تكفون يا اميرات انصحوني ..؟!

[ana ajnn]

السلام عليكم ورحمة الله وبركاته

مســآئكم ورد

والله هذي اول موضوع لي لاني فعلا حسيت اني محتاجه نصيحه من خوات مجربات وفاهمات

ندش بالموضوع ع طول

انا بنت تقدم لي شاب الحمدلله فيه كل المواصفات زينه (ان شاء الله) بس المشكله الوحيده انه نفس عمري يعني كبري وانا اشوف ان هذا الشي عائق بالنسبه لي لاني احس انه ما راح يملي عيني
اهلي عاجبهم الولد وايد وخاصه ان اهله ناس طيبين

وانا الصراحه ماني صغيره استخرت ثلاث مرات بس وربي محتاااره:dunno: اتعرفون كلام الناس ما يحتاج اقولكم

ما ادري شرايكم يا اميرات


اتمنى كل وحده تخلي نفسها مكاني وش راح تسوي؟؟؟؟؟؟؟؟؟

الي ترد علي الله يوفقها وينور عليها بقبرها .......

 

[قوة امرأة]

غريب امرج يا اختي تفكرين في كلام الناس !! ومافكرتي انج كبيرة في العمر و احتمال يكون هذا اخر واحد يتقدم لج !! حبيبتي العمر ابدا مب مشكله !! وكل ماكان الزوجين اقرب في العمر كل ماكان التوافق بينهم اكبر .

نصيحتي لج يا غاليه لاتفوتين عليج الريال إذا كان صاحب دين وخلق واهلج راضين فيه ^_^

والله يسعدج في الدارين

 

[حضني حييييل]

هلا حبيبيتي لا يهمك الاعمر اهم شيء الاخلاق ودين وكلام الناس لايهمك اهم شيء اهلك وانتي... انا من ناحيتي زوجي اكبر مني بسنه والحمدلله تفكيير واحد.. استخيييري ربك اكثر من مره وانشالله خيير ولا يهمك الاعمر صدقيني وبعدين كلام الناس لا يروح ولا يودي اذا تزوجتي تكلمواا واذا ماتزوجتي تكلمواا ماعندهم سالفه اللى للحش هذا حال الدنييا بس اهم شيء الطنييش وأسفه اني طولت عليك هذا رأي وانتوا شرايكم؟؟؟؟؟

 

[وردة العشاق]

اذا كان ابن حلال ات تفوتينه اجل تبين شايب علشان يكون اكبر منك او معرس ومعه اعيال

استخيري ولا يروح من ايدك

 

[وردة العشاق]

تصحيح لا تفوتينه

 

[العيون السهرانة]

انت استخرت واستشرت وتوكلي وخليج رااااضية إذا ما شي يعيبة من الأخلاق والدين يلا ازهبي ونتريا عرسج حابين نفرح وياج..هه ههههههه.

 

[ana ajnn]

قوة امراءه

حضني حيل

وردة العشاااق

العيون السهرانه


والله ريحتوني الله يوووفقكم يارب ولا يحرمكم من تحبووون

 

[سنبله ذهبيه]

ياقلبي الله يوفقك ويسعدك بس عادي العمر انتي باهتمامك بنفسك ودلعلك وحلاوتك تباني اصغر استخيري واتوكلي على الله وحلو لما يكون قريب من سنك لا صغير ويعايرك ولا كبير يكون شبع من الدنيابلله عليكي لاتنسيني بدعايك ليا بقضاء حاجتي وان شاء الله افدتك :icon30:

 

[رجاي الله]

مااعتقد ان فيها شي اذا كبرك حريم ياخذون اكبر منهم بعشر سنين عاددي

 

[ياربي انصرني]

اذا كان على خلق ودين ليش تعقدين الامور 00واذا كان كبرك عادي تكبرون وتعجزون سوا 00وكلي امرك لله

 

[اميرة الفل]

اذا انتي مرتاحه 0000000000توكلي على الله 0000000الله يوفقك00000 بعدين حلو تكون الافكار متقاربه

 

[كيان إمرأة]

شعليج من الناس

الناس اذا بتعيشين على حياتهم ! عمرج ما بتعيشين ولا بتفرحين لحظة

خلهم يولون شعليج

تقولين قدج ؟؟؟ توني مقدمة نصيحة في موضوع عن وحدة تقول ان واحد متقدم لها واصغر منها ب4 سنوااات ! والكل داخل يقولها استخيري ويالله اخذيه وان شاء الله فالج طيب

وانتي واهو قدج وخاصة تقولين انج كبيرة في السن وبعد مترددة

ياعمري ما يبي لها تفكير

دام الريال خوش واحد واهله طيبين وصفاته حلوة

متعطلة على شنو ؟؟ اخذيه والله يكتب لكم السعادة

 

[ممددة بالصالة]

اقول استخيري ووافقي ترا الرجال هاليومين بالقطارة لاتضيع الفرصة عليك علشان النقطة مايهم نفس العمر او اصغر او اكبر اهم شئ دينة وخلقة وهو قادر يفتح بيت او لا بالتوفيق والله يييسر امرك :icon26:

 

[ana ajnn]

سنبله ذهبيه
يارب تقضي لها حاجتها
رجاي الله
يارب انصرني

الله يوفقكم وينور طريقكم دنيا واخره

 

[ana ajnn]

اميره الفل
كيان امراءه
ممده بالصاله

الله يجزاكم خير يا بنات ويحقق امنياتكم

بس انا ترى عمرى 23 ما اصبر وانشا الله يرزقني احد في بالي ؟؟؟؟؟؟؟؟؟؟؟؟؟

 

[برآءة]

عادي العمر اذا الرجال مافيه عيوب لاتفوتينه...
انتي استخيري على انك موافقه وشوفي وش رح يصير..
بالتوفيق ان شاء الله..

 

[الزنبي]

الله يكتب لك اللي فيه الخير

 

[القلب الحاني]

الله يوفقك اقدمي على الزواج ولا تفكري في كلام الناس سلفتي تزوجت اخو زوجي وهي اكبر منه باربعه سنوات
وهي الان مبسوطه انت ادا حطيتي كلام الناس ما حتتزوجي ابد

 

[اجمل مشاعر]

نصيحه ياروحي وافقي وان شاء الله ربي يسعدك ويوفقك وعلى فكره في دراسه سووها قبل فتره على الزيجات الناجحه واكتشفوا انو انجح الزيجات الرجال اللي يتزوجوا حريم اكبرمنهم وان شاء الله ياروحي تتزوجيه وربي يسعدك ويوفقك وتدخلي في الدراسه هدي وتكوني من اسعد الناس بس لااوصيكي الاستغفار الاستغفار الاستغفاروالله بالاستغفار حتشوفي الفرح قدام عينك وعن تجربه اقول الكلام دا
دعواتي

 

[غربة احساس]

غريب امرج يا اختي تفكرين في كلام الناس !! ومافكرتي انج كبيرة في العمر و احتمال يكون هذا اخر واحد يتقدم لج !! حبيبتي العمر ابدا مب مشكله !! وكل ماكان الزوجين اقرب في العمر كل ماكان التوافق بينهم اكبر .

نصيحتي لج يا غاليه لاتفوتين عليج الريال إذا كان صاحب دين وخلق واهلج راضين فيه ^_^

والله يسعدج في الدارين

انا معها لاتتركينة والله العمر كلما كان اقرب صار اسهل التفاهم والله ييسر لك امرك ويقدم الي فيه الخير