تلوموني اذا زعلت والله تعبت ...ابغى افضفض مالي الا انتم

[مليت ياصبر]

السلام عليكم

موضوعي للفضفضة ومالي بعد الله الا انتم اشيكله همي

مدري ليش زوجي يتغير علية بن فترة وفترة صرت احيانا اشك ان عنده شي

ومايبغى يقولي دائما مشاكل عذبنا اولادنا المساكين لدرجة بنتي تقول ياماما

خلاص لا تسوون مشاكل بديت من ناحيتي اسكت واصبر وابلع اللي ينبلع من المشاكل

عشانهم وكأني انا بس مسؤولة عنهم

المهم اللي اللي متعبني ومخليني الين ذحين سهرانة رغم ان عندنا مدرسة وقومة من الفجر
ماني قادرة انام من التفكير في وضعنا وحالنا


انا بقولكم وضعنا قبل المشكلة احنا سكنا في منطقتنا هذي قبل ثلاث سنوات تقريبا

كنا في مدينة قبلها مرتاحين ونقلنا بسبب عمله

المدينة هذي فيها اقاربه وشباب يسهر معاهم ويطلع معاهم رحلات وسفريات

غير السهرات اليومية وصار اغلب وقته لهم وسكتنا لأن مافادت معه النصائح والمشاكل

مشكلتنا اليوم

بدات من يوم الاربعاء طلع مع زملاؤه رحلة تستغرق ثلاث ايام انا زعلت وناقشته

وقلت هذي اجازتنا واحنا سكتنا كثير والاولاد يبغون يطلعون هذي اجازتهم

لكن لاحياة لمن تنادي سكت راح وانا زعلانة وماودعته

عشت يومين عصيبة لسببين اولها انا تعبانة من اسبوع وكنت قبلها في المستشفى

اعاني من التهابات وكان عندي سخونة وخفت انها تتكرر علي وانا وحدي مع اولادي

وجيراننا الوحيدين مسافرين وهذا السبب الثاني

اليوم الظهر ربي اكرمني وجو اهله زيارة عندنا لقريب لهم يزورونه واتصلوا علي واعتذروا انهم

مايقدرون يجون عندي مستعجلين وبيسافرون

المغرب قفلت باب الشقة ونبهت على اولادي مايفتحون لأبوهم واعطتهم اسباب

من عندي عشان مايحسون بالمشكلة

طبعا جاء وقلت لاتفتحون والله يابنات ماتأخر يمكن ربع ساعة جزء منها راح المسجد

يصلي ورجع عند الباب وفتحنا ودخل وانا ساكتة احسبه بيراضينا بيعتذر عشان

تركنا لوحدنا ماصار الا العكس يلعن ويسب ويحسبل ويتكلم عشان مافتحنا من اول

انا بغيت ارد لكن تذكرت كلام بنتي وانطميت وهو مازال يتكلم

اخر شي تفل في وجهي حسبي الله عليه وسكككككت عارفين ليش لأني ناويتله نية

دخلت غرفتي وارسلت رسالة لأبوه وقلتله لو سمحت تعال شوف ولدك وكلامه ولا كلمه

قبل مااسوي شي يندم عليه

وابوه والحق يقال معاي ومايقصر وله كلمة على اولاده كلهم

اتصل عليه وسمعته يتكلم ويألف عليه جيت مسكت الجوال منه عشان اكلم ابوه طاح من

ايدي وطلعت البطارية وشكل عمي خاف لايكون سوى فية شي

اتصل على جوالي قلت له ماينفع بالتليفون هذا يبغاله قعدة قال حاضر انا جاي

جاء هو وخالتي الله يسعدها ودخلت وانا في المطبخ احضرلهم القهوة ماينفع استقبلهم

بشكاوي قالت خير يابنتي هذا الرخمة اش سوى فيك وووا وتبكي يالبي قلبها طبعا انا اتصلت

وهم كانوا في الطريق طلعوا من عند قريبهم وبيسافرون ورجعوا عشاني الله يوفقهم


قلت لها اجلسي ياخالة وبعدين تسمعين ماسمعت كلامي راحت عند ولدها المجلس تهزؤه

وابوه من جهة وفتحوا معه موضوع الروحة مع اصحابه والسهرات وانت وانت اللي اصريت

تتزوجها وبغيت تموت يوم رفضوا اهلها اول مرة طبعا اهلي رفضوا عشان الدراسة

المهم وخليتهم يتكلمون وقلتهم انا ماهمني السهرات والروحة اللي ضايقني لسانه

الطويل وافتراءاته علي

وطلعت من عندهم لأن دموعي بتنزل طبعا هو علق يستهزئ فية وقال (اهئ اهئ)

مقهور اني شكيت لأبوه

وخالتي الله يسعدها بردت قلبي فيه تهزئ وانا مااحط عيني عليه

بس مرة اجلس ومرة اقوم

طبعا راحوا اهله بعد مااخذوا وعد منه ماعاد يكررها

اللي ابغاه ذحين انكم تنصحوني انا نويت اني اجلس اسبوع مااكلمه ولا اخدمه ولاشي

عشان يحس بغلطه بعد ماراحوا اهله تعشى ونام حتى هو ماكلمني

وحسبي الله ونعم الوكيل في كل رجال مايقوم بامانته

واعذروني طولت عليكم لكن انتم خواتي ونصائحكم تهمني

 

[^_^الشامخه^_^]

حبيبتي التزامك كزوجة لاتقصرين في جميع طلباته من ناحية الاكل بس خليك رسمية معاه في الكلام واهتمي في نفسك ومكياجك ولبسك وتدلعي ودلعي عيالك وخليك حبوبةفرفوشة وهو راح يجي من نفسه بس نصيحة لاتقصرين في بيتك واكله علشان مايكلم اهله ويقول قصرت معايه وخليك رايقة على طول مهما يستفزك قولي حاضر مع نظرة تذوب الصخر وبعدها تقدرين تاخذين وتعطين معاه في كل شي
الله يسخه لك ويحنن قلبه عليك وعلى اطفالك ويبلغك فيه مايسرك ولايضرك واكثري من الاستغفار وقيام الليل والدعاء لزوجك بالهداية والصلاح

 

[..اكليل الغار..]

افهمي زوجك وادخلي قسم انماط الشخصيه وشكله شمالي اتثقفي كيف تتعاملي معاه حيفيدك كتيررررر ربي يعينك

 

[الجروح]

أختي ..

لا تهملي واجباتك ناحيته كزوجة .. لكن لا تناقشيه ولا تكلميه .. وحسسيه بزعلك

وأن اللي سواه مو شوية ..

أكيد راح يفقدك ويرجع يراضيك ..

و عليك باللجوء إلى الله سبحانه وتعالى بالدعاء .. خاصة بالثلث الأخير من الليل

وكثرة الاستغفار

وربي يصلح ما بينكم ويسخره لك ولعياله يا رب​

 

[توته@]

الله يسخره لك ويسعدك

وشوفي هو وش يبي منك بظبط
حاولي تهيئ البيت له نومي الاطفال سوي جو رمنسي فاجيئه باشياء خليه يشتاق لرجعة البيت

سافري معه واتركي اطفالك عند اهلك او اهله كم يوم غيري جو عليه

بس حاليا خليه هو يراضيك وقولي له انا ما شكيت لابوك الا لاني احبك وابيك وشاريتك

اغلب الرجال يجيبهم التغلي والكلام الحلو انتي شاطره وافهميها .....

اذا رجع للبيت لا تطلبين طول الوقت وتشتكين لا سولفي

باي شي تذكر ايام الملكه وش كان يقول وقولي له وش يحب وسويه له


هذا الشي الي كتبته عن تجربة امي واختي ولا انا الله يرزقني هههه ويهديني





واهم شي وحطي تحت الفين خط الاطفال لا يشفونكم تتهاوشون مهما صار حاولي ما يحسون انه فيه شي بينكم فهمتي لانه بياثر ع نفسيتهم حتئ لو كان اابو شهور



استغفري وسبحي وادعي بتشوفين العجب باذن الله وسويهم لوجه الله فقط ويتغير كل شي باذن الله للافضل........

دعواتك لي

 

[ورووووووووود]

فرج الله همك .. الله يهديه ويصلح حالكم ...

 

[وفقدت امي]

الله يهديه ويسخره لك

 

[اتعبني هواك]

بالعكس ياقلبي لاتقصرين من ناحية البيت والاهتمام وكل شي لكن خلك ع زعلك
خليه يحس بغلطه الله يسخره لك ويحنن قلبه عليك إن شالله

 

[احب اكون مبسوطة]

انا انصحك تعملي شغلك عااااااااادي واكل

وغيره طبيعي بس خليكي معاه ساااااااااااكته


الين هو ما يجي ويراضيكي وكمان عشان مايقول



لاهله ويمسكها عذر هي ماعملت او ماسوت....


ولما يكلمك ويراضيكي تناقشي معاه والله يصلح حلك وحالنا جميعا

اللهم ان اسالك رضاااااااك والجنة امين

 

[حزينه حد الجنون]

طنشيه وادي واجبك كامل عشان لايمسك عليك ممسك ويقول مقصره بعدين الكل بيلومك سوي اكله نظفي بيتك اكشخي لنفسك عشان انتي ترتاحي وصدقيني بيشوفك كذا بيستغرب غيري نفسك للافضل عشان عيالك اذا انتي مرتاحه عيالك بيرتاحوا وخلك منه اللي يجي لحدك والله يحنن قلبه عليكم

 

[@ميموالسوله@]

لا تتركي وجباتك
حبيبتي عشان مايمسكها عليك
ترى الرجال يمممممممممممه منهم يعرفون يطلعون نفسهم واهل زوجك فيهم الخير مثل اام زوجي الله يخليها لي
المهم اعملي كل واجباتك وخليك في كامل شياكتك واناقتك ياقلبو اوك
بس لاتكلمينه خليه يحترق شويه مثل ماحرقك ثلاث ايام يعني لاتقصري في شي وخليك انيقه بس لالالالالا تكلمينه معليش قوي قلبك يومين بس وهو بيتغر بس اذا رضيتي من اول بسمه خلاص بيكرر نفس الغلط ويرجع يبتسم
وكمان لاتقولي انت مامنك ولافايدة او اهلك كلموك ولانفع ترى كذا بيصير منجد لا قولي رغم انك تاثرت من كلام اهلك ياليت تعطينا حقنا معاك وتعطي نفسك حق مو كله لنفسك

 

[مليت ياصبر]

الله يعطيكم الف الف عافية يابنات اللي قالت افهمي نمطه هو شمالي شرقي

وعارفة كيف اتعامل معاه بس تركت الانماط على جنب ومطنشة كل شي

انا متعمدة مااكلمه حتى اذا كلمني وراضاني لازم يعرف اني مااشكي من شي تافه

وابغاك يحس ان عنده مسؤولية لازم يقوم بها

اليوم ماراح دوامه اعتذر عشان تعبان من الرحلة وانا استقبلت بناتي

اللي يدرسون من المدرسة وغديتهم وتغديت معاهم وهو ولا كأنه موجود

لاتقولون قومي بحقوقه وواجباته زوجي واعرفه لازم له درس اذا قمت بواجباته

مارس حياته عادي ولا يعتذر ولا شي وبيكررها لأنه عارف اني مابقصر في البيت

وانا صامدة ومستمرة على وضعي الى ان يشاء الله

وحتى عيالي مايكلمونه ولايهبون ناحية الغرفة عنده وماالومهم يمكن خايفين منه

يمكن عارفين انه مافيه فايدة لهم رغم انه حنون عليهم وطيب معاهم بس لما يزعل مني يزعل من الكل

والله يجزاكم خير ادعولي ربي يفرج همي ويكفيني شره ولكم بالمثل

 

[بشائر الفرح]

قومي بواجباتك كامله لكن خليك رسميه معاه
حتى يحس بغلطته

 

[سـحـاب]

اللهم يامسخر القوي للضعيف ومسخر الشياطين والجن والريح لنبينا سليمان ومسخر الطير والحديد لنبينا داوودومسخر النار لنبينا ابراهيم سخر زوجها
سخر لأختي زوجها واصلحه لها واسعدهم وابعد عنهم كل من يكون له يد في ابعادهم عن بعض وتنغيص حياتهم من صحبه سأئيه و اتجتماعات الاستراحات ...
​

 

[المتفائله بالخي]

الله يسخرلك زوجك

 

[قمرالكونFAS]

الله يهديه ويسخره لك
الحال من بعضه

 

[الداعية إلى الل]

السلام عليكم
من ناحية شغل البيت لاتتركينه
وقومي بحقه
والرجال مثل مايحتاج زوجته يحتاج لصديق
وانا ماألومك
الله يجزى خير ابو وام زوجك
والله ماقصروا

 

[مليت ياصبر]

اختي سحاب

جزاك الله خير عالدعوات اللي بردت على قلبي المحروق

ولك بالمثل ان شاء الله

ولجميع الاخوات اسأل لكم الخير دائما ويعطيكم العافية

بالنسبة لطلبكم اني اقوم بالبيت انا اقوم ببيتي واولادي وبس حتى ترضى نفسي

اللي انهانت كثير وللصبر حدود ماابغى اضغط على نفسي كثير

يكفي اني جالسة في خلقته وماشكيت لأحد من اهلي كله عشان مااخرب بيتي

صحي وانا رجعت الغرفة ونمت يعني اذا شفته اروح من المكان اللي هو فيه احس

اتضايق لما اشوفه واتذكر كلامه وتصرفاته والان طلع من البيت وانا اكتب لكم

والله يعين بس انا ماابغاه يجي يراضيني عشان يحس انه فقد خدمتي له

ويعطيكم العافية

 

[تؤام روحي وقلبي]

الله يسخر لك زوجك

 

[محبة مكة]

ما دام انك شكيت لاهله
خلاص بردتي قلبك
خلاص رجعي المياه الى مجاريها