جا الوقت اللي اطلب فيه مساعدتكم..

[اتحداها]

حبيبتي تمام عليك الي سويتيه وانتي لسا ف بداية الخط اولا امسكي المحادثة كدليل و نصيحة استاذة ناعمة لا تكشفي اوراقك كلها مرة وحدة واصبري لحد ما تتم المواجهة في وقت ملائم لها لانه الحين هو عايش في حالة من الوهم والعشق هههه متيم الرجال انا اقترح انك تضيفيها لمسنجر وهمي اخر و تلعبي عليها و بعدين ترسلي محاثاتها لزوجك كفاعل خير يعني كانك خويها القديم و صدتيها او كانك شاب اخر متعرف عليها ثانيا احسن شي انك رجعتي تهتمي بنفسك و ترفهي عن نفسك و بكذا حيلاحظ حبك لنفسك واهتمامك فيها وتسدي عليه منفذ ان فيه شي ناقصك او مقصرة فيه ثالثا لا تواجهيه ابدا فقط اقطعي عليه الطرق و الاوقات الي ممكن تخليه يقابلها فيها زي ما نصحت استاة ناعمة في قصصها انك ما تكشفي ولا تواجهي عشان تستفيدي من نقده لك امامها وامتداحها وتسويقها لنفسها والاشياء الي يحبها منها وتعرفي اش ناقصك هذا من ناحية و من ناحية ثانية عشان تعرفي معلومات اكثر عنها و تفضحيها او توقفيها عند حدها و ايضا تعرفي اوقات الي يكلمها فيها عشان تشغليه فيها عنها لانه لسا يمثل قدامك انه الحمل البريء و ما يبغا يكشف نفسه قدامك و ان شاء الله تتحسن بينكم الامور وتكون نزوة عابرة و عليك بالدعاااااء و ربي يعمي عينه عينها و يرد كيدها في نحرها ولا تخربي علاقتك ف زوجك عشان وحدة ما تسوى وحتى تلاقيه هو ف قرارة نفسه بس نوع من اللعب يبغا يستكشف ويعرف انها ما تسوى ظفرك والدليل انه طيب في علاقته معك و يحاول يكسبك و الله يهدي سرك و موفقة حبيبتي

ماقصرتي حبيبتي
انا ادري ان زوجي في حب استكشاف مو طبيعي... وان الموضوع بالنسبه له تجربه جديده وطلعه من طلعاته... لاني الحمدلله مااقصر معاه وهو مرتاح مني وتوه ذاك الاسبوع مطلعني ويقول لي انتي كل اللي اتمناه واذا رحتي عني شبيصير فيني لان كان بينا خلاف من فتره وكانت نفسيتي تعبانه فقلت له افكر اروح عند اهلي... بس اللي حز في خاطري ان المكان اللي موديني اياه دالته عليه الحقيرررره.. وفعلا مكان منحط مايليق الا باشكالها الصراحه وانا من اول مادخلت سبحان الله ماارتحت له بسبب الفوضى وقلة الادب اللي فيها مع اني عادة مااحب اضايق زوجي بس هذاك اليوم سبحان الله قلت له وبكل صراحه وين جايبنا وش هالمكان؟؟ قالي ان واحد من اصحابه دله عليه (وانا كنت مصدقه لين شفت المحادثه)
ونقطه ثانيه اهي قايله له انها مخطوبه وان خطيبها يغار عليها وماادري ايش وناس تلعب عليها يعني ماراح استفيد شي لو جبت له محادثات معها...
مشكوره مره ثانيه

 

[اتحداها]

الله ينصرك يارب
ويبعد عنه بنات الحرام ويخليه لك
ويسحره فيك سحر حلال يارب
اختي بالعكس اللي تسوينه صح ولاتواجهينه ابد اكسبيه صدقيني بين انه يحبك
وبيحس بذنبه
الله يوفقكم يارب
طمنينا ياحلوه

اميييين يارب
متى تعدي هالازمه بدات اتعب حتى النوم مااقدر انام زي اول.. الله يعين

 

[اتحداها]

اللي اسوينة صح ..................اصبري لاتواجهينة ....خلي عندج كل شي دليل بخياناتة .
وبعدين حطي ف بوكس غلفية وحطي البوكس ف سيارتة فوق السيد خل هو يفتحة ويشوف الهدية هههههههههههه.
بس لازم ها اليوم تكونين واااااااااو متكشخة كأنج عروس عشان لما يجي عندج يحس ف فيج ويندم ع اللي سواة خل يقول عندي القمر شو اباة ف السبال .

حلاته اسوي كذا والله بس ان شاء الله مانوصل لهالدرجه واقدر استرجعه لي وبس

 

[اتحداها]

انا مستغربه انك بتقولي الاخوات بيقولوا طالما كلام بس مفيش مشكله امال ايه المشكله هو اختلاط الرجل بالمرأه وكلامهم بقي كده شيء عادي لاحول ولا قوه الا بالله العلي العظيم هو ده اللي ياما خرب بيوت التهاون والتساهل بشرع الله طبعا واجههيه ولازم ينتهي عن ده فورا وذكريه بالله كثيرا

فعلا حبيبتي في ناس تقول كلام نظري يعني لو اهي بيصير لها مااتوقع ترضى على نفسها
وبعدين الله ماحرم هالشي الا لحكمه منها ان علاقة الرجل بالمراه الاجنبيه مستحيل في يوم تكون بريئه حتى لو كانت في بدايتها كذا... الشيطان شاطر

 

[اتحداها]

قسسسسسسسسسسسسم بالله انك خطيره تفكيرك مرره رائع ...
ومنكم نستفيد ... انا توني مالي خبره ...

مشكوره على التشجيع والمرور

 

[اتحداها]

الله يكون بعونج مو حلو الاحساس اللي قاعده تعيشينه وصعبه ترد الثقه لمكانها بس عشان حياتج تمشي معاه طوفي بس حاولي تناقشينه يمكن يرد عليج رد يبرد الجبد ماتدرين وصدقيني لاتيمعين معلومات عن البنت ولا شي لانج ماراح تستفيدين شي اذا لج كلام مع ريلج وبس اهوا اللي راح يفيدج ويطفي النار اللي بداخلج
وادعي هالدعااااااااااااااء ( اللهم لا تجعل لزوجي حظا في النساء مع غيــــــــــــــــــــري ياحي يا قيوم اللهم ارزقني وده وحبه وارزقه ودي وحبي )

مشكوره حبيبتي
انا ماودي اواجهه بالمره مع ان شعور الاستغفال يعذبني اكثر من الخيانه نفسها بس اعرف زوجي انا ممكن انسى وامشي بس هو مستحييييل وعن تجربه مره صارت بيني وبينه مشكله مقاربه ولما واجهته انحرج وصار يحس انه ضعيف قدامي لاني مسكت عليه زله... وطول على مارجع معاي زي اول مع اني سامحته يوم اعتذر وبرر.. والحين التعامل اللي يعاملني اياه احس فيه ثقه واعتداد اتوقع لانه الكلبه جالسه تنفخ فيه وترضي غروره بانه الانسان الكامل اللي البنات تحبه:sad_1:

 

[اتحداها]

كانك توصفين حالتي :thumbdown: اموت واعرف ايش قصة النعومة الي يتعاملو فيها معانا ؟ هل هذي تعويض للخيانة ولا ايش بالضبط ؟ ولا حكاية الخيانات هذي ايش قصتها اصلا ؟

اتوقع والله العالم انه لسى ماتعلق فيها بشكل كبير بس داخل معاها جو رومانسي عشان كذا يطلع الحب والحنان لي بما ان قدامه طول الوقت... :no: يمكن

 

[اتحداها]

هذا اللي اسويه بالضبط بس لانه مضبط اموره يفكرني مستحيل اكشفه
بس انا خايفه انه مع الوقت يتعلق فيها اكثر ويصعب الموضوع علي
تخيلوا خواتي البارح كنت توني مغتسله عن الدوره وحبيت اني اعوضه قلت يمكن هالعشرة ايام طولت عليه وصار جماع مرتين.. في المره الثانيه على طول انا رحت اغتسل وهو قاعد يرسل لها رسايل ليه ماتدخلين المسنجر!!!!!!!!![/QUOTE]
لا عاد هني وبس ! :crazy::crazy:

شفتي شلون الله يصبرني يارب
بس المشكله الحين لقيت عنده محادثه محذوفه شكله انتبه للملف
بس مو راضيه تفتح معي ماادري ايش السالفه؟؟
اللي عندها برنامج حق تجسس المسنجر تكون مجربته ياليت تفيدني

 

[ملكةالاحاسيس]

انا عندي افا عليج ما طلبتي شي بالخاص ..

 

[اتحداها]

مشكوره ياعمري ارسلت لك رد عالخاص ماادري وصل ولا؟؟

 

[مهوره]

الله يصبرك ويصيبر الي مثلك يارب ... حبيبتي اول شي لازم تكوني بقمه الحذر انه مايكشفك انك تراقبيه خليك حذره جدا عشان تمشي خطتك مثل ماتبين .. وباين ماشاء الله عليك انك قويه ومانهرتي الله يقويك اكثر وروح التحدي الي فيك لاتتعبي منها <من سار ع الدرب وصل > بس عيشي لنفسك اكثر من انك تراقبيه ..

عندي لك فكره بس انتي ضبطيها حسب ظرووفك .. ممكن ترسلين له رساله ع ايميله انك فاعل خير ويكون باسم رجال او بنت وتقولي له انه هذي تتكلم عنك وتتريق عليك . وناويه له ع نيه شينه . . واستقلي المحدثات الي عندك ركزي فيها وشوفي وش يساعدك فيهاا .. لما يشوف كلام قاله لها بالنص وبينها وبينه بس اكيد بيصدق او يكون شكه كبير فيهاا .بس انتبهي لايشك فيك انتي ورا الموضوع .. . دوري سر قاله لها مثلا .. بس ضبطي الساالفه زييييييييين عشان تجيب نتيجه .. لاتستجعلين خليك راايقه .. فرفشي واضحكي .. نكتي قولي الغاز .. فكري براحتك .. الصحه لي راحت مافيه شي يعوضهاا .. مو هو عايش بالعسل وانتي تضايقين نفسك

الله يسااعدك .لسانك لاينقطع عن الاستغفار .. ربك موجود

 

[نبض الخواطر...]

وي وي حسبي الله عليها ونعم الوكيل هذا مخطوبه وخطيبها يغار عليها بعد وتبي تسرق زوجك صج انها ماتستحي الله يعينك ويصبرك طمنينا عنك قلبي

 

[اتحداها]

الله يصبرك ويصيبر الي مثلك يارب ... حبيبتي اول شي لازم تكوني بقمه الحذر انه مايكشفك انك تراقبيه خليك حذره جدا عشان تمشي خطتك مثل ماتبين .. وباين ماشاء الله عليك انك قويه ومانهرتي الله يقويك اكثر وروح التحدي الي فيك لاتتعبي منها <من سار ع الدرب وصل > بس عيشي لنفسك اكثر من انك تراقبيه ..

عندي لك فكره بس انتي ضبطيها حسب ظرووفك .. ممكن ترسلين له رساله ع ايميله انك فاعل خير ويكون باسم رجال او بنت وتقولي له انه هذي تتكلم عنك وتتريق عليك . وناويه له ع نيه شينه . . واستقلي المحدثات الي عندك ركزي فيها وشوفي وش يساعدك فيهاا .. لما يشوف كلام قاله لها بالنص وبينها وبينه بس اكيد بيصدق او يكون شكه كبير فيهاا .بس انتبهي لايشك فيك انتي ورا الموضوع .. . دوري سر قاله لها مثلا .. بس ضبطي الساالفه زييييييييين عشان تجيب نتيجه .. لاتستجعلين خليك راايقه .. فرفشي واضحكي .. نكتي قولي الغاز .. فكري براحتك .. الصحه لي راحت مافيه شي يعوضهاا .. مو هو عايش بالعسل وانتي تضايقين نفسك

الله يسااعدك .لسانك لاينقطع عن الاستغفار .. ربك موجود

مشكوره عمري عجبتني الفكره بس لسى ماعندي الا محادثه وحده بس
وكمان خايفه انه مثلا يكون بما ان علاقتهم ماصار لها فتره يروح يدور غيره وبكذا ماراح نخلص ابيه يمل منها ويكره الشي نفسه.. بس مو عارفه كيف..
انا مثل ماقلتي قمة الروقان معاه هاليومين واحس انه ملاحظ هالشي وصايره دايما طلعات وكذا وعايشه حياتي.. بس اللي في القلب في القلب
استغفر الله ربي واتوب اليه

 

[اتحداها]

وي وي حسبي الله عليها ونعم الوكيل هذا مخطوبه وخطيبها يغار عليها بعد وتبي تسرق زوجك صج انها ماتستحي الله يعينك ويصبرك طمنينا عنك قلبي

حسبي الله عليها اصلا انا اشك انها مخطوبه!!!
بس لسى العلاقه بينهم مو قويه مررره وكلامهم اغلبه سوالف عاديه بس لاحظت انها دايما تدلعه وتقط نفسها عليه!! وهو احيانا يسايرها احيانا لا... ماادري والله مخي ضارب
الله يعيني يارب

 

[اتحداها]

لحقوني
شكله زوجي بدا يشك لاني دخلت من شوي جهازه شفته غير الاعدادات تبع المسنجر وشال الحفظ
اهو مركب مسنجر بلس وغيرت الخيارات فيها للحفظ
تتوقعون ينتبه لها
ياربي خايفه لو اكتشف خلاااص بتروح علي كل المخططات... وبتخترب علاقتنا مره ثانيه..
ساعدوني

 

[مهوره]

اي خيارات تقصدين .؟؟؟ تقصدين حفظ المحادثاات ولاحفظ معلوماته الرقم السري وكذا

 

[اتحداها]

اقصد حفظ المحادثات

 

[مهوره]

انتي ماعليك الحين ان كان ممكن يسوي كذا مع غيرها ولالا ..
ركزي مع هذي الحين وكرهيه بالطريق هذاا زين .. استعملي كيد النسااء
الي يخليه يكره حيااته ان شاء الله ... خطرت ع باالي فكره .. اذا عندك بلس
انك تسوين لك ايميلين اثنين جديده .. وتخلين واحد من الايميلات التوبيك
حقه نفس توبيك البنت هذي .. انسخيه وحطيه مثل مااهو بالضبط
انسخيه من المحاادثه او من ايميله .. وافتحي الايميلين بنفس الوقت
وسوي محاادثه من تاليفك ع انه بين البنت هذي وبين فاعل الخير
وتفنني بالكلاام بالتريقه والضحك عليه .. وبيني انه فاعل الخير
متضايق منها وينصحها ويقول لها لاتسوين مثل الي سويته بحبيبك الي قبل ..
ولاتبين له وش سوت .. خليه يفكر ويحتار .. وهي تضحك .. خلي الي يخرع
مبهم ومومفهوم ..
.. وكانه فاعل الخير نسخ جزء من المحاادثه .. بالنسخ بيطلع التوبيك حقها
وبيصدق ..
بس انتبهي تصورين الشاشه لانه بيظهر الايميل فوق ..
وفكري بطريقه كيف عرف فاعل الخير ايميله .. هي قالت له من قبل او
او مثلا صديقها الروح بالروح وعنده رقم ايميلها .. انتي شوفي طريقه
انسخي جزء من المحاادثه او ممكن مايخطر ع بااله
.. وبيني بالمحاادثه انه تتعمد تتاخر عليه
وماتدخل المسن عشان تولعه المسكين الي مصدق نفسه انها معجبه
فيه .. وبالمحاادثه حاولي اسلوبك نفس اسلوبها مثل كلمه تكررها او طريقه
كتابته لها مميزه ... وكرهيه بشي اسمه حب وتعارف .. طلعي كل عيوبه
وبنص السوالف كانها تسولف عن واحد ثاني وتدلعه .. يعني الي تقوله له
تقوله لغيره .. مثله مثل غيره .. مجرد تسليه
وانتي تقولين مره اخذك لمكان هي قالت له عنه .. ممكن تستقلين النقطه هذي
اذا تبين اعطيك الموقع الي يسوي الايميل انا حاضره .. ودي احطه هنا
يمكن الروابط ممنوعه ...

 

[مهوره]

اقصد حفظ المحادثات

بما انه شال الحفظ اكيد انتبه .. هدي اللعب شوي ..
بس انتي تحفظين المحادثات الي تكون بالمتلقااه ولا الي تكون بسجل محادثااتي .؟؟

 

[اتحداها]

مشكوره اختي بس احس فيها مخاطره كبيرررره واكيد هو راح يسالها وبتنكر
ترى زوجي طيب مررره

ياربي خايفه بحاول ان شاء الله وعندي البرنامج اللي يفتح ايميلين عرفته