تكفون منو يقدر يساعدني

[تقوي الهجر]

والله تعبت نفسيتي واحس اني قاعده انهار محد راضي يساعدني فرحت ابجية الاستاذه ناعمه للكويت ورحتلها هوي علشان اكلمها وترجيتها تسمع موضوعي لكن ارفضت والحين اطلب منكم ال عنده فكره ولو بسيطه لايبخل علي زوجي خاني وانتهي الموضوع لكن تدرون وين المصيبه اني رضيت بالمصيبه لكن هو لاءءءءء ********قبل تسع شهور سافر الحبيبته في ديرتها ويوم رد كان منهار نفسيا يبكي ويصدد عني طبعا انا ماكنت ادري شالسالفه ويوم سالته قالي ابكل وقاحه ان ال يحبها تركته انصدمت وسكت وبعد لما استوعبت الموضوع قلتله خلاص انا بروح لهلي ضحك وقال لاء اضحك معاك مافي احد في قلبي غيرك وصدقت اكيد بتقولون عني صج غبيه لكن الواقع اني كنت عارفه لكن ابي اكذب نفسي علشان اعيالي المهم سافر بعد اسبوع من هالسالفه علشان يكمل دراسته ودقيت عليه في يوم من الايام علشان اتطمن عليه وانصدمت ان التلفون مايرد اقصد انه مغلق علي طول شكيت انه راح الديرت حبيبته مت من القهر ودزيتله فعلا انك ازبالة انت وال معاك لكن الصدمه يوم دزلي مسج قالي اخذي اغراضج وروحي لهلج اذا جيت بطلقج واخذت اغراضي ومشيت لهلي ويوم جاء بعد الكل كان يسولف عنه انه بس يمشي مثل المجنون ويبكي علي فراق حبيبته ويقول حق الناس ادعولي ان الله يرد حبيبتي ويوم نادوه اهلي قال خلاص بطلق بنتكم وفعلا طلقني والحين بين فتره وفتره يدق علي علشان يسال عن العيال ومرات يطلب مني الجنس الهاتفي وطبعا انا ارفض لكن شسوي في هالحاله وشال قااعد يسير معاي والله احس اني في حلم

 

[ملكة الرووح]

الله يعينك ويفرجها علينا

 

[أنا حرهـ]

اللي يصير معاك يا قلبي انك طحتي بواحد وسخ وحقير واناني (اسفه بس قهرني)
خلاص طلقك وباعك واللي يبيعك بيعيه ولا تتألمي عليه ..اجلسي مع نفسك واعتبريه مات وترحمي عليه ..
انتي غلطتي لما كان يبكي على حبيبته سكتي ومشيتي الموضوع كان المفروض وقفتيه عن حده ووضحتي له ان كرامتك فوق اي شيء ...دائما الرجال ما يحبون الاشياء السهله ...ويشيلون من اعتباراتهم العشره والايام الحلوه والعيال..
اناني وما يستاهلك..

 

[عنقود عنب]

يا الله يا اختي

ربى ضارة نافعة

هذا انسان مو طبيعي ....الحمد لله ان ربي خلصك منه

كيف يطلقك و يكلمك ...لا مو بعد كذا ...الا يبغي يمارس معك جنس بالهاتف ...الله اكبر

بعدين انت اختي ما يجوز لك تكلمينه

اذا هو اتصل خلي احد من اهلك يرد عليه ...امك او اخوك يكون واسطة بينكم

شي اكيد المكالمات معاه راح تجركم الى اشياء ثانية

وهذا حراااااااااااااااااااااااااااااااااااااااااااااام

اقطعي اي اتصال معاه

استغفر الله

 

[دلوعة عبدالرحمن]

حبيبتي انت لازم تتداركين الموقف باسرع وقت ... انت تقولين انه حبيبته سافرت يعني علاقته معاها انتهت
ليش تحدين زوجك لها بهالاسلوب ..زوجك باين عليه من النوع العاطفي والرومانسي ...عشيقته اذا عرفت انه لهالدرجة متمسك فيها راح تفرض شروطها عليه وترجع له ويمكن يطلقك نهائي ... بس هو الحين متمسك فيك ارجعيله باسرع وقت قبل لا ينهد بيتك .. زوجك في ازمة لا زم تتحملينه !!
حتى لو حسيتي انك مجروحة لانه كل اللي حاس فيه تجاهها مجرد اوهام ... انا عارفة انه كلامي ممكن يضايقك بس هذا الحل السليم ...
لازم تعوضينه عنها.. مع الوقت راح ينساها .. وراح يندم على اليوم اللي عرفها فيه!!
وانصحك انك تقري قصة برود ومطر للاستاذه ناعمة
اعتقد انه زوجك من النوع الجنوبي

 

[تقوي الهجر]

جزا الله خير كل وحده ردت علي ***** بس برد علي ال تقول لازم تردين له هو اصلا ماقال لي ردي وال تقولي لاتكلمينه اصلا انا طلبت منه ماعاد يتصل عل والله لايوريكم ال شفته

 

[فنووون]

حياتي والله قصتج تحزن ...الله يعينج ويصبرج...واذا اتصل لاتردين عليه ولاتسمعينه صوتج.واذا على عياله خليهم هم الي يردون على مكالماته واحقريه ولا تردين عليه والي باعج بيعيييه وبرخيييييييييييص....

 

[دلوعة عبدالرحمن]

انا قولك كيف تخلينه يردك ... اذا طلب منك الجنس الهاتفي كلميه وولعيه فيك وقوليله ما اقدر اصبر على بعدك وهو في عز رغبته وانك مشتاقتله ومشتاقه لحضنه ..ومن هالكلام لحد ما يجي ياخذك واذا جاء ياخذك خلي العيال عند اهلك وروحي معاه ولا تتشرهين كثير عليه ..صدقيني راح ينساها مع الوقت لانه انت زوجته حلاله وهي مجرد وحده رخيصه ..
صدقيني اذا طلبتي الطلاق راح تندمين على الاقل انك ما حاولتي!!
الله يهدي سرك ويرده لك احسن من الاول

 

[تقوي الهجر]

افهمي قصتي

اختي دلوعة عبد الرحمن لو انج قريتي سالفتي عدل كان عرفتي اني انا اصلا تطلقت وال يذبح انه قبل لايطلقني كنت متساهله معه لابعد الحدود وكل ماطلب مني اطلع ارووح ومن غير لا اتشره عليه يعني كنت له العشيقه لكن سبحان الله مافاد معاه وطنشته وطلقني وبعد طلاقي ابشهر صار يدقدق ابعذر انه يسال عن العيال ولما ارد طبعا رسمي يبدا ال قلتلك عنه الجنس الهاتفي وانقهرت منه وقلتله خلاص مابينا اي اتصال بس بعرف هو اي نوع من البشر يعني شنو تفسير ال قاعد يسير

 

[حبيبت رشيد1]

الله يفرج همك ويسرلك امرك ويعوضك بواحد احسن منه

 

[جروح الزمن]

اسمحي لي هذا اذا اتصل عليك تفلي في وجهه وسكري لأن هالشكال مايستاهلون تفكرين فيهم وخليه يولي واهتمي في نفسك اهو الحين في غيبوبة صدمة حب صبري يصحه ويحب ارجولك عشان ترجعين له واذا بغى عياله يكلم ابوش ولا اخوش ولاتكلمينه ولاتعطينه وجه وخليه يحس بقيمتك اذا فتحتي له باب الجنس وانتي مطلقه منه بيقول عليك انك ماتسوين وصخه وسويتيها معاه عشانك محرومه من الجنس ومشتهيته وغير وغير انه اذا صحى من صدمة الحب بيروح يتزوج غيرك ولاراح يعبرك واسفة على كلامي الجارح لاكن يمكن يصير ادواك

 

[زهرة البنفسجيه]

انا مع البنات سكري في وجهه ولاتعطيه فرص خليه ليما يطق علشان يعرف قيمة الخساره الى خسرها بكره يندم ويحاول يرجعك

 

[طيف الروح]

الله يفرررررررررررررررررجها عليكي


يمقرب القلوب قرب قلب زوجك منك

 

[دلوعة عبدالرحمن]

انا اسفه اختي انا كنت مفكره انه طلقك طلقه وحده لها رجعه ..على العموم مدام السالفه كذا انا رايي من راي الاخوات اللي ما قصروا في ردودهم ...اهم شي تهتمين بعيالك وتطنشينه ولاعاد تردين عليه ...اذا شفتي رقمه خلي واحد من عيالك يرد عليه او احد من اهلك ..وريحي نفسك ..وحاولي تغيرين جو اطلعي وتمشي انت وعيالك وشيليه من راسك ..

 

[ام المزون]

اللة يصبرك على المصيبة اللى انتى فيها

 

[سلة فواكه]

حبيبتي سمحي لي صحيح هو غلطان ومليون غلطان
لكن المره اذا زوجها خانها ماتروح تجابله بطوله لسان ووقاحه ,, تحاول انها تتدارك الموضوع عشان ما يصير ضدها
يعني انتي دزيتي له مسج انه زباله ومادري شنو هذا كلام ينقال لريال ؟؟؟ اكيد بتكون رده فعله جذي
انا ما اقول هو صح وانتي غلط بس انتي يا قلبي تسرعتي وما عرفتي تفكرين صح
ما الومج القهر يسوي اكثر
خلاص دام هو راح من حياتج خليه يوليه وعيشي حياتج صح من جديد

 

[me~4~you]

بصرااااااااحه الرياايل ينو ويبون لهم ادب خلاص كله خيانه خيانه مفروض ينزل قانون اللي سبق وخان ولعب بذيله خلاص مرفوض من كل القبائل ولاحد يزوجه عشان صج مايبقى لهم حد شريف ييب لهم عيال بطرون ييبون عيالهم من اللي مايتسمن وخلاص بيعرفون معنى الشرف والبنات الشريفات ييبون الحريم بس للعيال عشان امه بنت ناس ومتربيه وحضرته يسوي اللي يبى لكن ابى عصر الرجل ينتهي ويبداء عصر المراءه الحديديه ....ولا شو رايكم ومن ناحيه موضوعج انا مع الاخوات طنشيه مايستاهل عيونج...هن اغلا من عشره مثله احقريه وخليه فك شهواته عند اللي مورياته الشغل خلنه مثل المجنون ورجع عندج ليه جنانه وخباله وخيانته وشهواته عندج بس والحب والمشاعر لهن ليه حبيبتي لو اتصل قولي النمره غلط وسكي في ويه ..

 

[أحلى رواضي]

الله يفرج مصيبتج يا اختي

 

[المرهفة]

هو شو حاسبك لعبة؟متى ما بغى يخون خان ومتى ما بغى يطلق طلق ومتى مااشتهى وما لقى غيرك راح يكلمك كلام جنس؟
هو حاط في باله انك طيبة وساذجة(سامحيني)
عشان كذا ما تورع يطلب الجنس معك بالتلفون..لو غيره كان استحى انه يكلمك اصلا بعد اللي سواه

 

[زوجة المستقبل]

يا اختي زوجك مريض نفسيا او مسحور مستحيل انسان عاقل يسوي كذا احمدي ربك انه طلقك واللة يرزقك الي احسن منه