تهوووري خلاني اعيش بنت في قلق

مريوم الحلوه

مريوم الحلوه

New member
إنضم
2009/06/07
المشاركات
1,767
بقوووول لكم عن سالفتي اللي تدل ع تهوووووري


مره من المرات رحت انا و خطيبي الجبل وغرزت السياره وصارت سالفه

وتاخرت ع بيتنا ودقيت عليهم وقلت لهم ترى بتاخر لان كيت وكيت

المهم جاوا ناس وخلصونا من هالمكان

بس ماادري وش صار بالسياره

زوجي مباشره راح ع الورشه لا لو مايروح تحترقماادري تختر المكينه

المهم اهو نزل يصلحون فيها وانا فيهاااا

اهنا شفت المحفظه وزوجي منشغل ومرتبك
فرصه افتشها
مانيدري يمكن اشوف شي

شفت ورقه وفيها ارقام وجمب كل رقم حرف

قلت خلاص اهنا السالفه يالله بدأ الحمااااس
الظاهر ورا هالارقام قصه

اكيد ارقام بنات
ماحطهم في جواله عشان مااشوفهم وذيلي اكيد من الماضي

رجعت كل شي مكانه الا هالورقه اخذتها معااااي
زوجي مااحس ولا شي صار منشغل ومعصب ع السياره
الحين قلت ماارجع الا ادق ع هالارقا م
دقيت بعضهم ارقام غلط
اف 2 منهم دولي
و3 داخلي
دقيت وبس رقم اللي رن

وبالنهاااااااااايه طلعت بنت

وش السالفه بنت

انا خلاص قلت يالله انتي صرتي حرمه
وشتغلي من الحين
عرفي من هالبنت وش سالفتها وش بينها وبين خطيبج

جيت قلت لها وش بينج وبين فلان
منو فلان تنكر هالبنت
مب لازم اقول اسمه
بينج وبينه شنوووو؟؟

قالت اتبكت اهي ماتدري عن السالفه
قلت لها شوفي انا وراي رجال اطلعج اطلعج
وانتي بنت والفضيحه مصيبه ع البنت ابتعدي احسن لج

رقمج من دون اسم اطلعه انتي في اخر الدنيا اطلعه
انا ترى ذيبه
واهلي اذيب
ومانعرف الا ثار
خافت البنت بالحيل
حسيت ان وراها سالفه مع واحد منو الله واعلم

ومني كلمه ومنها كلمه توضح لي خوفها
تبي تعرف انا منو من طرف منوا ومن هالكلام


سركت ودق علي خطيبي يقول لي وش في رقمج انتظار
قلت بستهتار وسخريه اكلم بنت والعب لعبتي
غبيه انا صح
قال شنو
وش بنته
قلت بعدين بعدين خلني ع لعبتي
وبعد كم ساعه قال وش سالفتج انتي
قلت له وش هالورقه اللي فيها ارقام
قال اي ورقه
قلت له عنها
وصرخ علي صرااااااااخ مب طبيعي
وليش اخذتيها ان شاء الله مزقتيها
اهنا اشب نار واقول بكيفي وش تبي فيها
انتي مجنونه ذيلي كلهم ارقام الحساب للبنك حقيني وحقين خواتي

اهنا انا انصدمت شلووون؟!!
اخذت الورقه مره ثانيه
اكتشفت ان قلبي عمي بس راح فكري في ان ارقام بنات
اثاري ذيلي ارقام حسبات بنك
وانا عمه قلبي وخطرت اول الارقام
ماادري شلون ماشفتهم
والحروف صحيح ذيلي حروف خواته
وهذيلي ارقام حسبات

صج انا متهوره
ابس اسوي زي هالبنات واطبخها ع نار هاديه
اثاري طلعت وحده ماافهم شي وخروبوطه
ومتهووووره :thumbdown::thumbdown:

واللي كسر خاطري البنت
خافت وشكلها صج لها سالفه مع واحد
لان تترجاني وان بتركه
حسيت سعتها بالذنب ع البنت
اكثر من خطيبي

