تكفووون ردوا علي بسررررعه الله يدخلكم الجنه ...

[الانسكاب]

السلام عليكم ورحمة الله وبركاته

ربي يسعدلي ايامكم

موضوعي باختصار وارجو الرد علي بسرعه قبل لا يجي زوجي

الموضوع ومافيه ان زوجي طلع من الدوام اليوم وقلتله بتنام العصر قال لا مواعد لي رجال
المهم طول العصر جالس عند التلفزيون وقبل المغرب بنص ساعه او اقل اتصل عليه صاحبه
وطلع ومالبس شماغه لاني قلتله شماغك قال لا ما ابيه شويات وراجع ان شاء الله
والحين الساعه 9 اتصلت عليه قلت وينك ؟!
قال انا في الملعب اشوف مبارا الهلال والشباب !!!!!!!!!!!!!

طيب بتقولون مافيها شي
طيب ليش ماعطاني خبر انه بيتأخر ؟!
وانا من امس اقوله طفشانه بطلع ووعجني نتعشى برا ..
وامس طلع مع واحد من اخوياه ويوم شفته تأخر اتصلت عليه قلت وينك قال بتعشى مع رجال
ومازعلت امس ومشيت الموضوع بمزاجي
واليوم ما قال لي ويوم دقيت توه يفكر يخبرني !!!!

اي وحده بمكاني وش بتسوي خصوصا اذا كان زوجها شمالي
بسرعه ردوا علي قبل لا يرجع​

 

[وصية رسول الله]

أقــــــولك حقيقه مــــــره طول ما انتي تركضين ورى الروحه ماراح ترومحين وتطلعين وتتمشين

اسمعي ولاتستغربين : لاتحاكينه في الموضوع نهاااائي واذا فتحه اضحكي وقولي الله يهديك ههههه اول شيء بيسكت ثم يرجع يعيد الكلام لو بعد قتره وممكن يسألك يقول انقهرتي؟ ... انتي سوي نفسك عااااادي بس قولي كم كلمه وانتي تضحكين

مثلآ حسبتك على وعدك هههه
أو خلفت وعدك ونسيت شماغك بعد هههه

وابدأي الخطه تكشخي وتزيني وسوي نفسك مشغوووله
وراح يجي ويقول تبين نطلع. سوي نفسك تفكرين ثم قولي مدري بكيفك .. ( معليش اضغطي على نفسك ) وتراه بيجي لو يعد يومين ويقول يالله

ترى أنا اكلمك عن الشمالي طول ما انتي تلحقين وراه تبغين شيء مو ضروري مثل طلعه ولا عشاء ماراح يستجيب بسرعه

بس انتي قولي له ابغى كذا وبعدين اشاغلي عليه لبس واهتمام من تحت لتحت عشان مايحس انك تسوين كذا عشانه ....
وإن شاء الله يصير اللي تبغين
​

 

[ضوء القلب]

اغلب الرجال كذا اذا لقى اصحابه نسى احبابه .الله يعين الاصحاب صايرين ضراير لنا هم من جهةياكلو الوقت والجو وحنا من جهة ما لنا غير الحبسه .
اتفقي معاه على يوم يكون مخصص لكم بس بدون تلفون او مواعيد .

 

[الانسكاب]

هلا بك يالغلا ..

انا مو قصدي اني ابيه يطلعني ويمشيني
انا بس ابي اعرف ليه ما يعطيني خبر انه بيطول براااا
وليش اساسا يطول برا ويتركني بالبيت واحنا مالنا 3 شهور متزوجين
ما اقولك انه دائما يطلع ويتركني لا والله
بس تجيه حركات ترفع الضغط ..
طيب اذا بيطول يتصل ويقول انا بطول من ينتظرني انا اتصل واسأله ليش انا يكور موجود بالبيت
والله من القهر اتكلم ..
شوروا على وش الاسلوب اللي ينفع معه ..​

 

[.PRADA.]

تذكرتك كنتي دايم تكتبين مشاكلك مع خطيبك يحليلك تزوجتي <<< مبرووووووووووووووك

انتي مشكلتك انك مخليته حياتك كلها تبينه كل شي يقولك اياها , تبين تصيرين في باله 24 ساعه وماتدرين انك تحرقين نفسك وهو مبسوووووووط مادرى عنك .

شوفي ياقلبي زوجك ما ينفع معه الا التطنيييييش , اذا طلع لا تدقين عليه ولاشي انسيه وانشغلي بنفسك .

اذا شفتيه طلع وطووووووووول ارسلي له مسج (حبيبي وينه؟) >>> بسسس

اما اذا كنتي تبين مشوار او طلعه اطلبيها مباشرة من غير لف ودوران , اليوم بنروح للمطعم الفلاني او السوق الفلاني .
لاتقولين وشرايك ومدري ايش تراها ماتنفع معه
​

 

[الانسكاب]

ههههههههههه يالبى قلبك يا برااادا

الله يبارك فيك >> الله يسعدك زي مااسعدني ردك

 

[فنر66]

عزيزتي بردي اعصااابج و لا تزعلين إذا ما خبرج لأنج جي بتخلينه يطفش و يعاند زيادة وياخذ عنج فكرة انج نكديه زوجي تقريبا نفس زوجج شمالي و اوقات يسوي حركات ترفع الظغط مثال مش متعود يغيب من البيت للكلية للمسجد للدوام للبيت و فجأه يوم من الايام يروح يصلي و يتأخر و ما يرجع و ادق ع تلفونه كم من مررررة و ما يرد و أسال اهله ويانا بالبيت يقوولون ما يا عندنا و مييية فكرة و فكرة تودييييني و تيييبني ...أأأأأأأأأأخ اخر شي يطلع الاخ مع حد من ربعه و صار الموظوع فجأه و محطي التلفون كالعااااده ع الصاااامت و نفس الشي لما يروووح الدواام لما اسأله ليش حاطه صامت يقول ما احب الازعاج يقصد صوت التلفون ... و عادي اتصل فيه و يررررد بعد وقت طوييييييل علي و احيانا اكون نايمه ... فأقوله توه الناس بس بدون عصبيه لاني تعودت عليييه و اساسا ما قمت اتصل وايد فيه ...
و سابقا كان لما يرجع من برع يقعد عند اهله و انا ما ادري انه عندهم و اقعد احاتيييه وااايد و اقول وين راح الريال ماله بالعاده و بعدين اكتشف انه قاعد مستانس برع وزعلت وايد بسبب هالحركة وفهمته ايي الغرفه يطمنني انه ف البيت وبعدين يقعد عندهم لكن شو كانت النتيجه سوالي طاف و نفس العاده فطنشت الموظوع بعد يأس و تعودت على حركااااته ...
مشكلتنا بداية الزواااج نلصق لصقة بالريايييل و نخليهم محور حياتنا و لكن لما نجيب العيال ننشغل تماما عنهم (طبعا ليس الكل ) خلونا نكون وسط أحسن ...

 

[تشكرات]

أنا من رأي الأخت برادا يعطيها العافيه واياك أختي صاحبة الموضوع

 

[نضوج أنثى]

الشمالي مايحب يقول هو وين طالع ولا من وين جاي ولا يحب تسألينه هو من نفسه بيجي يتكلم لو ماشاف منك فضول ولا يحب تزنين في طلباتك والطلعات تقولين رغبتك مره وحده وهو يبدأ يماطل من نفسه بيجي يقولك يلا لا تتحسسين طنشي مو لازم يقولك بيتأخر ولا بيروح وين ريحي بالك

 

[الشام شامي]

نعم يا حبيبتي طنش تنتعش والله ازا بدك تدققي راح وما قالي وتاخر ولا علمني بدك تتعبي كتير والله انبسطي بالنت والتلفون مع خواتك واهلك وترتيب البيت وازا عندك اولاد باولادك ولا تخلي لشيطان باب للهواش بينك وبين زوجك انا عم بتكلم معك على تجربي انا اول ما تزوجت كنت متلك كتير ازعل من هالاشياء وبعدين والله صار ما يطلع من البيت وهو بقولي قومي طلعك انا اقولو لا ما ابي الله يسر امرك ويصلحنا جميعا

 

[ياحظ وينك]

انا اشوف ان الموضوع عادي مايحتاج للزعل
عادي اشغلي نفسك باي شي يعني لاتحسسينه انه اذا طول عنك هاذا الشي ينررفزك لانه بيستحليها
عاااااااااادي خليها واذا على الطلعه عادي اذا مو اليوم بكره .. لاتزعلين نفسك