تكفون يابنات ردوا علي

[(أم عبدالملك)]

الي أخواتي وحبيباتي في هدا المنتدى
السلام عليكم ورحمة الله وبركاته

مشكلتي ان زوجي يخوني وما عندي دليل كافي اواجهه فية
وكلما القي دليل يطلعني اني غلطانة واني انا مريضة وشكاكة
يابنات ابي ردود تواسينى انا مالي حد غيركم بعد الله سبحانة
تعبت بحياتي وكل يوم ابكي مع العلم اني حامل وفي بداية شهرى الثامن
اكتب لكم لاني اعاني واشعر بالم وحسرة ودي اصارخ ودي ابكي

تكفون يابنات ردوا علي

 

[(أم عبدالملك)]

آخر الأحداث
زوجي عندة تلفونين واحد للشغل والثاني لي واكتشفت انه فية اسامي أبوفلانه وابوفلانة اتصلت بالارقام واكتشفت انهم بنات المهم صراحت زوجي وقالي ان هدول بنات دعاره يبون يدمرون حياتنا ويزرعون الشك بيننا وانهم مطرشهم له رفيجه متهاوش معاه ويبي ينتقم منه انا في اللحظة نفسها صدقته لكن مع كثرت طلعاته وسهراته بدأ الشك يرجعلى من جديد
اتصلت على وحدة منهم وقدرت احصل على عنوان بيتها وقالتلي هدا بيت ام فلان
انا اهني شكيت بالموضوع قلت يمكن هدا صج بيت دعارة لانها قالت بيت ام فلان وما قالت ابو فلان
زوجي الحين طلع يسهر برة وما يجي الا الساعة 5 ورى انا بودي اروح للعنوان واشوف سيارة زوجي موجودة هناك والا لا
بس المشكلة ماعندي احد يوديني
ومحتارة وما ادري شسوي
ابي اعرف هل زوجي فعلا يخوني والا انه صديقة يبي يدمر حياتنا

 

[خلود عبدالله]

الله يعنكم والله مرا خوفتوني بعض احيـآن احس كوول الرجـآل زي كدا وشكلي مارح ازوج لوول

 

[عنقود عنب]

الله يسهل عليك ولادتك ويقومك بالسلامة

ما يحتاج تروحين ورا زوجك عشان تشوفين سيارته موجوده والا لا

وش بتسوين يعني اذا كانت سيارته موجودة؟؟

اختي ...انت حامل و الزم ما عليك صحتك و الجنين اللي في احشائك

ما يسوى يصير فيك شي والا اللي في بطنك لا سمح الله شي
اذا ولدتي وقمتي بالسلامة ..ذيك الساعة اشتغلي على موضوع زوجك

ظرفك الصحي لا يسمح لك الان بعمل اي شي من اللي تقولينه

الزمي الدعاء والاستغفار

وربي معك

 

[هموم الكون]

عذر اقبح من ذنب ايش صاحبه وزهم عليه اقول خله يستريح وخوفيه انك بتفضحينه وبعد ماتولدين تاكدي من الامر ولاتتهاونين معه والله الرجال اللي طيبه معهم يمسحون فيها الارض
ولايغرك يهدد لالالا كلام اسالي مجرب

 

[الامل باالله]

عليكي باالدعاء والاستغفاااار فقط ليس لديك حل ثاني
احيي ليلك بالصلاه وألحي على الله باالدعااااء واكثري منه وابكي بين يدي الله وأدعي له باالهدايه
كل يووم وحتى قدامه حاولي تدعيين له بشي زين علشان يحس
واسأل الله العظيم ان يسخر لك زوجك ويبعد عنه بنااات الحرااام ويجعلك بعينه اجمل النساء ولاينظر الى غيرك
اللهما امين اللهما امييين اللهما رده اليها نادمآ ياحي ياقيوم اللهما ابعد عنه وعن جميع شباب المسلمين
الحرام ياذا الجلال والااكراااام

 

[الامل باالله]

لن يسمعك وينفعك غير الله
وعليكي باالدعاء


اللَّهُمَّ إِنِّي عَبْدُكَ وَابْنُ عَبْدِكَ وَابْنُ أَمَتِكَ نَاصِيَتِي بِيَدِكَ مَاضٍ فِيَّ حُكْمُكَ عَدْلٌ فِيَّ قَضَاؤُكَ أَسْأَلُكَ بِكُلِّ اسْمٍ هُوَ لَكَ سَمَّيْتَ بِهِ نَفْسَكَ أَوْ عَلَّمْتَهُ أَحَدًا مِنْ خَلْقِكَ أَوْ أَنْزَلْتَهُ فِي كِتَابِكَ أَوْ اسْتَأْثَرْتَ بِهِ فِي عِلْمِ الْغَيْبِ عِنْدَكَ أَنْ تَجْعَلَ الْقُرْآنَ رَبِيعَ قَلْبِي وَنُورَ صَدْرِي وَجِلَاءَ حُزْنِي وَذَهَابَ هَمِّي إِلَّا أَذْهَبَ اللَّهُ هَمَّهُ وَحُزْنَهُ وَأَبْدَلَهُ مَكَانَهُ فَرَجًا

