تكفى ترى تكفى تهز الحريم -ساعدووووووووووووووني

ر

رموز عشوائيه

New member
إنضم
2008/09/01
المشاركات
114
السلام عليكم ورحمت الله وبركاته


الله يخليكم يابنات والله اني محتاجه مساعده منكم ومشكلتي هي-

اني عرفت ان زوجي يكلم بنات بالمسنجر وانا ماخبرته بشي ومسويه نفسي ماادرى عن اي شي وانا عرفت هذا الشي لان محادثاته محفوظه في المستندات وهو مايدري وكل يوم اقرا محادثاته واشوفه متعلق بوحده مررررررررره وانه يتهلف بها ويحبها والله واضح عليه يدخل المسنجر في وقت دخولها حتى لو مايناسبه الوقت ويتبادل معها الصور والمشكله ان هذي البنت نفس عمري (كبري)وعندها بزران كبر عيالي وهي مطلقه -والله انا محتاره مرررررررررررررررره ايش اسوي --زوجي حبوب وطيب وعلى نياته معطيها كل بياناته صحيحه -والله زوجي يعاملني معامله حلوة ويلبي كل طلباتي ودائما يقولي والله اني اموت فيك وهذا واضح من افعاله -وانا والله ماقصرت عليه بشي كل شي اوفره له بقدر المستطاعوالله اني احبه واقدره واحترمه واضبط حالي دائما واتزين له كاني عروس (يمكن ماتصدقوني بس والله هذي شهاده زوجي يقول انك تهتمين فيني وتهتمين بشكلك 0بس انا الحين محتاااااااااره مره كيف اتعامل مع الموقف الحالي
فكرت بكذا فكره بس ماا\ري اخاف اقدم على اي فكره واندم بعدين

فكرت اولا-اني اخبره واوريه محاثاته المحفوظه وازعل عليه كم يوم ولا ارضى الالين يكلمها قدامي ويقول لكل البنات اللى عنده انه مايحبهم وانه يلعب عليهم وانه يكرههم وان جميع البيانات اللى اعطيتها لهم كاذبهوالصور مو صوره ويحذفهم ويقول لهم انه راح ينشر صورهم (انا مابيه ينشر صورهم بس يهددهم ويبين لهم انه مايحبهم علشان يكرهونه ) ومن هذا الكلام -

الفكره الثانيه -اني انصحه بطريق غير مباشر ولا اخبره اني عارفه بشي يعني اقول له الحمد لله فيه رجال يكلمون بنات ويمكن البنات يسحرونهم واقوله ياويلهم من ربهم مايخافون الله -يكمن يطلع معها ويمسكونه الهيئه والله راح يدمرون حياته-واقوله مستحيل يستمر الوضع بين الرجال والبنت على المكالمه بس اكيد راح يطلع معها وانه اذا طلع معها راح يرتكب الفاحشه يمكن يموت يجيله حادث وكيف تكون حالته ويمكن يمسكونه ويضيع مستقبله -ومثل هذا الكلام


وافكره الثالثه -انا اعرف كلمه المرور لااميله ادخل على اميله واكلم البنات وخصوصا اللى يحبها واتكلم عليها كاني زوجي واهزاها واقول انك حقيره واني العب عليك ومااحبك ومافكره احب هذي الاشكال واني راح افضحك ومن هذا الكلام--



والله اني محتااااااااااااره وضايق خلقي من جد ودائما ابكي واحاول ما ابين لزوجي اني ابكي علشان مايعرف اني داريه -

الله يخليكم ساعدوني والله اني تعبانه نفسيا 0

انا يوم حصلت لي هذي المشكله على طول سجلت في منتداكم لاني اعرف انكم ماراح تبخلون على بمساعداتكم وهذى اول مشاركه لي في المنتدى 00



انتظركم بفارغ الصبر



اختكم صاحبه الحزن المخفي
 
اول خطوه سويلج ايميل مشابه لأيميل البنت يعني نفسه بالظبط وظيفي زوجك فيه بس فرق حرف وااحد واختاري حرف ماينلاحظ....وظيفيه على الايميل وقوليله انا رح اتزوج وماقدر ادخل اكلمك ((بس تابعي اسلوب البنت عشان تقدرين تقلدينها)) وبنفس الوقت عطي البنت بلووك من الايميل ومن المسنجر عشان لورسلت شي مايوصل له ............

يعني تخلصي من البنت بدون ماتقولين له .. لانه صدقييني المصاارحه مارح تفيدك بلعكس بيزيد بس بيكون حرص بشكل اكبر
 
اختي العزيزه عجبني فيكي عقلك ورجاحته والحمدلله طالما ان هذا راي زوجك فيكي فلا تخافي توكلي عاللع انا مع خطتك الثانيه (مبدايا)وهي الوعظ غير المباشر ولكن اذا لك تفدك شيئا فعليك بالخطه رقم 3 ماشاء الله عليكي طالما شهادتك بزوجك انه طيب وعلى نياته فحاولي شده اليك مجرد ما شعرتي انه على المسنجر ويريد محادثتها افعلي المستحيل لتبعديه عن الكمبيوتر حتى لو اضطررتي لتمثيل المرض والاغماء اي شيء المهم خربي عليه لقاءه فيها وحتى الشوق غلاب اعطتك حل جيد جدا توكلي على الله والله يوفقك زوجك ليس سيئا ولكن بنات الحرام كثيرات.....................
 
مشكورات خواتي على الرد بس انا ودي اكلم البنت باميل زوجي بس انا خايفه ان زوجي يعرف اني انا اللى كلمتها والله مااعرف كيف افعل
 
أعجبتني مررره فكرة صديقتنا الشوق غلاب
تنفعك لو ماكان بينهم تلفونات
لو كنت مكانك كان سويتها بلا تردد
فالمواجهة معه بتخرب علاقتكم
والمواجهة معها ماتنفعك بالعكس يمكن تضرك لانك ماتعرفين وش نوع هالبنت يمكن تعاندك وتطمع فيه وتدخل معه بقوة وتضحك عليه وتخرب عليكم علاقتكم وتحرضه عليك دامه طيب وبعدين حتى لو اكتشف انك تلاعبتي بماسينجره مع ضعف هالاحتمال لا تخافين هذي رسالة له انك عرفتي لكنها رسالة مؤدبة تكفيك شر المواجهة .
 
يااختي مبارك عليك الشهر والله انك عاقله باين من كلامك ونصيحتي لك انك ماتكلميها من ايميله لأنك

تنكشفي ممكن يكلمها بالجوال وتقوله لكن انا عجبتني الفكره الثانيه بس قوليه وحده من صاحباتك

اكتشفت زوجها يخونها وقولي له الحمدالله انت ماانت زيهم وانك ماانتي عارفه ان صاحبتك كيف

مستحمله وعايشه معاه وانك لو محلها تتركيه هذا رأيي ومعليش اذا الكلام مو مفهوم لأني مستعجله.
 
سوي الفكره الثالثه وتوكلي على الله


اصلا حرتك ماحتبرد لين ما تلعنيييييييييين خير بنت ابليس ذي
 
أنا من رايي ما تستعجلين, وفكرة انك تصارحينة ما راح تحل المشكلة ويمكن تعقدها زياده
ابدئي بصلاة الإستخاره وادعي ان ربي يهديك سبيل الرشاد ويسخرلك من يرشدك
ابحثي عن استشارية في الشؤؤن الأسرية وخليها تساعدك وتشيرك صدقيني هذا أفضل من انك تتصرفين من نفسك
أسأل الله للجميع التوفيق والفرج
 
الله يكون بعونك حبيبتي بس انتي لاحظي من كلامه معاه هل وصلت علاقتهم لمكالمات جوال والا بس ماسنجر

وذا بس ماسنجر ادخلي ايميله وكلميها على انك هو حاولي تبعديها عنه باسلوب جاف فقط الين ماتكره

علشان ماتشك وتقوله

ما بالنسبه لزوجك اشغليه عن النت قد ماتقدري بمشاوير معاك ولاتخليه عالنت لوحده سوي قهوه وحلى

واجلسي جنبه علشان ماتعطيه فرصه تطور علاقتهم وتقوى واحنا الان برمضان ذكريه دايما بالاعمال

الصالحه والبعد عن المحرمات في هالشهر الكريم واتسابقوا انتي واياه بختم القرأن وصلاة التراويح

واقرأي معاه كتب دينيه عن الانبياء والصحابه او ممكن انتي قرأتي قصة احدهم اذكريها له خاصة

قصص عن العفه والنزاهه صدقيني راح يتأثر ويحس بالذنب هذي فرصتك برمضان شهر الخير

ومااوصيك بالدعاء باوقات الاستجابه وكثرة الاستغفار بنية ابتعاده عن البنات كلهم وان شاء الله

تسمعينا اخبار حلوه قريب والله يسعدكم ومايشوف بالدنيا الا انتي
 
انا حصل لي نفس الموقف زوجي مايفهم كثير بالنت كل الي يعرفه المسنجر وما يعرف ان المحادثات تكون محفوظة عشان كذا انا اعرف كل كلمة يكتبها لبنات الحرام وسويت نفس خطتك دخلت على اميلية وكلمت البنت على انها اهو زوجي وهزأتها وقلت لها انا خلاص ماابيك ماابي وحده حقيرة مثلك وكان ردها بالمثل وانها بعد ماتبيه ومش ميته عليه وفعلا افتكيت منها لكن مشكله زوجي مش متعلق في وحده معينه مشكلته انه يمل من وحده الى وحدة
 
والله يصبرك اختي ويصبرني ويصبر كل اللي مثلنا ياليت نقدر نفتح موضوع للزوجات اللي خانوهم ازواجهم ونتحاور مع بعض ونتوصل مع بعض لحلول وخطط لكي نعيد ازواجنا الى الصواب وش رايكم
 
نسيت اقولك اختي لازم تعرفين الباسورد لزوجك صدقيهني هذي الطريقة ناجحة جدا
 
]كل عام وانتي بخير ماتصدقين اني حصلت لي نفس المشكلة وانا الان تعبت نفسيا بس يمكن اقدر اقول اني تخلصت من المشكلة تقريبا بطريقتي وكان اكثر شي يقهرني انها وحدة بس وخفت يتعلق بها او انها تعلق فيه لانه قايل لها معلومات حقيقية بس حاولت اشغله قد ما اقدر عن النت واتعذر اني محتاجه النت ضروري ويخليه عندي وخصوصا انه كان يكلمها لما يروح للاستراحة وفيه شي ثاني انه بدا معها يوم كنت نفاس عند اهلي لكنه استمر بعدين وكان اكثرشي يكلمها في الخميس والجمعة عشان كذا مستحيل اخليه ياخذه في هذي الاوقات وهالحين قريب من الشهر تاركها وانا لمحت له ان فيه شي مشغله عني وانا من جيته وانا كاشخه له وملبية كل طلباته وسالته اذا شايف مني شي اوني مقصره عليه بش وكان يقول بالعكس وهذاشي اقدر امسكه عليه بعدين ان شاء الله لما ينساها نهائيا بس هالحين مشكلتي ماني عارفه طريقه ابين له اني كنت داريه بكل شي دار بينهم عشان مايستغفلني مره ثانيه لا سمح الله وخصوصا انه هالحين مسح كل محادثاته بالجهاز الله يكون في عون الجميع ان شاء الله
 
الله يعافيكم خواتي على المساعده

بس اختي زوجه خائن ايش الباسبورد والله ماادري وشو ياليت توضحين الله يخليك

اللهم اهدي زوجي الى طريق الحق المبين امين

لا اله الاالله

اخواتي الله يخليكم كيف الاقي استشاريات اسريه وي الاقيهم الله يخليكم
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل