جاء حافز وجت معه المشاكل ....... ارجو المشورة من الحكيمات

د

دانة الشرقية2

New member
إنضم
2011/01/17
المشاركات
25
<FONT size=4>السلام عليكم اخواتي كيفكم انا عضوه ومسجله من زمان لكن مشاركاتي قليله ادخل بدون تسجيل دخول اقرا واطلع المهم حبيت اليوم ااستشيركم في موضوع قاهرني نوعا ما الا وهو حااااااااااااااافز قلنا بيجي ونستفيد منه لكن زوجي الله يهديه من يوم عرف انه بيجي وهو يقول بيقطع المصروف اللي يعطيني اياه كل شهر 1000 ريال ويقول خلاص شيلي نفسك انا انقهرت وخمدت الله اني مو موظفه وشفيها لو ظل المصروف المهم بعد طول نقاش وطبعا المراه لازم تتنازل في الاخير قلت خلاص بس اولادك مالي شغل فيهم ولانص ريال بحط عليهم قال اوك والحين وانا مقهوره منه يعني انا اللي مثقله عليه يعني انا مو من العيله مشيتها والحين والحين عندي مناسبه بعد كم اسبوع والاولاد يبغون اغراض واللي منه يوم قلت له قال اي الحين زاد الصرف اول ما تصرفين من المصروف حقهم تاخذينه مع العلم المصروف 1000 لي وللاولاد 3 اولاد وبنت الله يحفظهم انا كنت اوفر لان فيه جوالي وهدايا اذا احد مرض او وحدة ولدت وانا اغراضي والله تاخذ تعرفون الغلا لكن الحين هو يعصب اذا قلت يبون اغراض يقول انتي تتعمدين تكثرين طلبات طيب هو شال يده مني والاولاد عليه والله ماني عارفه وش اسوي ودي انكم تشورون علي هل انا على حق والاهو مع العلم اني كنت ابي حافز اسوي ليزر واشياء خاصه فيني الحين صار مصروف لي موشي يقهر اااااه المراه دايما مغلوبه وتحت رحمة ها الرجال شورو علي كيف اخليه يصرف علينا بطيب خاطر وبدون مشاكل </FONT>
 
هلا حبيبتي
اااااااه الله يعين على هالرجاااال
انتي غلطانه في شي :
انو المفروض ما تجمعين بين مصروفك ومصروف اولادك!!!!!!!!

و بالنسبه لحافز قولي له : بسدد ديون او بجمعها او اي عذر

وخليه يقلل مصروفك مو يوقفه ,,مثلا يصير 500 او 300
 
معقوله 76 مشاهده ورد واحد بس الله يعطيك العافيه يا حرم شوشو على الرد لكن الرجال دايم يقهرون الحرمه واخر شي ترضخ لهم لان مابيدنا شي الله يكون في العون يا اخوات افيدوني وش التصرف الصحيح في مثل هذا الموقف خصوصا انه عنيد وراسه يابس ما يقتنع بسهوله
 
طيب دام بيجي حافز تقدري تغطي مصاريفك
ومصاريف اولاده عليه
 
الله يسخرلك زوجك وحاولي بلين وكلميه وهو رايق انه يقلل المصروف ومايلغيه وان الدنيا غلى والله يوفقك ويهديه
 
الله يجزاكم خير ياللي رديتو بس والله الموضوع قاهرني لان كل ماقلت له شي قال حافز جاك اصلا وهو يعطيني 1000 يمنن عليها يقول انا اعطيك 12000 في السنه اصلا الاف تنصرف بسرعه كيف يحسبها مدري عنه فيها كل شي واذا قلت ماتكفي غيري ياخذ اكثر يزعل ويقول انتي ماتشكرين وش اقول الله يهديه احيانا احسه كريييم مره واحيانا احسه ماسك مره اللي قاهرني انه شالني من الحسبه مره وحده انا كنت ابغى حافز استفيد منه ليزر والا كم قطعه ذهب من غير المصروف انصدمت يوم وقفه الخين مضطره اصرف على نفسي من حافز يعني بيروح مابستفيد منه والله قهر الله يرزقنا من عنده ولا يجعلنا تحت رحمتهم
 
أختي الله يحفظك من رأيي إنك تكلمينه باللين وتقولين له احتياجاتك وان مكافئة حافز ماراح تغطيها وبعدين هو ملزم شرعاً انه ينفق عليك من مأكل ومشرب وملبس ولا ليه تزوج من أساسه

لكن ناقشيه وقت ما يكون مروق ولا تقولين غيري ياخذ مصروف اكثر لا جيبيها بطريقة حلوة مثلاً وبأسلوبك ان زوجي حبيبي كريم وما يقصر وكذا لعل وعسى واستدعي جوانب الكرم فيه امدحيه لا تجينه

بالعناد لأنه ما راح يستجيب وبعض الرجال كل شيء في حياته ولا تجي الفلوس في يد مرة

وياليت لو استشرتي استشارة شرعية لانه ما يصح له يقطع عنك النفقة اللي هي واجبة عليه


والله يعيننا جميعاً على قولة المثل جات المسكينة تفرح مالقت لها مطرح لا من شروط حافز ولا من مراقبة الازواج على ذا اللقمة
 
استوقفتني رسالتك بحق 3 اولاد وزوجه والف ريال بسنه يالله
اذا دخله كويس نصيحه عزباء لأتنازلين بكره يكمل حافز وووووووويتقاعس عن دخلك
حافز تمتعي نفسك فيها فقط نفسي اعرف هل فيه رجل وفي بها الزمن يستحق التضحيه والتنازل ؟

