تنازلت وأتصلت عليه وانا اكرهها ولا اريد اسمع صوتها

  • بادئ الموضوع بادئ الموضوع سسسكره
  • تاريخ البدء تاريخ البدء
أرسلت لها مسج كل عــــــــــــــام وانتي بخير
 
معليش غلطت عليك ولكن ما زالت اختك قلبها متعلق فيك وانتي لازم تكوني اكثر حب لها ويكفيك اتصااالها ورسالتها اعتذار واقبلي عذرها وكوني صاحبة عفو وتسااامح مع الناس والا كيف ننتظر عفو الله علينا يوم القيامه
 
حبيبتي تبين الجنه تبين رضى ربي اجل مو لازم تحبينها الحب موب كيف الانسان لاكن القطيعه بيدك وربي يحاسبك تبغين تموتين وانتي قاطعتها واعمالك ماتطلع لرب العباد والنتيجه


انا ماابي اجاملك هذي وساوس شيطان يبي يفرق مطرود من الجنه ويبينى معه حبيبتي فكري وفكري تبين الجنه خلاص امسحي وسالمي وان كان قلبك فيه الف الف جرح

قال الرسول عليه الصلاة والسلام فيعرض هذا ويعرض هذا وخيرهم من يبداء بسلام
 
حبيبتي

هذي صله رحم

تعنقدين ان اي وحدة من العضوات رح تقولج تسوين شي غلط

يعني تزيد البعد بينج وبين اختج؟؟؟

لاطبعا

الله بيجازيج خير وربي يسامح تقومين انتي ماتسامحين

الله بيرزقج من واسع جناتة

ولا تهتمي واشيلين بخاطرج

والله يرزقج بالذرية الصالحة يا رب
 
الدنيا ماتسوى
والرسول صلى الله عليه وتسلم اعاذنا من الغضب
وكلامها نتيجه طبيعيه من الغضب
صقي قلبك من ناحيتها
وماحتخسري شي بالعكس رضا ربك ان شاء الله
 
اسمحيلي انتي غلطانه لو ماادري شو صار بين الاخوات يبقون اخوات ومايكرهون بعض
وبعدين هي فيها خير اتصلت ودورتك بالعيد صفي قلبك واتصلي عليها وعيديها ترى الدنيا فانيه ​
 
انتبهي ياختي ان يتسلط عليك الشيطان 000 ومن علامات القبول الاعمال وقبول عملك في رمضان هي المداومه على مايرضي الله وهذه من صلة الرحم

واعلمي اك اذا مشيتي على الصراط يوم القيامه تكون الرحم والامانه تضرب على الصراط احذري ان تجرك قطع الرحم باختك في الصراط وتهوين الى النار000

مهما حدث من خلاف 000أدي حق الله ثم ادي حق الله وارسلي لااختك الان التهنئه وادعي ربك ان يرفعك الله بها درجااات يوم القيامه واجعليها لله

فكري بعقل ولايغلبك الشيطان 0000الرحم معلقه بعرش الرحمان من شدة عظمتها تقول من وصلني وصلته ومن قطعني قطعته 000

ارضي الله ثم ارضي الله ودوسي على نفسك وكرامتك وجرحك من اجل رضى الله وابشري بالعز والنصره
ولاتعلمين ربما احتسابك الاجر لله يمن الله عليك بالذرية الصالحه00
والله المستعااان
 
مروكو قال:
حبيبتي

هذي صله رحم

تعنقدين ان اي وحدة من العضوات رح تقولج تسوين شي غلط

يعني تزيد البعد بينج وبين اختج؟؟؟

لاطبعا

الله بيجازيج خير وربي يسامح تقومين انتي ماتسامحين

الله بيرزقج من واسع جناتة

ولا تهتمي واشيلين بخاطرج

والله يرزقج بالذرية الصالحة يا رب
أنقر للتوسيع...


يا عسل انا ما انتظر احد يقولي شي يغلط لا لا انا ادور الصح وما ارسلت الاستشاره الا لاني متضايقه اكيييييد اعرف الحل بس الانسان وقت ما يكون متضايق يحب يستشير<<< ما خاب من استشار >>> ​
 
معليه حبي صحيح بعض الاحيان الخوات يقولون اشياء تجرح بس مهما كان تضل اختي انسي والنسيان نعمه من ربي تخيلي لو انه الكون مافيه كلامة النسيان ايش راح يسير بهادي الدنيا ابتدي صفحه جديده ولا تيتكلامين في الماضي وعيشي يومك هدا احلى شي سواء مع زوجك اواي شخص تاني وكل عام وانتي بخير حبي
 
الناعمة وبس قال:
معليه حبي صحيح بعض الاحيان الخوات يقولون اشياء تجرح بس مهما كان تضل اختي انسي والنسيان نعمه من ربي تخيلي لو انه الكون مافيه كلامة النسيان ايش راح يسير بهادي الدنيا ابتدي صفحه جديده ولا تيتكلامين في الماضي وعيشي يومك هدا احلى شي سواء مع زوجك اواي شخص تاني وكل عام وانتي بخير حبي
أنقر للتوسيع...

كل عــــــــــــــام وانتي بخير الله يجزاك الخير​
 
( وَلا يَأْتَلِ أُولُو الْفَضْلِ مِنْكُمْ وَالسَّعَةِ أَنْ يُؤْتُوا أُولِي الْقُرْبَى وَالْمَسَاكِينَ وَالْمُهَاجِرِينَ فِي سَبِيلِ اللَّهِ

وَلْيَعْفُوا وَلْيَصْفَحُوا أَلا تُحِبُّونَ أَنْ يَغْفِرَ اللَّهُ لَكُمْ وَاللَّهُ غَفُورٌ رَحِيمٌ )

(النور:22)​
 
ياقلبي مافيه انسان كامل هي يمكن ندمانه لاتخلين ابليس يوسوس لك ويشيشك على اختك لاسمح الله لو جاها شيء بتندمين كلللللل عمرك وبعدين ياقلبي مو كل كلام ينقل لك تصدقينه يمكن الي ناقله السالفه تبي تخرب ولا فاهمه غلط تعوذي من الشيطان وروحي بكرى وسلمي عليها ولا كان شيء صار والله يهدي النفوس بينكم يارب
 
اختي اتوقع لو رديتي السلام وتركتي الامر لل يمكن ربي يعطيك ويرفعك .
 
زي ماقالو الاخوات الارزاق بيد ربنا يعني مو بيد احد وربي هو اللي يرزقنا الحمد لله ربي يوم يكتب عليك الحمل راح تحملين والله يرزقك الذرية الصالحه بس اقول لك اختي بكره عيد يعني من بعد شهر صيام وعبادة اتمنى منك اختي ان تذكري انو ربي يسامح ويغفر ويرحم على كل عباده مهما بلغت معصينا يوم نرفع يدينا يستحي ان يردهم صفراوين ليش احنا البشر اللي لا حول ولا قوة لنا نتكبر ونقول احنا مجروحين وانا حاسه فيك لاني انا مو من اختي الا من ابي بس مااقدر اشيل عليه او اكرهه ادعي ربي يهديه ويالف قلبه هذا اللي ابغاه منك ارفعي كفوفك لربي العباد وادعي لها بالغفران والهداية وابغااذكرك اختي بسيدنا يوسف عليه السلام شو سووو فيه اخوانه ورموه بالبئر وتعذب ومااتكوني انتي اكثر من سيدنا يوسف بس هو سامحه اتمنى تفهمي اختى كلامي واكون افدتك لو شويه لانه مهما كان اختك والله يجمعكم على خير ويالف بين قلوبكم وتذكري من بذر بالصلح له اجر كبير عند ربي
 
غاليتي:

لاتقابلي الاسائه بالاسائه......ولاتنسي انها{(اختكـ)}مهماحاولتي الابتعاد لن تجدي غيرها
سامحي ترى مافيه اجمل من اللي يسامح...

ودي ووردي لروحك.....
 
الاخت نعمة كبيرة

عشت كل عمري وحيدة اتمنى يكون عندي اخت مثل باقي الناس ... اسولف معها واضحك واشكي وافضفض واشاركها بكل شي

والله يا اختي ما يحس بالنعمة الا اللي فاقدها

والحين ربي عوضني بأخت بس صغيرة حيييييييييييييل ^_^ الحمدلله على كل حال

بس وربي اموت فيها من كل قلبي

ادري بتقولين انتي ماشفتي اللي شفته بس والله اسمعي مني انتي في نعمة

حاولي تصلحين اللي بينك وبينها ..

ادعي دوم بصلاتك ان الله يألف بينكم

القلوب بين اصبعين من اصابع الرحمن وقادر بلحظة يغير حالكم من الكره للحب

ادعي ولا تيأسي

ترا بعد هذي قطيعة رحم وعقابها كبير

على الاقل لو سلام واطمئنان على الاحوال
 
طبعا أنا مع الاخوات كلهن تقريبا اللي نصحوج بأنج تسامحينها...

الله يسامح واحنا مانسامح ؟؟؟!!

هي يمكن حست بأنها غلطانة وتحاول تصلح ... بس انتي ماتعطينها مجال لتصفية القلوب

معقووووولة ماتسلمين على اختج في العيد !! تقدرين؟؟

أنا يا ما ناس غلطوا في حقي وظلموني مب مرة ولا مرتين .. مارديت عليهم

مرات توصلني الكلام اللي قالوها عني .. انصدم وابكي ..

مرات اعصب اقول لو اشوفهم ارد عليهم و ادافع عن نفسي ..

بس سبحان الله بعد يوم يومين ومرات اسبوع اذا ظلم كبير .. اهدي واقول خليني أكون احسن منهم واسامحهم واكسب اجر.. وفعلا كلما اسامح.. ربي يوفقني في حياتي اكثر.. الحمدلله .. ويوم اشوفهم أعاملهم كانهم ماسوو شئ.. أقول مصيرهم بيعرفون انهم ظلموني..

ماتدرين اذا سامحتيها تكسبين اجر و الله يوفقج وان شاءالله يرزقج بالذرية الصالحة لا تيأسي من رحمة الرب..

اذا شوفتيها استقبليها بابتسامة ولا تيبين هاي السالفة انسيها.. هاي اختج .. ترضين باجر بناتج يسوون اللي انتوا تسوونه ..
 
يمكن انتي صايرة حساسة زيادة حبتين ماتتقبلين المزح ..خاصة في هالموضوع

عيشي حياتج.. ولاتفكرين بالحمل .. ماتدرين في ناس يحسدونج ليش انتي عايشة حياتج بلا عوار الراس (حتى لو ماكنتي سعيدة ) بس الناس مايرحمون .. يقولون يابختها عايشة في شهر عسل على طول

اذا قاطعتي اختج وتكلمتي عليها .. الناس يتشمتون فيكم ,, باجر ريلج بيعايرج (حتى لو الحين وقف يمبج) بيقول انتي ماكان فيج خير لاختج ..

تدرين كلما سامحتي ونسيتي السالفة بتعيشين بالسعادة وراحة البال
 
فديتج دامها بدت بالسلام لاتصيرين اقل منها بادريها بالتهنئه بمسج واذا اتصلت عليج ردي عليها وطلعي كل حرتج وتفاهموا وبعدين ان شالله يجي الصلح ومهما كان انتم خوات مالكم غناة عن بعض
والله لازوج ولاعيال ولا احد بيحس فيج كثر اهلج
 
آآآآآآآه عليكم يناااااااااااااس أنتو خوات من أم و أب واحد و من رحم واااااااااااااااااااحد
الله يهديكم و على الأقل ردي عليها بعبارة (( الله يجيبه على خير ))
لأنهاااااااااااااااا مهما كااااان أختك​
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل