ثقتي في نفسي انعدمت!

[كريمة نفس]

بسم الله الرحمن الرحيم

لكل الأخوات هنا .. عيدكم مبارك عقب الزحمه
والله يتقبل منا ومنكم صالح الأعمال ويغمرنا برحمته .

ترددت كثير قبل أكتب هالمشكله عندي بس توكلت على الله وقلت بإذن الله ألقى الحل والمساعده منكم ..

بإختصار أنا لي سنتين متزوجه وصارت لي مشاكل كثيرة اتعبتني حيل حيل مع زوجي
وهالمشاكل أثرت فيني لدرجة دمرت نفسيتي وأخاف تدمر صحتي بعد
وبالأخص بعد ولادتي لبنتي لأن المشاكل زادت أكثر بعدها

لن أخوض في تلك المشاكل فانا بقدر الامكان أحاول جاهده أن أتخطى ما حصل
وأن أسامح زوجي وأتناسى كل ماحدث

المشكله الآن أن ثقتي أنعدمت في كل شيء
في نفسي
في زوجي
في أهلي
في الناس كلهم

الهاجس والوسواس سيطر على كل شيء في حياتي
لدرجة أني بدأت أشك في نوايا أي شخص حتى لو لم أكن أعرفه

والله ماعمري كنت كذا
يا سبحان مغير الأحوال ...

كنت انسانه مختلفه
انسانه واثقه جدا بنفسها
وثقتي بنفسي مصدرها في الأصل ثقتي بالله عز وجل

كنت شعله نشاط..
شعله فرح..
شعلة أمل
شعلة تفاؤل
شعلة براءة
كل مافيني كان ينبض بالحياه

الآن أصبحت هامده
منطفئه
أخشى أن أقول ( يائسه ) فيكتب علي ذنباً .. اعوذ بالله من الشيطان الرجيم


والله العظيم يا بنات لم أعد أعرف نفسي
أصبحت تصدر مني تصرفات لم تكن مني يوماً
تصرفات غريبه
تصرفات سطحيه احيانا
هوجاء
عشوائية
غير مرتبه
غير محسوبه
شخصيتي أصبحت ضعيفه جدا
ضعيفه من كل النواحي


والله محد حاس باللي أمر فيه
ولا احد يعلم غير الله سبحانه وتعالي

في قلبي كلام كثير كثير
كبر الجبال
عمري ماشكيت لمخلوق
الا لله عز وجل

ياليتني أبالغ في كلامي
لكن للأسف اللي فيني اكبر من كذا

أقول يمكن جاني اكتئاب
وأرجع أكذب نفسي أقول لا اعوذ بالله


والله لو بأختصر نفسيتي بكلمة بأقول أن نفسيتي ( شخابيط , خرابيش , فوضى )
مشكلتي ان وجهي صادق
حتى أهلي كل ماشافوني قالو وشفيك وش صاير لك
رغم اني وقتها اكون اضحك معاهم واحاول أخبي!


الحمدلله انا انسانه جميله جدا بشهادة الجميع
وعندي وسواس اسمه نظافه وترتيب

لكن تصدقون؟
الحين صرت اكره اشوف نفسي بالمرايه
واحيانا اشوف نفسي شينه
واحيانا اشوف نفسي بالمرايه بشعه وعجوز
مع ان عمري 26

واحيانا أجلس اسب شكلي واسب جسمي
استغفر الله العظيييييييييييييييييييييييييييم بس

اقسم بالله ان اكتب لكم والدموع بعيني
تكفون افهموني
بس افهموني
صعبه أقول اللي فيني لأي انسان

لا أمي ولا خواتي ولا مخلوق
مالي الا أنتم

المشاكل الي صارت لي مع زوجي هي سبب كل اللي أنا فيه
وزوجي بعد مزودها

احيانا أحسه يهتم بالمظهر بس واذا شاف صحتي زينه يهتم فيني ويتغير معاي
واذا تعبت او مرضت احسه يعصب ويصير ماله خلق فيني
وحتى اذا مرضت وتغير شكلي او صار وجهي شاحب احسه يكرهني
ويصير يرمي علي كلام
يعني مره كنت جالسه مع بنتي العبها
وجا عند بنتي وبعدين قمنا نسولف وفجأه قال تصدقين انك تشبهين جدتي!!!
( يمكن ضحكتو من كلمته )
لكنها حرقت قلبي وخلتني اكره نفسي واكرهه
رغم اني في يوم من الايام كنت اموت فيه

على فكره
بيني وبين زوجي 4 شهور بس
انا أكبر منه ب 4 شهور

والي يشوفنا يعطيني اصغر منه ب 10 سنين
لأن حبتي صغيره
ووجهي طفولي

وعلى فكره
هو الي طلبني من أهله رغم انه يدري اني بعمره
وهو بنفسه قال حتى لو انها اكبر مني بسنتين ابيها

بس بعد الزواج بفتره صار يرمي كلام
بعدين يقول امزح وانتي ماتعرفين المزح

المشكله اني جدا مهتمه بنفسي من كل النواحي مو بس بالشكل حتى بأكلي ونظافتي وانوثتي ولباقتي ودلعي ورقتي وشخصيتي وثقافتي وكل شيء

تخيلو احيانا أكون زعلانه منه بموضوع جدي ومايحتمل المزح وهو علباله أتغلى
يقوم يقول خلاص لاتدلعين زياده تراك كبيره !!

واحيانا لما يشوفني اغني مع بنتي اناشيد طيور الجنه يقول ليتك صغيره بس !!
ومره كنا نسولف عن وحده من اخواته بتدخل الكليه عمرها 20 قام سألني عن عمرها قلت 20
وبعدين قال : الله لو انتي عمرك 20 !!!
قلت له ليه ؟ : قال كذا احسن .. صغيره ماتعرفين شي
قلت له وش قصدك؟ قال امزح امزح انتي محد يمزح معاك

واشياء كثير كثير يقولها بمناسبه وبغير مناسبه

تخيلو حتى باللبس مايبيني آخذ راحتي باللبس في بيتي
اقصد اللبس القصير والضيق واللبس العاري وو الخ
كم مره لمح لي بالبدايه وبعدها صار يقولها صريحه
وقال هاللبس مااسمح فيه في بيتي!!!!!!!!!!!!!!!!

انا مادخلت معاكم بتفاصيل حياتي ومشاكلي معاه
لأن كل الي صار اعتبره من اسرار الزوجين ويمكن ربي يعاقبني لو بأفضح زوجي (وجهة نظر )
ولا أبي أقلب على نفسي مواجع
ولأني فعلا أبي أنسى
وأبي اطلع من الجو الي عشته


انا ابي حل لمشكلتي مع نفسي
في ثقتي بنفسي اللي راحت وانعدمت
والسبب هو
ما أقول غير الله يسامحه
والله العظيم اني رحت للحرم ودعيت الله من كل قلبي انه يقدرني أني أسامحه وأنسى الي صار
لاتدعون عليه تكفون
اذا ودكم تساعدوني أدعو له ان الله يهديه ويصرف قلبه عن المنكرات وعن اصحاب السوء
ويسخره لي

ويرد لي نفسي الي راحت
وثقتي الي انعدمت

زمان لما كان يحاول يرمي كلام او يختبرني كنت أرد عليه بكل قوه وثبات وثقه وكنت احسه يعجب فيني وبردي
اما الحين
يرمي علي كلام واحيانا يسب وانا ساكته ولا ارد عليه
ويمكن أبكي ويجلس يضحك علي

آآه بس
حتى شعري طاح كله صار ينزل خصل خصل
ورب البيت ان تركيزي انعدم
وصار النسيان فيني صفه
والتركيز صفر
والذكاء ميح
والسرحان .. حدث ولا حرج

احيانا أقول يمكن فيني حسد او عين قويه
لأن حتى ديني صرت مقصره فيه مو مثل قبل
وصرت اتكاسل للصلاه وقراءة القران واذا قرأت قرآن اجلس اتثاوب اتثاوب ولا أدري وش قريت

آآآآآآه يارب تغفر لي وتسامحني
استغفرك يارب وأتوب اليك

ياربي رحمتك

والله اني كنت حتى الاذكار محافظه عليها وذكر الله مايفارق لساني
آآآآه ياقهري على نفسي



تكفون يابنات لوجه الله تتفهموني وتساعدوني وتدعون لي
عساها تصادف ساعة استجابه ويفرج الله همي

الله لا يقدر عليكم مكروه ولايجعلكم تشوفون الي شفته

والله اني تعبت ونفسيتي كل ماجيت ارفعها القى عزومي تطيح
حتى لاحظو كلامي من أوله لآخره
شوي فصحى شوي عامي
و كلامي مو مترابط

الله يعين
الله يعين بس​

 

[القادمة]

الله يفرج همك
اكثري من الدعاء والاستغفار
ثانيا : ارجعي اهتمي بنفسك واحدثي تغييرات ولا تستسلمي لكلامه ما دام ما سويتي حرام
ثالثا : لازم يكون لك علاقات أخوية مع الجيران او الأهل وحبذا لو تحضري دورات او غيره
رابعا : اقرأي بعض الكتب المترجمة عن ثقة النفس هناك كتاب لجون غراي نسيت اسمه
ثقي بنفسك من الآن لقد خلقت لمهمة وأنت الآن مسؤولة لابد أن تكوني قدوة قوية
والمؤمن القوي خير وأحب الى الله من المؤمن الضعيف
لا تصغري من نفسك أمامه وردي عليه بشجاعة ولو تحدث عن السن ذكريه بمن أعظم منه رسول الله
عليه السلام فقد كانت خير نسائه خديجة
الله يكون بعونك

 

[شمعة بلقيس]

الله يهديه ويسخره لك

 

[عاشقة أيلول]

اول فارق السن بسيط جدا وبعدين لا تحطين السن مرمى لكل مقاصده ترى المشكله براسك بس واغلب اللي قلتيه الاغلبيه مرو فيه وانا اولهم رغم انه اكبر بثماني سنوات وبعد كم سنه بتضحكين على هالسوالف وكل شي يتغير

 

[abeer abdulmohs]

حبيبتي انت متحسسة من موضوع السن وهو حاس بهالشئ ويبي يغيضك. كثير من الرجال يحاول يزعزع ثقة زوجته بنفسها اذا حس انها تتفوق عليه باشياء كثيرة. هو يقول لك كذا عشان ما يمدحك وتشوفين نفسك عليه, وهوعارف انك حساسه من ناحية تقاربكم بالسن. الكلام اللي يقوله لك يحاول فيه اغاضتك انت ما شاء الله تقولين كنت واثقة من نفسك وحلوة وبنت ناس ومتربية" من ردودك عليه" انا من رايي لا يهمك ولا شئ من اللي يقول لانه مهب صحيح, استفزاز وحرب نفسية. تراه حتى هو يسوي هالشئ من دون ما يحس. شوفي الاولاد الصغار" الذكور" كيف يكلمون بعض اذا واحد منهم هزم الثاني بلعبة او شوط كورة . صدقيني كلامه يدل على عدم ثقته هو بنفسه وهذا شهادة تعتزين فيها انك تتفوقين عليه باشياء كثيرة. الله معاك. شوفي حالك ولا تضيعين عمرك بهواجس وكلام فاضي ولا تفرحين ابليس فيك.

 

[homar]

اختى فرق السن بينكم لا يذكر فلا تكونى حساسة زوجى مثلا اذا اتتنى الدورة وشعرت بمغص والم يقول لى انتى مش كبرتى على كده مع العلم انه اكبر منى ب6 سنوات بس هنعمل ايه كبرى دماغك وجددى ثقتك بنفسك ووثقى صلتك بربك

 

[ق و ت]

السبب
ذكرتيه
حتى ديني مقصره فيه
ارجعي لدينك وشوفي
لان المعاصي لها شؤم

 

[الغوالي حبي]

يالغلا حاولي تلتحقين بدور تحفيظ القرآن الكريم ففيه اخوات ورفيقات صالحات يعينونك بعد الله على طاعة الله ويقوى قلبك بالايمان وتصير شخصيتك قويه

 

[أريج الذكريات]

غاليتي
اسأل الله الكريم ان يمن عليك بفرج من عنده
أولا : الحمد لله على كل حال والمؤمن مبتلى وعلى قدر الايمان يكون الابتلاء فالحمد لله
وقوي ايمانك بالرضا والصبر والتوكل على الله
ثانيا: امسحي من قاموسك اي كلمه سيئه عنك واستبدليها بكل ما هو جميل فيك فأنت كما قلتي
جميله , دلوعه , خلوقه ,وووو
ثانيا : كثير من الاعراض التي ذكرتيها هي من اعراض العين والحسد وانت ذكرتي انك تتثائبين عند القراءه وهذه احدى العلامات
وقد تكون بعد قدرة الله هي السبب في وهنك وضعفك ومرضك ومشكلاتك مع زوجك
ثالثا : حتى أؤكد لك اصابتك بالعين او الحسد (( احدى اخواتي كانت ترى نفسها قبيحة عندما تشاهد نفسها في المرآة)) وكانت دائما مكتئبه وحزينه وبعد القراءة عليه اشتدت عليها الاعراض حتى فكرت بالانتحار بينها وبين نفسها وهي ممن يخاف الله ويخشاه ثم شيئا فشيئا بدأت تخف عنها
رابعا: ابدأي فورا بالقراءة على نفسك واستخرجي آيات الرقيه الخاصه بالعين والحسد من الانترنت
واغتسلي بالماء المقري فيه ولا تشربي الا منه وتدهني بزيت الزيتون واقراي سورة البقره كل يوم
خامسا: أوقفي زوجك عن اهانتك باي كلمه وقولي له لا اسمح لك بتجريحي او اهانتي انت تزوجتني وانت تعلم بعمري وإذا كنت لا تريدني فهناك من يتمنى بعض صفاتي وليس كلها (( صدقيني سيحترمك اكثر واكثر ))
خامسا: حاولي بكل طاقتك ان تعودي أحسن مما كنت واهتمي بنفسك وصحتك
سادسا : تساقط الشعر بشده من علامات الحسد او العين ايضا
سابعا: إذا شعرتي بأنك لن تستطيعي القراءه على نفسك استعيني بمن يقرأ عليك من أهل الخير

 

[دلووعة زوجي]

الله يكون بعونك,,,والله يرررد قلب زوجك لك ويكون مايشوف غيرك في هالدنيا
من رائيي انه الفرق الي بينكم لايذكر فانسييييييييييييييه,,,
احس المشكله في زوجك والله اعلم,,,
ان شالله البنات يفيدونك,,,,موفقه غاليتي,,,

 

[بريق الماسه]

غاليتي
اسأل الله الكريم ان يمن عليك بفرج من عنده
أولا : الحمد لله على كل حال والمؤمن مبتلى وعلى قدر الايمان يكون الابتلاء فالحمد لله
وقوي ايمانك بالرضا والصبر والتوكل على الله
ثانيا: امسحي من قاموسك اي كلمه سيئه عنك واستبدليها بكل ما هو جميل فيك فأنت كما قلتي
جميله , دلوعه , خلوقه ,وووو
ثانيا : كثير من الاعراض التي ذكرتيها هي من اعراض العين والحسد وانت ذكرتي انك تتثائبين عند القراءه وهذه احدى العلامات
وقد تكون بعد قدرة الله هي السبب في وهنك وضعفك ومرضك ومشكلاتك مع زوجك
ثالثا : حتى أؤكد لك اصابتك بالعين او الحسد (( احدى اخواتي كانت ترى نفسها قبيحة عندما تشاهد نفسها في المرآة)) وكانت دائما مكتئبه وحزينه وبعد القراءة عليه اشتدت عليها الاعراض حتى فكرت بالانتحار بينها وبين نفسها وهي ممن يخاف الله ويخشاه ثم شيئا فشيئا بدأت تخف عنها
رابعا: ابدأي فورا بالقراءة على نفسك واستخرجي آيات الرقيه الخاصه بالعين والحسد من الانترنت
واغتسلي بالماء المقري فيه ولا تشربي الا منه وتدهني بزيت الزيتون واقراي سورة البقره كل يوم
خامسا: أوقفي زوجك عن اهانتك باي كلمه وقولي له لا اسمح لك بتجريحي او اهانتي انت تزوجتني وانت تعلم بعمري وإذا كنت لا تريدني فهناك من يتمنى بعض صفاتي وليس كلها (( صدقيني سيحترمك اكثر واكثر ))
خامسا: حاولي بكل طاقتك ان تعودي أحسن مما كنت واهتمي بنفسك وصحتك
سادسا : تساقط الشعر بشده من علامات الحسد او العين ايضا
سابعا: إذا شعرتي بأنك لن تستطيعي القراءه على نفسك استعيني بمن يقرأ عليك من أهل الخير

ماشاء الله اعجبني رد الاخت ماقصرت واضيف عليه
1( أشغلي نفسك بأي موهبه كنتي تحبينها قبل الزواج كتابه رسم اي اي شي ...كنتي تحبيه وتحسين بنفسك وانتي تسوينه )
2. كلامه اضربي فيه عرض الحائط هو يبي يحطمك واغلب الرجال الخليجين كذا ماادري فين العلع بس لمن يشوفك واثقه يبدا يخف .... انا تقريبا مريت بنفس حالتك من حيث التحطيم رغم اني اصغر منه وماسلمت كلام كان يسم بدني لدرجة صرت اشوف اي وحده احلى مني حتى لو كانت عاديه جدا وع طول فيني بكى .. بس لمن غيرت من شخصيتي وكان فعلا اخر همي رايه ولو تركني ماكان يهمني لاني ماكنت احس بحبه ... لمن سرت كذا حسيت بعدها بحبه بالعربي عمرك مو السبب بس هو مالقى الا عمرك يحطمك فيها البسي واتدلعي وسوي اللي فبالك واذا قال انا مااحب كذا قولي بس انا احب كذا وعاجبني
وارجعي لدلعك ... وحيويتك ... مع استمرار الرقيه والتحصييين
والله ذكرتيني بنفسي كثير
الله يفرج همك ويسخر لك الطيبين من خلقه
*
*
وتذكري ان الله لايغير مافي قوم حتى يغيرو مافي انفسهم

تحياتي ودعواتي لك

 

[r_m]

الله يصلح الحال ولاتبينين له انك متاثره من كلامه؟

 

[كريمة نفس]

الله يفرج همك
اكثري من الدعاء والاستغفار
ثانيا : ارجعي اهتمي بنفسك واحدثي تغييرات ولا تستسلمي لكلامه ما دام ما سويتي حرام
ثالثا : لازم يكون لك علاقات أخوية مع الجيران او الأهل وحبذا لو تحضري دورات او غيره
رابعا : اقرأي بعض الكتب المترجمة عن ثقة النفس هناك كتاب لجون غراي نسيت اسمه
ثقي بنفسك من الآن لقد خلقت لمهمة وأنت الآن مسؤولة لابد أن تكوني قدوة قوية
والمؤمن القوي خير وأحب الى الله من المؤمن الضعيف
لا تصغري من نفسك أمامه وردي عليه بشجاعة ولو تحدث عن السن ذكريه بمن أعظم منه رسول الله
عليه السلام فقد كانت خير نسائه خديجة
الله يكون بعونك

الله يفرج همنا وهمك وهم كل مسلم
ويجزاك خير والله كلامك ريحني يالغاليه وانا جالسه أحاول استعيد ذاتي وبإذن الله ارد احسن من قبل


جزاك الله خير..​

 

[كريمة نفس]

الله يهديه ويسخره لك

وياك يارب ولايوريك مكروه في غالي..
جزاك الله خير​

 

[كريمة نفس]

حبيبتي انت متحسسة من موضوع السن وهو حاس بهالشئ ويبي يغيضك. كثير من الرجال يحاول يزعزع ثقة زوجته بنفسها اذا حس انها تتفوق عليه باشياء كثيرة. هو يقول لك كذا عشان ما يمدحك وتشوفين نفسك عليه, وهوعارف انك حساسه من ناحية تقاربكم بالسن. الكلام اللي يقوله لك يحاول فيه اغاضتك انت ما شاء الله تقولين كنت واثقة من نفسك وحلوة وبنت ناس ومتربية" من ردودك عليه" انا من رايي لا يهمك ولا شئ من اللي يقول لانه مهب صحيح, استفزاز وحرب نفسية. تراه حتى هو يسوي هالشئ من دون ما يحس. شوفي الاولاد الصغار" الذكور" كيف يكلمون بعض اذا واحد منهم هزم الثاني بلعبة او شوط كورة . صدقيني كلامه يدل على عدم ثقته هو بنفسه وهذا شهادة تعتزين فيها انك تتفوقين عليه باشياء كثيرة. الله معاك. شوفي حالك ولا تضيعين عمرك بهواجس وكلام فاضي ولا تفرحين ابليس فيك.

" حرب نفسيه "
فعلا هذا الي قاعد يصير..

المشكلة ان هالوقت بالذات ماهو مناسب لا لحروب نفسيه ولا غيره
يعني نفسيتي ماهي ناقصه زيادة أذى
اللي فيني مكفيني وهو زود ع الجرح .. جرحين


والله كلامك ريحني يالغاليه وبإذن الله اني استرد ذاتي وثقتي وانتصر عليه بحروبه هذي الي مادري متى تخلص

جزاك الله الجنه.​

 

[كريمة نفس]

اول فارق السن بسيط جدا وبعدين لا تحطين السن مرمى لكل مقاصده ترى المشكله براسك بس واغلب اللي قلتيه الاغلبيه مرو فيه وانا اولهم رغم انه اكبر بثماني سنوات وبعد كم سنه بتضحكين على هالسوالف وكل شي يتغير

المشكله الاساسيه ماهي في السن
ياليتها هنا كان انا عايشه بنعيم

انا قلت بكلامي ان صارت بيننا مشكلات كبيره وصدمات عنيفه انا ماذكرتها لأسباب خاصه
هالمشكلات هي السبب في زعزعة ثقتي بنفسي وبكل شي
يعني بالعربي هالمشكلات آثرت فيني بشكل كبير ومخيف
لدرجة خلتني أعتزل الناس وأعتزل نفسي قبلها

خليها ع الله
كلامه عن السن او اساءاته بمختلف اشكالها تزيد ع الجرح جروووح
انا ذكرتها لكم كـ فضفضه بس

عموما
جزاك الله خير على وجودك ومشاركتك همي معي يالغلا..

​

 

[كريمة نفس]

اختى فرق السن بينكم لا يذكر فلا تكونى حساسة زوجى مثلا اذا اتتنى الدورة وشعرت بمغص والم يقول لى انتى مش كبرتى على كده مع العلم انه اكبر منى ب6 سنوات بس هنعمل ايه كبرى دماغك وجددى ثقتك بنفسك ووثقى صلتك بربك

فعلاً ..
هنعمل ايه؟؟
نحتسب على الله ..


جزاك الله خير يالغلا..​

 

[كريمة نفس]

السبب
ذكرتيه
حتى ديني مقصره فيه
ارجعي لدينك وشوفي
لان المعاصي لها شؤم

الله يبعدنا عن المعاصي
ان شاءالله ماحنا من اهلها

الله يرد لي عقلي وديني قولي آمين
لأن اللي يبعد عن ربه ماهو بعقله
لكن الشكوى لله

" اللهم لا تكلني الى نفسي طرفة عين ولا أقل من ذلك "


جزاك الله خير يالغلا.​

 

[الموفقه للخير]

السلام عليكم
اختي اذكر لك قصه ذكرها الشيخ عبدالمحسن الاحمد الله يشفيه وهو كاشف الضر
يقول كانت احدقريباتي تشتكي من زوجها وتقول انها احرقت نفسي عشان ارضيه بس مافيه فايده وكل ساعاتي افكركيف ارضيه حتى اني في صلاتي اذكر كيف اصل لقلبه ورضاه بس مايزيده هذا الابعد عني فذكرت هذا الامر للشيخ وشكت عليه الاحوال ونصحها الشيخ نصيه تكتب بماء الذهب
قال ارضي الله وعامليه بما يحب الله ويرضاه راح يرضى عنك لانك اخترتي رضى الله على رضى المخلوق فمن رضي عنه الله رضي عنه الخلق اجمعين
فداومت على هذا حتى بلغت شهر فجائت فرحه الى الشيخ وذكرت له انه اصبح افضل من قبل برغم من انها متسوي عشر الي كانت تسويه له قبل وصار لها احسن من قبل حتى صار متعاون معها ومايرفض لها طلب
باختصار
ارضي الله يرضى عنك خلقه

 

[كريمة نفس]

يالغلا حاولي تلتحقين بدور تحفيظ القرآن الكريم ففيه اخوات ورفيقات صالحات يعينونك بعد الله على طاعة الله ويقوى قلبك بالايمان وتصير شخصيتك قويه

ان شاءالله
والله ودي
الله يسخر لنا ولك الخير

جزاك الله الف خير يالغلا..​