​
 
هههههههههههههههههههههههه صدق احنا الحريم عقولنا صغيره خخخ,,, الله يهديكي ياقلبي ويخليلك خطيبك والله حزنتيني عالبنت <<<<< خليهاا احسن عشان لو لها سالفه تبطل منهاا وتكونين سبب في هدايتهااا

وبالتوفيق حبيبتي والف مبروك زواجك مقدمآآآآآ<<<<< ولا تفتشين اغرآض زوجك ثااني والا ...... مشفر ههههههههههه
 
والله أنك فلـــه بس كملي لعبتك الله لايهينك <<< نذلــه خخخخخخخخ


ولاتخلين هالبنت وحاولي تكسبينــها وتبعدينها عن الحرام


تكسبين أجر والله يووفقك يالمتهووره
 
هههههههههه

صعب اكمل لعبتي اخاف تصير لي مشاكل

واصلا خلاص حذفت رقمها
للحين والله كاسره خاطري
بس يالله يمكن نقذت زوجه من مكالمات زوجها مع هالبنت هههههه
 
صج انك ملقوفه والبنت وش ذنبها يمكن خافت عشانك انتي تهددين فيها يمكن ماكانت تسوي شي غلط
يعني حطي مكانك في مكانها راح توسوس هالمسكينه ..راح تشك في صديقاتها الله يكون بعونها .. تحسب حدن
دازها عليها ..الله يهديك بس ..
 
ماانكر صدق غلطت بحقهااا

بس من شكوكها مو شاكه في احد كثر مو شاكه في شخص

يعني مااظن راح تشك في صديقاتهااااا
 
ههههههههههههههههههههههه صدق ان لقافة وتهور

الله يهديك بس خخخخ

الله يعين البنت
 
ههههههههههههههههههههههه
بس تدرين عاد
زين سويتي
يمكن هالبنت تتأدب على إيدج
ههههههههههههههههههههههه
 
ليش ها التهور ياعيوني هذا جزى اللي يتطفل على أغراض غيرة وهنا شككتي زوجتس فيتس ما صار عنده ثقة بنفستس أو فيه هو صححي الوضع إذا تقدرين بأقرب وقت يامتهوووووره ..
هاه هاه هاه هاه هاه هاه هاه ...
 
أولا واجبك تتصلي عالبنت وتعتذري منها
لأن افترضي إنها مالها علاقات ولا ذنب وإنت روعتيها
الله راح يعاقبج على هالشغلة
وبعدين احتمال تكبر السالفة

وثانيا اعتذري من خطيبك واااايد
بس هو شو كان موقفه بعد هاي؟؟
زعل منج؟
 
خطيبي مازعل الا ع الورق يقول لان بعض الحسابات مب مسجله الا باهالورقه لو تضيع انا تشحطط واتلعووز

وانا الحمدلله مامزقتها

انا ماكان قصدي ابدا ازعج البنت واللي خلاني اتاكد ان هي لها علاقه وخفت علاقتها بخطيبي مب واحد غيره هذا بعد مااتاكد من السالفه الارقام
لان قالت خلاص بتقطع العلاقه يعني هي حقيقه له علاقه سوى كان مع خطيبي او غيره

هو مو خطيبي بس مع غيره انا طبعا ماحق في اي شي
بس لان يوم عرفت ان خطيبي ماله علاقه سحبت نفسي
والبنت خلاص ماشفت لها اي خبر
والسالفه خذت لها تقريبا شهر
بس ماطرحتها الا هاليوم

انا فكرت اعتذر لها بس والله مالي وجه ومب عارف كيف
بس يالله اذا هي صدق بتفكر تقطع علاقتها
بالشخص اللي تكلمه
يمكن هالموقف صار اصلاح للبنت من يدري
 
خطيبي ماصرت له ردة فعل قويه لان صار كل همه ان الورقه تكون بخير
ولا هم من كذا كان شايل هم السياره وخرابها وطول وقته يتكلم عن السياره
فكره صار بالسياره اكثر من اي شي ثاني
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل