حبيبتي انا بصراحه ما قريت كل الردودلكن ابي اقول لك كلام وارجوك لا تزعلين علي.
اولا حنا نجيب ناس اجانب ما نعرف عنهم اي شئ ونسلمهم الجمل بما حمل. اسالك بلله الشغاله وش وظيفتها عندك بالضبط؟ الظاهر لي انها هي اللي مسئوله عن كل شئ بالبيت يعني من غير شر اخذت مكانك بالبيت وحتى انها اخذت مكانك عند رجلك حلالك. اللي ابي اقوله انك انت اللي سمحت لهذا الشئ يصير من دون علمك بهذا. مع انك موظفه, حاولي تعيشين من دون شغاله , انا عارفه انه صعب لكن مهب مستحيل, اولادك خليهم عند اهلك او احد ثقه وشغل البيت نظمي نفسك وبيمشي الحال.
ثانيا انت يا اختي ومن كلامك ساخطه على كل اللي تعرفينهم وكارهه كل احد وكل شئ حتى نفسك وحظك. اهلك و عزوتك ساخطه عليهم .شوفي نفسك بطريقه ثانيه . يعني شوفي الايجابيات اللي فيك واكتبيها وعددي الانجازات اللي حققتيهافي حياتك وقربي لربي اكثر بالصلاه والدعاء.صدقيني بتتفاجئن بالنظره الجديده لنفسك. انصحك انك تغيرين حياتك بالكامل للاحسن. شوفي الدنيا بطريقه مختلفه. شوفيها اكثر ايجابيه واكثر تفاؤل وصدقيني راح تاثرين عل كل اللي حولك بهذي الايجابيه ومن هالناس زوجك وابو اولادك.
ثالثا وزوجك ولوكان بهذا السوء, لابد فيه بعض الحسنات اكتبيها بورقه وحاولي تعززينها فيه. وانت ما ذكرت هو يشتغل او عطال؟ اذا يشتغل خليه يصرف هو على البيت وخليه يتولى بعض مسؤليه الاولادطبعا بالتدريج والكلام الحلو مهب بالدفاشه و الهوش. املي راسه بالكلام الحلو والمدح. الرجال يموتون بشئ اسمه مدح انا اعرف ان هذا صعب عليك لكن توكلي على الله وحاولي اول مره بيكون صعب لكن بالاستمرار و تكرير المحاوله بتقدرين وهو راح يتقبل منك هالكلام اكثر.
رابعا وهو من اهم الاشياء اشتغلي على علاقتك بزوجك, واشتغلي على اعاده الاحترام بينكم. لاني اعتقد ان الرجال اذا ما حس باحترامك له بالكلام والافعال ينجرح بكرامته و يتصرف بطريقه يحاول يثبت فيها لنفسه انه رجال( علاقته مع الشغاله في حالتكم) انت قلتي انكم (تشابكتو بالايدي) و هذه مهب طريقه لحل المشاكل و ما فيها اي احترام لبعض. الله يكون بعونك وعليك بالصبر.
