تككفووون بنات ساعدوووني وش الحل ؟؟ قبل اتجنن

[ساحرة العيوون]

سلام عليكم حبيباتي

وربي مابقي الا شوي وبنجن

انا ماعندي الا ولد عمره سنة و8 شهور ياهو مجنني جنااان

وربي خلاص بطلع عن طوري

لاليلي ليل ولانهاري نهار

اول شي فيه شقاوة موطبيعيه

وكل من شافه قال يحليله ولدك هااددي ..

اي هادي بذبحهم<< تمسكن حتى تتمكن ينطبق عليه هالمثل

شقاوته صح ما يآذي احد بس كلها تخريب في تخريب

يطلع على هذا ويكسر هذا ويرمي ذا

حتى مواعين المطبخ ماهانت عليه يفتح الدواليب ويرمي الصحون

تكفون ابلاقي حل عندكم وربي حتى نوم مو مخليني انام
قلق 24 س اعوذ بالله

وثاني شي في نومه خفيييييييف مره عنده استعداد ينام ساعتين طول اليوم وباقي اليوم لعب وخراب عادي عنده ..

واذا نام يصحى من ادنى شي لو ابوه سوى قربعة برى الغرفة فز يبغى يروح يشوف وش السالفة ماينام الا بعد قلة حيا قسم بالله اقعد من ساعتين الى 3 ساعات تقريباً اقعد ارقد فيه

لاوكمان حركته كثيرة حتى لو الظلام دامس
مايردعه ابد يقعد يقفز ع السرير


واذا نام .. هاه .. تعااالوا شوفوني انا

اقعد ادور النوم يمين وشمال .. خلااااااااااص يطيييييييييير نوووومي

والمشكلة انا انسانه رقيقة وهادية وناعمه مو من طبعي اكون عصبيه .. بس صراحة بعد ولدي صار يستفزززززززززني قسم

وصرت اعصب عليه واضرب << طبعاً بشويش
بس لاحياة لمن تنادي يزيد يتملعن

جنني ياناااااس وربي ببكي

من امس مانام الا 3 ساعات وعليها لاهو الي نام ولاهو الي خلاني انام بيأذن الفجر وهو لسى صاحي

تكفووون ساعدوني خلاص بنجلط:25:
​

 

[التفاحه الخضراء]

الله يعينك ويهديه نصيحتي اكثري من الدعاء له
ان شاء الله البنات مايقصرون بالنصائح

 

[عمرالشقا]

يااااااربيه الله يعينك ويصلحه..شوفي انا سمعت ان السكريات تعطي طاقه اذا انت من النوع اللي يعطي ولده شوكلاته احرميه منه .. خففي اكله لشوكلا.. اذا جت اساعه اربع العصر انسي تعطينه.. عشان ينام بالليل بنت عمي بنفس مشكلتك وراحت لدكتور وقال لها كذا احرميه من الشوكلا والاشياء اللي فيها سكر..

 

[هـي ..} ~]

وعليش السلام والرحمة والاكرام
الله يخليه لش اول شيء
ثاني شي مافي حل الا تقفلين على مطبخش او ارفعي الصحون القزاز
بالدواليب اللي فوق
ويمكن السكر له دخل اول مرة اسمع هذي المعلومة بس يمكن
لو مثلا تشترين له بسكليت وتخلينه يلعب بالحوش اسفل وابوه معاه
يرجع البيت وهو هلكان ومايمديه يعس شيء .

 

[خلآص...!]

اولاد الحين اغلبهم كذا
عندنا وعندك خير
والله ماارتحت الا الحين يوم وصلت بنتي ثلاث سنوات وشوي توني ارتاح منها
هي شقاوه وسهر وخراب اوووه تعبت اعصابي على طول اصارخ واضرب صرت عصبيه توني عرفت اهدا​

 

[أسمى الأماني]

هههههههههه تذكريني ببنتي
كل الأطفال كذا كلنا بنطلع عن طورنا بس الحمد لله دامهم بصحة وعافية غيرهم ساكتين و تخافي من سكوتهم و هدوءهم و تقعدي تلفي المستشفيات عشان يقعد ينطط قدامك.....

شوفي لازم تخرجيه على طول حديقة مكان مفتوح خليه يركض يلعب يطلع طاقته
كل الأطفال كذا وكل الأمهات زيك اطمني.....قترة و تعدي ان شاء الله

في المطبخ عندي الحاجز الامن في ايكيا و في سنتربيونت ينباع يقدر الطفل يشوفك بس ما يدخل المطبخ عندك
خليه عنده العاب كصيرة ومتجددة و روحي ابو ريالين شيليله كمية منهم وبين فترة و فترة خبي الالعاب و طلعيها مرة ثانية راح يحسب انها جديد و يستانس عليها.....


وربي يحميه لك ويرزقك اخوانه يااااااااااارب

 

[ساحرة العيوون]

ربي يسعدكم جميعا

بالنسبه للشوكولا والسكريات اي وربي اعطيه

واعطيه مهلبيه وكريمه توي ادري يمكن يكون هو السبب بشقاوته

ونشاطه خخخ

اممم:15:
هي..} كلامك حلوو ههههههه

عجبتني فكرة البسكليته خخخ

عنده سيارة صغننه بس يطفش منها 5 دقايق وقام

خلآص....

الله يعين انتظر باقي سنة ونص ههههههههه

ع بال مايكمل 3 سنين ربي يعين

اسمى الاماني

كلامك عسل ياعسل

استفدت منك

وعجبتني حيل فكرة الحاجز حطيتيه براسي

ربي يسعدكم جميعا

وانتظر تعليقات الباقين ان شالله يفيدوني اكثر

تشكرات
​

 

[بنت شماليه]

هههههههههههههههه
الله كنك تتكلمين عن ولدي نفس الشي
لاعاد انا اثنين البنت والولد مصارعه عشان ينامون
وجاي الدور على الفنعوصه الثالثه والله عمرها ثلاث شهور ماتنام بس تبي احد يشيلها
شاقين القاع وطالعين بسم الله عليهم
امي صارت تكره نتجمع انا وخواتي بسبب عيالنا احررررراج

 

[ام أمجد]

ياعمري عليه الله يحفظه ويخليه يارب زي بنتي ان شاءالله اذا كبرو شويه نرتاح من شقاوتهم

 

[% أميرة الورد %]

كنت اقول متى بنتي تكبر وتعقل

وماادري اشبها كل ماتكبر تزيد شقاوة وجنون

في رأيي الحياة جهاد وكفاح

اعطيه حنان واهتمام
واشتريله العاب يفرغ طاقته فيها >> صلصال ـــــ> مالي شغل لو عدم الدنيا لازم تكوني معاه
بسكليت واي العاب حركية

الله يهديهم ويصلحهم يارب

 

[ياقوتيه]

[B][/B]هههههههههههههههه ضضحكتيني لما ثلتي يفز يبي يشوف شو السالفة هنته الله يحفظه هذا طبيعي بس النشاط الزائد بسبب الحلويات والسكريات تزيدها خففي منها والله يعينك

 

[قلب يحيا بالأمل]

ياقلبي الله يهديه ويصلحه لك ويبلغلك فيه كل خير يارب
انا صارت عندي نظرية انو الطفل من وقت مايبدأ يحبي الين يكمل السنتين والنص اعتبريه شي بدون مخ>>قمة الجونان والقربعة في دي الفترة لدرجة تحسي انك بتكلمي نفسك
لكن سبحان الله بعد السنتين والنص يبدأ الطفل يهدأ شوية ويبدا تستهويه الالعاب الجماعية ولمة الاطفال
فإذا عندك جارة عندها اطفال خلي ولدك يروح عندهم او هيا تحيب ازلادها عندك
وعلى حكاية المطبخ حطي الباب الخشبي وخليه يلعب بالملاعق الخشب والصحون البلاستيك >>ترى دي هواية كل البزورة
الله يرزقنا طولة البال و يعيننا على تربيتهم يارب

 

[حلاتي بجمالي]

الله يعين ياشيخه ولدي كان كذا وكل مايكبر يتجنن شوفي الحين عمره 4 سنوات ماينام الا خلاص تعبان من كثر الشقاوه الزايده> وجات اخته خخ وكملت النقص عمره 3 شهور تبغا احد يشيلها اربع وعشرين ساعه واذ نامت من ادنا شي تصحى يعني عندنا وعندك الخير الله يصلحهم ويهديهم يارب
امي كانت تقول لي عن اخوي الكبير تقول كان شقي مره وكانت تستحي تروح عند الناس من شقوته والحين لو تشوفينه عكس > هادي و حنون وطيب لو تطلبين منه شي مايرد عليك الا من عيوني الله يحفظه ويخلي عياله له يارب