توني يديدة في الوظيفة

[فديت دار الحي]

الحمدلله قبلوني اتوظف في شركة و طبيعة العمل يكون جماعي و انا من تخرجت ما تعاملت مع الناس لاني اعيش في منزل اهلي مع امي و اختي الصغيرة و امي انسانة خجولة مب اجتماعية ما عندها صداقات و ما تحب تزور احد و عندي خال ساكن في منطقة تبعد عنا ب 6 ساعات و عايلتنا من امي و ابوي صغيرة جدا لذلك ماكنت اعرف اتعامل مع الناس الا ايام المدرسة و الكلية و من تخرجت من الكليةصديقاتي انشغلو و علاقتي معاهم مب وطيدة وتزوجت من انسان هااااادئ بشكل مب طبيعي ما يتكلم ابد ابد و بحكم دوامه اشوفه فقط في الويكند عشان كذا انات طول الاسبوع ساكنة مع امي و اختي و انا احب اكون اجتماعية لكن الظروف اللي حوالي ابدا ما تشجع .. المشكلة الحين ان لما داومت اول يوم حسيت عمري خجووولة مب قادرة اتعامل مع بنات في القسم و هم يضحكون و يسولفون مع بعض و انا احاول ادخل معاهم بالسوالف لكن اتكلم كلمتين و اسكت و في البداية قلت يمكن لاني توني جديدة لكن انصدمت ان في وحدة في المجموعة توظفت معاي بنفس اليوم و اندمجت مع البنات و حبوبة معاهم لكن انا هاااادية جدا .. الحمدلله عندي ثقة بالنفس لكن صحبتي مملة لاني ما تكلم و اسولف ..
بغيت منكم خواتي تنصحوني اني كيف اقدر اتعلم التعامل مع الناس و اقوي شخصيتي اكثر ؟؟

 

[وردة ومملوحة]

عادي ,, احس ما عندك مشكلة كل واحد وطبعه يعني انتي اصلا هاااديه... وماله دخل كثرة الاختلاط بالناس والتعود عليهم .. والدليل ان البنت اللي معك لها اول يوم على طول اندمجت وسوالف لان هذي طبيعتها..
اما بالنسبة للخجل بالعكس زين اذا كان بالمعقول .. وانتي طبيعي بتكونين مستحية ورسميه في البداية بعدين تتعودين عالقروب اللي معك ..
والله يسهل امرك ..