انا متزوجه من سنه واربع شهور ومتزوجه رجل مطلق قبلي وعنده ولد عمره سنتين الموضوع ومافيه اني تعبت وندمت على زواجي من هالشخص بسبب ولده برغم انو زوجي يحبني ومايقصر عني بشي من الناحيه الماديه طبعا بس هو مو عارف انا وش اللي ناقصني
يابنات انا ماكملت شهر من زواجي الا قالي زوجي بجيب ولده عندي بحكم انو امه راميته ماتبيه وابوه متعلق فيه فما بغيت افرق بين الولد وابوه ورضيت فيه وربي يشهد اني عاملته احسن معامله وحتى رفضت انو يجيب شغاله بس اللي انصدمت فيه انو زوجي اهملني عايش بالبيت مع ولده وبس حتى بالنوم ينوم ولده بيننا وانا توني عروس ماقدر مشاعري ولااحتياجي للنومه مع زوجي وانو الزوجه تحتاج لحضن زوجها
صبرت على هالحال لين حملت وحتى وانا حامل ينوم ولده بيننا والولد كبير وشقي مره ويرفسني بالنومه شي طبيعي لين تركت الغرفه لهم بحجة اني اتعب من نومة السرير وانا من القهر اللي اشوفه
المهم ولدت ورزقني ربي ببنوته ومن رجعت من الاربعين وهو نفس الوضع ماتغير شي توقعت انو بيشتري لولده سرير يبعده بغرفه ثانيه الولد كبير وفاهم كل شي وبنفس الوقت تعرفون المرأه بعد الاربعين تكون محتاجه لزوجها ومحتاجه ترجع ايام العسل بس هذا اللي مالقيته واللي يقهرني انو زوجي مافكر فيني برغم اني دايم المح له انا مشتاقه للنومه بحضنك يجي يضمني شوي ويتركني المهم مليت منه ومن ولده وكرهت حتى غرفتي اللي كسرها ولده ولعب فيها غير اني ماحس بحريتي الشخصيه فيها وتركت الغرفه وصارلي ثلاث شهور انام بغرفه لوحدي انا وبنتي على الارض واللي قاهرني انه مافكر فيني ولاعليه مني اهم شي عنده ولده وبس وربي كرهني فيه وفي ولده صار مايجيني الا اذا بغى شي يجيني يتميلح ياخذه ويروح اقوله وين تروح نام معاي مشتاقه لحضنك يقول ولدي مااقدر اخليه ينام لوحده
وربي اني احيانا بعد المعاشره ابكي لااني ماصرت احس بأي مشاعر احس اني بالنسبه له جنس وبس يطفي فيني شهوته ويتركني مايفكر بمشاعري واني مثلي مثل اي زوجه محتاجه تنام بسريرها جنب زوجها مو كل شي الجنس الزواج اكبر من كذا
والله يابنات اني كرهت زوجي وكرهت ولده اللي متعبني وربي اني ندمانه اني اخذت رجل عنده ولد لانها معاناه مايحس فيها الا اللي جربها
ادري طولت والله اللي بقلبي اكثر من كذا انا مجروحه لدرجة صرت افكر بالانفصال عنه لاني حسيت انه تزوجني عشان ولده مو عشاني
تكفوووووون ابي آرائكم ونصيحتكم لي لاني تعبانه نفسيآ وانا حاليا عند اهلي مدري وش اسوي وكيف اتصرف مع زوجي؟؟؟
والله مدري شقولك حاسه فيك من جد بس ماحبيت اطلع الا كاتبه لج دعوه
مالي االا الدعاء
يابنت الحلال انا من عظم الي شفته من زوجي اقول يتعلق بولده لو عنده ولد مثل حالتك ولا خوياته والخيانه احر بكثير وربي وربي ياقلبي انتي حاسه فيك بس انا حابه اخفف عليك لو تقرين مشاكل البنات تهون عليك مشكلتك لاتضيعين بنتك مالها ذنب انا اقول مدام يصرف عليك ومومقصر خلاص تحملي مصيره ولده بيكبر وبيستحي من نفسه
