تكفون والله تعبت

[ندى الزهووور]

السلام عليكم ورحمة الله وبركاته

الله يخليكم بقولكم قصتي والي عندها خبره ولا خلفيه تطمني الله يحفظكم

انا اخر دوره لي كانت 18 - 8 -1431

وحللت برمضان بتاريخ 17 قالو حامل

الحين انا تقريبا حملي شهر ونص على كلام الدكتوره

المهم رحت لها قبل فتره وقالت مافي نبض وقالت تعالي بعد اسبوع احتمال الغازات وكذا مو واضح

المهم رحت لها امس بتاريخ 24 _10 وقالت لي مافي نبض ابد والجنين ماتغير حجمه على حجمه يعني شهر ونص

وقالت بتاكد وسوت لي سونار مهبلي وقالت مافي نبض

والله احس ماني مصدقه قريت بالنت كثير يقولون ان النبض يبدا بالبالشهر الثالث

الدكتوره كتبت لي تحويل من شان التنظيف وانا مادري احس مو مستوعبه

من صار لها مثلي ولا سمعت عن وحده مثل حالتي سوت سونار مهبلي وبعدين صار في نبض

تكفوووووووووووووون جاوبوني واللي يرحم والديكم

لا اله الا انت سبحانك اني كنت من الظالمين

 

[غلاحبي]

يارب اجبر بخاطرها يارب اتمم حملها

 

[احساس الدنيا]

الله يتمم حملك

روحي لدكتورة تانية واطمني

 

[انتوا سموني]

أعرف وحده نفس سالفتك لكن ماأهتمت لكلامهم لأنها ماكانت

مستوعبه مثلك بطنها يكبر عن الشهر اللي قبله وكنت اشوفها

بعيوني وعلى كذا كانت تتوحم وتتعب يعني أعراض الحمل كلها

واضحه عليها علشان كذا ماخذت بكلامهم .....

لكن لما كملت شهرين ونصف جاها ألم فضييييييييييع ومن بعده

سقطت لأنه صار حمل كاذب وعلى قولت الدكتوره لها هذا كيس

فاضي (( سبحان الله ))

أنا ماقلت هذي السالفه عشان أحطمك كثر مااحرصك على نفسك

روحي لمستشفى ثاني مثل ماسوت زميلتي علشان تقطعين

الشك باليقين وتتأكدين

وأن صار صح لاتزعلين الواحد مايدري وين الخيره فيه

قال تعالى : (( وعسى أن تكرهوا شيئا وهو خير لكم )) ....

وبعد لا تيأسين اللي عند ربي أكبر ,,,, والله كريم

 

[ندى الزهووور]

جزاكم الله خير

يارب ياكريم يطلع كلامها خطا ويكون بصحه وعافيه يارحمن

 

[halv mooon]

والله أنا يأختي بولدي الاول صار معاي زي كذا
كان أخر دورة في24 شعبان وجاء رمضان ومانزلت الدورة وحللت في 10شوال في البيت وظهر خطين
وبعده رحت المستشفى سوت لي تحليل دم قالت باين بس خفييف مرة وسوت لي سونار من فوق وقالت مافي كيس اصلا وقالت ارجعي بعد اسبوع اشوفه مرة ثانية ورجعت بعد اسبوع وسونار مهبلي ونفس الكلام مافي كيس
خليتها ومارحت لها ورجع دكتوري اللي انا اتعالج عنده ورحت وسوالي سونار من تحت الا وهو كيس موجود وفيه الجنين وعمره 6اسابيع وهذا هو موجود حبيبي عمره 2 و5شهور ربي يخليه ليا ولا يحرمني منه آمين

​

 

[فوضى مشاعر]

الله يكرمك ويفرح قلبك..