تكفوووووووون الابره التفجيريه واعراض الحمل

ا

ام لمويه

New member
إنضم
2011/03/26
المشاركات
156
انا اخذت حبوب منشطه من ثاني يوم الدورة لمدة خمس ايام وفي اليوم الثالث عشر للدورة عطتني الدكتورة ابره تفجيريه بعد مالقت ان البويضه حجمها 19 ولي الان من اخذت الابره اسبوع بالضبط
عندي اسئله واتمنى تجاوبوني عليها كلها
س1 / مامدى نسبة نجاح الحمل بعد اخذ الابره التفجيريه ؟
س2 / البويضه متى تتلقح بعد هالابره ؟
س3 / ويش الاعراض اللي المفروض احس فيها الان بعد مرور اسبوع من اخذ الابره ؟ هذا اهم سؤال
س4 / كم عمر البيويضه القابله للتلقيح ؟ ( يعني من تكون اوكي الين تختفي كم يوم )
س5 / هل لزيادة الوزن علاقه بحجم البويضات وعددها واحتماليه حدوث الحمل ؟
لاني اول ماتزوجت كان وزني 80 وحملت على طول والان وزني واصل 112 ورحت اكثر من مره للمستشفى القى حجم البويضه مره 16 ومره 14 ومره ثانيه 16 وبعد اخذ حبوب الكلوميد زاد حجم البويضه واصبح 19 ففضلت الدكتوره ان اخذ الابره التفجيريه اتمنى تريحون بالي خاطري احمل بنتي الان عمرها سنتين
ردوا علي وان شاء الله يعدي هالاسبوع الطويل علشان يبين الحمل وان شاء الله النتيجه ايجابيه وبالتالي ابشركم
ريحوا بالي بردودكم
 
اسأل الله العظيم رب العرش العظيم ان يريح بالك ويرزقك الذريه الصالحه ياااارب انا ماعندي خبره بالأبر التفجيريه بس دائماً اسمع ان زيادة الوزن تسبب ضعف في البويضه انا خبرتي أجهاضات بس الله يتمم ويعوض ويرزقك ياااااارب
 
اختي ان شاءالله اقدر اجاوب على اسئلتج بما اني جربت الابر التفجيرية كذا مرة :
مامدى نسبة نجاح الحمل بعد اخذ الابره التفجيريه ؟
يعتمد على عوامل عده ، يعني انا مثلا صارلي استعمل الاابر التفجيرية من كذا شهر بس الحمدلله على كل حال ماصار حمل ، وفيه حد من الحريم تنجح معاهم من اول محاولة .
س2 / البويضه متى تتلقح بعد هالابره ؟
بعد الابرة التفجيرية تقولج الدكتورة المفروض ما يصير جماع بينج وبين زوجج قبل 30 ساعة عشان بعدها تكون البويضة مهياة للتلقيح وعندج بعدها الثلاثين مدة 24 ساعة هيه مدة حياة البويضة .
س3 / ويش الاعراض اللي المفروض احس فيها الان بعد مرور اسبوع من اخذ الابره ؟ هذا اهم سؤال
ممكن يصير الم في الخاصرة مثل ماصار عندي ، اسفل البطن على اليسار وهو الم ما احس فيه في الاحوال العادية لكنه مش دليل على انه صار فيه تلقيح ولا لا . وممكن مايكون فيه الم .
س4 / كم عمر البيويضه القابله للتلقيح ؟ ( يعني من تكون اوكي الين تختفي كم يوم )
البويضة تعيش 24 ساعة فقط على عكس الحيوان المنوي ممكن يعيش 72 ساعة
س5 / هل لزيادة الوزن علاقه بحجم البويضات وعددها واحتماليه حدوث الحمل ؟
نعم ممكن تكون له علاقة قوية ، كثير من النساء تطلب منهن الطبيبة تخفيف الوزن عشان فرص الحمل تكون افضل .

يارب يرزقج ويرزقني ويرزق كل من تتمنى الذرية الصالحة يارب


 
ام لمويه خيتوو طمنينا شصار معاج؟؟؟


ان شالله حامل امين يارب العلمين


​
 
للحين ما اعرف والله باقي اسبوع على ماتجي الدوره وادعوا لي مشكلتي انا عارفتها وهي زيادة الوزن اخاف تكون عائق للحمل والله يستر
ادعولي بس
 
يارب يارب يارب ارزقنااااااااااااااااااااا ياااااارب يالرحييييييييم ​
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل