جاء زوجي امس بليل ولقيني جالسه على النت وشوفو ايش سويت

الحالة
مغلق و غير مفتوح للمزيد من الردود.
قولي له الصراحة بغيت أتثقف والواحد لازم يتعلم​
 
الله يسعدكم ويوفقكم أن شـاء الله
ولا تشيلين هم أن شاء الله الا موركلها بسيطه ولا تعطين الموضوع اكبر من حجمه
 
ياقلبو استخيري ان الله يسترها معك وقوليله انك تبين تفاجئينه بشي حلو يعني انك خاشه موضوع جنسي او اوضاع جديده وتتعلمي عشان تسوينها له وانك بس كنتي تقرين موضوع جنسي ولما شفتك تفاجئت بس وانحرجت منك ولوشفتيه رايق وممكن تقولين الصدق الله يعينك وتقبلي تحيات
 
لا لا لا لا إلا بلقيس لا تقولينله عليه
وبصراحة ردة فعلكي غلط
شوفي
إضغطي هنا وأكتبي للنساء فقط
تطلعلكي منتديات إختاري أي منتدى وإحفظيه بالمفضلة أو على الـ DESKTOP وكل ما تفتحين بلقيس إفتحي صفحة ثانية على أي منتدى نسائي
وكل ما سألكي وش قاعدة تشوفين قوليله منتدى خاص بالنساء وما أبيك تشوفه وإذا أصر إزعلي شوي وقوليله إنت منت واثق فيني وتكونين فاتحة على اللي قلتلكي عليه وقوليله خذ الجهاز واتركيه له وقومي عنه وبس وإنتي تشوفين وش يسوي عشان تسامحينه:9:
 
هلا حبيبتي انا متابعه موضوعج من الصبح وياريت لو تطمنينا شنو قلتيله لريلج وشنو صار ردت فعله
 
عااااااادي قوليلة انك تتصفحين المنتدي بس تبع مملكة بلقيس وقوليلة قريتي قصة فية بس لا تسجلين دخولك في الموقع ادخلي عن طريق قوقل وافتحية المنتدي وبس و سلامتك
 
اب

في انتظاار رده الفعل وشنو صار

يارب ان شاء الله خير وميسره باذن الله
 
هلا أختي
ترى الحركه ألى سويتيها تخليه يشك فيج فلا تكررينها خلج صادقه معاه وفي الليل لاتدخلين النت علشان مايشك
ومن الهيستوري يقدر يراقب وين تدخلين ووين تطلعين سوي دليت للملفات المؤقته دايما لاخلصتى من التصفح
من أنترنت اوبشن

وخلك واثقه من نفسك وأنتي تتكلمين لاشافك مرتبكه ترى يحلل الكلام والتصرفات ويأخذها بمعنى ثاني

الله يستر عليك ويوفقك خيتووو
 
الله يستر عليكم ويسعدكم دنيا واااخره:c016::c016:
واسفه اذا طولت عليكم
بس حبيت اطمنكم الحمد لله الامور مشت تمام :c045:
مع انه اصر اني انا اقوله على الاشيا اللي كنت داخله عليها
قالي ماابي اشوف ابيك انتي تقوليلي:c028:
وقلت كنت داخله عشانك وعشان اتعلم طرق جديده للجماع قالي ماابيك تعيدينا انا مو واثق فيك كان تعرفين ايش اسوي:a037:
قالي اجل تعالي خلينا نطبق ههههههههههه:a115::a115:

والحمد لله
الله يوفقكم ياااااااارب ويححقلكم كل امانيكم
ولا يحرمكم غالي
 
ماسة نجد قال:
الموضوع حبيبتي فيه غلط من اساسه
مو موضوع منتدى اوبحث عن موضوع مناسب يقتنع فيه
لازم يعرف زوجك ان اهتماماتك مو بس تنظيف وطبخ
يعني المهمة هذي ممكن خادمة تسويها او ممكن انتي تسوينها في اوقات فراغك
ولازم يفهم انك تحبي تثقفي نفسك وان لك حقوق تستفسري وتردي وتشاركي الاخرين
وانك مسؤلة عن نفسك وقادرة على ان تحافظي عليها
يعني انتي مو بيبي عشان احد يلعب عليك
انتي مثله قادرة على تحمل مسؤلياتك وقادرة على معرفة الصح من الخطاء
لان هذي نضرة دونية من الرجل لللمرأة بان يحضر عليها اشياء عادية ويتحكم فيها
ناقشية في الموضوع وخليه يبين لك الاسباب الي يخاف منها
مو صح الوحده تعيش في قلق وتنتضر اي ساعه زوجها يطب عليها ويبحث عن اغراضها ويفتش في اوراقها
ومهما يكون لازم يعرف ان لك خصوصيات مثل ما هو له خصوصيات
مو شرط الخصوصيات تكون فساد او علاقات
لكن شويه من الحرية يحبها الشخص لنفسه
ولازم تقنعيه بفكرة تسجيلك في المنتديات وعلمية ان اهدافك التثقيف لنفسك في امور الحياة
لا تصيرين على اعصابك كل مرة يشوفك لان تصرفك هذا واغلاقك للصفحات بهذي الطريقة هي الي بتدخل الشك
في قلبه ومهما قلتي مو شرط يصدقك
خليك صادقة معه في ان يسمح ويقتنع برغباتك
لازم يحترم رغباتك وهذا الي ركزي عليه وتحاوري معه فيها عشان تعيشين مرتاحة
وليش انتي حسيتي بالذنب وانك زعلتي زوجك انتي ما قصدتي تزعلينه- ولا تحسسينه انك ضعيفة اذا هو تضايق
او زعل - كل شئ بالتفاهم وفهميه بطريقته لبقة انك لك حقوق
وانتي تعرفين زوجك اكثر من اي وحده هنا وتعرفين كيف ومتى تفتحين معه اي حوار
وانتي وقناعاتك اذا انتي شايفة انه من حقه يمنعك ويقرر عنك ويطلب منك شرح لتحركاتك وانتي راضيه بذلك ومو متضايقة منه -فسوي الي يريحك
القرار في الاول والاخير راجع لك وحدك
أنقر للتوسيع...
:c014:
المفروض الواحد يكون له خصوصيات
كلامك صح ماشاءالله عليك 100%

والحمد لله على كل حال
 
الحالة
مغلق و غير مفتوح للمزيد من الردود.
عودة
أعلى أسفل