خلي فساتينك ووودلعي نفسك من حافز اوك لكن لازم لك دخل منه ولو قليل
هاذا حق من حقوقك
ادخلي في جمعيات مع نسوان شهريا بهيك ميقدر يستغلك زياده




الي عند اهلهااا مارتحت والي متزوجه مارتاحت لو يوظفنا بلا ذل حافز
ماوراه خير هالحافز


وحطي في بالك حافزززززززززز موقت يالغاليه
انتبهي

الله يغنينا بوظيفه رسميه من ذل هالرجال وحافز
على الاقل تتضمنين عمرك ام حافززززززززززز الله العالم ايش وراه
التقديم فتح واسال الله ان يسر لي اموري وامورك
ولكي ان تتطلعي على قصص تستفيدي منهاااااا في مصروف و
 
اكسير الحياه واحساس صعب اشكركم على الردود بس حبيت اوضح 1000 بالشهر مو بالسنه بس كيف اقنعه انو يعطيني مصروف ولو قليل مو يشيل يده مني نهاىي ابغى طريقه حلوه من الحكيمات تقنعه لاني داىما انا الخسرانه بعد كل نقاش مع العلم انه الاكل والشرب والعلاج كله عليه بس يقول حافز شيلي نفسك في اللبس والمناسبات والجوال وهذا اللي قاهرني لو قال بعطيك 300 ريال كان بقبل لكن شال يده مرررررره وهو لازم عليه يكسيني وانا موطماعه بشيل نفسي في الكماليات واشياء زايده عن الواجب لكن هذي النقطه مرررررره قاهرتني
 
أختي معليه قلت لك تعالي له بأسلوب حلو ويكون مروق وجربي وشوفي اطلبيه طلب وإذا بدا يتهرب قولي أنت كريم وأنا أستاهل ودلعيه باسمه وشوفي لربما


مشكلتنا انا إذا جينا نطلب تسبقنا الدموع وكنا قاعدين نشحث وهو حق من حقوقنا بيني له اش راح تسوين بحافز وشوفي ربي ييسره لك


وأكثري من قول حسبي الله ونعم الوكيل فمن توكل على الله كفاه
 
بنات اعتبروه موضوع للنقاش كل وخده تقول اللي عنده وتشاركنا مو معقوله فوق 200 مشاهده وبس 10 ردود !!!!!!!!
 
ادري ان حافز مؤقت هو يقول اذا راح حافز ارجع لك المصروف يعني بيقطع المصروف بس وقت حافز بس بعض الاخوات يقولون 1000 بالشهر قليله انا احس انها ممشيه معاي بس شكلي بعد حافز بقوله تكون لي لوحدي مو مع الاولاد اويزيد 500 يعني 1500 لي وللاولاد بس ادعو انه يقتنع واللي عندها طريقه حلوة لاقناع الزوج تساعدني وشاكره لكل من ساعدني ورد على موضوعي
 
استغفري وان شاء الله يلين قلبه ويعطيك من نفسه وانا مع احساس صعب ---
 
والله يادانة الشرقيه ودي اقولكـ تستاهلي بس اخاف تقولين خييييرررر وش عندها ياغيابه حاقده علي :(



هذا عيبنا الوحده اذا سمعت شي نطت لاذن الرجال و......... كل شي ..!!
انا لوقبلني حافز والله بكل بروووود بقول له ماقبلني ومافيه حافز الله يعينكـ ؛ انتي ليه خبرتيه ؟؟ ليه قلتي له ؟؟

فرحاااانه !!!!!
الرجال مايشاركـ المراءه لابحزن ولا بفرح الا من يخاااف الله .




صحيح حافز قبل لكن مانزل الوعد السبت ونشووووف وبعدها لكل حادث حديث مع زوجكـ ..
وياااا ليت مايعرف كم نزل .


( لا ادعي للتحريض ونبذ الزوج ولكن هناكـ رجال لايستحقون العلم بشي وكل امرآءه تعرف طبيعة زوجها )
 
دانة الشرقية2 قال:
بنات اعتبروه موضوع للنقاش كل وخده تقول اللي عنده وتشاركنا مو معقوله فوق 200 مشاهده وبس 10 ردود !!!!!!!!
أنقر للتوسيع...



ليس كل رد يأتي بما في خاطركـ ولاكل رأي سديد
فهناكـ من تفضل الصمت لانها لاتجد ماتقول او ربما لانها بنفس وضعكـ او ..او .. او..


فقط لاتحزني .. وليت اللي دخل يرفع بدعوه او صلاة ع النبي
الهم صلي وسلم على محمد وعلى اله وصحبه وسلم ..
 
حبيبتي هو زوجك وتعرفين كيف تكلمينه بهدوء واسلوب حلو ع الاقل يقلل المصروف وربي يهديه
 
والله اني فاعلة خير فيكم شكيت لين نشف دمي مافي حد رد:30:
غير عضوات
دورنا دورات قالو 1000 :25:
ولكن بفضل الله وصلت لمنتدى هلا خلفان:39:اشكر من قلبي من وصلتني لدانة الخليج
يابنات خراقه الدورات مجانا تصدقون والله مجانا ماعليك غير تقسمين بس قبل تدخليها ماتسخدميها بالحرام
وتمنحي كلمة المرور
حسيت من واجبي اعلمكم
ومعها استشارين يحلون المشاكل
وهي مشهوره بس اكتبي بقوقل هلا خلفان ولا باليوتيوب ولا بالفيس
يطلع لك كل شي عنها
اللهم قد بلغت

اسم موقعها دانة الخليج النسائي

وهذا هي على اليوتيوب
http://www.youtube.com/watch?v=hUAQVkECsJE
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل