تلك الليالي....قصه"

  • بادئ الموضوع بادئ الموضوع dainty333
  • تاريخ البدء تاريخ البدء
بالانتظار
 
.

نكمل لكم ...مع القصه والقصه مو عني ...وانا اكتبها نقلا من صاحبتها .وعلى لسانها...واشكر لكم متابعتي ...واقدر لكم انتظاركم ...ولنبدا بالجزء التالي...
طبعا طلبت المال منه وكانت المره الاولى التي اطلب بها المال منه ...بحجه ان هناك حفله زواج ..واريد ان اشتري لي طقم من الذهب اعجبني ...وفعلا كان هناك زواج بنت عمي قريب...واريدك ان تساعدني بثمنه ...سالني عن راتبي ؟؟فاجبته اني اريدك انت ان تشتريه لي بيطلع احلى ,,,انت كريم وانا استاهل ان شالله ..وابتسمت طبعا انا قلت راح اطلب منه مبلغ مو كبير بالنسبه له ...منشان مايرفض خاصه انه اول مره ....ولازم يكون طلبي معقول...حسيت الامر انه مو عاجبه ؟..بس قلت خليني اطنش هالشعور واحسسه اني بفرح كثير ومن هالقبيل ...طبعا ظل فتره طويله حتى يجيب لي مبلغ بسيط وهو غني....!فقلت يالله ماراح اتكلم بسكت واشوف وش اخرتها...بالفعل جاب لي المبلغ اللي طلبت وعطاني اياه وحسيت فيه انه مو مرتاح ابدا ...وقال لي يالله انا بمشي بس جايب لك المبلغ ...وكان لي يومين موشايفته وزياده قلل اتصالاته فيني ...يمكن كلمني ثلاث مرات خلال اسبوع ...ولما عطاني المبلغ قال انه يمر بازمه بس ما خبرني فيها ....المهم جلست افكر اني ارجع له المبلغ على بساطته بس غيرت رايي بالاخير ...والحمدلله اني غيرته لانه بعد اسبوع من هالسالفه اشترى هو سياره جديده!المهم حسيت انه تغير شوي معي بعد هالمبلغ ....وكاني مجرمه بحقه بس من غير مايقول شي...طبعا سيارته الجديده ما ركبتها ...اذا بيمرني او بروح معه مكان وهذا من النادر جدا مثل ما قلت لازم تكون زوجته الاولى مشغوله منشان اطلع معه يمرني بسيارته القديمه بس ...طبعا صار يتخانق اكثر واكثر معي ....وهم انا صرت ما اتحمل كلامه مثلا يتصل علي ...ويكون لي يوم اويومين ماشفته ولا سمعت صوته ...يقوم يذكر لي شيء عن زوجته الاولى ويوصف لي حتى جلستها او وين اكلت او وش طلبت ....واقول بنفسي ذا مجنون او ايش...؟فاقوله عن اذنك انا مشغوله الان فتشوفينه يجن جنونه ويعصب يقول ايه مو فاضيه لي ...!طبعا انا انهي المكالمه حتى ما ابقى يكمل وصفه وسوالفه عن زوجته بس هو مايحس ...واذا اقوله انا فعلا مشغوله انت تكلمني وانا بالعمل ...وانا موظفه ...يقول حتى انا بالعمل اقوله انت راعي العمل يختلف الامر ...يقول انتي دوم تبين الموضوع بصفك ...وان الحق علي ...واني انا الغلطان ....ويبدا بكلام ماله نهايه ...واقول بنفسي وش فيه مخه ذا ...؟المهم ظل زوجي على تصرفاته ...حتى صرنا مايمر اسبوع الا تخانقنا خاصه بظل اني ما اشوفه ولا اجلس معه وهم طبعا ما يبات عندي ابدا ...واذا بات مره تشوفينا مثل العسل واحلى ....واذا طول فتره الانقطاع نتخانق وتشوفين مشاكل وش كثرها ....طبعا قلت له مره ...اذا ما اشوفك شف وش يصير بحالنا فرد قال انتي ما تفهمين انو انا عندي مشاغل ....؟وانو وقتي ماصار ملكي وانو وانو ...وانتي تبين تخليني اني انا الغلطان ...ودوم انا الخطاء...اقوله من قال ان الموضوع صح وغلط ...انا اقولك اذا ماشفنا بعض فالنتيجه تكون كذا ...يقول لا خلاص انا الخطاء...ويعصب ويثور....صرت وربي اذا اروح للدوام احس نفسي مو معي ...وابدا افكر وين الخطاء وين الخلل ...ليه يتعامل معي على هالاساس لاني حبيته واصدقت معه يقوم يعمل فيني كذا ...؟منشان اني زوجته الثانيه فما لي حق ان اتكلم او مالي حق بوقته ...؟طبعا كنت ادعو ربي انه يحننه علي اكثر ...ويعاملني بشكل افضل انا تزوجته بالحلال حتى لو كنت زوجته الثانيه ....ولا قصدت الاذيه بس كانت هذي كتبتي وهذا اللي اراده رب العالمين لي ....ظليت ادعو ربي ...عسى ان يغير لي حال غير حالي ...طبعا مرت الايام والشهور والوضع على ماهوعليه يصير كويس كم يوم ويرجع .....وهكذا اصلا صار ما يتقبل اي كلمه اقولها او ابدي رايي فيها ....؟؟ومره من المرات كنت معزومه في حفل زواج وخبرته اني بروح ...لها فقال روحي ...وكان لي يمكن اسبوع موشايفته ...وانا رايحه للحفله ...شفته بسيارته الجديده ونزلت منه امراه ...طبعا كانت زوجته الاولى ....وانا كان بيجيبني السواق بس رحت مع وحده من خواتي ....فما انتبه لي طبعا دخلنا ....وشفت زوجته وهذي اول مره اشوف فيها زوجته ...........وكان من اول يجي ببالي كيف زوجته الاولى ...اكيد حلوه كثير...هاللي يكلمني ويروح يكلمني عنها ...وينسى اني زوجته ...هل يسمح لنفسه انو يكلمها ويتكلم عني ...طبعا لا !!المهم شفتها انا واختي ...كانت مربربه كثير ...ومتوسطه الطول او مربوعه وسمراء البشره ....شعرها ناعم وحلو طوله ووجهها ناعم ..بالرغم من كثافه المكياج فيه ...المهم كنا عند المرايات ...وانا اشوفها ...فقلت يمكن في شيء اتعلمه منها ليه لا ....مافيه شيء الانسان يتعلم ويصحح اخطاءه ...منشان يكون شخص افضل ويعيش بطريقه افضل ....جلسنا انا واختي ...وجلست هي بالطاوله اللي جنبنا ...وصرت اشوف كيف تتصرف مع الناس كيف تسلم كيف تتكلم ...كان كل شيء طبيعي ...مافيه شيء ...المهم لما انتهت الحفله مشينا انا واختي ...وهي جاها زوجي لانه قبل ما اطلع كلمته ...وقالت له يالله تعال يابو ...فلان انا خلصت لا تتاخر...وكانت هذي كنيه زوجي...طبعا شفته بعد كم يوم لان اخت زوجته ولدت وراحت زوجته لعند اختها ...وجاء زوجي لي ...قلت باخذ يومين اجازه من الدوام ...منشان اتفرغ له ...جاء على وقت الغدا وكنت عامله الغدا وتغدى معي ...وانبسط على طبخي ...وهو كان قايل لي كم مره انه يحب اكلي كثير ...وان زوجته الاولى ما تحب تطبخ منكذا اكثر اكلهم من المطاعم ...او الشغاله تطبخ ...وماكنت اعلق بس كنت اقوله اللي تبي تاكله قلي واعمله لك...فيبتسم ...ويقول ما تقصرين حبيبتي...المهم ريح هو شوي بعد الاكل وانا رحت ادلك له رجوله ...كتدليل زياده ...وبسته على راسه ..وقلت له ريح ومشيت ...عنه لاني حسيت النوم غالبه بقوه ...ورحت لاني كنت مخططه اني اعمل له حلى واضبط القهوه ...وبلفلف شعري حتى يصحى ...وكان براسي سؤال ابقى اساله ...ان شالله بس يصير معي وقت راح اكمل لكم ....اشوفكم على خير واي تعليق او راي او ملاحظه ....مرحب بها الله يوفق الجميع ويخلي ازواجنا لنا ....
 
نكمل لكم ....مع القصه...طبعا صحى زوجي ...وكنت مجهزه نفسي...لابسه وكاشخه ..هو مايجي عندي كل يوم ..ولا كل اسبوع بعد...فمن كذا حاولت انه يكون مستمتع بالقوت اللي يجلسه معي...طبعا جبت الحلى..والقهوه ...وجلست جنبه اسولف وياه ...فسالته تحب المراه الدبدوبه او الرشيقه ..؟طبعا هو ماكان عارف اني شفت زوجته...فجاوب اكيد احب الرشيقه ...وسؤالي كنت ابقى اعرف الشيء اللي يحبه ...ويكون عندي منشان اجذبه اكثر من خلاله ...طبعا كنت مبسوطه كثير وطايره من الفرح ..انه معي وحتى خلافاتنا ...ماهي موجوده اصلا ...ونطلع سوا نشتري احتياجاتنا ...ونتسوق سوا ...وبداخلي غبطت كل وحده لها زوجها بروحها بس هذي كتبه الله علي...المهم بعد اربعه ايام من الوناسه ...والسعاده جات زوجته ...وطبعا زوجي ...راح والمشكله مو بروحته لا...بعد هي زوجته...المشكله انه راح وظل حول الاسبوع كامل ماشفته ابدابس كلمني يمكن مرتين خلال هالاسبوع....تضايقت منه كثير....ومن اسلوبه معي .....وخاصه اني حاولت وحاولت معه وهو موراضي يغير اسلوبه معي ....وهو يعرف اني متعلقه فيه كثيرررر وكل مازادت فتره زواجنا كل ما تعلقت فيه اكثر واكثر.....وزياده على كذا انا ما حملت منه وكيف احمل وهو ما يلمسني الا مره بالشهر.....؟؟واحيانا اطول طبعا كل ذا خلاني عصبيه كثير ....وهو بالاساس عصبي....فصرنا نتخانق كثير....من مكالماتنا ببعض نتخانق....وربي تعبت نفسيتي لحد مو طبيعي ....ولي معاه الان خمس سنوات...على هالحال....اذا كلمته عصب وقال انتي وانتي....واخرتها يقولي انتي تزوجتيني وانتي عارفه اني متزوج !!!قلت له ....انت اللي جيت وطلبتني زوجه لك ....ما استحق منك انك تتعامل معي كذا ....او تجرحني بكلامك...يقوم يقولي ايه كله انا ...:ل شيء انا...اقوله انت اللي قلت هالكلام يقولي خلاص اسكتي...ما ابي اسمع كلمه منك....مع السلامه لانه اكثر شيء يكلمني......واذا اساله تحبني ,,,,يقول ايه احبك واموت فيكي ....وانو وانو ويجلس يقول كلام اتعجب منه انو كلامه مايجي مع تصرفاته معي....ولا مع وعوده ...مثلا يقولي انه بيسافر مع زوجته الاولى ....اقوله طيب واسكت واغير نبره صوتي....احسسه باني اقوله وانا ؟؟؟يقوم يقولي واذا رجعنا بنروح انا وانتي سوا؟؟؟؟ولما يرجع لا نروح ولا بطيخ ....وزياده يقولي طيب منشان مارحنا راح اشتري لك شيء....وما اشوف منه شيء واذا تكلمت وقلت له مثلا فيه فستان او شغله عاجبتني ...اذكره انه يشتري لي..يقوم يعصب وييصارخ ويقولي انه مضغوط وانه وانه واني ما اراعي هالشغله....وش هالحال ياربي وربي تحملت منه كثير ودوم ادعي ربي انه يغير حاله معي ....ويصير افضل ...ومره من المرات كان عندي وماشفته الا يقولي انا احبك كثير ....بس زوجتي الاولى ونفوذ عائلتها وموعارفه ايش وجلس يتكلم كانه يلمح لي انه يخاف من نفوذ عائله زوجته ...وما يبقى يبان في عيون اهلها انو ما صان بنتهم ....وانا طيب ..؟؟صونها وهم صوني والله لو قايله له هالكلمه كان طلع وماشفت وجهه...قولولي وش السواه ....والان بعد ما خبرتكم السالفه والحكايه اتمنى تعطونا شورتكم واللي عندها رايي او شيء تساعد فيه صاحبه القصه لا تتردد والله يجزاها الجنه ...ويوفق عيالها ويحفظ لها كل من تحب ....بانتظار ردودكم ومساعدتكم ....ولا تبخلوا فيها يابلقسيات...........
 
ياقلبي .. بصراحه رحمتها .. ياويله من الله زوج صاحبتك
الرجال ماتعرف تعدل يعني ؟ مايدرون عن الشق المائل يوم القيامه؟!!
مدري وش اقول لك بس واضح ان زوج صاحبتك ضعيف شخصيه ومرته مسيطره عليه ويمكن بعد ماعلم مرته انه متزوج للمره الثانيه
مالها الا الدعاء والألحاح في الدعاء وكثرة الاستغفار والله يعينها وييسر أمرها
 
الله يفرررررررج عليك همك هو يخاااااااف منها ومايقدر يقول لها هذا الشي واكيد هو ماتزوج الا عنده اسبابه
بس اذا حالك كذا ادعى رب العبااااد يفرج همك وهمي وهم كل مهموووووووووووووووم ويسخر لك زوجك ويحنن قلبه عليك
 
عندما قرأت قلت أن هذا الرجل يحتاج إلى عشيقة أكثر منه إلى زوجة
العشيقة تأخذ الرجل من زوجته من عياله من الدنيا كلها بإذن الله طبعا
فلتحاول أن تكون له عشيقة
العشيقة لا تنكده
العشيقة تتجمل له فى الحديث الذى يوقع قلبه ( إن المرأة إذا أرادت أن توقع رجل أوقعته مهما كان )
حسسيه بشخصيتك بقوتك بقدرتك على البعد عنه
حتى يصير إن شاء الله لكى
ستستفيد كثيرا من المواضيع بالمنتدى
 
الحل ياقلبي ان تصبر وان تعيش حياتها واذا دق عليها تسوي نفسها مشغوله عنه وتثقل عليه وتاخذ حقوقها وحتى ولو هي موظفه علشان يحس بمسؤوليتها
 
انا اقول دام مابينهم اولاد اطالبه بجميع حقوقها هاذا حقها وتخيره ياتعطيني حقوقي ولا اتطلقني مافي خيار ثالث حرام عليها ضالمه نفسها كل هاسنين راح تتعب نفسا وجسديا بعدين لازم تحسم الموضوع ترا الي خلق هارجال خلق غيره يمكن تلاقي راحت بالها مع واحدثاني بس شكلها متمسكه بتركي لانها تعقدت من تاخر زواجها صدقيني يمكن تلاقي رجال ثاني معه حرمه بس يكون عادل
.......
واذاهي ماتبي الاتركي ترضى بالامر الواقع ولاتشتكي وتنساه وتشغل نفسها باي شيء واذاجها تنبسط معه وتستمتع باساعات الي يجي فيها وطنشششش واذاماتقدر تختار الخيار الاول
 
ضي العتيبي....مشكوره حبيبتي على تعليقك....وفعلا فيه ناس تظلم ....ولا تخاف ربها
N7LA......... يعطيك العافيه على مشاركتك....
طالبه رضا الله.....هو فعلا يعاملها كانها عشيقته ...بس وش هالعشيقه اللي لا يهتم فيها ولا شيء....وهي بالعكس اذا جا عندها ينبسط كثير...ويموت من الفرحه بس اذا دقت عليه زوجته الاولى تضيع علومه ....واتوقعها تعرف انه تزوج عليها...بس شوفي وش قايله له...وحتى امه وابوه يدرون انه متزوج ثانيه .........؟والله هي مسكينه بقوه تقول لا احد يقولها عن الجمال ....ولا حتى جمال الروح ....تجنن مشا الله عليها مو بس لانها صديقتي...
مغريه ...ملاك نفسي....مشكورين على مشاركتكم....وصحيح هي ما عندها اولاد بس مو معناها انها تبي تنفصل عنه...ودها تتعدل حياتها معاه....تقول بعد هالعمر اللي عشته معاه انفصل لا...ما تخيل حياتي بدونه....ومشكورين على كل ارائكم...
ووووووووووووينكم يابلقسيات ....اتمنى اشوف ردودكم ونساعد صديقتي في مشكلتها ...والله يفرج عنكم كل هم يارب ويجزيكم عن كل حرف تكتبونه ...............بانتظاركم
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل