تكفين دكتوره ابي حل وبي فزعتكم وصلت مشكاتي للطلاق

حبيبتي بنت فاطمه مشكوره جدا كلامك فيه شي من الصحه لاكن فيه تعليقات على بعض الامور واختلاف الاراء لايفسدللودقضيه
حبيبتي قبل اقراء رسالتك
سكرت المحمول وجلست افكر
كيف احل مشكلتي
لاني دايم احل مشاكل اللي حولي واعجز عن نفسي
فكرت اني اذا بعدت عنه راح يلهى عني
واذا خليت العيال عندي الجو بيصفى له وبيتزوج
وماعندي مشكله بزواجه المشكله فيني مطلقه وعندي 3 من راح اتزوج
ولو خليت العيال عنده بيشغلونه بس انا بيضيق صدري عليهم
فقلت في نفسي اكون عنده قريبه وبعيده يعني
راح ارجع للبيت وراح اخليه ينام بغرفه ثانيه ولا اسوي اي شي له ابدا كنه موموجود
ولا راح اجلس معه مع انه قليل يجلس بالبيت وبكون مع عيالي ونسبة الصلح بينا ترتفع بس راح ارجع واكلمه زي اول بشروط
اهو راضي او اخلي عياله عنده وانا ببيت اهلي
انا عارفه لو اجلس اسبوع بس زوجوه يبونها من الله وذاالوقت تخافين من الزواج كل رجال اردى من الثاني عطوني رايكم بحلي
 
أحسني أتألم من اللي صار
إذا الزواج يسمونه العشرة والمودة والرحمة.. وينها عنهم مايدروا عن معانيها؟!!!
من يبوا يعوض زوجاتهم الحرمان اللي يعيشوهن أياه

يعني ماصارت كذا عيشه مره معه وتذبح

يعني هذولا مايخافوا الله !!

حبيبتي أدعي ربي يسخره لك إذا طلقك وتزوج بيزيد همك هم
وإذا خلاك وتزوج بيزيد همك
وإذا رجعتي بيزيد الهم
فكل حالاتك هم
واللي يخونك معها لها رب ياخذ حقك منها ومنه
ولا تحسب نفسها بمفازة من العذاب
مصيرة يتعرف على غيرها واايد
أصبري وبالدعاء يتغير كل شي
فرج الله همك
 
أكبر غلط إنك تكلميه، الشي الصح إنك تبدئي تدوري على وظيفة ايش ما كان راتبها عشان تقدري تستغني عنه ماديا، هذا أول شي، لأن أغلب النساء بتمارس الضغوط النفسية عليهم بسبب احتاجيهم لمعيل.
ثاني شي، أولادك قدام عينك ومعاكي وأهلك واقفين معاكي لأنهم أكيد ما يرضو المذلة على بنتهم، يعني سند لكي بعد ربنا.
ثالث شي، فكري في نفسك، إيش هدفك في الحياة، سعادتك فين، وما أعتقد إن أي أنثى ممكن تكون سعادتها في رضا راجل ما يقدرها.
وعيدي حساباتك، ليش خانك، ايش الي يبغاه وما عرفتي تعطيه هو؟
في أشياء في قصتك ماهي كاملة، يعني مثلا ايش كانت ردة فعلك على الخيانة، وليش طلقك مرتين قبل كده، وكيف رجعتي له، التفاصيل هذه كلها أكيد لها علاقة بالوضع الي وصلتي له اليوم.
وعلى فكرة، زوجك إنسان ضغيف طالما بيلجأ للعنف والضغط النفسي، وحيفضل يستخدم الأسلوب دا معاكي طول ما إنتي بترضخي للضغوط الي بيفرضها عليكي، إرفضي الوضع دا وإرفضي إنك تستسلمي لأي ضغط، الراجل مو هو كل شي في الحياة هو جزء منها المفترض فيه إنه يكون السند ويكون مصدر الإحساس بالأمان وإذا ما كان يقدر يعطي الشي المفترض إنه يعطيه فماله لزمه، الحياة فيها أشياء كثير تغنيكي عن واحد بالشخصية هذه.
قبل ما تفكري كيف ترضيه أو كيف ترجعيه فكري كيف تلاقي نفسك، كيف ترجعي إحساسك بيها، كيف تكوني سعيدة (على فكرة السعادة إحساس ينبع من داخلنا وأساسه التصالح مع الذات، يعني تكوني صاحبة نفسك وتحبيها وتخافي عليها لأنه مافي أحد حيخاف عليكي او حيحبك قد نفسك)، إذا عرفتي تلاقي الأشياء هذه بعد كده الباقي سهل.
هو معتمد على ضعفك أمام أساليب الضغط النفسي الي بيمارسها عليكي، لا تعطيه الي يبغاه.
أتمنى يكون في كلامي شي يفيدك، الله يوفقك ويهدي بالك يارب.
 
شنو هالذل ؟؟ ليش يا اختي ؟ لا حول ولا قوة الا بالله .. ريال يقول لزوجته اذا عندج كرامه لا تدقين و خلي ربع اخوانج ينفعونج و و و .. وانتي دازه له مسج عتب وتقولين له رجعني ؟؟
اللي يقبل ينهان مره ينداس الف مره اختي .. اي رجعه لج بدون كرامتج .. وقدام اخوانج ؟ وسب هلج ويعاير امج ؟ اي كرامه ؟
وتتعذرين بعيالج ؟؟

مرات بعض الحريم اسمحي لي يستاهلون اللي يصير لهم .. اذا تبين رايي عزي نفسج وكرامتج .. وخلي الموضوع بيد اخوانج الرياييل .. لان شكلج مالج كرامه قدامة يمكن اخوانج يقدرون يحافظون على اللي بقى منها بعيه .. هاي لو بقى شي ..
 
قطـــــريه قال:
شنو هالذل ؟؟ ليش يا اختي ؟ لا حول ولا قوة الا بالله .. ريال يقول لزوجته اذا عندج كرامه لا تدقين و خلي ربع اخوانج ينفعونج و و و .. وانتي دازه له مسج عتب وتقولين له رجعني ؟؟
اللي يقبل ينهان مره ينداس الف مره اختي .. اي رجعه لج بدون كرامتج .. وقدام اخوانج ؟ وسب هلج ويعاير امج ؟ اي كرامه ؟
وتتعذرين بعيالج ؟؟

مرات بعض الحريم اسمحي لي يستاهلون اللي يصير لهم .. اذا تبين رايي عزي نفسج وكرامتج .. وخلي الموضوع بيد اخوانج الرياييل .. لان شكلج مالج كرامه قدامة يمكن اخوانج يقدرون يحافظون على اللي بقى منها بعيه .. هاي لو بقى شي ..
أنقر للتوسيع...

وأهلها ماذلوه وضربوه وعايروه؟؟!!!!


أستغرب لم النظر من زاوية واحدة للمشكلة!!!


لا تخربون على الحرمة الله يجزاكم خير


أختي أحاسيس المهم ترجعين لبيتك وبأسرررررع مايمكن


أما الطريقة فأنت أدرى بما يناسب زوجك


مثلا أنا اقترحت تكلمينه وانت اقترحت ترجعين البيت مع احتفاظك بزعلك


يعني انت شايفة هذا يناسب طبع زوجك أكثر إذن نفذيه قورا


لا تتركينه لأهله وللتفكير بالإهانة اللي صارت له عند بابكم


ترى والله العظيم هو انهان أكثر من إهانتكم يكفي انه رجال وانضرب قدام زوجته


ووالله لو واحد غيره كان طلقك بلحظتها وماانتظر


فالحقي على بيتك وعيالك قبل يطير طيرك ويخليك


وطمنينا عن اخبارك


.

​
 
عزيزتى احاسيس انا مع الاخت بنت فاطمه انصحك بعدم التسرع بالطلاق فكرى واستخيرى واستشيرى وبعدين قررى وحاولى تتنازلين شوى ترى البيوت ما تهدم الا من العناد
الله يوفقك يا حبيبتى
 
بنت فاطمة قال:
أختي أولا أنت في كربة فتقربي من ربك وأكثري من الدعاء​

ومن القربات إزالة هذه الصورة العارية والعياذ بالله​


ثانيا لا تلتفت لمن يحثك على الطلاق فأنت لست موظفة ولديك أطفال يحتاجون مصاريف ورعاية..
زوجك إن لم تتداركي أمرك سيتزوج ويرسل لك ورقة طلاقك وأهلك إن احتملوا أطفالك يوما فلن يحتملوهم دهرا..​

فهل ترضي أن يتربى أطفالك مع زوجة أب؟؟​

اسمحي لي أنت وأهلك أخطأتم بحق زوجك كما أخطأ هو بحقكم​


إذن الخطأ مشترك فلا تتنصلي منه​


كان يفترض ألا تنزلي أمام زملاء أخيك طالما زوجك غيور وأنت تعرفينه فلم استفززتيه؟​


ثم حين غضب من ذهابك للسوق وجاء لبيت أهلك غاضبا لماذا كنت سلبية وتركتيه يشتبك مع أخوتك؟​

لو كنت مكانك لنزلت وركبت معه وسترت نفسي وأولادي من الفضائح أمام الناس..​


ولتعلمي أن زوجك الآن ينتظر اعتذارا منكم كما أنتم تنتظرون اعتذارا منه​


كيف لا وقد ضربه أخوك بحديدة؟؟​

ونادته أمك بالحمار؟​


لو كان هو فقط من أخطأ وأنتم تركتموه لقلنا انتظري اعتذاره لكن أنتم قابلتم الخطأ بخطأ​


واحمدي الله أنه لم يطلقك حين ضربه أخوك أمامك وحين لقبته أمك بالحمار​


إذن زوجك لازال متمسك بك فتمسكي به​


اتصلي به وقولي كلنا أخطأنا وأولادنا لا ذنب لهم واقصري الشر ولا تتكلمي بأحداث المشكلة حتى لا تستفزيه فيحقد عليك بسبب أهلك...​


الوقت ليس في صالحك فكلما طالت المدة كلما بردت مشاعره تجاهك ونمت مشاعر الحقد لديه..​


لذا سااااااااااااااااااارعي قبل أن تخسري زوجك وبيتك​



وفقك الله​


.​
أنقر للتوسيع...

أختي أنا مع الأخت لأن الخطاء مايزرع إلا الخطاء حاولي ترسلي له رسالة أعتذار أو أعياله إيكلمونه لعله يحن أسأل الله العظيم رب العرش العظيم أن يفرج همي وهمكن أنه هو السميع القوي العزيز .​
 
الم الرووح قال:
شوفي يا عيوني انتي قلتيها اهانك واهان اهلك ..
ولو بترجعين له بدون ما يعتذر بيهينك اكثر واكثر .. وراح تصير فضايح
لان زوجك الله يصلحه ما يستحي .. والا يجي عند باب البيت ويدعي ويسب
ويضارب بعد .. وشو ذا والله لو ان اهلك اعدائه .. وحتى لو ما يبيهم ما يصير المعامله كذا
تصير رسميه مره ..
يا اختي لا تتصلون عليه فتره ريحي عند اهلك واطلعي معهم وفكري خليها فتره مؤقته .. ولا تتأملين كثير
فيه لانه قالك اللي بيننا انتهى , وهو ناويها من اول ..
واذا على عيالك اهلك موجودين وما بيقصرون معهم وربي يحفظهم لا تخافين عليهم .. بس اهم شي انتي الا الكرامه ما تنداس يا اختي..
ادعي وقولي يا رب اذا كانت رجعته لي فيها خير وحياة كريمة تسهلها لي .. واذا كان فيها شر لي وفيها
حياة تعيسة تبعدها عني ..
ربي يسخر لك كل خير حبيبتي وعليك بالصلاه في الثلث الاخير من الليل والاسغفااار ..
قلبي معاك يا عسل .. دعواتي لك ..
..
أنقر للتوسيع...


نفس رايي اختي اشوف ان المسايسه دليل غلطك انتي ..
انتي ما غلطتي علشان تعتذري و تسايسي ... وهالنوعية من البشر اذا شافوا الحرمه ضعيفة ذبحها اما اذا شافها قويه وقف عند حده و احترمها ...و اهلك الله يسخرهم لك و لعيالك ولا تشيلي هم العيال استودعيهم دائما عند الله ...

اسال الله العظيم ان يصلح الحال و ان يكتب لكي و لعيالك افضل الاقدار ..

وان كان زوجك خير لك و لعيالك اسال الله العظيم انه يردكم الى بعض ردا جميلا ..​
 
والله انا مع نواره والم الروح

اختي الحبيبه بنت فاطمه

الرجل اللي مثل زوج الاخت صاحبة المشكلة رجل لايستحق الاحترام والتقدير

ورجعتها له مابتزيدها غير ذل وقهر وانكسار

نقول للزوجة ارجعي لزوجك لما نلمس بوادر صلاح او استعداد بسيط للتغير

لكن هالرجال داس بكرامتها الارض بتقولين امها واخونها

هم ماتحركوا الا بعد مااعترض طريقهم وهددهم وفضحهم وكلمته لأمها قويه

محد لفاكم غيري خيييييييييييييييييير ؟؟ لو عنده اعتراض كان من الاول والا المسألة مسألة معاير اعوذ بالله

اي واحد عنده ذره كرامة ماراح يقبل باللي صار لها ولا صار لأهلها

الام والاخوان مايتعوضون بكنوز الارض والرجال بداله الف غير محسوف عليه اذا كان من هالنوعيه

الزوج له احترامه ومحبته وقوامته على عيني وراسي لكن توصل انه يذلها ذل عبوديه لا ويدعي

عليها ويتحسب ويتعرض لها ولأهلها اسمحي له مكانه اقرب نفايات

التساهل في هالأمور ماينفع لازم تحط حد وتكون واضحه معاه
 
تدرون قعدت افكر ولقيت ثغره اونقطة ضعف عند وستغليتها
ارسلت له رساله وقلت تعال خذ عيالك كلهم عندك وانت ربهم
ارسلي اني ماراح اشوفهم
رديت عليه قلت خلهم عندك لمل تمل وتجيبهم ولو ابيهم لي حق شرعي
اهو متوهق عيالي اذا بعدو عني وصارو معه مايبون احد ابد
قال برسل مصروفهم وخليهم عندك قلت لا
قال بجيب شغاله اندونيسيه اجار
يوم قاله طقني جني تعرفون اندونيسيه وصاحبة البيت ماهي فيه بتجيب راسه
ارسلت له والله لوتدخل شغاله ببيتيبرسل لك الشرطه والهيئه
لانك جالس مع حرمه لحالك مع عيال قصر
حسيت بعدها تادب وصاريرسل رسايل اني وش تبين اسوي لهم
حرام عيالك يبونك لاتخلينهم وسيله ضغط
قلت اهم عيالك
اذا تبيني تعرف اشلون ترجعني
وقال وش تبين قلت له شروطي ولازم يجي لهلي ويكلم ابوي ويعتذر عن حركته اللي سواها
قال لا قلت تحمل ماجاك
خذ عيالك وجب ورقتي
لاني اكتشفت من زمان ان الحرمه اذا ذلت عمرها للرجال داس عليها
هذا قراري الاخير ماودي ابعد عن عيالي
بس كرامتي فوق كل شي
 
فديتك اختي احاسيس تصرفك عين العقل

خليك كذا شفتي كيف بس حس بقوتك تهدم كبرياءه وغروره وعنجهيته

والله وعرفتي كيف تتخذين قرارك ماعاد ينخاف عليك حبيبتي بس خلك صامله

ولاتفرطين بكرامتك وباذن الله قوتك بترجع لك حقك وحق عيالك
 
مرحبا الغاليه..
حبيبتي لا ترجعين الا وانتي رافعه راسك والا بلاها منها هالرده اصلا الا الكرامه يا قلبي والاحترام بين الزوجين اهم من الحب
واذا على عيالك لا تخافين انتي ما بتقصرين معاهم ولا اهلك باذن الله
وانا ضد الاخوات اللي قالوا لك طرشيله مسج وحنني قلبه لا يا قلبي لا تذلين نفسك خلك عزيزه ورافعه راسك
وتوكلي على رب العالمين عليك بالصلاه والدعاء
الله يسهل امورك ويفتحها بوجهك
انا ما اقول ان الطلاق حل بس الصبر زين صبري شوي عند اهلك وفكري عدل واستخيري وربي يوفق للي فيه الخير
بس بالنسبه لي عزيزتي لازم يعتذر ويحس بخطاه لازم لازم زالا بترجعووون لنفس الموال
والله كريم
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل