تكون ضعيف الشخصية لمن تدور على راحة بالك؟؟

[قلب يحيا بالأمل]

السلام عليكم ورحمة الله
قد مانغيب ونحاول اننا نداري مشاكلنا بطولة البال والتطنيش >>الا مانرجع ونستشير أحلى بلقيسيات
أنا لفت نظري موضوع الاخت يوجاغرن
لمن قرأت موضوعها حسيت اني ضعيفة شخصية وانا مو كده>>>طيبة بس في حدود
أنا بعد شهر حااستقبل مولودي التاني>>دعواتكم ليا بتيسير الولادة
وزوجي كان تارك خيار الاسم ليا دي المرة لأنها بنوتة الله يكبرها على طاعتو ويرزقني برها يارب
ولمن كنا نكلم مامتو الله يخليها لأولادها واحفادها يارب كانت تسألنا عن الاسم وكنا نقولها لسه ماقررنا >>ونحن فعلا كنا لسه ماقررنا فكانت تجلس وتعرضلنا لستة اسماء
وجلسنا على دا الحال فترة >>>انا زي الاخت يوجاغرن بعيدة عن اهل زوجي ساكنة في بلد بعيد عنهم ومااجيهم الا في السنة مرة اجازة شهرين وارجع تاني
طيب الين جات في بالي اسماء وقلتلها ايش رأيك في دا الاسم ودا الاسم ماقالت شي قالتلي ليش ماتسموا كدا وكدا والين اخر مرة كلمتها فيها برضو ماعلقت على الاسم اللي اخترناه وقالت يالله الين ساعة الولادة يصير خير يمكن تلا قوا اسماء تانية وقلتلها انتي طيب ايش عندك ياامي اسماء قامت قالتلنا مو قلتلكم وماعجبكم؟؟ قام زوجي قالها لأ قولي ياامي ونحن ان شاء الله الين وقتها يصير خير
انا مازعلت بس بعد دا الموقف انا اتنازلت عن اختيار الاسم ليها مو عشان شي لأنها حرمة كبيرة بمقام جدتي وانا قبل شهر ونص فقدت جدي ابو امي الله يرحمه>>كانت أيام صعبة لمن تكوني في غربة ويجيك خبر فقد انسان عزيز
فقلت ازا انا اقدر افرحها خليها تفرح وتختار الاسم الدونيا محاتطير و محانتضارب على اسم وخلفتي محاتوقف على دي البنت>>>قلت اشتري راحة بالي ومافيا لوجع الراس
وبس جاني بعدها زوجي وسألني ها ايش قررتي في الاسم؟؟ قلتلو خلي مامتك تختار لأني حسيت انو نفسها تسمي وعادي خليها تفرح ومن دا الكلام>>قالي انا كنت ابغى اشتأذنك لأنو انا كمان حسيت كدا
بس دحين انا اعتبر ضعيفة شخصية قدامها؟؟؟
انا وحدة اشتري راحة بالي ومالي في وجع الراس وفي النهاية مهما جلسنا في دي الدونيا كل واحد يأخد عملو وافعالو معاه>>>انا صح ولا لأ؟؟؟
والله اني محتارة لمن قرأت موضوع يوجاغرن حسيت اني وحدة طخطوخة>>انتو شو رأيكم؟؟؟

 

[آحلآم طفوليه]

لا بالعكس عين العقل الي سويتيه
بتفرح كثير انك تثقي بذوقها وبتخليها تختار اسم بنتك

 

[زوجة تـــوتـــو]

قلب يحيا بالامل .... اشكرك كثير على طيبة قلبك الرائعه وعلى رجاحة عقلك بما انوه ماتفرق معك الاسم بكيفك

اهم شي انو الاسماء اللي اعطتكياها مناسبه وحلوه وكمان عاجبتك فخلاص خليها هي اللي تسميها

اما عن نفسي لو انا مثلا في بالي اسم وحابته كثير وابي اسميه بنتي ماراح ارضى انو احد يسميها

الا اذا احد اعطاني اسم حلو يمكن اتنازل بس انا ما اقتنع الا فرأيي.............

انتي شوفي اللي يناسبك واعمليه الله يوفقك لما يحبه ويرضاه...............

 

[ام شادي3]

انا معك اذا الا سم كان حلو رح تريحي راسك مثل ماقلتي

 

[-موج-]

اهم شئ سوي شئ انت مقتنعه فيه.

 

[الماسة ذهبيه]

قلب يحيا بالامل

والله اسمك روعة يبعث الامل في النفس

الله يعطيك الف عافيه الله يزيدك رجاحة عقل

والله على قولتك الدنيا ماتسوى اهم شي العمل الطيب والذكر الحسن

ومادام مايفرق معاك الاسم خليها تسمى خاصة اذا كان الاسم اللى اختارته ام زوجك عاجبك وهي ماراح تنسا لك هذا الموقف

الله يكثر من امثالك​

 

[قلب يحيا بالأمل]

يعني كده انا محااكون وحدة طخطوخة في عيونها او في عين زوجي؟؟؟
والله هيا قالت اسماء بعضها حلو وبعضها مو مرة >>بس ماادري ازا قلت لأ معناتو اني بأصر على رأيي
ولا انتو ايش رأيكم؟؟؟

 

[this is life]

صراحة
قمة الذكاء

 

[حزينه حد الجنون]

مافيها شي حبيبيتي انا ام زوجي سمت عيالي كلهم الله يحفظها هي جات على اسم خلها وربي بيفرح قلبك زي مافرحتي هالمسكينه بعدين والنعم فيك اعتبرتيها زي امك وربي بيردها لك في عيالك

 

[الزوجه الاولى]

حبيبتي ربي يسهل عليج ولاتج وان شاء الله تكون من الذريه الصالحه حبيبتي اهنيج على طيبتج واذا انتي راضيه عن اقتناع فهذا لا يعتبر ضعف شخصيه والله يعطيج على قد نيتج

 

[ابي اسجل وبسس]

بصراحه انا ما قريت موضوع الاخت يوجاغرن
بس اتوقع مافيها شي لو طيبتي خاطر حماتك بأنها تختار الاسم بنفسها
بالعكس كذا افضل

والله يقومك بالسلامه ويرزقك بنوته زي القمر