تكفون لولا الهم ماجيتكم .. لاتخيبون ظني

[مطعونه بملعقه]

السلام عليكم..

اهلين بنوتات بلقيس الحلوات..

طبعا انا اول موضوع لي هنا وماسجلت بهالمنتدى وكتبت

فيه الا بعد ماالهم ذبحني عاد ارافن بحالي وردن علي

< اخلصي عليهن

المهم المشكله عند ولدي اللي عمره 3 سنين وشهرين..

ولدي تاخر بالنطق يعني مايتكلم ابد الا اللهم

ماما وبابا ويقولهن وهو يلعب بعد يعني مايناديني

وعنده تطنيش لما اناديه مايلتفت لي الا بحالتين

إذا حطيت نفسي ابكي او إذا جلست انشد له يابابا اسناني واو

هو بسم الله عليه ذكي وحركي كثير يحب قناة روضه وطيور الجنه

اختبرت سمعه زين واذا بغى الشي يمسك يدي للي هو يبي

يمسك الاشياء ويصفها جنب بعض وياخذ المتشابهات

وعنده خووف اذا رحت لي احد غريب من اول ماادخل يصيح عاد مايسكت الا بعد

ماينشف دمي

مدري وش حالته خايفه يكون توحد المهم ابي اي وحده مرت بهالمشكله

تعلمني ذبحني الهم ..

يارب ارحمني انتظر ردكن​

 

[فــيـــو**نكه]

ياعمري لو أعرف الحل كان أديتك بس مو توحد وطبيعي بكائه وأتوقع إن التركيز عنده ضعيف شوي يعني ماينتبه بسرعه

وحياك بالمنتدى وفرج همك وولدك طيب إن شاء الله وإسألي اللي عندهم خبره

 

[الى الله امضي]

اختي لازم ينعرض على الطبيب

ثلاث سنوات وهذا تطوره معناه الله لايقدر بشر فيه مشكله

خذي موعد مع طبيب المخ والاعصاب بيحولكم على اخصائي التخاطب

ويمكن يعملون له اشعات وفحوصات وبعده بيقررون اذا كان توحد اولا ممكن يكون تركيزه متاخر

ما احد يقدر يقيم حالته غير الاطباء

نصيحه اختي والله التدخل المبكر يجنبك بفضل الله مشاكل كثيره

الله يخليه لك ويعافيه يارب ونصيحه لك اختي ابعدي عنه قنوات الموسيقى ماراح

تزيد حالته الاسوء والله حرام تسمحين له يسمعها الله يهديكم

 

[جرح الشوق]

حياك الله بالمنتدى
اسمعي اختي انا ولد حماي كان عمره 3 س ونفس حالة ولدك وتجيه حالة صراااااااخ فظيعه والله ان الراس بينفجر من صريخه المهم امه تمت تخليه يشوف قناة برااااااعم والحمدلله اصبح يتكلم ولكن يتكلم فصيح مثل القناه بالضبط ونسبة صراخه خفت شوي
يعني عادي ما اتوقع ولدك فيه توحد ولا شي بس تحسبا راجعي بيه لدكتور عشان يطمئن قلبك
والله يشفيه ويخليه لك ويشفي بنتي اللهم ااااااامين

 

[الجده الصغيره]

يالغلا لما تكلمينه يناظرك؟.......يركز عيونه في عيونك؟.......

عادي تحضنينه والا يقاوم الاحتضان؟..

 

[^.^lamaaar^.^]

اسال الله رب العرش العظيم ان يشفيه ويشفي مرضى المسلمين ويشفي عبودي اللهم امين
اختي الغاليه لازم يشوفه دكتور مخ واعصاب وهو يقرر حالته
اذا انتي تبع الحرس هناك دكاتره من افضل دكاتره المخ والاعصاب بلمملكه
ارجو اني افدتك ولكن لاعلم لدي في حاله ولدك

 

[دارين نيراد]

انا ولدي عمره سنتين و4 شهور نفس حالة ولدك بس يرد لما اناديه يقول هاه
احس انه ما يقدر يركز ومو راضي يسمعني
الناس تقول لي امسكيه وعلميه وهو ما يرضا امسكه اكثر من ثلاثين ثانيه تقريبا
عنده شوية عنف يضربني ويعض احيانا
ما ينادي ابدا الا وهو يبكي يقول امااااااه يعني مو يناديني حتى
توه بدا يقول بابا بس للاسف يقول بابابا ويرقق الباء ويطلع الصوت يضحك اخواتي يقولون يتكلم فرنسي وعاد ليش يكررها ما ادري
المهم
وديته عند المركز الصحي في الحي حولني لمركز ثاني فحص اولي
وبعدين حولونا لمركز الامير سلطان لذوي الاحتياجات الخاصه عشان يكشفون على سمعه والبصر ويسوون تقييم ذكاء و تقييم نفسي ويشوفون شيحتاج له بالظبط وقالوا لي ثلاث مراجعات مجانيه عشان استشاريه يعني في التربيه اسالهم ويعطوني حلول للتربيه مثلا طبعا للام وللاب وللحين ما رحنا الموعد بروح قريب اذا الله كتب
اذا عندك استفسار انا حاضره

 

[رمقة وفا]

شوفي انا ولدي عمره ست وكلامه مو لهالدرجه بس يوم راجعت فيع قبل لايكون عمره ثلاث قالوا اذا جاء ثللث ماتكلم يكون عنده مشكله وهو قليل التركيز بعد بس اذا ولدك يقاوم التغيير ويكره الاحتضان ويلعب وحده تأكدي من حالته شوفي طبيب اطفال نفسي يقيم حالته والله يشفبه وولدي وجميع المرضى يااارب.

 

[مطعونه بملعقه]

هلا فيكن يالغاليات الله لايحرمكن الاجر..

ويحقق مبتغاكن ويرزقكن من حيث لاتحتسبن

ياللي رديتن علي كلامكن ريحني كثير...

بالنسبه لسؤال الجده الصغيره اي الحمدلله لما اجلسه عندي

وجلس العبه وضحكه يركز بعيوني ويتفاعل معي يعني

مثلا امسك يدي وحطها ع عيوني وقوله بوو يضحك

ويناظرني ولوقفت يمسك يدي مره ثانيه ويحطها ع عيوني يعني سويها

مره ثانيه ويلعب مع اللي يلعبه لو كان غريب

يلعب معي مع عمته مع عمه بكوني ساكنه عندهم الحمدلله مافيه شي

بس علته مايركز معي احسه بس مشغول لعب

وبالنسبه للاحتضان عادي الحمدلله احضنه مايقاوم ولاشي..

انا راجعت فيه قبل وهو عمره سنتين ونص كشف ع كل شي طبيعي

اصلا جلسوا يضحكون علي يقولون واحد ماعنده بزران بالبيت وحيدكم اكيد

ماراح يختلط بالبزران مره ويتعلق بالتلفازيون اكثر بس هالايام بوديه

ماراح اتركه باذن الله..

الله يشفي ولدي ويشفي عبودي ويشفى كل مريض ياكريم

اسفه ع الاطاله وشاكرتن لكن حبوبات​

 

[ميوسي]

الله يشفيه وحاولي تطورين من قدراته اللغويه و انتبهي تتذمرين منه قدامه والله يكون بعونك

 

[مطعونه بملعقه]

الله يجزاتس خير ميوسي ع الرد..

واتمنى رد الجده الصغيره ع سؤالها اللي سالتني اياه

استناه بفارغ الصبر..

 

[طفلي حياتي]

اختي مطعونه بملعقه طف

 

[طفلي حياتي]

السلام عليكم

• كأنك توصفين حالة ولدي بس ولدي مايبكي من الناس وعمره سنتين و8شهور وديته لدكتور نطق من شهر قال احتمال توحد وارسلنا لمركز فرط الحركه وتشتت الانتباه وقال هم يقيمون حالته وموعده بعد شهر الله يشفي ولدي وولدك والمسلمين يارب

ا

 

[أبتسامة ملآك]

انصحك بما يلي/
اول شيء روحي للطبيب مختص بالاطفال والمخ والاعصاب وبعدها روحي فيه لاخصائيه لتقوم بتشخيصه
وفي معاهد التربية الفكريه للبنات مركز تدخل مبكر راح يفيدونك بكل شي

 

[xhx]

نفس حالة ولدي تماما ونفس العمر بعد الكشف طلع عنده توحد وبرضه اول طفل وعادي يحضني ويلعب معي بعض اطفال التوحد صح مايحضنون الام ولايبون احد يحضنه بس ولدي معي ومع ابوه عادي بس غيرنا لا.

ابتسامة ملاك لو سمحتي ممكن تدلينا على مركز التدخل المبكر لاني عجزت مالقيته اللي اعرفه في طريق المدينه وخلف نادي رحت الى هناك ما لقيته

 

[املي بالله قوي]

لرررررررررررررررررفع ماعندي شئ افيده