يمكن كاسر خاطره لبعد امه عنه فا مايبي يحسسه بالهشي ويبي يعوضه عن حنان امه انا من رايي تحملي وطنشي ولاتبيني لزوجك ان هالموضوع مضايقك وصدقيني بيبطل هالشي لان بعض الرجال المساله عندهم عند عنيدين بشكل كبير خليك طبيعيه وربي يسخره لك ويوفقكم ويحميكم من كل شر
يا قلبي عليك شوفي أول شي خلي الولد يتعلق فيك وبعدين غرفتك لالالالالالالالالالالالا تتركيها واذا كسر أي شي الولد على طووووووووووول اطلبي من زوجك يجيب غيره على طوووووووووووووووووووووول والغرفه اللي تنامي فيها سويها غرفة نوم لبنتك ولولد زوجك يعني سوي غرفه كامله بالدولاب والأسره وغيره وخلي فيها العاب يلعب فيها الولد وحطي فيها تلفزيون وقنوات الأطفال عشان يقدر الولد يستغنى عن أبوه يعني فكري كيف تخلي الولد اللي يترك أبوه لأنه زوجك لو شاف انه ابنه بدا يستغنى عنه أكيييييد بيرجع لك هو بس ما يبغى يحسس الولد بالوحده بس الله يخليك طلبتك لالالالالالالالالالالالالا تطلعي قهرك في الولد وخليك مثل أمه وجزاكي الله خير على تربيته
انا أتوقع ان ابوه يظن انك ماتحبين ولده فيقول بينه وبين نفسه اللي ماتبي ولدي ماتبيني ... يعني يفهمها من هذا القبيل وتلاقينه كل مايقرأ قصه عن مرة ابو سوت في اولاده كذا وكذا يشن حمله عليك ... فالمطلوب منك انك ماتكوني سلبيه وتاخذك العزة ... المفروض تواجهي المشكله وتتعاملي مع الطفل بكل حنيه واقتراح الأخت لمار حلو جدا ..
انتي خليتيه يكسر الغرفة ويطردك منها وهو عمره سنتين ..؟؟ !!
وهذا عين المستحيل ... الطفل ماطردك انتي اللي سحبتي نفسك ...
سوي اللي قالته الأخت لمار ولما يصير الطفل يفهم طلعيه من الغرفه واتقي الله فيه عشان ربي يوفقك مع زوجك ..
اتركي الكبت والكتمان وصارحي زوجك لما تشوفين انه صار لابد انه يخرج من الغرفه لأن هذا من صالح الولد ...
واذا كان لابد من الشغاله .. ليش ترفضين خليه يجيب شغاله وفهميه ان الشغاله ماراح تكون احن عليه مني لكن على الأقل تقوم بأعباءه ...
وأوصيك مرررررررره ثانيه اتق الله بهالولد وبيني لأبوه انك تحبيه لأن الطفل ماله ذنب أبوه هو اللي جابه ونومه بجنبه .. وأبوه شاورك من البدايه وانتي وافقتي ... والحين تلومين عليه .. وش تبينه يسوي ؟؟ ينوم ولد عمره سنتين بغرفه لوحده ؟؟!! أكيد لا .. انتي نومي الولد ونومي بنتك بعدين استمتعي بوقتك مع زوجك ....
كلنا زوجات وامهات ماننام الا اذا ناموا أطفالنا .. وبعض الأحيان ناخذ الأطفال اذا مارضيو ينامو ونطلع من الغرفه عشان ابوهم ينام ..
فالأمر طبيعي ويتطلب منك الحكمه في حله والحزم
لا تزعلي مني لأني كنت صريحة شوي .. صدقيني كان بإمكاني اقولك بس حل مشكلتك لكني اريد لك خير الدنيا والآخرة وصدقيني الآخرة أهم ..!! فلذلك حرصت عليك من ناحية معاملة الولد لأن الانسان قد يغفل في بعض الأحيان عن اجور عظيمه تعرض له ولا يستغلها ..
