تكفون يابنات الرياض

[تمشي ولاهمها]

اهلين ياحلوات :5:
ابغا مساعدتكن لانني عندي فرح اخوي ان شاء الله وابغا خياطة حلوة ورخيصة في الرياض.ابغا الرد لانني جديدة على الرياض ومااعرف فيها شي.

 

[تمشي ولاهمها]

وينكم يابنات الرياض مافيه احد يرد ماتوقعتكم كذا

 

[وردة تركواز]

ان شاء الله بنات الرياض يساعدوكي

 

[تمشي ولاهمها]

شكرا ياوردة تركواز .تكفون ردوا

 

[الفااتنه]

هلاوالله اختي انصحك تشتري جاهز لان الخياط مررا غالي ويكلف ومالك االاخياط رجالي الي في حي الملك فهد شارع الخياطين الرداء الاحمر والمملوحه خياطهم صرراحه روعه بس جيبي موديل واضح ومقااس مضبوط والله يفرجها علييك ياررب

 

[مكان القمر]

ماعندي علم
بس سوي بحث بقوقل اكتبي نفس سؤالك بتطلع لك اجوبة كثير
بس لاني مو من الرياض ماعرفت احدد لك يوم سويت بحث لك

دعواتك

 

[اوقات]

فيهالمصممه ساره من مشغل ساره
شارع سدير في السويدي
أنا مجربتها. شغلها حلووو
وتخلص. بسرعه. اذا. أغراضك كامله

بس. غاليه. فوق الألف طبعا. حسب. الشغلاللي بالموديل

ان شاءالله أكون افدتك
ردمتي. بوود**

 

[دموعي شي معتاده]

انا من الاحساء بس حبيت ارفع الموضوع

 

[أسيرة هواه]

أنا عندي كم فستان مفصلتها أيام زواجي ومالبستها ولو أعرف كيف أنزل صور ان كان زلتها اذا لسه ماحصلتي كلميني عالخااص​

 

[فجر..]

البنات ماقصروا

 

[nasser' wife]

روحي مجمع الحياه مول دوري وخوذي لك فستان احسن لك من حوسه الخياط

 

[زهرة الجلنار]

عندك مشغل اللولوه البيضاء بالروابي بجانب بساتين القصيم خياطتهم حلوه

 

[تمشي ولاهمها]

مشكورين على الردود هذا هن بنات الرياض والله كفوا

 

[تمشي ولاهمها]

بسأل اختي الفاتنة الله يجزاك خير عن حي الملك فهد هو طريق الملك فهد وين مكان الخياطين بالضبط

 

[تمشي ولاهمها]

وين مكان دار سارة بالتحديد وحي الروابي والله ثقلت عليكم

 

[قاهرة الزمان]

مايميدك تفصلين لان الخياطين مزحومين بسبب الصيفيه خوذي جاهز والله حلوات وروعه لاكن لاتنسين تعزمين البلقيسات هههههههههههههه:37:

 

[ريدا الشامخه]

انا انصحك بأسواق المتنبي الي بالملز على حسب فلوسك بتلقين بس من الف وخمس ميه وفوق وتبين من المصمم نفسه او تجيبيلك موديل على ذوقك وان شاء الله تلقين الي تبين

 

[تمشي ولاهمها]

مايميدك تفصلين لان الخياطين مزحومين بسبب الصيفيه خوذي جاهز والله حلوات وروعه لاكن لاتنسين تعزمين البلقيسات هههههههههههههه:37:


مشكورة اختي بس الزواج في شوال ان شاء الله ويمكن يمداي واكيد البلقيسات اول المعزومين ان شاء الله

 

[تمشي ولاهمها]

انا انصحك بأسواق المتنبي الي بالملز على حسب فلوسك بتلقين بس من الف وخمس ميه وفوق وتبين من المصمم نفسه او تجيبيلك موديل على ذوقك وان شاء الله تلقين الي تبين


مشكورة اختي بس بسألك ممكن اجيب الموديل وهويجيب القماش

 

[قاهرة الزمان]

ماكانك سارقه ردي اختي تمشى ولا همها