جاوبوني ياحكيمات كيف ارجع لزوجي بدون ماتهان كرامتي

[رويتا]

للحين ماجاني خبر
اتهور واكلم خالتي هي قالت لي بيجيك الاربعاء

 

[رويتا]

ماتحسون كاني اترجاها لو كلمت اسال اذا بيجي او اصبر

 

[رازيا]

اصبري شوي لا تستعجلين واستخيري الله

 

[رويتا]

يارب تفرج ادعولي

 

[الاميرة ريمي]

شوفي شيخ يقرا عليه

 

[رويتا]

مفكرة والله بس لما نرجع

 

[رويتا]

للحين ماجا خبر شورو علي وش اسوي
ابادر انا واتصل

 

[اصالة زوجة]

الصبر ثم الصبر ثم الدعاء والله الذي لا اله غيره سوف ياتى الحل عاجلا لا اجلا

 

[saniaend]

ربي يلهمك الصبر يا اختي الصبر طيب

 

[رويتا]

خلاص احس طاب الخاطر بعد ماتحطمت اليوم كنت متوقعة انه يجي
شكلي بانسى الموضوع واخلي الايام تعدي ببرود تعبت من الانتظار

 

[الداعية إلى الل]

الله يكتب لك الخير حيث كان

 

[ربانة بحر]

الله يفرج همك ويحنن قلبه عليج ويشافيه...
هم جذيه اصحاب الفصام يحسون الناس ضدهم وان محد فاهمهم...
ايام الدراسه كنت اروح الطب النفسي ولما نقعد مع المرضى ونسمع كلامهم نستغرب من تفكيرهم
وشلون يشوفون الحياة ...واللي ما يعرف مرضهم يصدقهم ...

الله يكون بعونج ويصبرج وياجرج على بلواج ...

 

[رويتا]

فعلا اختي يتخيل كثير انو انا ابيه يموت ومرات يقولي وش حاطه بالاكل تبيني اموت ومرات يقول ادري انك نادمة تزوجتيني وتتمنيني اموت حتى تتزوجين غيري
هو الفصام كذا بس ربي يعين ويقتنع ويرجع للعلاج

 

[نسيم الربيع]

الله المستعان
الله يشفيه ويعافيه
لي أخ عنده هذه الحالة !!
مرات يكون رايق وما أحلاه وفجأة يقلب ويصير يشتم ويضرب الكبير والصغير لاحول ولاقوة الا بالله
صرنا نبتعد عنه حتى يحس انه منبوذ وبالفعل الحمدلله كثير تحسنت معاملته معنا وصار نادر لما يفقد اعصابه امامنا وأطفالنا صاروا يحبوه كثييير ويهتفوا باسمه كل ماشافوه ويتعلقوا فيه ..!!
بصراحة هو طيب كثير ولكن لما يكون الله واعلم شوفيه يكون شخص ثاني اعوذبالله منه !!
أختي الآن عايشة معه بنفس البيت وهي تعاني منه كثير ولكنها تخصصت بالجامعة صعوبات تعلم والحمدلله من ضمن دراستها عرفت تتعامل معه وكثير متحسن معاها !
هي صارت تطنشه كل ماقال كلمة تسكت ماترد عليه !
والله انه يسوي نفس زوجك تمر من امامه يا كذا وياكذا وحتى انه الوالد موجود ولكن امام الوالد مايقدر يتكلم ولكن لو غاب الوالد اشتغل بأختي ومرات لما تجيه الحاله امام الوالد تصير ملحمة بالبيت وحتى انه الوالد يضربه ويطرده من البيت وهو عمره 33 سنة مو صغير يعني !!
وحتى انه يقول لأخواني والله اني مبهذل أختي الله يعينها علي ! ويقول لأخت من أخواتي والله ما أعرف ليش أعامل أختي بهاي الطريقة !!!!!! يعني مريض رسمي !!!
ولكن صارت اختي تطنشه وما ترد عليه ابدا وحتى مرة قاطعته مدة طويييلة دامت لأشهر ومن بعدها تربى يرفع يده عليها وصارت قليلة الجلوس معه ولا تسأله عن رأية بشغلة سوتها ولا شيء !
وصارت تمدحه اذا عمل شيء يحتاج المدح مو كذب يعني لأنه يعرف أنها لو مدحته كذب يعني أنها تريده يبتعد عنها وما يأذيها وهو يفعل العكس ويروح يأذيها !!!
عموما ما اعرف ذاك أخوها وهذا زوجك أكيد في طرق ثانيا للتعامل مع الزوج المريض !!!
عليك بالدعااااء فربك لن يخيبك ولن يردك
أعانك الله وفرج همك​

 

[رويتا]

نسيم الربيع
ردك وربي ريحني فعلا اللي تتكلمين عنه نسخه من زوجي
زوجي كذا ياذيني ولما يهدا يقولي مدري ليه احس اكرهك ومرات يقولي كيف تتحمليني لما اتكلم عليك الحين بعد ماجلست هالفترة عند اهلي قريت كثير وتوضحت امور قدامي اول مرة من زواجنا ننفصل شهر كامل بدون تواصل
ادعو لي انه يجي يرجعني حتى اجرب الحلول اللي توصلت لها يارب يفرج همي وهمكم

 

[رويتا]

لليوم لاحس ولاخبر
يارب الفرج منك تعبت من مسؤلية العيال لحالي

 

[رازيا]

عزيزتي فرج الله همك امين انصحك استخيري الله واذا ارتحتي خلاص روحي اتصلي عليه الله المستعان
الاولاد معك او معاه

 

[رويتا]

اتصلت يكلمني وكانه خايف وصوته يرجف ويكذب ويتحجج انه ماراح يجي لانه موجود بزيارة لمكان بعيد وانا اعرف انو يكذب لاني سالت ناس هناك قالو مو موجود عندهم
مايبغى يجي ولا عنده الجرأة يقول ماراح اجي
يارب الحل من عندك

 

[رويتا]

رازيا اولادي معاي الحمدلله

 

[رويتا]

اكلم ابوه
اخاف يزعل وتكبر السالفة
مدري وش اسوي