واعلم والله اختي انه امر صعب ( لأن حنا أمهات يالله نتحمل أطفالنا وشقاوتهم الله يصلحهم ) لكن صدقيني ينتظرك خير عظيم في الدنيا والآخره
بالتوفيق اختي ..الله يوفقك ويرجعك لأحضان زوجك ... شوية سوء فهم ووجهات نظر .. ان شاء الله يزول
جزاك الله خير يوم انك تقبلتي الولد فهذ يكفي على انك طيبه بس استخدمي ذكاش يوم انك تشوفي ربط حريتك اعتبريه ولدك وعامليه كولدك وفرضي نفوذك واوامرك كاي ام واحضنيه قبل ما ينام مثل الام حسسيه انك امه خليه لما يكبر يحس انه ما فقد الام الحنون وبان ربي عوضه عن حناان الام هو ولد صغير وزوجك حنون عليه يمكن لانه ما شاف منك دور الام او انه حس بانك مسويه حاجز بينك وبين الصغير او شافك الخاله الطيبه السطحيه ما شاف تعمقك بحبه العبي معه وبيني حبك له قدام زوجك ليه يتطمن لك ويرتاح لمعاملتك له لا تخضعي لاوامر الولد الا انتي افرضي اوامرك عليه مو بالقسى بس لمصلحته ولو قدام ابوووه لا تهتمين لابوه قولي له هذ ولدي وانا اللي اربيه مو انت انا امه ردديها وايد حتى تترسخ بباله وربي يوفقك
آختي لوليتا العسل آشكرك على مرورك يالغاليه جزاك ربي كل خير جايز فيه مصايب اكبر من مصيبتي والله يصبرني
آختي لمار9994 المشكله غرفتنا صغيره مافيه مجال وبنتي صغيره عمرها 6 شهور مااقدر انومها لوحدها حتى سرير لها ماجاب وانا وربي من كان ولده ينام جنبنا كنت بالعكس حاسه بالذنب تجاه الولد وكنت اقرب منه وامسح على شعره بس الولد مره عنيد ومايبي احد هذا اللي تاعبني انا لو الولد يسمع كلامي وسهل التعامل معاه كان وربي لاانومه بجنبي لو من الجهه الثانيه واحضنه هو وزوجي مع بعض بس انا اللي متعبني ولده تخيلي ابسط شي اذا جيت اسبحه والا اغير له وربي اني كنت اضمه واشيله بس تخيلي كان يبصق بوجهي ويضربني طنشت قلت بزر بس تعبت يعني لو انو ولدك كان تهاوشينه تضربينه ضرب تأديب لانو صعب الولد يضرب امه صح بس مااقدر اضربه ولااقدر اقوله اي شي لااني لو بسوي اي شي معاه ماراح يفسر على اني امه وبربيه بيفسر على اني مرة ابو ونجسه وفيني ومافيني عشان كذا لما شفت الولد مايبين بعينه الحنان طنشت وصرت اقوم بواجبات الولد واغير ملابسه واغسلها بس من بعيد لبعيد ماعاد احتك فيه كثير لااني صرت عصبيه من حبوب المانع واخاف اذا ضربني الولد او قل ادبه معاي اخاف اتصرف تصرف اندم عليه عشان كذا وربي اني امسح بصاقه من وجهي وامشي اروح للغرفه ابكي تخيلي انو ابسط شي تسويه الام مع ولدها ماني قادره اسويه
ع العموم مشكوره اختي لمار9994 على ردك اللي يعنيلي الكثير وربي يعافيك ويوفقك ويسعدك
حبيبتي..طبيعي حركات هالولد لاانه اكيد كل طفل يحتاج امه هي اتلبسه واتحممه انتي بلاول حبيبيه فيك انتي تعرفي الطفل يحب الشخص الي يجبله العاااب.. خووذيه لحديقه نساائيه ولعبيه... وزوجك قووليله انه تحتاجينه اكثر من اول وانه الولد يفهم وصعب انه انيمه بينااا..لان الطفل بينسخ كل شي برااسه<<بينيله انه موو من صالح الوولد ينااام بينكم وان الطفل يعزل بغرفه عن امه وابووه لصااار عمره سنه.. وخليه يعمل غرفه له بالاعاااب وانتي قبل لايجي زووجك خووذي الولد ونيميه..وسويلك جووو بلغرفه وحاولي انه يناام من دون طفله.. الااااااا ماايتعوود زووجك ع النوم بدوون طفله
