توني عروس ومااعرف كيف اتصرف

[كلي فدوه]

بسم الله الرحمن الرحيم ​

اشحالكم اخواتي عساكم بخير
انا بدخل بالموضوع عالطول
مشكلتي هوو زوجي
انا صارلي متزوجة 4 شهور والحمدالله حياتي اوكى زوجي مايقصر وياي بشي
بس من عرفته وهو مايحب يتكلم واايد شو السبب مااعرف..؟؟ كل مااسال يقولي ولاشي
حاولت اني انا افتح اي موضوع علشان يحاورني لكن من دون فايده
كل وقته ساكت
تعبت اكلمه لانه مثل الجدار وكل ما حاولت اتقرب منه اكثر يبتعد عني مع انه
حبوب واايد وطيب مايحب العصبيه يعني شخص هادي وااااااااااااااااااايد الحين
قولولي شو اسوي ابي مساعدتكم ارجوووووووكم​

 

[وحيده في دنياي]

طيب سولفي له في السوالف اللي يحبها
كوره مثلا اطلعي معه تمشي
جيبي شاي وقهوه وحلى واشربي وسولفي له

دايم سولفي بااسلوب السؤال
مثلا يوم كنت صغير ايش كان طبعك ؟
كلميه عن من يحب اكثر من اخوانه ؟
ومن العزيز على قلبه ؟
ومن افضل اصدقائه ؟

وش يحب وش يكره ؟
عشان مايسكت السؤال يضطره انه يجاوب
واحب اقولك ان زوجي كان مثل البومه عالصامت دايم
حتى هزاز مافيه
والحمد لله مع هذرتي معه صرت انا اسكت وهو يهذر
مايقدر يسكت ههههههههه


الله يسعدك ان شاء الله

 

[جنوبيه غربيه!]

عادي كلنا بدايه زواجنا عنينا هالشئ يكوووون طول الوقت ساكت الزوج مع مرور الوقت راح يتغير



حاولي انك تشغلين نفسك شوي اجلسي ع النت ع tv

لا تجلسين فوووووق راسه الا تبغينه يتكلم بالقوه ترى راح يطفش

بعكس لو شافك مشغوله بنفسك هو راح يدور السالفه معك


الله يوفقك

 

[برقة الماس]

حياتي لاتلحقين وراه ولاتسولفين عليه خلج غامضه طبع الرجال يغلب عليه الهدوء وحسسيه انك مادورين من وراه سوالف ولا تقولينين ليش ماتكلمني اهنيه بعاند اكثر ويمل منك

 

[زوجي سر سعادتي]

حبيبتي اسمعي انامريت بنفس حالتك واكثثر ومازلت اعاني لكن الحمدلله اخف شوي تروح وتجي الحل الحل العجييب سويته جربته والنتيجه مثمرة وهي سوي مثله نعم حطي نفست علا الصامت قدامه مع ابتسااامه هادية وشوية تطنيش وكل ماسال او سولف جااااوبي بختصااار جدا يعني مثلا هو راح يستغرب شفلي ساكته؟ قولي ابد سلامتك بس ماعندي شي اقوله ويوم يومين اسبوع الا فجاة تلقينه بس يبيتس تسولفين تناقشين اهم شي يسمع صوتس وتتكلمين يقوم يهذر يقرقر وحتى بالتلفون اذا دق ردي بختصاااار وسكري وربي راح ينجن ويحاول كتشف الغمووووض يعني هالنوع يحب المراة الغامضه وماحب الي تقول سولف قول تكلم ابد تشوفينه يثقل زياده ويتغلا وتلقينه مع ربعه هذرة بس عندك غيير
جربي واحكم وردي علي
الله يسعدك

 

[امراءه كالبركان]

كل الرجال في بداية الزواج كذا

 

[ام أمجد]

ههههههههه سوي نفس الشي وتشوفين يبدا يسولف الله يوفقكم

 

[فتاه بريئه]

انا مع .. زوجي سر سعادتي .. طنشيه وهو الي راح يجي لك يبغى يسولف

 

[وله المشاااعر]

الحل هو التطنيش ياقلبي .​

 

[صمت الحنينـ]

حلوو الهدوء للرجال بس بحدود
دامك عارفه طبعه حاولي تغيريه
اتكلمي دايما في اي موضوع
غيريه شوي شوي
الله يسعدكم

 

[موزتين]

طنش تعش تنتعش

 

[كلما تكبر تحلى]

على قولت خواتي الحل هو التطنيش حتى انا زوجي مايتكلم واذا سألته فيك شي يقول لا ويوم صرت اسكت صار هو الي يسولف
وترى كل الرجاجيل كذا مو بس زوجك والله يوفقج

 

[*حبيبة*زوجها*]

توك لك 4 شهور
وتقولين زي الجدار الله يهديك
وش هالوصف

عموما توك بدايه حياتي

جربي معه كل الحالات

وربي يوفقك

 

[دلع قلبه]

خذي لفه في قسم الزوج والزواج عشان تفهمين طبيعة الرجل وصمته