والله يااختي نصيحتي انك تبذلين**جهدك وتسعين بكل الطرق حتى تسترجعين زوجك .. حكاية انك تتطلقي وتشتتي عيالك مو حلوة في حقهم .. لان زوجك حالة مو مصعبه ومعقدة ومو حلها الطلاق بالعكس زوجك حله بيدك .. وسوي اللي عليك واللي تقدري عليه باستعانة رب**العالمين ووكلي امرك اليه وصلي الليل وادعيه وترجيه واستغفري ماعليك شي لو استغفرتي بعد كل صلاه 100 مرة وكل ماحسيتي انكي بضيق استغفري وادعي بعد كل استغفار باللي تبينه وركزي باوقات الاستجابه .. والله وحده سبحانه هو القادر على كل شي .. والا احنا مابيدنا نسوي شي الا الاسباب .. وانتي عليك الاسباب والله يعينك ويفرج عليك .. اولا لازم تغيرين من نفسيتك .. انتي اجلسي مع نفسك بهدوووء ولا تجلسي تعاتبي وتتنكدي وتنقهري .. اسألي نفسك وش الشي اللي دايم يدور بنفسك .. راح تلقين انك متنكدة ومهمومه وضايقه ومظلومه ومغمومه ودايم تبكين وتنتقدين وتعاتبين واذا شكيتي لاحد ماعاد اهتملك ووحيدة .. اللي عليك انك تغيرين هذا كله وهذا اساس****حل المشكله اذا نفسيتك ماتغيرت مستحيل تحلين مشكلتك .. لازم تقرري انك من اليوم ورايح ترمين هالانسانه النكديه ورا ظهرك وتصنعين انسانه بروح حلوة تجذب زوجك .. اللحين بالله عليك تتوقعين ان زوجك بيجيك وانتي دايم مكتمه ومتنكدة وبكاء وهم**.. والله بيهرب لمكان يلقى راحته مالقى راحته عندك والله واسفه بس خليك صريحه مع نفسك ولا تدافعين عنها .. قوليها**لنفسك وبصريح العبارة ان**زوجك ماهرب الا من نفسيتك النكديه مافيها شي .. من هاللحظه عاهدي نفسك بانك تكوني انسانه مرحه وبشوشه وتصنع اشياء تسعدها وان**السعادة عندك مو عندة .. ثقي بنفسك وقوليها بنفسك انا قادرة اتخلص واحل المشكله باذن الله اعزمي انك تتغيري ولا تسمحي لشي ينكدها .. اولا تعاملي مع زوجك من بعيد وبلطف**.. مثلا يدخل البيت قولي هلا والله ومسهلا وابتسمي له.. جالس لوحدة جيبي له شي عصير شاي قهوة واعطيه وقولي عافيه وبوسيه بجبينه وامشي عنه مري عليه مرور خفيف وقولي احبك حتى لو طنشك قالك شي ازعجك **طنشي طنشي طنشي لا تهتمين والله لو تشيلين بقلبك على كل كلمه وربي بتموتين .. حسسيه انك مبسوطه والعبي مع عيالك خليه يسمع ضحكتك ولعبك ابدعي بالحلويات وسوي معها قهوة واعزميه .. لا يمر عليك يوم الا وانتي سعيدة حتى لو مع عيالك تبسطي معاهم .. حتى هم من حقهم ينبسطو .. روحي المشغل قصي شعرك اصبغي شعرك باللي دارج هالسنه وشوفي اللي يناسبك .. اهتمي بجسمك وببشرتك وجهك كل يوم سويله تنظيف وغسول حتى يصفى جسمك رطبيه بالكريمات والزيوت حتى لو كانت بسيطه ورخيصه .. نظفيه بالحلاوة .. اسنانك اهتمي فيها ونظفيها .. تعلمي كيف تحطي المكياج .. لا تلطخي .. لا لا هذا مايجذب الرجال خليك ناااعمه .. سوي حواجبك وكحل وروج او مرطب شفايف وبلاشر .. مافي احلا من هالمكياج .. اشتري ملابس ناعمه مثلا بجايم بناتيه وفاتحه فساتين قصيرة بناطيل وبلايز ناعمه خليييك شياكه وناعمه على طول حتى لو معك شغل وبزارين عادي مافيها شي .. اشتغلي نظفي وانتي كاشخه ومرتبه .. خلصتي شغل نيمتي عيالك روحي تسبحي تنظفي حطي من هالعطور والكريمات رتبي شعرك البسي شي حرير واذا هو جالس وحدة روحي بوسيه وودعيه انك بتنامين .. وشوفي كيف ينقبض قلبه وراك .. طبعا البيت بعد ملجأ للرجال .. خلي بيتك نظييف استخدمي مع المطهرات اشياء عطريه تفوح بالبيت رتبي الاثاث وبخري بيتك ورتبي عيالك .. حتى الاكل لازم تتعلمي اشياء جديدة .. مثلا اذا مايحب ياكل معاكم .. علميه من بدري ترى غداك عندي شي بيحبه قلبك .. سوي له ليله مساج نيمي عيالك .. رتبي الغرفه جيبي زيوت مساج عطري الغرفه حطي شموع او انوار خافته .. قوليله تعال ابيك .. دخليه خليه يخلع ملابسه ابدي مسجيه وتقربي منه بوسيه بوسات خفيفه اذا وصلتي لوجهه خليك خفيفه عليه مسجيه وبوسي وقولي احبك واسكتي منه وقولي انك اشتقتي له واسكتي ولا تكثري هرج .. وكل هذا بهمس .. وان شاء الله يحس فيك ويتفاعل معاك **.. وبعدين فيه حركات المداعبه تفنني فيها وابحثي عنها بالنت ولا تفاتحيه بمشاكلكم خليك بجوكم.. واذا جاء وقت النوم نوميه على صدرك وامسحي عليه حسسيه بالحنان.. والله يختي بقولك شي وخليها قاعدة عندك اذا سويتي كل هذا ومع الاستعانه بالله .. علشان ترجعي زوجك هذا يعتبر انجاااز ويعتبر انك انسانه قويه قدرتي تجيبيه .. لا تقولي انا ذليت نفسي وبهذلتها وكرامتي راحت بالعكس انتي جالسه ببيتك مكرمه معززة اللهم انك بمشكله وبإذن الله راح تزوول .. اللي انذلت صدق اللي تخليه لغيرها وتركته وراحت تعيش بغير بيتها وشتت عيالها ولا انجزت شي بحياته معناته انها ضعيفه لا تظن انها قويه وتقول بطقاق بخليه ومدري ايش بالعكس هذي ضعيييفه .. انتي فيك خير وحبي نفسك قبل زووجك .. اهتمي فيها ثقفي نفسك علميه انك تعلمتي اشياء جديدة لا يشوفك انك مجرد ربة منزل كئيبه وحزينه .. بالعكس زوجه ربة منزل جميله روحها حلوة ماتعرف الحزن والنكد مثقفه بشوشه تحب زوجها وتعرف كيف تمتلك قلبه .. انتي لا تعطيييه اهتمااام كبير ولا تهمليه بالمرة .. خليك معتدله معه .. اهتمي بملابسه عطريها اكويها ارسلي له انك مشتاقه له .. وابذلي جهدك بانك ترجعيه لك .. اذا حسيتي انه رجع لك ولعياك وشفتيه يجلس ع الجوال كثير عاتبيه انه لكم وقت والجوال له وقت وحدود .. حسسيه انك مهمه بحياته .. مثلا اذا رحتي لاهلك .. لا ترسلي له خليه يفقدك ويفقد صوتك وحركتك والله بيشتاق لك .. والله يسهل عليك ويرده لك ويسخره لك يارب ويهديه ويصلحه ادعيله بالهدايه كثير ..