تهاوشنا

[T.T]

السلام عليكم ورحمه الله


صارت مشكله اليوم بيني وبين زوجي اليوم كنت متفقه اقعد مع عمته الارمله في بيتها الجديد بشرط انه يقسم بالنص لانها مدت يدها علي وطردتني قبل وهي ساكنه بمنطقه متوظفه فيها انا زوجي ويوم طردتني رحت سكنت عند ام زوحي في منطقه بعيد فمتبهدلين في مشوار الروحه والجيه لكني اكتشفت انها تخطط تزوجه وتبني بيت ثاني وتبي تسكنه هناك

فتناقشنا اليوم معاه في الموضوع وقلت له ماراح اسكن معاها حطلي سكن بروحي عطني حقي كامل دامك ناوي تعرس عصب وقالي ماعندي امكانيه افتح بيتين قلت له هاي مشكلتك قالي انتي تبين تغيريني عن اهلي وتبعديني عنهم وقعد يخط فيني كلام في الاخير تنرفزت وعطيتها كلام كثير قوي لين مد يده علي بقوة وقعدت اصارخ وذكرت كل اللي عمته سوته فيني من 6 سنين وسبيتها والحين ماني عارفه شاشوي شنو تنصحوني

ماستحمل يعرس واسكن عند اللي هدمت بيتي
ماستحمل اهون عليه مصاريف عشان يتزوج علي
يعطيني حقي كامل وبعدين بعد راح تكون علاقتي فيه متوترة
ماقدر انسى انه قاعد يفكر ويخطط ويبني واقول يمكن مايسويها
شنو الخل كل يومين نتخانق على نفس الموضوع

 

[ماجدة العلي]

يا اختي ااستهدي بالرحمن ولا تساوين مشاكل لان رح يمل واذادما كان مفكر ف الزواج فهو رح يفكر من ورا مشاكلك وياه كل يومين
اذا حالة زوجك الماديه صعبه فقدري ظروفه واسكني عندها اذا هو طالب هالشي وانت وشطارتك بتقدري تكسبيها وبالمعاملة الطيبه ايضاً

 

[ماجدة العلي]

ولا تفكري بامور سلبية
اكسبي زوجك ليمك اهتمي فيه والغي شي اسمه مشاكل من حياتك وعيشه معه عيشه هنيه
لا تخلينه يمل منك
واصبري لان الصبر مفتاح الفرج واستغفري على اي نية ببالك وان شاء الله ربي يحققها لكي

 

[T.T]

انا كنت افكر كذا لين تاكدت انه يفكر في الموضوع جد ولما اساله عن البيت الي ينبني ويعصب ويصرفني تاكدت انه فعلا ناوي خاصه انه وقف خيانات على اساس بيتوب
يتوب بزواج وانا استحمل لين متى

انا متحسرة على عمري عمري ماعشت عيشه متزوجين ولا يوم واحد ساكنه عندهم في غرفه كاننا اخوان بيغارون حتى اذا قعد معاي اخرت الصبر هو ماتحمل وبدا خيانات انا ايش اسوي بعمري واخرتها بعد زواج ياعيني بدل مااعوض عن سنيني اللي راحت ونعيش مرتاحين في قسم خاص فينا يتزوج على واحد صعبه علي واجد
كنت كل مااسوي اي شي يضحك ويقول عشان تغار من عشيقتي

 

[شهلة العيون]

حبي نفسك وارضي ربك ...اهتمي برضاك فقط .خلي عنك الأفكار السوداء .الواثق من نفسه السليم الروح يجذب الأهتمام والناس والحب كالمغناطيس

 

[ضحى اماني]

عندك مجموعة حلول اختاري واحد واحنا نساعد :
الحل الاول : أطلبي الطلاق وعيشي حياتك مثلما تريدين .

الحل الثاني : خلي زوجك يتزوج عليك و اتقبلي الوضع .

الحل الثالث : أخرجي الأنثى الكامنة بداخلك والمرأة الداهية من تحت ركام وزخم الحياة واكسبي زوجك

موفقة لما فيه خير وبركة أخيتي .