطعة شابوره سمرا اذا كنتي حاسه بالجوع
المغرب الساعه 6تطيح القهوه اكرر لا تنسين دوا القهوه بالفنجان مع التمره المفروكه والجاي وشاي الأعشاب
بوالساعه 9 الليل العشاء ويفضل شوربة دجاج مع خضار ابتعدي عن الشوفان بسبب لزوجته وعن العدس لأنه يسبب غازات او استبدال الشوربه بالجبد المشويه المبهره بالفلفل الأسود طبعا مع الخبز وهم السلطات
عدها اختميها بالحليب الدافي مع ملعقة< لهوم>
والغسول اول الأيام بغسول البابونج والمره حتى تطيح الخياطه مع كل غيار
و<اللهوم>اول 10ايام بعدها يضاف له ملعقة <مردود> مع كوب الحليب الدافي المحلى بالعسل بالحلبه المطحونه
وبعد عشرين يوم نفس البر نامج بس نقطع الحلبه نهائي ونوقف< اللهوم> ونلهم بداله الرشاد بروحه واستعمال غسول الأرطه والملح الفارسي والمره بعد التأكد من سقوط الخياطه واستعمال تحاميل المره المطحونه و المعجونه بالعسل والكركم وممكن اسخدام بخور الهوا اذا حسيتي برطوبه او شي مع استحالة هذا الشي اذا طبقتي هالبرنامج بدقه وبخور الهوا عباره عن <قشر بصل ومره وفلفل الهوا> وقبل لاتطلعين باسبوع للاتستعملين الا الغسول واذا حبيتي تحاميل البوثيل ممتازه قبل لاتطلعن الأربعين
واهتمي باللبس الدافي و<الضافي> على قولة الوالده خصوصا ان ولادتج بالشتا واخيرا الأهم من الأدويه كلها الاهتمام بلأكل ومحاربة الجوع بكل ماأوتيتي من قوه فهو العدو الأول واللدود للنفاس.
يالله كل وحده اتفيدنا بتجاربها الخاصة
ولكم جزيل الشكر
:cupidarrow:
اخواتي العزيزات نقلت لكم برنامج وحده من الاخوات للنفاس
وبالمقابل ودي اعرف برامجكم لاني بصراحه وانا اعترف بالخطأ عمري ما التزمت ببرامج النفاس وانفاسي يزيد عن 40 يوم
بس حابة هذي المره اني اتشجع معاكم والتزم
:cupidarrow:
برنامج الاخت المنقول من منتديات كويتية النسائية كما يلي:
:icon26::exclamationpoint::icon26::exclamationpoint::icon26::exclamationpoint::icon26::exclamationpoint::icon26::exclamationpoint::icon26:
<بالنسبه لبرنامج النفاس> انا معودتني الوالده الغاليه<الله يخليها لي> على برنامج ماشيه عليه كل نفاساتي
وكل الحريم السنعات ماشين عليه........<فاهمه قصدي..؟
أول شي< تجهيز قبل الولاده > تروحين لحرمه معروفه وموثوق فيها بعلاج الحريم وتاخذين من عندها <لهوم>و<مردود> وتاخذين من العطار شاي الأعشاب وهو عباره عن حلبه وكمون وينسون وحبه حلوه وحبة البركه ودارسين وبابونج وكميات قليله من الزنجبيل و<نونخه> و<فلفل الهوا>وتجمعينهم بعلبه
وتاخذين من عنده الغسول وهو نوعين ألأول بابونج ومره فقط والنوع الثاني هو ارطه وملح فارسي ومره
وتاخذين حق دوا القهوه مره ومحلب و القليل من<عنزروت>و <نونخه>وكمون وقرنفل بالكويت نقوله< مسمار>
وهم تاخذين من عنده حلبه وحبة البركه وماش اخضر حق الطبخ بس مع الأكل يعني
والبرنامج كاللآتي :
الساعه 6الصبح العصيده وهي عباره عن <1كوب طحين و1كوب دبس التمر والأفضل تمر منزوع النوى ينقع بكوب ماء ويضاف لها 4 اكواب ماء وقليل من الفلفل الأسود والكركم و<جرش أي ضربها بالهاون خفيف وليس طحنها >الحلبه واضافة حبة البركه وتحريك الخليط بالمخفاقه اليدويه على نار هدئه حتى يثقل قوام الخليط ويصبح كالمهلبيه ثم تقديمها بطبق ووضع السمن <الدهن العداني>بالكويتي والعصيده لها عدة طرق فالبعض لا يضع دبس التمر او منقوع التمر ويكتفي بتحمير السكر واضافته الى الطحين بعد تحميره هو ايضاعلى النار
ويمكن استبدال العصيده بالحسو وهي مشابه للعصيده مع بعض الأختلاف والحسو خبرة خواتنا الحضر ماعرف
طريقته واذا ما تحبين العصيده او الحسو ممكن خبز صاج ممسوح مع اضافة الدهن العداني بعدها كوب حليب دافي محلى بالعسل مع ملعقة لهوم
الساعه 9الصبح تتقهوين ولا تنسين دوا القهوه بالفنجان مع التمره المفروكه <بالرشاد> وحبة البركه بالسمن
الساعه 10تتريقين ريوقج العادي اللي تشتهينه
يعني بيض مسلوق او بالطريقه اللي تحبينها مع العسل او المربى والقيمر الجبنه قليلة الملح الخيار مع الطماط مع مراعاة عدم اكثار الطماط ولا تنسين الجرجير والبقدونس لفوائدهم
بعد ماتريحين بعد الريوق بساعه او اكثر يجي وقت شاي الأعشاب
الساعه 1 او بعدها الغدا الخيار مفتوح عندج المرقوق اوالقبوط اودجاجه محشيه بالخضارومحمره مع الخبز والخضار المسلوقه عالبخار او العيش المجبوس باضافةالحلبه وحبة البركه والماش الأخضر لجميع انواع الطبخات والأفضل التقليل من تناول العيش <الأرز>لأنه يسوي كرش واحنا موناقصين والأهم الأبتعاد عن الخضار اللزجه كالباميه والملوخيه والقرع والحامضه كالليمون والطماط ولا تنسين فوائد السلطات والخضار الورقيه والفواكه مع الأبتعاد عن الرقي والشمام اهم شي التنويع علشان ماتملين والأهم ما تجوعين مهما كان
الساعه 4 العصر كوب حليب دافي مضاف له حلبه مطحونه محلى بالعسل مع قطعة شابوره سمرا اذا كنتي حاسه بالجوع
المغرب الساعه 6تطيح القهوه اكرر لا تنسين دوا القهوه بالفنجان مع التمره المفروكه والجاي وشاي الأعشاب
بوالساعه 9 الليل العشاء ويفضل شوربة دجاج مع خضار ابتعدي عن الشوفان بسبب لزوجته وعن العدس لأنه يسبب غازات او استبدال الشوربه بالجبد المشويه المبهره بالفلفل الأسود طبعا مع الخبز وهم السلطات
عدها اختميها بالحليب الدافي مع ملعقة< لهوم>
والغسول اول الأيام بغسول البابونج والمره حتى تطيح الخياطه مع كل غيار
و<اللهوم>اول 10ايام بعدها يضاف له ملعقة <مردود> مع كوب الحليب الدافي المحلى بالعسل بالحلبه المطحونه
وبعد عشرين يوم نفس البر نامج بس نقطع الحلبه نهائي ونوقف< اللهوم> ونلهم بداله الرشاد بروحه واستعمال غسول الأرطه والملح الفارسي والمره بعد التأكد من سقوط الخياطه واستعمال تحاميل المره المطحونه و المعجونه بالعسل والكركم وممكن اسخدام بخور الهوا اذا حسيتي برطوبه او شي مع استحالة هذا الشي اذا طبقتي هالبرنامج بدقه وبخور الهوا عباره عن <قشر بصل ومره وفلفل الهوا> وقبل لاتطلعين باسبوع للاتستعملين الا الغسول واذا حبيتي تحاميل البوثيل ممتازه قبل لاتطلعن الأربعين
واهتمي باللبس الدافي و<الضافي> على قولة الوالده خصوصا ان ولادتج بالشتا واخيرا الأهم من الأدويه كلها الاهتمام بلأكل ومحاربة الجوع بكل ماأوتيتي من قوه فهو العدو الأول واللدود للنفاس.
يالله كل وحده اتفيدنا بتجاربها الخاصة
ولكم جزيل الشكر
:cupidarrow:
