توني عروس ويعاملني كذا

[دموع الصمت]

استغلي وقتك بالغالية بحفظ القرآن

والقراءة المفيدة

ونمي مواهبك

وربي يسعدك دوم​

 

[وصايف الجنوب]

نفس المشكلة وسمعت كلامكم وطنشتة وزعل يقول ما تهتمين فى بيتك مع العلم انة حارمنى من الزيارات والطلعات والروحات اشغلت نفسى بدوامى والنت وصار اكثر عناد من اول ويبغى يستفزنى باى شى

 

[ام ريان 2]

اختي عروس ست اشهر و حامل كمان و دايما بيتركها لوحدها و حتى صرف ما بيصرف عليها اهلي بيعطوها مصروفها تخيلو قالتله لازمني ملابس لانه الي عندي ضاقو علي مع الحمل قا تركها 3 ايام و ما كان يرد على تلفوناتها بس لانها طلبت منه ملابس للحمل
الله بعين على هيك رجال

 

[**sunset**]

الله يعين ...

لا اللي زوجها مقابلها عاجب...

ولا اللي زوجها شارد عاجب....

يارب يسر لهم حل وسط لهالرياييل...​

 

[خواطر عاشقه]

اكثري من الاستغفار

 

[نـ هـ ـى]

حنا ليه مانسوي مسيره نطلب من الحكومه هدم الاستراحات ونفتك
والله من جت لنا هالاستراحات لاحنا ولا الرجال بخير حتى عيالنا ضاعوا مافيه احد يوجههم ويراقبهم
حسبنا الله ونعم الوكيل ​

 

[cappiccino]

ااااااااااااااااااااااه !! وبس

ماعرف شنو اقول انا من اول اسبوع ..ولا اقول موب لازم اتكلم الله يعطي كل انسان على قد نيته وحسبنا الله ونعم الوكيل

 

[امي وتونة حياتي]

اختي .. خليه لين يتعدل من نفسه ويمل ...


لاتسوين سواتي تراني طفشته وشوفيني عند اهلي لي اسبوعين ...

 

[وسومي الغالي]

الله يعينك تحملي

 

[عاشقة ابنتها]

غيرى فى نمط حياتك معه لا زعل مره ولا دلال مره وحاولى فيه نقاط الضعف فى زوجك انتى فاهمه قصدى ودخلى له منها سوى له ليله غير شكل خليه دائم متلهف على المفاجئات الجديدة وكلك ذوق

 

[قلبي معك حمودي]

ألف شكر للجميع على المرور الله يسعدكم وين ماسرتوا

ياحلوه أنا أدري وين يروح مقابل ربعه في الإستراحه0

وإن شاءالله راح ألزم الإستغفار والله ييسر لي وللجميع يارب00

 

[RedRose]

انا من رائي تجلسي مع زوجك وتتكلمي معاه في الموضوع ,, لان من 4 العصر الى 11 في الصباح مو مقبول ابداااا وزيادة عن اللزوم

زوجك لسى عايش حياة العزوبية ,, بكرة اذا جبتي اولاد واستمر وضعه على هذا الحال ما رح تكون حياة صحية ابدااا

عشان كذا لازم تحلي الموضوع من بدري

حاولي بالكلام اول ,, بدون عصبية طبعا ,, مجرد سواليف ,, قوليله انا ما ابغى احرمك من اصحابك بالعكس الصحبة زينة وحلو الواحد يطلع يغير جو ,, بس انت تزوجت وطالما انك تزوجت لازم تعرف توفق في بيتك واصحابك وطلعاتك ,, انت عارف انه غلط تجلس كالهوقت برا البيت وتخليني لوحدي مو لازم انا انبهك ,,

في نفس الوقت اقراي عن شخصيته اكثر وكيف تتعاملي معاه ..

لكن ابدا لا تطنشين لانه اذا ما تعود على تحمل المسؤولية من بدري صعب يتحمليها بعدين

والله يسخره لك ​

 

[قلبي معك حمودي]

دائما سالفتنا سهره الزايد ويعلم الله إني أكلمه بهدوء أصلا أنا طبيعتي إذا بديت أتكلم معاه في شيء مضايقني تبدأ الدموع 000

ومو دائما يصير من 4 إلى11 برا البيت لكن يجيه أيام يصير كذا وإلا غالبا هو من العصر إلى 2من الليل00

ومشكوره حبيبتي يسلم لي هالطله والرد المفيد اللهم ألهمني رشدي00 وألهمه رشده00