تمتعي ببشرة مشرقة نظره مشدودة بلا مناطق اسمرار..خبرتي بين يديك

[بنوته راقيه]

هلا خواتي ........شكررررررا على الردود الي تحمس واسمحولي على التأخير وان شاء الله هنيه نحط الحلول المناسبة

 

[بنوته راقيه]

ياليت تقولي كيفية ترطيب البشرة

ومشكوووورة

هلا غاليتي ..

اول شي ترطيب الجسم ​

اول اسرار جمال الجسد وطراوته الدائمة واشراقته المستمرة وعدم تعرضه للتصبغات مع الزمن هو

الترطيب ...سر اعترفة به الكثير من عارضات الازياء والفنانات
دائماااااااااااااااااااااا حطي كريمات مرطبة على جسمج ..
اول ما تخلصين سبوح حطي كريم مرطب على جسمج كامل وواذا حسيتي بجفاب دايما ردي رطبيه ...

السبب الاساسي واكر الاساسي للأسمرار وظهور البقع هو جفاف البشرة فمحتاجة لشيئين (ترطيب+شرب ماء)

ممكن تستخدمين لترطيب الجسم :
(زيت جونسون للأطفال وتحطين فيه شوية مسك من عبدالصمد القرشي)
فتدهنين فيه جسمج بتحسين بنعومة وريحة حلوه

في كريم ثاني دايما استخدمه وهو من منتجات هميلايا ..
هذا صورته واحب اخذ للبشرة الجافة لوشديدة الجفاف عسب يزيد الترطيب وحبذا لو تستخدمين الي بزيت اللوز لان زيت اللوز مصفي للبشرة ويشدها

وفي بعد من هملايا خاص للبشرة الحساسه ...

يتبع ..طرق الترطيب لكل اجزاء الجسم

 

[مالي سواك يالله]

يعطيك العافية حبيبتي

بانتظار جديدك

 

[بنوته راقيه]

تسلمي عيوني
ومنتظرتك يا ريت توضحيلي طريقة ترطيب البشرة الدهنية

قبل اربع اشهر حضرت ورشة نظارة البشرة والحلول لمشاكلها مع د.محمد الطيب وهو كان يعطينا نصايح وكريمات من جامعة CBI في امريكا وهو موجود بالامارات وانا اتعامل مع وحده من المندوبات عندهم اذا تبين برسل رقمها كلميني خاص

استخدمت وايد كريمات من عندهم وكريماتهم مستخلصة من احماض قشور الفواكه يعني طبيه طبيعية
في كريم daily o2 optimizing creme'
وهنيه صورته لج بموبايلي

هذا الكريم روووووووووووعة ينفع للبشرة الحساسه و لجميع انواع البشرة وهو مرطب خالي من الدهون ..يعني ينفع للبشرة الدهنيه ،

شو فوايده: السبب الرئيس ان البشرة تكون باهته حتى لو محطيه ميك اب هو نقص الاكسجين بالبشرة

كريم الاكسجين هذامرطب ومغذي يعمل على تنفس الجلد ودخول الاكسجين للبشرة ويمنع التهيج ويقضي على البكتيريا ويعطي البشرة رونق وجمال ويستخدم مرتين يويما

بتلاحظين لما تستخدمينه : انج ما لازم تحطين مكياج وانتي فالبيت لان بشرتج رطبه وناعمه ، انا صرت استخدمه حتى قبل الكريم الاساس اذا بحط مكياج يخلي الوجه مب مبين انج محطينه بودره وبشرتج طبيعيه ..وينفع تستخدمينه بعد كريم الشمس بشكل يومي ...

يتبع طرق الترطيب

 

[بنوته راقيه]

بما انا اتكلمنا عن الترطيب خلونا نكمل فيه لباقي اجزاء الجسم ...

ترطيب الشفاه ...

لعلاج تشقق الشفاه وترطيبها وللحصول على شفاه ورديه ..
مسحوق دم الغزال(العكر الفاسي) + فازلين وامسحي به الشفاه

دم الغزال تلاقينه عند العطار وقيمته تقريبا 5 دراهم وهذا صورته

حطيت لكم الاثنين لاني دايما حاطتهم مع بعض واذكر احط على شفايفي :22:

وعلى فكره دم الغزل ممكن تحطينه مع ماي الورد على الوجه كقناع لمدة نص ساعة يعطي توريد للوجه

ملعقه كبيره ماء ورد+ربع ملعقة شاي صغيره دم الغزال
وتغسلينه بعدين بصابونه الطاووس راح تلاحظين ويهج يلق ومنور ويعطي بعد نعومه وهاي وصفه مغربيه
غير انه يستخدم بعد مع الحنا لصبغ الشعر بس مب وقته اتكلم عنه الحين ...

