تكفون يا بنات الي عندها حل تلحقني فيه

[ملكه باحلامي]

السلام عليكم ورحمة الله وبركاته باختصار يا بنات بلقيس انا سمعت ان الحلبه بعد الحمس زينه للشعرومن زود الشطاره والسنع رحت حمستها بالبيت وانا الي كنت اكره شي اسمه حلبه وحتى والله بالنفاس عمري ما شربتها او استخدمتها الحاصل اني مدري وش جاني هذاك اليوم وحمستها بعد الطحن وياليتني ما حمستها ريحتها عبت البيت تكرمون كانها ريحة بول انسان كبير وكرهت بيتي وسويت كل شي بس ما في فايده غسلت جدران البيت بالكلوركس وفتحت الشبيابيك وابخر باليوم ثلاث مرات وكل ما دخل علي احدقال ريحة البيت مو حلوه وانا اليوم صارلي اسبوع ما غير امشي واتشمشم باليت وداخله طالعه اشم ادري كثرتها عليكم بس مالي بعد الله غيركم انا بانتظار ردودكم اسعفوني جزاكم الله خير

 

[خبالي غير]

اختي جربتي تدخني البيت بلبان الدكر تراه يشيل الريحه القويه...

الله يعينج...

 

[ملكه باحلامي]

يعطيك العافيه اخت خيالي على ردك ايوالله انا جربت البان بس للاسف ثاني يوم من التبخير رجعت الريحه اشكرك على ردك

 

[الزين القصيمي]

طيب جربي تحطين من البخوور الأصلي الغالي أكييييييد بتروووح ..

وأشتري لك ورد فل ووزعييه بالبيت كله في كل مكان وشغلي المراوح وفتحي الشبابيك علطوووووووووووول ..

وإن حصل الأبواب .. وأدعي ربك تروح الريحه يااارب تروح حاسة بك ..

 

[ملكه باحلامي]

الزين القصيمي يالبا قلبك واشكرك على اهتمامك تخيلي اليوم عندي عزومة حريم وبخرت بخور من الزين وشغلت فواحه من زهور الريف وقسم يوم سالتهم انحرجوا قالوا اي شمينا الريحه بس استحينا نقولك وش ذي الريحه مو عوايدك بيتك له ريحه قسم بالله جتني البكيه الله يصبرني يارب

 

[شموخ رغم الجراح]

جربي تغلي الخل في البيت وامسحي الارضيه بخل اوحطي في ارجاء البيت كاسات صغيره فيها خل وخليها راح تمتص الريحه

 

[ابي اسجل وبسس]

والله انا كنت بالصاله واقرى قصتك من جوالي ..و جوالي ما اقدر ارد منه
وجت دخلت المنتدى مخصوص عشانك
يقول المثل
"داوي المريض باللتي كانت هي الداء"
خليكي مشغله اكثر من فواحه بنفس الريحه يعني مثل ما خنقتي البيت بالحلبه اخنقيه بالفواحه ههههههه
والله سويها طول الوقت خلي الفواحات شغاله ان شاء الله خمسين فواحه ...حطيها في كل ركن وفي كل مكان ومثل ماقالت الاخت "شموخ رغم الجروح" كل يوم اول ما تصحين سوي حركتها وبعدين شغلي فواحاتك

وبقولك شي وبصراحه ممكن الريحه علقت بالاثاث مو بالجدار ولا الارضيه ..حاولي تغسلون اثاثكم كله ودوه للمغسله او غيروه مره وحده ...وان شاء الله تروح الريحه

 

[ملكه باحلامي]

اخت شموخ واختي ابي اسجل مشكوره على ردكم واهتمامكم وانشالله بسوي الطريقتين ويارب ينفعوا جاكم الله خير

 

[آمانيهـآ كبآر]

ماقول غير الله يعينك ويصبركك