اختي بالخير نسمو بالعكس زوجي يشوفني احب ولده ودايم يقولي الله عوضه بأمه وكان يقولي انا اشوف انك احن عليه من امه وربي ماعمري بينت له ان ولده مضايقني وكنت اقوم بواجبات ولده واهتم فيه حتى وانا حامل وتعبانه ماشكيت ولاتذمرت منه برغم انو الولد لو احكيلكم عن شقاوته ماتصدقون الولد محد رباه ضاع بين ام وابو وكان فتره قبل يتزوجني عند جدته ومدلعته يعني الولد مااقدر اتفاهم معاه يعاند بشكل تعبت وانا اعلمه الصح والخطا وهذا عيب يابابا بس مايفهم وش اسوي وانا صايره عصبيه ماعاد اتحمل حتى بنتي اللي عمرها 6 شهور احيانا لاعصبت وهي تبكي ضربتها بس ولد الناس مابي اضربه بس كيف اربيه وابوه تربيته فاشله مره يضحك معاه ومره يضربه اذا اخطأ والولد يزيد بعناده واذا تقولين انتي وافقتي انه يجيب ولده وين تبينه يوديه اذا امه تخلته عنه انا مارضيت انو ابوه يتخلى عنه لاانو الولد ماله ذنب بس انصدمت فيه ماتوقعته بهالشقاوه
انا احس اني ابتليت فيهم زوج مهملني وولد متعبني ماادري وش اسوي
الولد ادري ماطردني من الغرفه بس انا اللي تعبت يعني تخيلي قبل يوم كنت انام بالغرفه يرفسني برجلينه ويضربني حتى ابوه يلاعبه شوي بعدين يقلب على ابوه يضربه ويتهاوش معاه يعني بدال ماانام يصدع راسي من الازعاج وماانوم بنتي الا قامت من صراخه وازعاجه والله اني حاولت اتقرب من الولد كثير ودايم احاول انومه معاي بس الولد ماينام الا مع ابوه
انا والله لو انه ولده ماخليته ينام معانا بنفس السرير اقل شي اسويله فراش على الارض معانا بنفس الغرفه انا اعتبر الولد مثل ولدي ولايرضيني ينام لوحده بس محد فاهمني ولااحد حاس فيني
انا ابيها تجي من ابوه هو اللي يبعد الولد يحط له سرير يعلم الولد انو غلط النومه معانا لانو وضعي انا حساس ودايم المح لزوجي انو هالشي مضايقني ومحتاجه انام بحضنك ودايم اذكره بشهر العسل اللي ماطول كله اسبوع بس اللي قاهرني انه ماهمه ولاعليه مني اذا بغاني لقاني واذا بغيته انا ماالآقيه؟؟؟؟
انا ادري انو الآجر اهم والآخره أفضل من الدنيا ومافيها بس انتي عارفه انو الرب سبحانه جعل من اساليب تربية الزوجه وعقابها هجرها في الفراش تدرين ليه؟؟؟ لأنو يكسر في نفسها آشياء كثيره وانا احس اني مكسوره عاطفيآ والنفسيه اهم شي حتى علاقتي مع زوجي بدت تتغير بدت المشاكل بيننا وصرت اهمل نفسي وزوجي والسبب هالشي مآدري انا معاي حق اني افكر بالموضوع هذا والا اني معطيه الموضوع اكبر من حجمه؟؟
لاني صرت افسر عدم نوم زوجي معاي انه مايحبني ومايبيني واهم شي عنده ولده ومااخذني الا عشان ولده حسيت نفسي مثل الشغاله اقوم بواجباته هو ولده ومالي حق اطلب شي حتى ابسط حقوقي
اختي ربي مايحرمك من الجنه لأنك ماحرمتيني من مرورك العطر
والله يوفقك ويسعدك ويعطيك كل اللي تتمنيه وشاكره دعوتك لي والله يسمع منك