يتبع ​

 

[بنوته راقيه]

السيلوليت دمر حياتي ارجوووووووك لو عن جدعندك حل عطيني وربي لادعي لك بالحرم بالي تبين بس خلصيني من كابوس حياتي ودي البس وادلع زي خلق الله صرت اكره حالي منه ومعقده زوجي معاي احيان اتمنى اني ماتزوجت من الاحراج الي مسببه لي

ليش شايله كل هالشعور السيء ..في واااايد حلول للسليوليت
اختي قبل لين ما تتخلصين منه حتى اول شي لازم تحبين جسمج بكل عيوبه بكل عيوووووووووووبه
لانج اذا انتي ما حبيتيه راح تكرهي زوجج فيه بالعكس لما تبينين انج مستحيه من شي راح توحي له انه في شي سيء جدا فيج ..بس لو بينت له انه عادي مع الوقت راح يتعود عليه ويحسه عادي

في كريم ررررررررررررااااااااائع للسليوليت وهذي صورته (من موبايلي)

اسمه cellufirm creme and Gel من منتجات مختبرات cbi بالولايات المتحده
كريم طبيعي "من خلاصة القرفة والكاكاو -خاص لشد الجلد المترهل -واذابة الشحوم وازالة التشققات بالجلد - بعد الولادة او نتيجة زيادة الوزن ونقصانه -ويستخدم مرتين ،شرط ان الجلد نظيف -يفضل مع الرياضة واتباع نظام غذائي معين ، ليس له اثار جانبية مطلقا ، يعمل مساج لكل المنطقة ويترك على الجسم...
اذاحبيتي برسل لج رقم المندوبه في الامارات وتكلمين الدكتور محمد الطيب بطرش لج رقمه على الخاص..

في كريم ثاني بعد اسمه شودورو بس للاسف بعده ما اتوفر فالامارات يمكن خلال شهر يوصل

 

[EMAN TAREK]

THANKS

 

[بنوته راقيه]

احياننا يطلع لي حبوب في كتفي ووحد من صديقاتي بعد الحف دايما تعاني من حبوب في ظهرها
ففي كريم عطانا اياه دكتور بس صدق روعة يومين وبتشوفين الحبوب خفت بطررررررررررريقة جدا ملحوظه وخلال اسبوعين اثار الحبوب شبه مختفيه تماما وطبعا البشرة عسب تتخلص من الشي بشكل تام تحتاج ما يقارب 28 يوم

هو يزيل الحبوب واثارها ويزيل التصبغات ومناطق الاسمرار

هذا الكريم
اسمه كيرلكس keralyx care cream

فوايد هالكريم : اذا عندج بقع وتصبغات واثار حبوب شباب فجسمج مثل حبوب الشباب وحبوب بعد الحف وهو مفتح لجميع اماكن الجسم بس ما يستخدم عالوجه ابدا -نعومه وملمس حريري - مرتين يوميا..

سعره فحدود ال 230 درهم بس حجمه واايد كبير


مفيد لازالة الحبوب واثارها ودايما اي شي يستخدم لازالة التصبغات يحتوي غالبا على الفا هيدوركسوليك اسد الي بتشوفين فينه (AHA) هذا رمزه
هالمادة وجودها في اي كريم معناه انه الكريم يفتح المنطقه الي بيوضع عليها وطبعا يعطي مفعول اكثر اذا ما اتعرضت البشرة للشمس عسب جي لما تستخدمنه الافضل ما تعرضي جسمج للشمس مباشرة ..

اتريا ردودكم عسب اكمل .............يتبع

 

[سهرني الشوق]

مشكوره حياتي ماتقصرين اماعن ليش هالشعور السيىء لان كل من شافني قال دبه ولوتشوفيني لابطن هيكل من فوق بس تحت الله لايوريك حتى زوجي مره قال لي فخودك دبه جرحني صراحه المشكله ان السيلوليت نازل لركبي وسيقاني حتى الاطفال لاشافواطرف ساقي بس قالوادبه مره هوبدامعاي وعمري13سنه الحين عمري24ولايوم سلمت من طنازة الي حولي علي ولاعمري لبست زي مااشوف البنات يلبسوابثقه بسببه صرت انطوائيه لحدالحين بس حياتي انازوجي مايعترف بالمندوبين حاولت كدامره اشتري جهازليزريعالج السيلوليت لاحياةلمن تنادي مافي من الطب البديل اي شي يزيله وادامافي الله يعيني ادوراحدمن الاقارب يدبره لي ماتقصرين ياعمري انتظر ردك الله يفرج عليك كل ضيق اامين يارب مع اني عارفه محد فاضي لي زي مايقولواالي يده بالماي موزي الي يده بالنار

 

[بنوته راقيه]

مشكوره حياتي ماتقصرين اماعن ليش هالشعور السيىء لان كل من شافني قال دبه ولوتشوفيني لابطن هيكل من فوق بس تحت الله لايوريك حتى زوجي مره قال لي فخودك دبه جرحني صراحه المشكله ان السيلوليت نازل لركبي وسيقاني حتى الاطفال لاشافواطرف ساقي بس قالوادبه مره هوبدامعاي وعمري13سنه الحين عمري24ولايوم سلمت من طنازة الي حولي علي ولاعمري لبست زي مااشوف البنات يلبسوابثقه بسببه صرت انطوائيه لحدالحين بس حياتي انازوجي مايعترف بالمندوبين حاولت كدامره اشتري جهازليزريعالج السيلوليت لاحياةلمن تنادي مافي من الطب البديل اي شي يزيله وادامافي الله يعيني ادوراحدمن الاقارب يدبره لي ماتقصرين ياعمري انتظر ردك الله يفرج عليك كل ضيق اامين يارب مع اني عارفه محد فاضي لي زي مايقولواالي يده بالماي موزي الي يده بالنار

لا حبيبتي لا تشيلين هم مب لهدرجة ترى العناية بالجسم محتاجة شوية تعب بس في كريمات والله تخلي العجوز احلى بنوته با عمليات تجميل ولا غيره مثل كريمات الكولوجين وفيتامين سي وغيره وغيره وكلها اشياء طبيعيه بس طبيه لا ابر ولا غيره بس الواحد يعرف مع منو يتعامل

وعلى ان ريلج ما يتعامل مع المندوبين ترى الكريمات الي اكلمج عنها هما عندهم مكتب فأبوظبي والدكتور المسؤول الخريج من جامعة CBI يسوي محاضرات في الجامعات والمراكز الثقافيه انا حضرت له فالجامعة وفمركز ثقافي عندنا وعنده بعد محاضرة الاسبوع الياي فجامعة عجمان وان شاء الله اقدر احضر ...

وبما ان مكتبهم فبوظبي وهو وووووووووايد البنات يستفيدون منه فكل الامارات حطوا لهم خدمة التوصيل عن طريق المندوبات عسب الي خارج بوظبي يستفيدون وعلى فكرة تراهم حتى الدول الثانية ممكن يوصلون

بالنسبة لسعر كريم السولويليت فهو 160 درهم فقط وانا عن نفسي استخدمه ولو تلاحظين انا مصورته من موبايلي وهذا جدار بيتنا هههههههه بس صدق نتايجة روعة وتحسين يشد الجلد بطريقة حلوه
وينحط بعد اذا عندج زوائد فالكرش لانها تعتبر من السوليوليت بس اهم شي تحطينه مع مساج وتمارين عسب انه يذيب الدهون ..

جربت عندهم كريمات وايد وبصراحة كل واحد احلى من الثاني من كريم الشمس لمزيل الكلف وماسكات ومزيل البقع والحبوب والتجاعيد ...

وارسلت لج عالخاص ارقام ان شاء الله تفيدج ...

 

[روابي ابها]

الله يسعدك عزيزتي ويجزاك الجنه والله موضوع من جد روعة ويفيد كل الحريم وان شاء الله الاقي اللي يحل مشاكلي.

 

[sweeeety]

حياتي مشكوووووووورة علي هالموضوع وجزاج الله كل خير واحنا متاااااااااابعينج يالغالية

 

[سهرني الشوق]

ياحبي لك انتي وقلبك الطيب بس انامن السعوديه مافي مندوبين هناعندناالله لايحرمني منك ياقلبي

 

[حبيبة صلوحي]

مشكورة حبيبتي وننتظر جديدك لاحرمك الله الاجرررررر

 

[بنوته راقيه]

الله يعطيكم العافية على الردود خواتي الغاليات ....انشغلت شوي بس ما نسيتكم ..وان شاء بنكمل

 

[عذبه أنا..~]

الله يسعدك عزيزتي ويجزاك الجنه والله موضوع من جد روعة ويفيد كل الحريم​

 

[فجر 2010]

يسلمووووووووو

 

[583]

السلام عليكم اختي ياريت اتقوليلي وين يبيعون هالكريم لاني ادوره من زمان ياريت اتردين عليه ف اسرع وقت ممكن وانا ما اقدر اطرش رسايل عالخاص لانه توني مشتركة

 

[أم خضر]

تسلمي حياتي يا أريت علاج الكلف بسرررررعه

 

[ترتيل88]

في انتظار التكملة

وفقك المولى يا رب