جا الوقت اللي اطلب فيه مساعدتكم..

الحالة
مغلق و غير مفتوح للمزيد من الردود.
الله يخليك يا اتحداها خبرينا وش بيصير معك .. تراي متحمسه معك مررررررررررره .. حتى وانا توي صاحيه اجلس افكر لك بحل .. جاء ببالي انك تعطين احد هكر ايميله وايميلها وتخلينه يخترقه ويهددها ويهدده ..
 
شيكي ع المحفوظات باستمرار . لو كان مسجل بنك ثاني يمكن تكتشفينه
 
اااااااسفه عالتاخير خواتي.. بس كنت شوي تعبانه ومزكمه وحالتي لله....

الحمدلله...
اخر شي يوم احداث يوم الاحد... الاستخاره خلتني اصبر واتروى.. وخصوصا ان زوجي سوى بلووك للرسايل الخاصه كانت خطوه استبشرت فيها كثيررر.. بالاضافه ان علاقتنا تقوت كثيرر في الفتره اللي فاتت..
وكنا متفقين يوم الاثنين نطلع للبحرين نغير جو...
وبصراحه هالرحله كنا محتاجينها اثنينا.. وكنت طول الاسبوع اتكلم لزوجي اني متحمسه كثيرر لهالرحله ونخطط لها..
وكنت حاطه في بالي اني بنسى كل شي فتح صفحه جديده في حياتي معاه...

جلسنا يوم الاثنين وجهزت الشاي وكل شي تمام.. وانطلقنا..
اول ماركبنا السياره كنت اسولف مع اختي بالمسنجر من جوالي.. يعني اخبرها اني بسافر وكذا لاني ماقلت لاهلي.. وهو كان بيجيب اغراض ونزل شوي..
لما رجع كنت اسبح بالمسباح والله يمكن بس خمس دقايق واول ما طلعنا عالخط طبعا تعرفون الزحمه والناس الطايره.. فبدأت بقراءة اية الكرسي للحفظ.. فجاه يلتفت لي زوجي يقول شفيك ساكته اشرت له بيدي.. واول ماخلصتها قلت له قاعده اقرا اية الكرسي للحفظ في الطريق... وقبل مااخلص جملتي.. انفجر بوجهي بشكل اول مره اشوفه من اول ماتزوجنااا... كثيرر تخانقنا بس مثل هالمره ماشفت ولاسمعت...
من ظمن الكلام اللي قاله.. انتي من اول ماتزوجتك شايفه نفسك ومغروره اذا انا مو من مستواك ليه جالسه معاي روحي عند اهلك.. عندنا البنات بالهبلل لو ابي اروح مع اي وحده بس انا حبيتك.. وانتي حتى ماتبين تكلميني.. وكلااام كثيررره والله مو ذاكرته بس كان يتهجم علي بشكل مو طبيعي انا سكت لاني اعرف لو ارد عليه بكلمه وحده ماراح يسكت.. بس للاسف زاد اكثرر واكثررر.. واستمر في اهانتي واشياء انا بريئه منها.. انتي تفكرين نفسك ملاك ماتخطئين.. انتي ماتهتمين.. انتي انتي انتي... والله حسيت راسي بينفجر وماقدرت اسكت.. قلت له اذا افي يوم قلت لك شي لاني ابي حياتنا تكون احلى مااحب اخلي في قلبي اشياء تخليني متضايقه منك.. صحيح انا احبك واموووت فيك وانت ماتدرري انا شسوي عشان استمر معاك.. قالي والله تبين تروحين عند اهلك مع السلامه واذا رحتي مافي رجعه.. قلت له خلاص وعد مني هالويكند عند اهلي.. واستمرت المجادلات مده نص ساعه تقريبا وطول الوقت كنت منهاره واصيح واقوله رجعني.. ماابيها هالسفره.. وهو يقولي ليش تصيحين.. قلت له لاني احس اني اكبررر غبيه الفتره اللي راحت كل الكلام اللي تقوله لي كذب في كذب.. واخرها البارحه كنت تقولي احبك ومااستغنى عنك والحين يطلع كل هالكلام؟؟؟

وصلنا هناك وصلينا وه طبعا كالعاده يبي يمشي الامور ماكانه صاير شي.. قلت اوكي وجاريته في الموضوع..
تسوقنا ودخلنا فيلم.. وتعشينا.. طبعا كل طلباتي مجابه ومعامله ولااحلى.. بس الصراحه كنت تعبانه ومتضايقه.. وبدا هالشي يبين علي وفي طريق الرجعه طول الوقت ساكته او ابكي بصوت خفيف.. واتسائل شاللي خلاه يقلب علي كذاا؟؟؟؟؟؟؟

يوم الثلاثاء صحيت بدري وحاولت انظف شقتي بالكامل ورتبت ملابسي وشلت ملابسي الشتويه في شنطه كبيره..
وهو كان يطالعني من بعيد.. قلت له ابي احلق للولد والعبه خلنا نطلع بعد العشاء.. طلعنا ونفس الشي تمشينا بالمول وتسوقنا ولعبنا الولد.. وتعشينا.. بعد العشاء قلت له ترى بكره بروح لاهلي..
قال ليه يعني شصاير.. قلت له انا مازلت عند وعدي ورايحه لاهلي قال لا احنا ماتواعدنا ولااتفقنا على هالشي..
طبعا كان خايف وبدا يعرق قالي لا مااتفقنا انا امس معصب وقلت كلام وبس... قلت له انت مو اول مره تقولها وانا خلاص بروح مافي كلام يجي كذا.. انا انجرحت منك كثيرر.. قال طيب انا قلت كلام وبس قلت له مااقدر.. قال شسوي يعني.. قلت له انت ماحاولت حتى كالعاده تزعلني وتقول اخليها يومين تنتفخ وتطخ وترضى بروحها.. بس هالمره غيررر..
رجعنا البيت وطول الوقت كان ساكت.. اول ماوصلنا مسكني قال ابي اكلمك قلت له طيب انيم الولد..
نيمته وجلست يمه مسك ايدي وقعد يبوس فيها ويبكي ويقولي انا امووت لو تروحين والله مااقدر بس انا طبعي عصبي وماادري ايش.. والكلام اللي امس ماادري كيف طلع مني..
قلت له اوكي انت كنت معصب بس ليش تقولي انا لو ابي عندنا بنات بالهبل؟؟؟ اذا انت ترضى على نفسك تروح مع هالاشكال انا ماارضى تقارني فيهم.. قال والله اسف انتي ذهب وماتتقارنين فيهم والله انا بس معصب واسف واحبك وامووت فيك..

اوكي سكت وتواعدنا ننسى اللي نقال ونفتح صفحه جديده...
بس بعدني محتاره ومو مقتنعه.. ليش قال هالكلاااام.. من وين طلع ماادري؟؟؟
وبالنسبه لليوزر الثاني عرفته وانا اكتب هالرد
واللي مستغربه منه انه يمكن هذا رابع يوزر له في نفس المنتدى ومايستخدمهم.. بس هذا حاط فيه معلومات عنه وتاريخ ميلاده ولاحظت انه جديد تاريخ التسجيل 10 فبراير.. والباسوورد غير اللي يستخدمه عادة

ياترى شناوي عليه الله اعلم...
 
طبعا خواتي نسيت اقولكم ان الهبله اضافتني عالمسنجر..
وامس تكلمت معاها..
والله ماعمري شفت مثل غباءها وقلة ادبها وكذبها... تخيلوا خطيبها اللي تقول انه ولد عمها تكلمه وتطلع معاه واهي حتى ماملكت!! معقوله في ناس كذا؟؟
طبعا انا الفت لها قصه اني مطلقه.. بس محتاجه رايكم شو اقولها سبب الطلاق هل اقولها اني اكتشفت انه يكلم وحده.. او اقول لها هو اكتشف اني اكلم واحد؟؟ ولا ايش...

ابي شي ينفع معاها ويخليها تطلع الخياس كله...
طبعا انا بحاول اتفق معاها والتقي فيها في اي مكان...
طيب شرايكم شالاسئله اللي راح استفيد منها يعني نوع المعلومات اللي اجمعها عنها؟؟
 
زوجك ياختي جنوبي وبقوة!!! لنه يتخذ اسلوب الاهانات لدفاع عن نفسه هالشي جربته شخصيا

ولو يعرف الجنوبي كم هو مؤلم !!! اخ بس


لنه خايف منج اشتغل لسانه لي رجعه
 
ارد وقولج زوجك نسخه من المحترم الي عندي ! ومرة فعلا طال لسانه وتلفظ علي واساء لشخصي الكريم !!! وكنت صامته جدا وترى افضل الحلول تسكتين وتطلبين منه انه يراجع نفسه بهدوء ويوزن كلامه ذكريه انه. قاعد يتهور


واليكي خدعه انا بنفسي قلت بجربها سجلي صوته
 
فديتك ملكةالاحاسيس

وانا طول عمري افكره شمالي

والله شكلي انا شماليه وهو جنوبي...
طيب وش رايك في محادثتي مع الحقيره؟؟؟
 
الحين انا متأكده انه رجع يكلمها....
تصرفاته اليوم مو طبيعيه بالمررررره..

اول ماقام من النوم انا كنت تعبانه ونايمه عالكنب.. قالي قومي حبيبتي نامي داخل ارتاحي وانا باهتم بالولد وراح اصحيك الساعه 7... طبعا هالكلام كان تقريبا نهاية العصر... قمت نمت انا مع ولدي... وكل شوي انتبه بس من التعب مو قادره اقوم..
قمت عالساعه ثمان ونص.. فكرته طالع لاني مااسمع صوت... طلعت الصاله سمعت صوت نجوى كرم جاي من المجلس والتلفزيون وطقطقة اللاب توب...
رحت طليت عليه انصدم وضحك وقعد يطفي صفحات ويطفي الاغنيه.. بس كان شكله منسجم مره... طيب عديناها..
شوي فتحت منتداه الخايس شفته موجود بس له مشاركه عاديه جدا..

طلع يجيب اغراض للعشا تعشينا وحط محاضره دينيه وجلسنا نستمع ومافتح الكمبيوتر زي عوايده...
طيب كل شوي يفتح النت ويجلس جنبي.. فجاه يقول بطئ عندي النت وطيران عالمجلس..
وكل ماامر من يمه صفحات تتسكر.. وشوي ويرجع..

كل مااساله متى بتنام يقول اي بس اتروش وانام.. ويماطل كانه ينتظر شي...
اخر شي تروش وفتح النت عالموقع صار يفتحه يمي لانه خلاص عنده يوزره الثاني والاول هذا كله براءه حاليا..
فجاه نقز راح المجلس بحجة انه بطئ وبيجلس عند المودم.. دخلت المنتدى لقيت الاخت متواجده ***اذا عرف السبب..
خليته على راحته وطول*** هذا اللي كان بينام...

فجاة نقزت عنده بحجة اني بساله عن برنامج.. طبعا صفحات تتسكر ورحت جلست جنبه اخر شي شفته محادثه سكرها...

شرايكم؟؟ بنفجر راسي من شوي جا عندي واول مره اطلع حرقتي فيه..
قلت له ابي بكره انزل عند اهلي باي طرررريقه ... طبعا خاف وقال انا شسويت لك قلت لا مو انت بس لاني تعبانه وابي احد يساعدني عشان الولد وكذا.. بس شكله ماصدق لاني جد كنت معصبه...

قهررررررني شيبي مني ماااادررري
ودي ادعي عليه بس قلبي مايطاوعني...

الله يصبرني واللي عندها برنامج تجسس يشتغل ومجربته ياريت تخبرني

فديتكم اليوم طولت هذررره بس والله ماعندي احد بموووووت...
 
الله يقلع هالتقنية اللي ما جانا من وراها الا عوار الراس

والا المشكلة فينا حنا اللي ما نحسن استخدامها

لا وبعد صار المسن عن طريق الجوااال

يعني ما فيه امل نراقب شئ
 
طولي بالج !! ... شوفي هالبنت مارح تنقلع الا لو عرفت شخص ثاني غير زوجك هذي لعابه 100%وقدام زوجك تظهر نفسها مسكينه ... انا شماليه وزوجي جنوبي والشمالي الغالبيه يكون مستقيم بحياته ومخلص لكن الجنوبي يميل لسماع اغاني الحب لانها تشعل مخيلته كثيرا بالذات اغاني معينه تذكره بمامضى صدقيني او من الاغاني المفضله لها


بتقولين كيف عرفت؟ مرة جالسه اسمع اغنيتي المفضله سابقا وسالني زوجي ايش يعجبج بها؟ قلت ولا شي بس جذي تريح اعصابي ، ويوم بعد يوم اكتشفت انه يحب اغاني معينه تذكره بماضيه ! مالت هههههههههههههههه


طيب ... مثل ماذكرت لج طوعي شوري مرة بس !


اعملي حركة جديدة تخلي زوجك ينشغل فيكي تماما


مثل مايسوي سوي ! اذا قعد عالمنتدى افتحي اي منتدى وشاركي وسوي روحج تضحكين .. وقولي له واحد كتب لي جذي وجذي شو ارد عليه! بيني له انج خلاص بايعتنه برخيص وان ماعاد شي يهمج فيه!


طبعا ممكن شوي يعصب منج يمكن! بس الخطة الثانيه تظاهري انج مشغولة جدا جدا بمكالمات بمسنجر وغيره! تظاهري بالتعب وروحي نامي بس خذي جهازك معاكي واول مايدخل سوي روحك صكرتي شي فجأه !! هههههههههههههههه مش اقولج اني شريرة!



ابصم لج عقب هالخطة الريال بيتركها بيركض وراج بيفكر انج لقيتي شي ثاني شغلج عنه! بينصدم من اهمالج .... اذا جالس بالبيت او الشقه قولي له ليش حبيبي ماتطلع! ودي ارتاح شوي لحالي ...ومن هالرمسة



قسم بالله بيترك خرابيطه وبيلزق فيج
 
يغلق الموضوع لانه تعدى ال 200 مداخلة
 
الحالة
مغلق و غير مفتوح للمزيد من الردود.
عودة
أعلى أسفل