تكملة موضوعي ابي بوسه ابي بوسه

الحالة
مغلق و غير مفتوح للمزيد من الردود.
الله يمسح على قلبك ويصبرك ويثبتك...
والله عورني قلبي عليك بس خليك قويه ولاتقولين سمراء وقصيره انت اغلى واجمل منها والرجال مايملى عيونهم الا التراب...والله اعرف وحده ماشاء الله طويله وبيضاء وزوجها تزوج عليها يعني ماتفرق معهم اهم شي عندهم شهوتهم.
استخيري اختي قبل لاتسوين شي وبعدين تندمي...
 
الله يفرررررررررررج همك

بس الطلاق موحل

هو تزوج على سنة الله ورسوله يعني بالحلال

ماأقولك انه عادي وهالشي مايزعل
بس قدر الله وانتي عليك ترضين بالمكتوب

اذا زوجك طيب وفيه الصفات اللي تخليك تغفرين له
نصيحه لا تتطلقين

أقل شي عشان بنتك

فكري أن حياتها بينك وبين أبوهآآ

افضل

من لو اافترقتو



اللحين خذي وقتك

وفكري وأأهدي

وبعدين قرري

وهو مو متمسك فيك لهادرجه ويقولك بجيبك ببيت الطاعه

الا وهو شااااااااريك

لأن لو مايبغاك كان ماأصدق ولقاها من الله


الله يصلح بينكم
 
(أم إلياس) قال:
اللي تقول مايجووز ندعي على اللي تتزوج متزوج وتدخل بينهم وتبي تهدم بيتهم الله يضوقها مثل ماضاقاته لأن مايحس الواحد باللي هي فيه الا لين جربته

انا ادعيييييي على كل وحده تتزوج متزوج عن طريق حب عن طريق الحراااااااااااااااام

حطوو خط احمر عن طريق الحرام ماقصد اللي يدق بابهم مو مشكله هذي بنت شريفه وتبي الستر بس انها هي اللي تدق الباب عليه وتسرقه من بيته هذي وحده فاجره الله يشغلها في نفسها واذا تزوجها مو حرام عليها الطلاق بالعكس تحاول اتطلقها منه لانها اخذته بالحراااااااااام والخبث وانا وحده من اللي ذقت هالسوالف بس ماتزوج علي قطعت الطريق عليها واحس فيج بس انا تقويت عليها الحقيره الحثاله
بسبب هذا المنتدى الغالي علي تعلمت اشياء وايد حبيبتي خلج قويه

وانصحج تقرين قصت ام الوليد دوريها في محرك البحث

لو تبين ادورها لج اقريها زين مازين وركزي على بعض النقاط وطبقيها

وحاربيها ببرود لما تتطلق منه

واللي تقول لي حرام تدعين عليها او حرام يطلقها بدعي عليها بالمثل ان زوجها يتزوج عليها
أنقر للتوسيع...
جزاكي الله خير حبيبتي كلامك ريحني وخلاني احس انك مجربه القهر .. زوجك كان بيتزوج عليكي بس كيف
تغلبتي عليها قولي لي؟؟؟
 
جرح لا يندمل قال:
شوفي قلبي بقولك شي وخليه حلق باذنك​

القصر والسمار ماااااله دخل اللي عنده طويله يبي قصيره والعكس
واللي عنده بيضاء يبي حنطية والعكس صحيح
والله ثم والله بقولك شي وصدقيه ولاتفقدي الثقة بنفسك
أنا طويلة وصدري متوسط
وربي لا مرينا من جنب فلبينيه قال زوجي ليتك مثل هذي قصيرة ومالك صدر
أقدر علييييييك وأشيلك و.....
شفت كيف الرجال متناقضين؟!!!
ومايملي عينهم إلا التراااااااب....
وربي أضحك لا قال كذا ما أزعل ليش؟
لأني أقول في خاطري
آآآآه منكم يالرجاجيل وربي لو كنت زيها كان قلت ودي بطويله ولها صدر
فلا تقارني نفسك بأحد
وانت انت بكل شي حلو فيك
والهم باخلاقك....
والله يصبرك ويربط على قلبك
احتراااااااامي لقوتك وشجاعتك

(ماشاء الله)​
أنقر للتوسيع...
مشووووره ياقلبي وجزاكي الله على كلماتك الي دعمتني القوة وخلتني استرجع لو بشي بسيط ثقتي بنفسي..ومن جد الرجال ما يملي عينهم الا التراب..
وبالنسبة للقوة..انا خلااااص انهرت وسرت هشه..واي شي يبكيني..
 
(أم إلياس) قال:
انا دورتها لج القصه واحسها تناسبج

حاربي معاها حرب بارده ولاتهمج ولا تهز شعره منج لأنج العزيزه والعفيفه وهذا الفرق بينج وبينها

وحاربي عشان زوجج لانه باين يحبج بس نزوه وزوجج من النوع الجنسي اسمحي لي حاولي تشبعينه وماتتركينه لها وصيري قويه مو كل وقت تصيحين بيهج منج بعدين
والله يوفقج ويعينج على الضره والله ينصرج عليها ويطلقها وتفتكين منها ومن شرها
أنقر للتوسيع...

مشكورة جدا جدا على القصة والاروع انها من دكتورتنا الحبيبة..
الله يحفظلك زوجك ويخليلك عيالك..
 
غدا نلقى الآحبة قال:
لذا اختي انصحك بالصبر والاحتساب فهذا ابتلاء لك واللجوء الى الله بكثرة الاستغفاار والدعااء ..فمن لزم الاستغفاار جعل الله له من كل هم فرجا ..

وانتي من البداية تعلمين عن زوجك وعلاقته كان لازم ماتتركيه طوال فترة النفاس ولكن قدر الله وماشاء فعل ..
أنقر للتوسيع...
مشكورة عالفتوى ..وجزاكي الله خير
 
اخت زوجي تقولي السوريه تبي رقمك؟؟
وانا قلتلها قولي لها مستحيل تكلمك !!
بس ماني عارفه اذا كان موقفي صح او لاء؟؟
وتقولها انه زوجي بطل يشوفها..وهي دايما تسأل عنه ؟؟وطبعا اخت زوجي ما تعطيها اجابات صحيحه ..
 
والله كلما تذكرت قصتك اني ادعيلك ان الله يفرج همك حبيتي لاتزعلين علشان واحد مايستاهل دمعه من دموع عيونك الغاليه خليها على ربك وانشالله راح يفرجها انتي انسيه ولاتقهرين نفسك وهو مادرى عنك يسرح ويمرح ولاهمه شي عسالله ياخذ حقك ويفرج همك اللهم امييييييييين
 
انا برأيي تكلميها ممكن بدها تتفاهم معك ,,

والله اغلب السوريات طيبات يعني اظن ان نيتها تتزوج وتنستر بس يمكن هي ماتعرف عنك او زوجك ماقال لها ان هذه غرفة نومكم او بيتكم ..

انا اعرف اكثر البنات الي تزوجوا خليجين اتطلقوا بعد فترة لانها كانت نزوة عند ازواجكم

.. بس هم ماكانوا متوقعين ان هذه نية الرجال ,, الله المستعان ..حتى وحدة اعرفها كانت تمدح بزوجها وبأخلاقه وبعدين فجأة خدعها وتركها وصار معها صدمة .. فالنساء بيبقوا نساء بمختلف جنسياتهم مشاعرهم واحدة الله يعينهم..

مع رفضي لهيك زواجات والعاقل من يتعظ بغيره ولكن يبقى نصيب وكل بياخد نصيبه ومصيره يتعلم من غلطه ..

على كل حال استخيري قبل كل شيء والله يفرج همك وهموم المسلمين والمسلمات ..
 
أاااااااااااااااااااااااه من جد قهر وربي

الله يعينك ويفرج همك
وش اقول غير الله يعطيك الصحه وقوة الصبر
 
عزيزتي كان الله في عونك.......
اولا - بما ان زوجك رافض طلاقك فهذا دليل على تمسكه بك وحبه لك وهذه تحسب لك وهو حافز لك لاستعادة ثقتك بنفسك وتعزيز قوتها
ثانيا - أهلك هم قوتك لأن الأهل في هذي المواقف هم الدعم والقوة أمام الزوج يعرف ان وراها سند . فخلي الوالد هو اللي يتصرف معاه وياخذ حقك منه قبل ما ترجعي بيتك حتى يتأدب ويحسبلك ألف حساب ( واحمدي الله على هذي النعمة لان كثير من البنات ما عندهم سند في هذي المواقف )
ثالثا - ان شاء الله اذا رجعتي لزوجك اطلبي نقل لبيت جديد غير الرضاوة حتى تعيشو حياة جديدة من غير ذكريات الماضي
رابعا - جاولي تعيشي هذي الفترة وانت مرتاحة واهتمي في نفسك وفي بنتك وغيري من لوكك
خامسا - حاولي تستفيدي من قصة أم الوليد زي ما قالت الأخت السابقة فتجربتها جد رائعة
سادسا - لايكون بينك وبين ضرتك اتصال كما طلبت وطلبها معناه بدء المشاكل بينها وبين زوجك فاصبري واحتسبي وربك نصيرك ان شاء الله. دائما رددي ( اللهم اني مغلوب فانتصر )
دعواتك
 
نصيحه مني احذري تكلمينها اخ بس الا الان وان مقهوره منها ومن زوجك الي ماحترمك يوم بغيتي تطلعين من النفاس هذا استقبال يستقبلك
والي قاهرني اكثر انه جايبها بيتك وفي غرفتك
اطلبي منه يغير البيت الي ادخلته الوقحه لو انها محترمه وتبي الستر كان ماتجراة تدخل بيت موبيتها
لاكن هاذي تبغى الجنس وبس ماهمها اي شي ثاني خرابت بيوت
الله يعينك ويصبرك الله يبعد عنا الشر
 
اياك ثم اياك تنزلين نفسك لوحده واطيه نامت مع زوجك على فراشك ولو كان بالحلال اللي ماسمعنا به في عهد رسول الله ولا في القران الكريم ..حلال حرمه الشيخ ابن باز ثم عاد وحلله رحمة الله عليه ...فاين الاسره والاستقرار والابناء التي دعا اليها الاسلام في زواج المسيار ؟ اين العقل والمنطق من زواج يحقق المتعه الجنسيه فقط حتى ولو كان عليه شهود؟ ولماذا عادة يتم الطلاق بعد اكتشاف الامر المستور ؟ المسيار استغلال وامتهانه للمرأه وبمجرد ينفضح يتم طلاقها بكل سهوله ...انتبهي تكلمينها او تكلمينه هذي فرصتك تعطينه درس وحتى اخت زوجك خليها تقطع علاقتها فيها لان اسلوبها واااضح جدا انه محاولات لتثبيت قدمها في العائله بصوره علنيه وواضحه حتى لو كان السبيل في ذلك مسح الاحذيه ..هذا كيد النساء اللي اغلبنا السعوديات مانعرفه ..اقطعي عليها السبل للبقاء في حياتك خاصة ان زوجك قطع علاقته بها ...رددي دائما اللهم اني اجعلك في نحرها واعوذ بك من شرها ..اللهم اجعل تدبيرها تدميرها ..اللهم اجعل نقمتها بردا وسلاما علي كما جعلت النار بردا وسلاما على ابراهيم ..
 
اختي الله يصبرك ويعطيك ويلهمك الوعي التام لحل المشكلة بالطريقة التي تحفظ لك زوجك وبيتك
انت اعلم بحالك واعلم بخلق زوجك لكن اعلم لااااااايوجد انسان بلا اخطاء
اولا عليك ان تهدئ اطلبي من الجميع حولك الصمت لمدة يومين او حسب نفسيتك
صلي اقرئي البقرة كل ليلة جزء منها ادعي الله ان يهدي نفسك وقلبك وفكري بحسانته قبل
مساوئه لا قول ذلك حتى تغفري له وانما كي تنظري له كازوج لا كا مجرم الان انتي بصدمة
تمري باشد مراحلها انتظري قليلا لا تطلبي الطلااااق زوجك ليس بشاذ ولا سكير ولا منحرف
ولا سفيه يرمي بكلام دون وعي
انظري كم هنا من النساء يعانين من خيانة ازوجها
زوجك استغل غيابك ليدخلها على فراشك هناك زوجة ادخل زوجها امرأته الثانية على
بيتها وفراشها بعلمها عانت قهر والم وهي. حاامل بطفلها الثاني قصة اتوقع لو سمعتها
لحمدتي الله على مصيبتك
تخيل مشكلتك هي مشكلة احد الاخوات بماذا سنتصحيها ؟؟
لديكي شرع حفظ لك حقك تعلمي استعماله الان اشترطي ما يرضي الله ويرضيكي
اقطعي من الان مكالمته لا تردي عليه ارسلي له رساله ليكن كلامك مع والدي واخبري والدك
بشروطك فكري بشروط تحفظ حقك ان بقي معها او عاد لك
قسي قلبك لا تردي عليه مهما حاول ان يستدر عطفك ولو غيرتي شريحتك موقتا افضل
لكي يعلم انك لستي ضعيفة كي يخيفك او يضحك عليك بكلمات معسوله
اما زوجته احذري اشششددددد الحذر من مكالمتها انتي مشكلتك مع زوجك وهو مشكلته
معك ومعها اذا عندها كلام تقول له او تحتفظ فيه لنفسها واخبزيه هو ايضا ان عدت لا اوريد
ان يكون لها صلة بي زوجتك انت انا لا اريد ان اتعرف او اقابلها لاي ظرف
اسأل الله ان يعينك ويسر امرك ويجعل لك من كل ضيق مخرج ومن كل هم فرج
اتمنى ان تستمعي لنا وتبعي ما ترتاح له نفسك ويرجحة عقلك
 
حسبي الله عليهم وربي بياخذ حقك منهم ...

الله يجعله يشوف ظلم اقوى واكبر من اللي سواه فيك ...

حبيبتي ولا تزعلين الله يخلي المحكمه ارفعي قضيه وتطلقي منه ...

الل يمثله ماعليهم حسافه ولا منهم رجاء ..

حسبي الله عليه ...
 
ماقول الا الله يهون عليك ويسخره لك استخيري لعل الله يكتب بعد ذلك امرا
 
الله يصبرك ويعينك
الرجال ما عندهم احساس كل اللي يهمه نفسه
 
الحالة
مغلق و غير مفتوح للمزيد من الردود.
عودة
أعلى أسفل