جاوبوني بصراحه تامه

ربــــــــــــــي لك الحمـــــد علاااااقتـــــــــــي معاااااااااااهـــــــــم ,,/ مــثل العســـــــل ان هم عســــــــــل ..

الله يديـــــم المحبــــه بيـــــنه ياااربي ~
 
انا سالفتي طويلة اذا عندكم وقت تسمعوني
اول ماتزوجت قبل 3سنوات
كانوا اهله احلى من العسل
امه لما اجيهم تدافع عني
وتخاف علي وتهتم بي
تدلعني لما نزورهم
لدرجة اني اشتاق لشوفتها
وابوه كان يوميا يقرا جريدة ولما نجيهم
يعطيني اياها اقراها قبله
اما خواته
الكبيرة كانت عسل معي وتبين لي المحبه
وتقول انا اللي بقلبي على لساني
وتساعدني لما اتعب خصوصا بحملي
والوسطى مطلقة
كانت الوحيدة اللي احس من تعاملها <<< المزح برزح
انها تغار مني وتكرهني
بس كانت تبين العكس
والصغيرة << اكبر مني
كانت تسمعني كلام يهد الصخر
بس عموما كنت احبهم واشتاق لهم واهتم بهم
واحاول ارضيهم
الين جاء يوم
طردني زوجي بدون سبب واضح
ووقفوا معه
وزوجوه
وكرهوني وسبوني
وتكلموا عني كذب بكل مكان


الله يبين الحق
ويذلهم ويقهرهم مثل ماقهروني
 
انا علاقتي فيهم حلوة بس هم فضوليين ويحبون يعرفون كل تفاصيل حياتي وحياة اهلي وانا من النوع اللي ماحب ارمس عن الناس السوالف اللي مالها داعي فلانة سارت وعلاتة حملت وهذي انخطبت الحين هم صاروا مايدخلوني في خصوصياتهم ويتعمدون انهم يحسسوني انه فيه شي بس مايبغون يقولولي عبالهم بنقهر بس انا والله ماحب هالسوالف احب الضحك السوالف العادية ماحب ارمس عن الناس واعطي تقرير يومي عن امي وخواتي واخواني وحريمهم هالشي مسوينه حاجز بيني وبينهم واحيانا يتعمدون يعاملوني مثل غريبة بس انا والله مايهمني اهم شي اني راضية بنفسي حتى ريلي متعقد منهم بسبة طبعهم انهم يدخلون عمارهم في كل شي بس عمي فديته واااايد يحبني ويدلعني ويحب عيالي اكثر عن احفاده الثانيين لانه هو وايد يحب زوجي لان زوجي الحمدلله بار بامه وابوه لاقصى درجةوانشالله عيالنا يبرونا مثا ما احنا بارينهم
 
أم زوجي تكون خالتي
وأقرب خالتي إلي

تحبني واااااااااااااااااااااايد و أمووووت عليها

أما أبوه فيعتبرني بنته حالي حال باقي الأولاد
وهالشي مو بس معاي هاي مع كل عدايلهم وكناتهم


الله يحفظ لي إياهم يا رب

 
السلام عليكم....

عجبني الموضوع و حبيت اشاركم...
انا ابصراحة ,,, في بداية زواجي كانت علاقتنا مع خالتي و خوات زوجي ,,, متوترة شوي ... يعني اسمع كلام يضايق من اني مافيني فايدة و لا لي دور في البيت مع اني كنت احاول اندمج معاهم ,,,,,وخاصة لو اطلع مع زوجي مكان كنت احس انهم يتضايقون و يزعلون و يكلموني من طرف خشمهم ,,,, بس مع الوقت فهمتهم وفهموني .... وعلاقتي مع سلايفي عادية جدا واحاول حاليا اتجاهلهن و لا اقعد معاهم و لانهن دايمن يعملون مشاكل مع بعض فابصراحة اتجنبهن لانه ما اقدر اتحمل مشاكلهن...... بس عمي و و اخوان زوجي علاقتي فيهم واايد زينه اداريهم و يداروني.....
 
مشكورات خواتي على الرد
اللي علاقتها زينه مع اهل زوجها اقول لها الله يجعل العلاقه دايم زينه ولا تتعكر ابد ويحببكم في بعض اكثر
واللي علاقتهم مو زينه مع اهل زوجها اقول الله يهديهم ويسخركم بعض وتصيرون احسن
بس باقي يعني مثلا اسمع من البعض يغارون من بنات اخت او اخ الزوج مع انه يكون عمهم او خالهم بس يغارون ولا مثلا تكره امه
 
انا الاوضاع طيبه بس هناك امور متفاوته مره تكبر المشاكل بيني وبينه عشانهم بس انا احاول مابين لهم لان الغلط منه اهله مايطالبون بهذا الشي هو اللي يزن علي ويجيب المشاكل ومره تعدي الاجازه على خير
 
علاقتنا فوووووق الممتازه اكثر من جذي ما اقدر اقول
الله يديم علينا
 
الله لايحرمني منهم قمه الاخلاق معاي وانا اعاملهم بالمثل
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل