تكفون يابنات ساعدوني

[سلطانة المشاعر]

السلام عليكم ورحمة الله وبركاته

كيف حالكم تكفون والله محتاجه لكم بكل صدق

أنا ليه فترة اسبوعين وزوجي زعلان عليه على سبب الصراحه ماله داعي

وله الحين اسبوعين مايتكلم معي نهائي ارسالة له اتصلت طلبت انه يسامحني يقول ليه باقي مابعد

عقابتك جلست كم يوم وارسالة له اني مشتاقه له وربي مارد عليه

وش اسوي يابنات


ملاحظه : هو متزوج غيرر وهو شهر عندي وشهر عندها والحين المفروض انه جاين بس ماجاء وش

اسوي

تكفون ساعدوني ​

 

[القلب المفتوح]

الله يصلح حالكم
لكن ممكن تجربي تتركي مراسلته يومين أو ثلاثة وما تردي على أول اتصال أو رساله منه بعد كذا ردي ولما يسألك وينك أو يكون معصب قولي له ما حبيت أزعجك بصوتي خذ راحتك
أما إذا كان هادي ومروق قولي له والعبرة تخنقك .. حبيبي إذا تبغى تعرف شفيني تعال شوف حالي .. وخليك بأحلى شكل ولا تتكلمي معاه عن الماضي اعتبريه توكم متعرفين على بعض وقولي له لازم يسوي كذا
والله يوفقك

 

[سلطانة المشاعر]

الله يارب يسعدك زوجي عنيد طنشت كم يوم وربي مارد عليه

هو يسال عني عن طريق العيال

 

[donea]

الله يكون بعونك

اسكتي عنه ولا تتصلي عليه ولا ترسلي له رسائل راح يستغرب منك وراح هو اللي يدق عليك بس لا تردين من اول مره خليك ثقيله ويبيلك صبر

 

[donea]

طيب اتفقي مع العيال انهم يقولون له انك مريضه لا سمح الله والله معاك

 

[وزيره]

الله يكون بعونك ويسخره لك عليك بالاستغفار وربي بيفرجلك بحول الله

 

[الفتاة البدينة]

ادري اني داخلة عرض لكن ممكن اسالك سؤال مين الغلطان انت ولاهو.. وايش سبب زعله..اعذريني لكن ان كان سبب تافه مثل ما تقولين فهذا يعني انه يبي يتهرب منك او يتغيلا ..لكن انتي ارسلتيله رسايل وهو لاحياة لمن تنادي لذا نصيحة لك لاعاد تراسلينه ولا تكلمينه لانو راح يستغرب منك ويمكن يرد يتصل عليك..ولا تنسين عزي نفسك ولا تذلينها ..:22:

 

[جرح الشوق]

من راي طنشيه اصلا شكله كان يدور ع زعله ف النهايه هو بيرجع لك
وعزي نفسك وكرامتك ولاتقطي نفسك عليه اثقلي يا مره
الله يسخره لك