 

[ألماسة آسيه]

لا حول ولا قوة الا بالله
ولا اله الا الله
مدرى وش اقول
احسني الظن وتوكلى على ربك
ودعيه ربه دينه وامانته وعرضه الذي لا تضيع ودائعه

 

[(أم عبدالملك)]

خلود : لا مو كل الريايل خونه لاتاخدين فكرة سيئة عن الزواج
الله يسعدك ويرزقج بالزوج الصالح اللهم امين


عنقود عنب : بس والله الشك دبحني بالعكس لو اروح واعرف واشوف سيارته موجودة والا لا يرتاح ضميري اشوية

هموم الكون : والله ما اقدر اتحمل اكثر من جدي انا تعبت كل مرة اصارحة بالموضوع واصيح وابكي واقوله عطني تلفونك ليوم واحد بس والا وديني بيت اهلي يرد على يقولي اوديج بيت اهلك بس البنات اخليهم عندى هو الخبيث يعرف ان بناتي نقطة ضعفي وما اقدر اتخلى عنهم وبعدين اشلون اخوفه وهددة اني افضحة يمكن يكون كلام زوجي صحيح وان رفيجة يبي يدمر حياتنا

خلود وعنقود عنب وهموم الكون
الله يوفقكم ويحقق اللي في بالكم والله يسعدكم ويفرج همومكم مثل ما اسعدتوني بردودكم

 

[(أم عبدالملك)]

الامل باالله : جزاك الله خيرا واسعدك الله دنيا واخرة
والله انا قبل صلاة الفجر بنصف ساعة اصلي ركعتين وادعي ولولا الدعاء كان انتهيت بس الحمدلله على كل حال الله يصبرنا ويهدي كل زوج خاين ومقصر

الامل باالله : أشكرك ودكرتيني بشئ مهم اني استودعه الله الدي لاتضيع ودائعه
الله يسعدك دنيا واخرة اللهم امين

 

[نفسي اضحك]

لا تهتمي مافي احد يستاهل هذي اليومين اهتمي بنفسك وحبيها ودلعيها ولا تحرميها منشي طبعا عاى قد امكانيات زوجك طالما انه قاعد ينكر يعني لسه يحبك وخايف على زعلك حبيه وهو قدامك وهو بيتك ودلعيه وحني عليه وإنسي الجوال ولا تفتشيه ولا تفكري فيه وهو برا البيت (حاولي) ولاتعاتبيه ولا تصارحيه افرضي احترامك عليه لاتكوني لصقة ولا تكوني بعيدة عنه الرجال صعبين اعتبريه تحدي ولازم تكسبيه اعتبري مجنون ولازم تعقليه خليه عشيقك اللي ماراح تتنازلي عنه لبنات الحرام هذا كله بينك وبين نفسك لاتحسسيه انك تعرفي انه كذاب صدقيني راح يرجعللك من غير ماادوري عليه بالشوارع اهم شي كمان ادعيله ان الله يهديه وإن الله يصبركي (11سنة زواج )

 

[(أم عبدالملك)]

نفسي اضحك ... اهو ما يستاهل مايستاهل بش شسوي ما اقدر
الحين انا صارلي ثلاث ايام زعلانه عند بيت اهلى واهو كل يوم يقولي ردي بس ادري فية ادا رديت ماراح يسهر يوم و يومين وبعدين راح يرد لعادته القديمة السهر
انا الحين ميته من القهر ادري فية الحين طالع البر ومونس نفسه وما تدرين مونس نفسة مع ربعه والا مع بنات ابليس
حسبي الله ونعم الوكيل
انا لله وانا اليه لراجعون اللهم اجرني في مصيبتي واخلفني خيرا منها
الله ينتقم منكم يابنات ابليس
وان كنتم صج بنات دعارة الله يسلط عليكم من يمسكم ويفضحكم
الله ينتقم منكم ويدمر حياتكم مثل ما دمرتوا حياتي وانتم اكثر

 

[(أم عبدالملك)]

نفسي اضحك ... اهو ما يستاهل مايستاهل بش شسوي ما اقدر
الحين انا صارلي ثلاث ايام زعلانه عند بيت اهلى واهو كل يوم يقولي ردي بس ادري فية ادا رديت ماراح يسهر يوم و يومين وبعدين راح يرد لعادته القديمة السهر
انا الحين ميته من القهر ادري فية الحين طالع البر ومونس نفسه وما تدرين مونس نفسة مع ربعه والا مع بنات ابليس
حسبي الله ونعم الوكيل
انا لله وانا اليه لراجعون اللهم اجرني في مصيبتي واخلفني خيرا منها
الله ينتقم منكم يابنات ابليس
وان كنتم صج بنات دعارة الله يسلط عليكم من يمسكم ويفضحكم
الله ينتقم منكم ويدمر حياتكم مثل ما دمرتوا حياتي وانتم اكثر

نفسي اضحك الله يوفقك ويسعدك ويجعل حياتك كلها سعادة

 

[عطريه]

معضمهم كذا لاكن المشتكى على الله ارجعي لموضوعي خيانه زوج وتشوفين حتى تصدقين انها صارت ضاهره