تكفون .. محتاجة مساعدة عاجلة!!

[ورود الامل]

انا متوهقة ومحتاجة اصحاب الخبرة!!

اشتريت شقة في دبي بيكتمل بنائها في اول 2010 ان شاء الله لغرض استثمارها
وما عندي خبرة وايد في العقارات وتصورت اني باقدر ابيعها بسهولة

دفعت 10% من ثمنها والحين متأخرة على دفعتين 10% و10% ثانيين
وما اقدر ادفع .. بصعوبة ممكن دفعة واحدة لكن اكيد ما باقدر استمر

شرحت الكلام هذا للشركة قالو لي ممكن نبيعها لج وطبعا من 5 شهور ما حصلت ولا عرض!!
مع انها في الجميرا والمشروع ممتاز وكل الناس تبيع وتشتري الا انا!!!!

فكرت امولها على البنك (مصرف الامارات الاسلامي يمولها) لكن بصراحة اخاف من الدين وانا وظيفتي مب ثابتة .. واخاف بعدين سوق العقارات ينزل وانا ما اقدر اغطي القرض!!

انصحوني كيف ابيعها؟! انا ما ابى اربح فيها وايد .. كفاية اغطي خسارتي مع انها تربح لكن الله مب قاسمنلي الرزق من وراها!!

 

[nada]

السلالام عليكم عزيزتي

يظهرلي ان الشقه التي اشتريتها استثمار جيد خاصه وانتا اشتريتها قبل البناء ومعرووف انه بمجرد انتهائها سيرتفع سعرها يصل في بعض المشاريع الناجحه الى الضعف لكنك لم تحسبي حساب مميزات السوق العقاري

فاكثر ميزه تفرقه عن باقي الاستثمارات ان عمليات البيع والشراء تتم على المدى الطويل

اي انك لا بد ان تصبري فتره قد تصل بعض الحالات الى اكثر من سنه لتتم عمليه البيع

ونحن الان دخلنا تقريبا الى بدايه حاله الركود النسبي في سووق العقار نتيجه للارتفاع الهائل في مستلزمات البيناء

لو كنت تستطيعين دفع اقساطها كنت نصحتك بعدم الاستعجال نهائيا

وما ترينه من شقق تباع وتشترى هي نتيجه العلاقات والسمسره من اصحابها

اعرضي شقتك على مكتب عقاري جيد لتسويقها وتصريفها بمعرفته وخبرته

واتمنى لك التوفيق

تحياتي

 

[ورود الامل]

جزاك الله الخيرالغالية ندى

يعني تنصحيني امولها على البنك؟
شلون اجراءات الدفعات المتأخرة لان علي نسبة غرامة عن كل شهر تأخير؟

او ممكن امولها على البنك لين تنباع بسعر زين؟ لاني اذا ما عرفت ابيعها اكيد ما باعرف ءأجرها!!!

 

[ورود الامل]

ملكاتي واميراتي

انا عرضت شقتي للبيع مع مكتب استثماري وباعرضها عليكم بعد

الشقة في الجميرا (قرية الجميرا الجنوبية) غرفة وصالة مساحتها 993 قدم مربع وتطل على حمام سباحة والبناية على شارع رئيسي

بها كل مستلزمات الرفاهية كبتات وغرفة ملابس وتكييف مركزي وامن على مدار الساعة الخ الخ الخ

انا ما اعرف احمل صور لكن باحاول احمل المخطط :dunno:

اشتريتها بسعر 850 وابى ابيعها ب 950 الف درهم لان بادفع فرق السعر غرامات تاخير للشركة!!!

بدأ البناء بها في شهر 10 2007 وبينتهي ان شاء الله في شهر 9 2009

الشقة وايد حلوة واستثمار ممتاز لكني ما اقدر اكمل دفع الاقساط غير اني ما عندي علاقات علشان اقدر ابيعها او ااجرها .. واللي تحب تستفسر عن شي انا حاظرة :blushing:

 

[ورود الامل]

سوري خطأ مطبعي!! البناء بينتهي 1 2010
حسب العقد مفروض ينتهي 9 2009 لكن الحين يتوقعون ينتهي في اول 2010 والدفعة الاخيرة من الاقساط بعد تسليم الشقة يعني التأخير ان وجد على حساب المقاول

 

[ورود الامل]

هذا مخطط الشقة وهي في الطابق العاشر

 

[قـطر الندى]

نصيحتي لك يا أختي ........... ادعي من بيده الامر ........... من أمره بين كن فيكون ......... أسالي الله وكوني على يقين بان الله سيعطيك ..............​

 

[f6mi-uae]

بس فعلا حرام تنباع انتى ما اشتريتى لاجل البيع ..

انا من راي حاولين تغطين الدفعات عن طريق تمويل او بنوك اسلاميه ماعندي خبره ...بيهم بس وعقب ما يجهز تأجرينه بينفعج وايد انا يالسه ادور لي عقار بسعر مناسب بدبي وبشوف تمويل كيف سالفتها لان مشكلة الدفعات قريبه وانا يدوب موظفه حكوميه وتعرفين الرواتب بس ابغيلي شئ لي والعقار مش خساره بيه

 

[ورود الامل]

الله يجازيج الف خير الزمردةالخضراء .. ما تتصورين اشكثر اثرت كلماتج فيني وريحتني ..يوم نفكر وايد في الدنيا ننسى احيانا ان فوقنا رب كبير بايده كل شي وهو الرحيم علينا والله اني دعيتلج من قلبي مب بس لان كلماتج ريحيتني وايد بس لانج ذكرتني باهم شي في الحياة .. اللهم اغفر لنا و قربنا منك وييسر لنا امرنا وفك كربنا وارزقنا خير الدنيا والاخرة


اختي f6mi-uae
اسعدني رايج ومرورج بارك الله فيج
انا افضل البيع وتركت التمويل كحل اخير لان وظيفتي مب ثابتة فما ابى امولها والله لا يقدر اخسر وظيفتي وما اقدر استمر
والصراحة العقار استثمار ممتاز خاصة دبي وانصحج تحسبينها زين قبل لا تدخلين وتتاكدين من الشروط اذا ما قدرت تدفعين لاني عرفت ان بعض الشركات تكتب في العقد انها ممكن تشتري منج الشقة مع ربح معين اذا حبيتي تبيعي لهم بعدين وطبعا هذا خيار عملي اذا لا قدر الله اضطريتي تبيعي

الله يرزقج حبيبتي ويرزقنا جميعا

 

[نهد الوجنتين]

اختي ورود الامل

عندي مشتري ممكن يشتري الشقة

يا ريت نتراسل على الخاص